رواية صائد النساء الفصل العشرون 20 بقلم منة محمد
رواية صائد النساء الجزء العشرون
رواية صائد النساء البارت العشرون
رواية صائد النساء الحلقة العشرون
البارت العشرون
صائد النساء
قصص منه محمد
وقفنا لحد ما نوح فتح الباب ع كارمن الي وشها شاحب كل الالوان
كارمن: نوح هي امك هتفضل هنا
نوح بصلها مستغرب :ازاي عرفتي انها امي وانتي عارفه امي منين؟؟!!!!
كارمن بتوتر: لاء انا مقبلتش والدتك خالص
نوح عقد حواجبه وبستفهام: طيب ازاي عرفتي انها هنا
كارمن بلت شفايفها بريقها : سمعت قصدي نزلت تحت سمعتك بتتكلم مع واحده وقولتلها ماما عشان كدا جريت بسرعه اتخبيت هنا خفت متوافقش ع جوزنا يعني لما تعرف اني مش بنت بنوت
نوح مسك كتافها : ليه بتقولي كدا انا بحبك والموضوع ده ولا يفرق معايا لان ده ميهمنيش لاني بحبك
كارمن ضمته ليها: عايزاك تقولي الكلمه دي كل يوم
نوح حضنها اوي: انا كمان عايز اقولهالك كل شويه انا بحبك يا كرمله وكتير وهقولهالك مره كمان لاني مضطر اسيبك الليله لان ماما عيانه شويه فممكن حبيبه قلبي تسمحلي افضل معاها الليله
كارمن خرجت من حضنه: طبعا هترجع امتي
نوح مسك وشها بأيده: ع الضهر بكره بس ليه بتسألي هوحشك ولا وحشك اصلن
كارمن ضربته في انفه بمزح :يباي ع غلاستك بس عندي موضوع مهم عايزه اتكلم معاك فيه
نوح بهتمام :قولي
كارمن :نتكلم بكره لما ترجع يله جهز حاجتك متخليش امك تستني
نوح راح يجمع شنطه باك اخد فيها غيار لحد بكره وكارمن راحت قعدت ع الفوتيه ومرعوبه لما يعرف الحقيقه ياتري هيكون رده فعله ايه
نوح راح قعد جنبها وضمها :هيوحشني حضنك
كارمن احمروا خدودها: يله يا نوح انزل قبل ما امك تطلع هنا
نوح باس ايدها: هنزل يا حبي وهتصل بيكي اطمن عليكي
كارمن ببتسامه: مع السلامه
نوح :مع السلامه (وباس خدها ) ونزل وهي أأعدت تفكر ياتري بكره لما تقوله هيكمل ولا يكرها ويحقد عليها
……….قصص منه محمد……..
https://www.facebook.com/قصص-منه-محمد-كاتب-110808814814076/
تحت هاله اعدت بتضرب بعينها لقت شنطه صغيره طلت بدماغها تراقب السلم ولما اطمنت راحت فتحت الشنطه تفتش محتوايتها لقت علبه ميكب صغيره اتعمقت اكتر لقت بيجامات ولبس ممرضه اخدته واستغربت جدا وبينها وبين نفسه: ياتري حبيبته ممرضه حست بخطوات نازله لمت الحاجه جوه الشنطه وراحت بسرعه قعدت في مكانها
نوح نازل من ع السلم : يله
وراح قفل البلكونه وبيلف لمح الشنطه جنبها ووقف باستغراب وهو بصصلها
هاله :ليه بتبصلي كدا
نوح:مفيش
هاله :هي دي شنطه حبيبتك
نوح: لاء دي بتعاتي جايب هدومي من عند جدتي(واخد الشنطه حطها بعيد)
نوح رجعلها: يله نمشي
هاله وقفت ومسكت دراعه: يله احسن انا دايخه وتعبانه وجعانه
نوح: طيب يله وناخد اكل من اي مطعم يقابلنا في السكه
هاله مسكت ايده: استني قولت لحبيبتك انك معايا
نوح ببتسامه: اكيد قولتلها
هاله: وهي فكره طبعا اني جيت اخدك منها
نوح: لاء خالص هي مش من النوعيه دي اطلاقا يله بينا نتحرك
نوح طلع وركب امه العربيه بهدوء ولف قعد ع كرسي السواقه لحد ما وصلوا العماره في نفس اللحظه عايشه بتحوم حوالين الجراش منتظرها لقت عربيه ركنت ونزل منها نوح ووراه امه عايشه اتخبت وري العمود بسرعه وطلعت الموبيل وصورتهم ونوح بيحضن هاله لانها تعبانه وهاله بتبتسمله وتحرك ايدها ع خده وعايشه فضلت تصور فيهم بكذا وضعيه لحد ما اختفوا عن عيونها تماما وهي هتطير من السعاده كأنها وقعت ع غنيمه او كنز ثمين!!!
https://www.facebook.com/قصص-منه-محمد-كاتب-110808814814076/
في بيت رغده قاعده متوتره قلقانه وخايفه
رغده حطت قدامها فنجان شاي :شكلك منمتيش طول الليل قولتي لنوح انك رجعتي بالليل عندي
كارمن هزت لها دماغها :كتبت له رساله ومتصلتش كنت خايفه هاله تعرف ان انا الي معاه ع الموبيل
رغده: هتفضلي هنا معايا
كارمن :رغده انا اسفه اني محكتلكيش من الاول واسفه اني قلقتك معايا بس انا كمان قلقانه لهاله تيجي بيت نوح وتشوفني
رغده: قولت لي انه كان هيعرف من ذله لسانك انك عارفه امه
كارمن: انا قولتله انها امه قبل ما هو يقولي
رغده :احسن حاجه تحكيله انك تعرفيها طالما وصل الموضوع للحد ده قوليله الحقيقه
كارمن بخوف لتفقده :خفت اترعبت اول ما سالني تعرفي امي اتوترت وهو اول مره يشوفني كدا رغده انا مرعوبه لو قولتله يغضب ويكرهني وحبه يتحول لحقد
رغده: في النهايه مسيره هيعرف دلوقت او بعدين
كارمن دموعها بتنزل وهي مخنوقه:تمام بس عايزه اعيش معاه سعيده لفتره اطول
رغده: تمام زي ما تحبي
https://www.facebook.com/قصص-منه-محمد-كاتب-110808814814076/
قاعدين عاملين اجتماع عاجل نازل التفت لمصدر الصوت لقاهم قاعدين كشر واضايق وكمل طريقه
هدي: ايه يا ابهم مش هتسلم ع الناس
ابهم وقف مكانه بضيق مش عايز يشوف حد منهم خلاص كرههم ومش قادر يتقبلهم: اهلا بس مشغول جدا ولازم اخرج
هدي قربت عليه:ابهم استني ليه مستعجل يابني مش هتفطر الاول
ابهم :هاكل في المستشفي لاني لازم امشي عن اذنك
هدي وقفته: لاء استني مش هتسأل ليه عايشه ومايسه جاين لي بدري كدا
ابهم مش مهتم: لاء مش هسألك
هدي: انا حقولك من غير ما تسأل عايشه ليله امبارح اكتشفت سر تحب تعرفه
ابهم بصلهم نظره ضيق واتنهد بملامح جامده
مايسه وقفت وبصتله: متبصلناش كدا انا وبنتي مش حابين ندخل في شؤنك بس منقدرش نشوفك مخدوع مره تانيه ونسكت
عايشه: ميهمنيش لو هتغضب مني بسبب ده
ابهم: انا بجد مستعجل
هدي فتحت الموبيل وحطته قدام عيونه: اتفضل شوف
ابهم اخد الموبيل وشاف صور هاله مع نوح وخرج بؤبؤ عينه
هدي: ممكن تسأل الست هاله ايه ده سابت بيتك وراحت تحضن راجل غيرك
ابهم سأل: كان فين ده
هدي بسخريه :مش فاكره ده جراش عماره هاله واظن فاكر الشاب الي في الصوره هو نفسه حبيب كارمن
ابهم بصلها وسألها:امتي لقطي الصوره
عايشه وهي شايفه ابهم المتعصب بلعت ريقها: امبارح
هدي :قولتلك العيل الي في بطنها ممكن ميكونش ابنك فكر شويه يا بني الست الي تقبل تسرف واحد متجوز تقبل ع نفسها كل حاجه وعادي تنام مع راجل تاني
ابهم بنرفزه:امي ممكن تسكتي عن الكلام ده
هدي :عارفه انك زعلان بس مش من حقك تغضب مني المفروض تتعصب ع الغندوره هاله وعايزاك تسألها تاني عايزه اعرف ازاي الامر وصل تاخد عشيق كارمن
ابهم بصلها والشرار طاير من عيونه المحمره بشده
هدي :استني انا اقولك يمكن عشان هما اصدقاء عايشين بنفس اسلوبهم في الحياه الرخصيه ونفس الذوق في الرجاله زوج حب بقي ميضرش
ابهم اخد الموبيل وخرج قعد ع الرصيف وحط ايده بين راسه مش عارف يعمل ايه
…….قصص منه محمد كاتب……
في المطعم
هاله بتاخد تحطله: يله كول كل الاكل ده
نوح: امي كولي انا هعرف اكل انتي الي لازم تاكلي كويس لانك حامل يله خدي كولي
هاله: شكرا يا حبيبي لانك امبارح رفضت تنام ع السرير ونمت ع الكنبه وهي صغيره عليك
نوح: انا كويس متشغليش بالك
هاله بفضول: حتي امبارح فضلت قاعد تكلم حبيبتك في الفراند طول الليل
نوح رفع عيونه وبصلها وسكت
هاله: عارفه انك مش عايز تتكلم عنها بس انا عايزه اعرفها انا امك ولازم اتعرف عليها
نوح: هي جميله ولطيفه جدا
هاله حطت ايدها تحت خدها: بس كدا
نوح ابتسم: لاء وهاديه ورقيقه ومش حاده بس بيبقي قاسيه لما بزعلها
هاله: الرجاله الي توصف حبيبتهم بالقسوه تقريبا مش بيخافوا منهم ومن زعلهم
نوح: عندك حق انا مش بخاف كونها قاسيه انا اوقات خوفي انها متكونش بتحبني نفس ما بحبها
هاله: للدرجه بتحبها
نوح بصدق من قلبه: ايوه بحبها اوي
هاله: حاسه اني غيرت منها ونفسي يكون عندي شخص يحبني كدا
نوح بشفقه: والدكتور مش بيحبك
هاله: لاء بس مش نفس حبك لحبيتك خلينا فيك سيبك من حياتي حبيبتك بتدرس ولا بتشتغل
نوح بجديه: ممكن متكلمش عن حياتي الشخصيه
هاله: بس انا عندي فضول
نوح ابتسم لها وقام : هروح الحمام اغسل ايدي
هاله: عرفت انه بيهرب لقت موبيلها بيرن ردت بهدوء) الو ايوه يا ابهم
ابهم :عايزك حالا في موضوع مهم لازم نتكلم فيه
هاله بخوف من صوته:تمام جايه
هاله دخلت الموبيل في شنطتها لقت الي مقربين عليها
عايشه وقفت ببكبر وغرور وربعت ايدها قدام صدرها: اهلا يا هاله متوقعه القيكي هنا
مايسه: مش دي المره الاولي الي تصادفينا فيها
هاله قربت عليهم وعطتهم نظره قويه : لو جاين هنا تتطفحوا غوري انتي وامك اترزعوا ع تربيزه واطلبوا السم اما لو هنا للرغي ومحتاجه لحد يخرسك اتفضلي ارغي يمكن اساعدك تخرسي للابد لما اخلع جزمتي وانزل بالكعب ع صف سنانك يخرسك
عايشه ردت عليها وهي بتضحك : انا مش رغايه انا جايه اقولك كنتي فين ليله امبارح ياتري لما انا شوفتك
هاله ردت عليها بغرور ومن غير نفس : اسمعي لو عايزه تقولي حاجه قولي دوغري
مايسه: اظن انتي عارفه ليه رجعتي شقتك
عايشه: وايه الي مخبياه عن ابهم
هاله وقفت وعطتهم نظره تخوف : ايه العبط ده
عايشه بستخفاف: سبحان الله معدتك مسطحه جدا انا مش عارفه هي مش بتظهر لانك نحيفه ولا لسبب تاني
مايسه: ولا يمكن السر يفضل مستخبي للابد
عايشه: يله يا ماما نروح ناكل في مكان تاني اصل الناس المحترمه الي زينا ميصحش ينزلوا ويقعدوا مع ناس دونا المستوي
مايسه بصت لهاله بتعالي وكبر : يله بينا
هاله قعدت وهي جواها مرعوبه ليكونوا اكتشفوا انها اجهضت واول ما نوح رجع استأذنت منه انها رايحه الفيلا ضروري وهو وصلها لحد ما ركبها العربيه
…….قصص منه محمد كاتب…….
هاله داخله الفيلا لقت هدي بتأمر الشغاله ترمي شنطه هدومها برا
هاله جريت ع ايد الشغاله وبعصبيه: واخده شنطتي ورايحه ع فين
هدي للشغاله: ارميها برا يله
هاله بتسحبها من الشغاله بحرقه: استني هنا ليه هترميها
هدي بصتلها بوعيد: اقفي عندك واخرجي من بيتي راجعه ليه عشان تكدبي ع ابني
هاله: بتتكلمي عن ايه انا مش فاهمه
هدي: يله ألفي كدبه جديده لانك انتي في الكدب روعه
هاله: انتي بتقولي ايه يا ست انتي
هدي شدتها من دراعها ع برا : اخرجي يا بنت الكلاب من بيتي اخرجي
هاله نفضت ايدها بقرف: اوعي سبيني
هدي بتسحب فيها من طرف بلوزتها كأنها جرثومه: لاء مستحيل تفضلي هنا دقيقه واحده اخرجي يا كدابه يا غشاشه
ابهم داخل يجري: امي استتي يا امي
ابهم بعدها بالعافيه ونفخ بضيق وبصلها : امي بتعملي ايه طيب لو العيل سقط
هدي: اطمن هي مش حامل
ابهم وهو يكتم عصبيته : امي كفايه ارجوكي تأليف قصص عشان تفرقيني عن عايلتي
هدي: انت بتقول عليا كدابه بصرخه مش انا الي بختلق الاكاذيب يا دكتور زي الحثاله دي وبعدين مالك الصبح اتصدمت واكلت زفت لما شوفت صورها وعشان كدا نسيت اقولك حاجه تانيه مهمه انها مومس وبتنام مع الرجاله واتفوقت ع نفسها وبتدعي انها حامل رغم انها سقطت العيل
ابهم عدل نضارته: انتي قصدك انها نزلت العيل
هدي :اه نزلته يا عين امك ولا مش مصدقني
هاله: الكلام ده كدب يا ابهم
هدي: يابت متعمليش نفسك ذكيه عليا اعترفي انك اجهضتي اقولك فكره هقلعك بلبوس حالا واثبتله انه عندك نزيف وحاطه حفاضه
هاله بصرخه: يله لو عندك الشجاعه اعمليها خاليه يشوف مين فينا الكداب
هدي شاورت للشغاله :بت تعالي قلعيها من تحت
ابهم رفع ايده بتهديد للشغاله الي مقربه: ابعدي
هدي: خليكي طالما خفتي منه انا هقلعها
هاله وكأنها فقدت عقلها صرخت على هدي : اياك تلمسيني
ابهم منعها عنها بالعافيه: امي كفااااايه انا خسرت كارمن بالفعل عايزاني اخسر هاله وابني كمان
هدي : يا حمار انا بعمل كل ده عشانك
ابهم بصعبيه: لوكنتي بتعملي ده عشاني لحد هنا واقفي(لف وبص لهاله) اطلعي فوق
هدي بصوت عالي:شوف الواد اخرجي يا بت الحرام من بيتي
ابهم اخد هاله من بطشها وطالع بيها السلم
هدي طلعت وراها وبتشدها :انتي طرشه اخرجي
ابهم قرب من امه وبعدها عن هاله بعصبيه:قولت لك خلاص ( لف ليها) هاله اطلعي انتي وانا هتكلم مع امي
هاله برفض: لاء هفضل هنا معاك
هدي بفرسه: مش هتسيبك لوحدك معايا خايفه اقولك لقيت ايه في حمامها اثبات انها سقطت العيل
ابهم بنرفزه من كلامها واتك ع اسنانه: امييي
هدي زقته من قدامها: بلا امك بلا زفت انت دكتور ازاي لو مراتك حامل ليه الشغاله لقت اللوز في حمامها
الشغاله اول ما بصلها ابهم هزت دماغها: ايوه والله حصل يا دكتور
هدي: هو فيه ست حامل محتاجه االوز
هاله بخوف وبلعت ريقها: لاء مش مظبوط
هدي: وحياه امك وبقعه الدم الي كانت ع قاعده الحمام لمين معني كدا ان عندها نزيف من ايه يا ست
هاله بتشد دراع ابهم: لاء مش صحيح ابهم ارجوك اسمعني
ابهم :هاله اطلعي انتي فوق انا محتاج اتكلم مع امي
هدي: انت مش دكتور اتفضل اثبت انها حامل واكشف عليها واعرف حامل منك ولا من عشقها
هاله صرخت في وشها: عشيق ايه
هدي بضحكه مستفزه: الراجل الي متشعلقه في رقبته في شقتك يافاجره
هاله: اي راجل
ابهم: ماما انا هتكلم معاها في ده (ولف لهاله) هاله اطلع انتي فوق من فضلك
هاله :بس انـ
ابهم جز علي سنانه وصرخ فيها : قلتلك اطلعي فووووق
هاله طالعه وهدي الشياطين اترقصت في عنيها وسحبتتها من شعرها: اخرجي من بيتي
ابهم مسكها وفضل يزعق ويحاول بعدها عنها: امي ارحميني ارحميني
هدي زقته بعزم ما فيها : ابعدددد عني
ابهم من قوه الدفعه وقع ودماغه اتخبطت في الحيط
هدي طلعت جابت هاله من شعرها :اخرجي يا فاجره
هاله بتعافر معاها وتصرخ بصوت عالي :لاء مش خارجه
هدي بتزقها والشرار طالع من عيونها وهاله كمان بتزقها بقسوه وقوه والاتنين من قوه الدفعه لبعضهم وقعوا من فوق السلم
ابهم صرخ بهستريا :امي هاله لالالالالاء
…….قصص منه محمد كاتب…….
كارمن: قولت لك هفضل هنا مع رغده لتيجي والدتك وانا مش مستعده اقابلها
رغده حطت كيك وشاي: اتفضلوا
نوح: شكرا تعبناكي
رغده : ولا يهمك
نوح قرب منها ومسك ايدها وبرجاء: قولت لها تتصل لما تكون جايه ارجعي معايا يا كارمن
كارمن: صدقني هرجع بس مش دلوقت
نوح بحزن: مش عايزه تفضلي معايا
كارمن شوي تبكي مش بتطيق تشوفه زعلان طبطت ع خده بحنان : نوح انا الي بعمله عشان نفضل مع بعض صدقني
اثناء كلامهم تلفونه رن ورد: الو ايوه انا ابنها
نوح قام وقف ع حيله: اي مستشفي تمام مسافه الطريق
نوح قالها بسرعه الي حصل وجري ع برا
كارمن خرجت وراه : انا اسفه لاني مش هقدر اروح معاك
نوح: تمام خليكي انتي هنا لحد ما اطمن عليها وارجعلك
كارمن: حاضر مستنياك
نوح ضمها لصدره وباس ايدها وراسها
كارمن لسه جوه حضنه: نوح لازم ترجعلي
نوح خرجها من حضنها وباس جبينها بعمق : هرجعلك ع طول
كارمن فضلت واقفه متبعاه وبريق الدموع بعيونها
لحد ما ركب الموتسكل واتحرك طيران ع المستشفي دخل وراح للاستعلامات وسالها علي رقم غرفه هاله والموظفه دلته ع الرقم ونوح شكرها وركب الاسانسير في اتجاه الغرفه!!!!
…….قصص منه محمد كاتب……..
في غرفه هاله نايمه وماسكه بطنها ونزلت دموعها دخل عليها وشها ابتسم بفرحه
هاله بفرحه: ابهم فكرتك مش هتيجي تشوفني
ابهم بجمود: كنت بطمن ع امي هي في غرفه جنبك
هاله: عامله ايه
ابهم: رجليها مش حاسه بيها هتحتاج اشعه ع العظام
هاله مدت ايدها تمسك ايده وهو غمض عيونه وسحبها بسرعه قبل ما تلمسها
هاله ببكاء: ابهم انا اسفه
ابهم: من امتي وانتي بتكدبي عليا
هاله :انا كدبت عليك لاني مش عايزه اخسرك كنت هتفضل معايا عشان العيل كنت خايفه اخسرك زي ما خسرته
ابهم اتك ع اسنانه: ازاي خايفه تخسريني وانتي مستمره تكدبي عليا بس انا عرفت الحقيقه في النهايه ياتري ايه الطريقه الي كنتي هتستخدميها وتخبي عني الاجهاض
هاله بدموع: ارجوك اسمعني
ابهم باشمئزاز: مفكرتيش تحملي من راجل تاني وتضحكي عليا ع انه ابني
هاله فتحت عيونها بخوف ليكون اسلام قاله : ابهم انت بتقول ايه
ابهم طلع الموبيل وحط صورتها مع نوح قدامها: هو ده الراجل الي هتحملي منه
هاله هزت راسها كذا مره: لاء ده ابني
ابهم: ايه الشاب ده ابنك ازاي ده ابنك وعمره كدا
هال: ده ابني خلفته لما كان عمري سبعتاشر سنه نوح اسلام الضاوي
ابهم :كارمن قبلت ابنك قبل كدا
هاله هزت دماغها الي متربطه بالشاش: لاء عمرها ما شافته
ابهم :وابنك عارف انك صديقتها
هاله: عارف كل حاجه عني وعارف ان امه ست وضيعه سرقت جوز صحبتها
ابهم فتح تحقيق:وابنك قالك ايه عني حاول يمنعك
هاله مسحت دموعها: مفيش شاب عاوز امه تكون مع راجل غير ابوه حاول يمنعني بس انا اخترتك خليت ابني يكرهني لاني بحبك ولما شاف حالتي سابني براحتي
ابهم: يعني محاولش يمنع علاقتنا
هاله: ايوه وقبل علاقتنا
ابهم ضغط ع كف ايده بقوه: دلوقت عرفت بيفكر في ايه
هاله مش فاهمه: تقصد ايه
ابهم: ارتاحي
هاله اتعلقت في دراعه : ابهم استني متسبنيش انت فاهم اجهاضي غصب عني مش متعمده وكدبت عليك لاني بحبك وكل حاجه عملتها عشان بحبك ارجوك متسبنيش
ابهم من غير ما يبصلها: مش هقدر ارد عليكي بأجابه لاني فعلا مش عارف
هاله صرخت بأسمه: ابهمممم
ابهم اخد نفس وشد ايده منها عافيه وسابها وخرج
في لحظه خروجه كان نوح وصل وطالع لهاله والاتنين اتقابلوا في الممر
ابهم قرب عليه بحقد: مين الي جاي تزوره
نوح: قريبتي
ابهم: قربتك ولا امك يله ادخل شوف حالتها مش انت ابنها ودرعها اليمين لدرجه تضحي بنفسك وتبعد ست عن جوزها الي بتحبه عشان تخالي الطريق لـ امك
نوح خبطه في صدره كذا مره: اتكلم عدل قصدك ايه
ابهم اتكلم بفحيح: انتم بتشتغلوا سوي
نوح اتعصب ومسكه من مقدمه قميصه عاوز يخنقه: قبل ما تهين امي فكر ازاي اذيتها
ابهم مسك ايده قبل ما تتمد عليه: وكارمن الي اخدتها مني اصل الي زيك مش بيفكروا غير في الجنس والشهوه واحده مزحه بالنسبه لك وطبعا بتاخد مقابل ساعات المتعه الي بتقضيها معاها في السرير واراهن ان امك بتدفعلك
نوح زق ايده بغل : انت معتوه
ابهم مسكه وهبده في الحيط :قولي كارمن عارفه مين هي امك طبعا مقولتلهاش انك ابن هاله مظبوط
ابهم خبطه تاني وتالت ورابع بقسوه وعيونه حمر من العصبيه :مقولتلهاش مش كدا طبعا مقولتلهش لانك عايزها تقع في حبك وخلتها تحبك وتسبني
نوح زقه بعنف : قولت لك الموضوع مش كدا
ابهم بقهر وعصبيه: مش كدا طيب لما هو مش كدا ليه مقولتلهاش انك ابن هاله( زقه بعصبيه وتهديد ) سيب كارمن في حالها لو مسبتهاش انا مستعد ادخل السجن في جريمه قتل لو كان ده هيبعدك عنها
رماه تهديده وطلع بسرعه من المكان رايح يقول الحقيقه لكارمن !!!!
رايكم ع الحلقه وتعالوا نعيش صدمه كبيره جدا جدا
يتبع…
لقراءة الفصل التالي : اضغط هنا
لقراءة الرواية كاملة اضغط علي : (رواية صائد النساء)
