رواية صائد النساء الفصل العاشر 10 بقلم منة محمد
رواية صائد النساء الجزء العاشر
رواية صائد النساء البارت العاشر
رواية صائد النساء الحلقة العاشرة
البارت العاشر
صائد النساء
قصص منه محمد
في غرفه هاله مسكت الموبيل تتصل بيه كالعاده مش بيرد
هاله صرخت بغيظ: ليه مش بيرد ع موبيله اعمل ايه؟؟؟؟
رجعت مسكت الموبيل بعصبيه تاني وغمضت عيونها لقت صوت فويس فتحتها كانت من اسلام طلقها اتصلت بيه
هاله: خير عايز ايه؟؟
اسلام: انتي في العياده هعدي عليكي
هاله: مش هناك متجيش وقولي عايز ايه؟؟
اسلام: انتي فين واجيلك لازم نتكلم
هاله: عايز فلوس مش كدا خسرت كام
اسلام: 3000 الف ومحتاج ارجع فلوس امي مش قادر ادخل البيت بقالي ايام في الشارع
هاله ضحكت بسخريه: هو انا مش قولت لك فلوسي مش بجبها بالساهل لاني مش ببيع نفسي زي ما دايما تتهمني كل قرش بكسبه من خلال شغلي وانت عايز تاخده تضيعه في صالات القمار
واغلقت الخط في وشه واسلام شتمها وسبها
هاله لقت الباب بيتفتح عليها فكرته ابهم قالت: ابهم ليه مش بترد ع موبيلك
دخلت ووقفت قصادها بكل حقد العالم
هاله بغضب :انتي هنا ليه
ناهد ببتسامه مستفزه:جايه ازورك واطمن عليكي بس انتي في حاله زي الزفت ياتري عندك دكتور شخصي متابع الحاله
هاله بعصبيه وصراخ: اخرجي برا ولو مخرجتيش هقوم اكسر دماغك بحماله السيروم
ناهد:تؤ تؤ اهدي يا هاله لو ضربتيني بالحماله الحديد كدا الدكتور ابهم هيعرف انك زي البمب ومش هيزورك بعد كدا او يمكن ميجيش خالص
ناهد لفت بضهرها وهاله فتحت الدرج واخدت البوك وفتحته
ناهد لسه بضهرها: سالت الممرضه قالت لي ان ابهم مش بيجي يشوفك
ناهد لفت ولقت فلوس بطير عليها في الجو وملت انحاء الغرفه
هاله بحتقار: خدي الفلوس دي وروحي دوريلك ع راجل لعبه يروي عطشك وبطلي تزعجيني زي الكلب المسعور
ناهد بستهزاء واحتقار : انا بزعجك انا جايه ازورك لانك مسكينه ملكيش حد الله يكون في عونك مسكينه مفكره ان ابهم هيهتم بيكي بس هو فين
هاله بصراخ وانفعال: اخرجي ورمت الحماله عليها
ناهد نطت لفوق ورجعت لوري قبل ما الحماله تخبطها
ناهد ضحكت: مسكينه جرحتي نفسك ولسه بتخسري قدام مراته ياتري سحر البوتوكس تلاشي وابهم اكتشف حقيقتك وقرر انه لازم يختار بين شابه جميله جمال حقيقي زي كارمن عمرها 28 سنه ولا بين دميه بلاستك شايخه 38 سنه الدكتور ابهم نفسه نفس الرجاله بيحب يجرب ويدوق دميه حيه وبمجرد ما جربها حس بالزهق والملل وقرر يرميها ويمشي
هاله فضلت تحدفها بكل حاجه تطولها ايدها وناهد تضحك وتنط لفوق تتلاشي الحاجه
ناهد ضحكت بستفزاز: ياحرررام مش عارفه تصوبي يعني فاشله في رمي الحاجه وفاشله في خطف الرجاله
هاله بتنهج وعيونها لوحه شر :قلت اخرجي ولو مخرجتيش هقوم اسحبك بنفسي وارميكي من البلكونه وبترفع الغطاء تقوم)
ناهد صرخت ووسعت عيونها بطريقه مضحكه:لاء هخرج انا بس كان عندي فضول اشوف هتبقي قادره تعملي اي حاجه من دلوقت وطالع
هاله صرخت بهستريه: اخررررجي
ناهد فتحت الباب وخرجت من قدامها بسرعه
هاله لنفسها….لاء مش هخسر مستحيل اخسر
مسكت الموبيل تتصل بطليقها وتقوله انه لو عايز الفلوس لازم يجلها حالا فيه مهمه هيقوم بيها
………قصص منه محمد كاتب…..
في الورشه لابس العفريته وفاتح العربيه فضل يحقق فيها شويه
نوح بصوت عالي: ايوب ممكن لحظه هنا
ايوب جاله: في ايه؟
نوح: العربيه دي جات الورشه كام مره
ايوب ضيق عيونه بتفكير: اممم اربع مرات في خلال شهر واحد
نوح: اخر مره صلحتها ورجعت تاني بنفس المشكله مش كدا
ايوب بتعجب: هو صاحبها قالك
نوح: محدش قالي حاجه بصيت ع المحرك قول للفني ان تصليحه في المكان الغلط
ايوب: لا والله بتتكلم كأنك صاحب ورشه حقيقي انا الريس هنا وعارف مالها
آمنه قربت عليهم وضحكت: شايف حفيدي عبقري امال عشان كدا هو حفيد آمنه الضاوي
نوح بضيق: جدتي انتي بجد بتحرجيني
ايوب: ليه تتحرج طالما انت فعلا عبقري
آمنه ضربته بالمروحه اليدويه: بالظبط كأنك بتقرء افكاري يا ايوب
ايوب ابتسم: طيب انا رايح اكمل شغلي
آمنه مسدت ع كتف نوح بحنان وسابته وماشيه مره واحده مسكت قلبها ووقعت علارض
سنيه صرخت: مالك يا ست هانم
نوح جري عليها: جدتي مالك
سنيه: اصلها
آمنه نغزتها بعيونها: انا كويسه كويسه الجو بس حر وهكون بخير لما ارتاح تحت المكيف ارجع لشغلك انت
سنيه اخدتها لحد المكتب جوه وقعدتها بحنان
سنيه: انتي كويسه بس شكلك شحب اوي وكلك عرق رغم المكيف شغال كويس
آمنه ماسكه قلبها : ليه عامله كدا كأنك اول مره تشوفيني تعبانه هات الدواء وهكون كويسه
سنيه عماله تقلب في الشنطه: هو فينه
آمنه: اياك تقولي حاجه لنوح ان عندي مرض القلب سامعه
سنيه بحده: وليه مقلهوش
آمنه: اخرسي مش عايزاه يقلق ناوليني البرشام لقتيه
سنيه بتدور بتوتر: لاء بس انا فكره اني حطاهم هنا خلاص تعالي نروح للدكتور
آمنه ماسكه قلبها: لاء انا بس محتاجه دقيقه مش هخالي المرض يهزمني هعيش لحد ما اجوز نوح واحضر فرحه
قصص منه محمد كاتب
في المطعم
ابهم: جربي ده يا كارمن دوقيه وحط قدامها تحت نظرات عايشه وهدي المولعه
هدي: سمعت يا عايشه ان كل مره تتصلي بأمك ودايما تشتكي من الم في معدتك
عايشه: فعلا يا طنط ماما دايما تقولي لازم تعملي فحص شامل بس انا بطنش
هدي: ليه ياروحي ابني دايما يقولي لازم نكشف حتي لو الالم خفيف مش كدا يا ابهم
ابهم بنص ابتسامه: ايوه كدا ها ياكارمن الاكل طعمه عجبك
كارمن: ايوه حلو
عايشه: بصراحه انا روحت لدكتور بس قالي موال طويل عريض عشان كدا قلت لاء
هدي: وليه انتي خايفه
عايشه:لاء مش مسأله خايفه بس انا معظم الدكاتره مش بثق فيهم اوقات بيعملوا من البحر طحينه ومفكرين كدا بيعملوا شغلهم
مايسه: ناس كتير بيفكروا عايشه عندها جرئه لكن هي خجوله جدا ومش بتسمح تكشف عند دكتور نسا متعهرفوش
هدي: خلاص ليه متخليش ابهم يكشف عليكي
عايشه مثلت الحرج: لاء اتحرج يا طنط
هدي بضحكه: محروجه ولا مش واثقه فيه
عايشه: لاء طبعا واثقه انا بس محرجه مش اكتر غير كدا مش عايزه ازعج كارمن
كارمن رفعت عيونها وبصتلها: متقلقيش انا عارفه طبيعه شغله هو يوميا بيكشف ع ستات اشكال والوان مش انتي الوحيده
عايشه: هعتبر ده تصريح منك
كارمن سفهتها وبصت للطبق!
مايسه ببتسامه: شكرا ياهدي
هدي: مفيش مشكله لازم ناخد بالنا دي صحتنا
مايسه: عندك حق لازم ع الاقل مره كل سنه نعمل كشف شامل
هدي: مرتين وحياتك ها يا ابهم مش هتقول لعايشه تجيلك امتي
ابهم بضيق: تقدر تيجي في اي وقت هيكون فيه دكاتره تانين غيري
هدي: ماهي بتقولك مش بتثق فيهم انت حدد معاها معاد بنفسك
ابهم: تمام
كارمن متابعه شغل التخطيط قطعها رنه موبيلها وكان نوح
ابهم: مين الي بيتصل
كارمن بصتله: دي واحده زميلتي هطلع ارد عليها برا (وطلعت)
كارمن خرجت برا ووقفت في زاويا وردت: الو فيه ايه؟؟
نوح نيره صوته فيها قلق: انا آسف لو ازعجتك بس معرفتش اتصل بمين جدتي اغمي عليها وعايز اخدها المستشفي بس هي معانده ورافضه بشده ممكن تيجي تشوفيها وتقنعيها
كارمن بدون تردد وافقت واقنعت نفسها ان ده شغلها
كارمن رجعتلهم: انا اسفه زميلتي عندها مشكله كبيره ولازم اروحلها وابقي جنبها
ابهم وقف ع حيله: كارمن استني انهي زميله
كارمن: رغده
ابهم اخد مفاتيحه: تمام هوصلك
كارمن بتوتر: ايوه بس ازاي وولدتك هترجع البيت لو جيت معايا
ابهم: ايوه بس
كارمن: اقعد كمل اكلك اقدر اروح لوحدي
هدي لوت بوزها: عندها حق هرجع البيت ازاي لو انت وصلتها( لفت لكارمن) روحي يله لزميلتك هي منتظراكي
كارمن بستعجال: تمام سلام
ابهم قعد وعيونه هتتخبل عليها
هدي كشرت: بطل تبحلق فيها انت شاكك انها بتكدب عليك
ابهم بنرفزه: ايه الكلام ده بس يا امي لاء طبعا يله ناكل
هدي: ع فكره اتكلمت مع كارمن في موضوع الطلاق
ابهم رماه الشوكه: ليه الكلام ده هنا يا امي ليه
هدي بعصبيه: وفيها ايه كلنا هنا عايله واحده وقالت لي انها مش هتطلق وفكرت انها وضحت الامر معاك بس خاليني واضحه معاك انتم النهارده شكلكم غريب
ابهم: غريب ازاي يعني
هدي: الاجواء متوتره بينكم بشكل كبير بس لو انت عايز تطلقها هي بقي رافضه
ابهم اضايق وبص لعايشه الي مثلت بجداره انها محروجه من طريقه الحوار
عايشه: ماما ممكن نمشي احنا
هدي: ليه يا حبيبتي لسه مكلناش الحلويات
عايشه: اصلي حسيت ان ابهم اتحرج مني انا وماما ومش عايزاه يحس بعد الراحه بالكلام في اموره الخاصه قدامنا انا وماما هنمشي ونبقي نخرج يوم تاني مع بعض
هدي بستسلام: زي ماتحبوا
عايشه وقفت: مع السلامه يا ابهم
ابهم: مع السلامه
هدي قامت وسلمت عليهم بحراره: اشوفكم قريب
مايسه: انشاء الله ياهدي سلام يا ابهم
ابهم رفع ايده
هدي رجعت وقعدت جنبه: ابهم انا لسه ع رآي انت مش مبسوط معاها طلقها واخلص منها وممكن تتجوز ست ستها
ابهم بضيق: امي اقدر اتعامل مع مشاكلي الزوجيه عن اذنك رايح الحمام وزق الكرس بنفعال وقام
هدي قعدت مكشره ومصممه نفرق بينهم
قصص منه محمد كاتب
كارمن وصلت للورشه شافته قاعد وراسه تحت في الارض وواضح ع وشه الحزن جريت عليه بلهفه: نوح
نوح رفع راسه وقام: كارمن
كارمن: فين هي جدتك
نوح: تعالي هي جوه في المكتب واخدها ودخلوا
نوح قرب من جدته: آمنه عامله ايه دلوقت؟؟
آمنه: انا تمام الحمد لله
كارمن: حاسه بأيه حضرتك
آمنه بصتلها اوي وشاورت عليها: انتي
نوح بسرعه: كارمن ممرضه خليها تطمن عليكي لو معانده تروحي مستشفي
آمنه بحده: قولت لك اني بخير اغمي عليا ارهاق من قل النوم وكله بسبب ابوك الي جاب لي المرض وانت خلاص بقيت جنبي عشان كدا هتحسن
نوح: آمنه ارجوكي خالي كارمن تشوفك لاني غير كدا هفضل قلقان عليكي
آمنه: قولت لك انا زي الفل مش بشتكي من حاجه
نوح: انتي تعبانه وعندك حاجه
آمنه: انت بتفول عليا وعايز تجب لي المرض
نوح كرمش وشه: لاء طبعا انا قلقان وبس!!
آمنه: قولت لك انا بخير وانت مُصر اني تعبانه ده فال وحش
نوح: وانا قولت لك مش قصدي سنيه هي جدتي مريضه
سنيه برتباك من نظره آمنه التحذيريه: لاء
آمنه: شوفت
نوح بخوق وقلق: بلاش تبقي عنيده لو مخلتيش كارمن تشوفك هشيلك ع كتافي واسحبك عافيه للمستشفي
آمنه: يله حاول تعملها
نوح نفخ بزهق: ليه دماغك ناشفه
كارمن بهدوء: نوح ممكن تسبني اتكلم معها
آمنه: قولتلكم انا بخير مش محتاجه للكشف
كارمن: بس انا عايزه اتكلم معاكي ممكن
آمنه: انا بخير ليه عايزه تتكلمي معايا
كارمن: انا ممرضه لسنين طويله وبمجرد ما اتكلم معاكي عن الاعراض اقدر اعرف
المشكله
نوح خرج وكارمن حاولت تتكلم مع آمنه الي قالت لها ان عندها مرض القلب
كارمن: يعني نوح ميعرفش ان عندك مرض القلب
آمنه: لاء ميعرفش ارجوك يا بنتي اتوسك اليكي اياك تقوليله
كارمن: بس لازم يعرف عشان ياخد باله منك
آمنه: انا اقدر اهتم بنفسي
كارمن: آمنه هانم
آمنه قطعتها: كارمن ازاي عرفتي نوح؟!!
كارمن : كنت في شغلي في المستشفي وهو كان مجروح ورفض اني اعالجه وانا اصريت ومن هنا بقينا اصدقاء
آمنه: بس انا فاكره اني قابلتك في بيته وشكلكم مكنش اصدقاء
كارمن: لاء الموضوع مش كدا
آمنه: كارمن مش مهم ليه اخدك لبيته لانه طالما اخدك لحد هناك تبقي بالنسبه له مميزه
كارمن: آمنه هانم انـ
آمنه ضغطت ع ايدها: من امتي تعرفوا بعض؟؟
كارمن: مش من مده طويله
آمنه: حكالك عن ابوه وامه وظروفه
سنينه ادخلت كالعاده: لو حكتلها انتي نوح هيزعل منك اوي
آمنه بنرفزه: انتي متتسحبيش من لسانك وتقوليله
آمنه: اسمعيني ياكارمن نوح حياته حزينه بسبب ابوه وامه امه سابته من وهو طفل مربتهوش انا ربيته برغم اني بحبه اوي بس برضو مش زي حب الام والاب
سنيه عوجت بؤها: خلاص كفايه كدا
آمنه زعقت: خلاص انتي وغوري من هنا يله غوري
سنيه قامت ونفخت: غايره
آمنه: انا بقولك كدا لاني عايزاكي تفهمي انا ليه رافضه اقوله عن مرضي مش عايزاه يحس بالخوف وانه هيبقي لوحده في الدنيا
كارمن : ايوه بس
آمنه: هو ملهوش حد يا بنتي حتي ملوش صديق لانه بيحب يبقي لوحده الكل شايفه مغرور وغير اجتماعي بس هو مش كدا عاش لوحده معرفش ازاي يقرب من الناس حاسس انه مش مرغوب ولا محبوب عشان كدا معرفش يحب
كارمن: آمنه هانم انا ونوح
آمنه قطعتها : اسمعيني الاول نفرض انه له مشاعر ناحيتك فرق الطبقات ولا السن مش هيكون مشكله المهم هو انتي حاسه بأيه ناحيته بس لو كنتي مش بتبادليه المشاعر لازم تقوليله بلاش تخدعه لان نوح معندهوش اهل يدعموه ولا عنده صديق يواسيه نوح ملوش حد غيري لو متملكيش مشاعر ناحيته لازم تقدم لي معروف متقلولوش اني مريضه بالقلب
كارمن هزت لها دماغها بحاضر وخرجت تطمنه زي ما اتفقت مع الجده لقت حواجبه معقوده بألم وقلق
كارمن نادهت عليه: نوح
نوح قام وقف بخوف ولهفه : مالها جدتي
كارمن: ابدا مرهقه وبعدين هي كبيره في السن طبيعي تحس بالارهاق
نوح بصوت رخيم حزين : هي عندها مرض سكر ضغط ولا قلب
كارمن: هي محتاجه فحص شامل مقدرش أأكد اي امر بالنسبه لها انا مش دكتوره بس هي بخير بلاش تقلق
نوح بقلق: بجد هي بخير
كارمن: زي ما قلت لك هي بخير وصحتها كويسه بس لازم تكون جنبها في الشغل بلاش كله يبقي عليها وتسيب الشغلانه بتاعتك
نوح ابتسم اوي
كارمن بستغراب: بتتسم ع ايه
نوح لسه اثار البسمه ع شفايفه: عشان مبسوط
كارمن: لاء بدري ع الانبساط جدتك لازمها فحص شامل في اقرب فرصه
نوح: طبعا هعمل ده بس سبب انبساطي هو انتي
كارمن عقدت جواجبها اوي: قصدك ايه مش فاهمه
نوح: قولت لي اسيب الشغلانه بتاعتك بأسلوب غيره
كارمن ارتبكت: لاء مش كدا بس عايزاك تبقي جنب جدتك مش اكتر من كدا
نوح ابتسم واتحولت ابتسامته لضحكة عاليه وخبط ع ركبه: انا حاسس اني هطير من فرط السعاده
كارمن كشرت وبغيظ: ليه؟؟
نوح: عشان انتي مهتمه بيا يا كارمن من اهتمامك بجدتي
كارمن بتوتر وبترجع لوري: انا …..قصدي انت اتصلت بيا وطلبت مني اجي اشوفها وده واجبي الانساني بعمله يوميا
نوح: لو عمل انساني بتعمليه كل يوم بترجعي لوري ليه؟؟!!
كارمن فضلت ترجع وهو يقرب لحد ما اتكعبلت في مجموعه كوتش وكانت هتقع ايد نوح كانت اسرع وخطفها لصدره ومسك وسطها وتاهت عيونه جوه عيونها
كارمن زقت ايده بعنف: سبني
نوح سحبها له بتملك: كارمن عارفه اول ما شوفت جدتي تعبانه حسيت بالوحده وكنت ضايع ومش عارف اعمل ايه انتي اول شخص خطر علي بالي ومتشكر اوي انك جيتي
كارمن بصتله بنظره كلها حزن ع حالته وهو قربها منه اوي وتاه في شفايفها
قطع قربهم الحلو ده صوت:نوووح
كارمن زقته بعيد عنها بسرعه ونوح بص لمصدر الصوت: خلود
خلود قربت اوي ووزعت نظراتها عليهم: ايوب قالي ان جدتك تعبانه وجيت اشوفها واطمن
نوح: هي جوه بتستريح اتفضلي
خلود هزت دماغها ورمت كارمن بنظره كرهه وحقد ودخلت
نوح: كارمن رايحه فين
كارمن بستعجال: اهتم بجدتك ولو تعبت مره تانيه هات اسعاف او دكتور ده الي اقدر اقدمهولك عن اذنك وخرجت وغادرت المكان بسرعه
نوح فضلت عيونه متابعها لحد ما اختفت من قدامه ودخل يشوف جدته ويطمن عليها
قصص منه محمد كاتب
ابهم رايح جاي عمال يتصل مفيش رد
هدي بتشوح: اظن قالت لك رايحه لصاحبتها ليه عمال تتصل بيها انت شاكك انها راحت تقابل شخص تاني
ابهم : لاء انا عارف انها رايحه لرغده وعادي اتصل بيها لاني قلقان مش اكتر لانها مراتي مش من حق الزوج يقلق ع مراته ولا ايه
هدي زعقت: انتبه لاسلوبك معايا انا نيتي كانت خير مش ملاحظ ان في الفتره الاخيره مراتك مش مهتمه بيك اطلاقا ليه عشان انت خونتها حبت تردهالك وتعمل نفسك
ابهم اتعصب جدا لدرجه وشه احمر: كارمن مش بتخوني
هدي قربت منه بتحاول تخفف ببعض الكلام: خلاص هدي نفسك انا جنبك هنا انا بس بحاول القيلك مخرج تطلقها بسرعه
ابهم مسح وشه بعصبيه: امي بطلي تتكلمي كل شويه عن الطلاق لاني مش هطلقها
هدي بنفعال وحده: ليه مش هطلقها ليه عندك واحده تانيه طلقها واخلص يابني من همها
ابهم مسح علي شعره ونفخ بقهر: انا اخترت كارمن
هدي صرخت فيه بجنون: بس انا مش عايزها ايه رايك بقي
ابهم: عشان كدا عزمتي عايشه وامها اليوم بس اعملي حسابك دي اخر مره اروح مع عايشه اي مكان لاني مستاء ان محدش بيحترم مراتي اذيت كارمن بما فيه الكفايه مش هأذيها مره تانيه وياريت تبطلي تجمعيني مع عايشه لان انا عايز كارمن وبس
هدي :وانا مش موافقه عليها
ابهم صرخ :بس انا عايزها انا عايزها
ابهم نزل السلم جري لقاها واقفه قدامه
ابهم :كارمن وصلتي هنا امتي
كارمن :لسه واصله حالا
هدي كتفت ايدها قدام صدرها وبصوت عالي:كويس انك رجعتي واطمنتي ع صحبتك
كارمن :اطمنت عليها عن اذنكم
ابهم رايح وراها هدي مسكت دراعه ابهم بصلها بتحذير :ماما
هدي سابته ع مضض ومش عجبها الوضع كله
قصص منه محمد كاتب
ابهم طلع وراها لقاها قاعده ع الفوتيه كأنها تمثال بدون روح
ابهم سألها: ممكن تكوني صادقه وصريحه معايا
كارمن: بخصوص ايه
ابهم: انتي مكنتيش مع رغده
كارمن بهدوء:حتي لو مكنتش معاها كنت مع مين في اعتقادك
ابهم قعد جنبها: الي اتصلت بيكي كانت هاله مش كدا
كارمن: ليه معتقد كدا
ابهم :لانها اتصلت بيا كتير وانا مردتش عليها
كارمن :وليه مردتش
ابهم : اعتقد انك سمعتي الي قولته لـ امي
كارمن جايه تقوم قام ومسكها : كارمن انا مش عايز هاله ولا عايشه انا مش عايز اي ست تانيه انا عايزك انتي وبس كارمن هاله عملت حادثه بسبببي وروحت عشان اتأكد انها بخير مش اكتر ولا اقل كنت بعمل ده من واجب انساني مش اكتر
كارمن :حتي لو انت مش عايزها هي عايزاك
ابهم :ميهمنيش ممكن اتشاف ع اني راجل غبي او اناني بس انا مش شايفها ولا شايف ست تانيه اديني بس فرصه
كارمن :ممكن تضمني وتحتويني
ابهم ابتسم وضمها لحضنه لكن ليه هي مش حساه زي حضن نوح لما ضمها غصب عنها جات تلف ايدها حوالين جسمه لكن صوره نوح اقتحمها رجعت نزلت ايدها تاني وحطتها مكانها
قصصص منه محمد كاتب
نوح قعد شويه مع جدته وبعد ما اطمن انها بقت تمام اخد خلود يوصلها لحد برا
نوح برسميه: شكرا ياخلود انك جيتي تطمني ع جدتي وهخالي ايوب يوصلك
خلود :مفيش داعي هاخد تاكسي
نوح :لاء مينفعش الوقت متأخر هخالي ايوب يوصلك او تقدري تتصلي بحبيبك يجيلك
خلود بضيق :انفصلنا خلاص
نوح :بجد من امتي
خلود :من حوالي شهر واكتر
نوح :معرفش ولا عندي خبر
خلود بتأنيب ولوم:طبعا مصدقاك هتعرف منين مبقتش البنت الي بتهتم بيها
نوح: انتي قاصده كارمن مش كدا
خلود: ايه مقدرش المح بكدا كارمن زبونتك
نوح برفعه حاجب: و الي بعده
خلود: الي بعده اني مش شيفاك مهتم بيها ع انها مجرد زبونه بس لو فكرتك ان عندها زوج هتهتم بده
نوح :وايه يعني برضو مش فاهم
خلود بعصبيه: نوح بطل استهبال انت بتسرق مرات راجل تاني ..بس انا مش هسيبك تعمل ده
نوح بخنقه:انتي ناسيه اننا سبنا بعض
خلود بنظرة عتب: بس لسه صديقتك يمكن مكنش اول واحده تفكر فيها زي زمان بس انا اول واحده تجري عليك لما ميكونش حد جنبك نفس كل مره ياتري فاكر
رمت كلامها ومشت من قدامه ونوح نفخ بزهق
قصص منه محمد كاتب
في الكافيه عماله ترص في الكراسي بغل وغيظ
تامر :شكلك قلقانه عشان نوح بس انتي عارفه قد ايه هو عنيد ولو حط حاجه في دماغه محدش يقدر يوقفه
خلود :شكرا جزيلا
تامر: ع ايه
خلود :خلتني احدد مين الي هروح واحذره
يتبع…
لقراءة الفصل التالي : اضغط هنا
لقراءة الرواية كاملة اضغط علي : (رواية صائد النساء)
تعليق واحد