رواية صائد النساء الفصل السادس عشر 16 بقلم منة محمد
رواية صائد النساء الجزء السادس عشر
رواية صائد النساء البارت السادس عشر
رواية صائد النساء الحلقة السادسة عشر
البارت 16
صائد النساء
قصص منه محمد كاتب
الصبح رفعت الغطاء عن وشها واشعه الشمس ضربت في عيونها رفعت شعرها عن عيونها وقامت اتعدلت وبصت للمكان ورجعت بصت لنفسها وافتكرت ان نوح اخدها في وضع حميمي نفضت التخيلات ولنفسها: لاء مش ممكن يكون ده حصل اه اكيد الموضوع نفس المره الي فاتت
رفعت الغطاء من ع جسمها العاري ولقت بورنس لبسته وراحت الحمام تشوف الحوض لقته نضيف جدا
كارمن: فين هدومي لاء اكيد منقوعه لاني استفرغت عليهم
كارمن فركت ايدها في شعرها وبتأكد لنفسها: لاء مش ممكن يكون حصل لاء ايوه انا استفرغت وبس الامر مخرجش عن السيطره معاه
بصت لنفسها في المرايا وفضلت تطمن نفسها ان الي في دماغها محصلش بعد ما ظبطت شكلها فتحت الباب ونزلت تتسحب ببطئ ع تحت ملقتش حد في الصاله ولا المطبخ الامريكاني فضلت تدور بعيونها عن هدومها او شنطتها مالقتش ليهم اي اثر
جه من وراها: صحيتي
كارمن لفت وبصتله ومتردده تسأله عن هدومها
نوح حط الفنجان ع التربيزه وقرب عليها: انا حضرتلك الفطار تحبي تاكلي دلوقت
كارمن بتوتر: لاء انا راجعه البيت
نوح مسك ايدها: استني هتروحي البيت كدا
كارمن انتفضت ورجعت ع وري و بصت للبورنس ونزلت راسها وبخجل : فين هدومي
نوح ببتسامه جذابه:غسلتها
كارمن شبكت ايدها في بعض :عشان استفرغت عليها مره تانيه صح والموضوع انتهي زي المره الي فاتت
نوح ببتسامه وغمزه:عايزاني فعلا اقولك عن ليله امبارح
كارمن وشها وانفها احمروا بشده:بجد سخيف
ومشت من قدامه من الاحراج الي مسيطر عليها رغم جواها هي فرحانه مبسوطه من اسلوبه وطريقته ورجعت وقفت شويه لقت ايده بتلف حوالين وسطها
نوح: مش جعانه وباس خدها
كارمن بعدت دماغها بسرعه :نوح متعملش كدا
نوح: وليه لاء
كارمن: فين هدومي
نوح قرب منها وداعب خدها وهي حست بكهرباء سرت في كل جسمها ودقات قلبها بدق بجنون
كارمن شدت ايدها وبعدت خطوه وبتحذير:نوح متقربش مني
نوح عاند وقرب اكتر
كارمن :قلت متقربش مني
نوح فضل يقرب بعناد اكتر وابتسم ابتسامه كلها حب
كارمن: نوح وبعدين فضلت تبعد وهو يقرب لحد ما لزق ضهرها في الحيط
نوح ابتسم بمكر: شوفتي مهما حاولنا نبعد مش هنقدر نهرب من مشاعرنا
كارمن: لحد هنا ونقف يانوح
نوح مسك وشها المحمر بين ايده: انتي بتحبيني و انا معاكي امبارح اتأكدت انك بتعشقيني
كارمن بدموع: بس ده غلط ومينفعش
نوح: جوزك خانك الاول
كارمن: معني كدا اني اخونه وانام مع راجل
نوح مسك ايدها ويمسح عليها بأيده برقه :هتطلقي منه ونتجوز
كارمن :بس انا مش هطلق
نوح بعصبيه ونرفزه:كااااااارمن
كارمن: نوح الي بنعمله غلط في غلط
ومشت من قدامه ونوح اتنهد بقهره ورفع عيونه الي ملاحقها وهي بتطلع السلم جري واغلقت الباب بالمفتاح وراحت قعدت ع السرير ورفعت ايدها وبصت لخاتم الزواج بتمعن وتفكير
نوح هدي شويه وطلع السلم ببطئ وقرب من الباب وقال: مش بتحبيني
كارمن ردت عليه ودقات قلبها بدق دقات جنونيه: بحبك
نوح: مش عايزه تكوني معايا
كارمن: عايزه اكون معاك
نوح: طيب مستنيه ايه
كارمن: مستنيه الوقت المناسب
نوح: وانا هستناكي لحد اليوم الي تتحرري فيه منه
كارمن: طيب لو الوقت ده طال
نوح: انتي عارفه وواثقه اني مستعد استناكي عمري كله
كارمن بدون اي رد راحت جريت بلهفه وفتحت الباب لقته واقف بضهره عند الشباك لف وبصلها وكأنها رجعت لملامحه الامل والابتسامه
كارمن :بجد مستعد تستناني لحد ما اخد حقي منهم
نوح نبره عاشق متيم لحد النخاع:ممكن اضمك لحضني
كارمن :حضن بس
نوح ابتسم واخدها جوه حضنه: هستنا اليوم الي نقدر نعمل فيه اكتر من الحضن
كارمن ضربته في ضهره :رخم
نوح ضمها وضحك ضحكه طيرت عقلها وسحرته
https://www.facebook.com/قصص-منه-محمد-كاتب-110808814814076/
كانت نايمه لقت الموبيل بيرن ردت بصوت كله نوم :الو
هدي :عايشه قومي شوفيلي ابهم فين
عايشه: نعم عايزاني القيلك ابهم بس معرفش هو فين
هدي بخبث: بس انا عارفه لاني حطيت ع موبيله برنامج تتبع يله روحيله
عايشه قامت بسرعه لبست فستان كوكتيل قصير وعملت شعرها ديل حصان لفوق وحطت مكياج هادي ولبست كعب عالي واخدت عربيتها وطارت ع المكان
قربت عليه لقته حاطط ايده ع وشه وشكل معيط بحرقه طبطبت ع كتفه شال ايده ورفع عيونه وبصلها وسألها: ازاي وصلتي لهنا؟؟؟
عايشه: انت بتعيط يله تعال اوصلك البيت يله قوم معايا
ابهم بصوت مبحوح: لاء انا هفضل قاعد هنا
عايشه: تمام متروحش لو هتفضل هنا انا كمان هفضل هنا عشان ارقبك لتعمل حاجه في نفسك
ابهم: قومي
عايشه علقت ايد الشنطه في الكرسي وأأعدت: متحاولش تطردني انا في الفندق مش في بيتك وممكن اي حد يجي زي ما يحب والاهم من ده كله اني مش هسيبك
ابهد اتنفس بصوت عالي من الخنقه
عايشه للمتر: ازازاه شمبانيا هنا
وفتحتها وفضلت تناوله كاس وري التاني وري الثالث لحد ما غاب تماما واخدته فوق في غرفه محجوزه وطلعت معاه وبعد وقت قصير من المكر والحيل
ابهم قام دماغه تقيله وعريان تماما بيبص لقاه الي جايه عليه من الحمام ولافه بشكير عليها وع شعرها المبلول فوطه وأأعدت قدامه ع السرير وشافت في عيونه تسألات وحيره كبيره
ابهم بعدم تدراك وكأنه مش مصدق: عايشه هو احنا
عايشه مثلت الخجل:اه احنا بس انت كنت سكران لشوشتك
ابهم بصدمه فرك شعره بدون اي كلام
عايشه: الوضع مفهوش حاجه قوم وخد شور والبس هدومك انا فاهمه انك كنت سكران يله روح امك مستنياك اما بالنسبه للي حصل بينا خلينا نتظاهر كأن مفيش حاجه حصلت
خلصت كلامها ومشت من قدامه دخلت الحمام وع وشها اخبث ابتسامه
قدام الغرفه وهما مروحين
عايشه: ابهم لازم تنسي الي حصل بينا
ابهم بدء العرق ينزل من ع جبينه والتوتر زاد: عايشه برغم اني كنت سكران امبارح فلو عملت معاكي اي حاجه لازم اعـ
عايشه قطعته لما دخلت جوه حضنه ولفت ايدها حواليه
ابهم بعدها عنه وبرتباك: عايشه ابعدي بلاش تعملي كدا انتي بنت ميصحش افرضي حد شافك
عايشه نزلت راسها في الارض وشبكت ايدها في بعض بخجل: انا اسفه حبيت بس اطمنك برغم اني كنت عايشه في بلاد برا لكن معملتش ده مع اي راجل عن اذنك لازم امشي
ابهم هز دماغه بدون اي كلمه ووقف ياخد انفاس وبعدها مشي هو كمان وغادر المكان
مايسه الي واقفه وصورت الحضن بالكاميرا واخدته من كذا زاويا
عايشه نزلت انتظرتها في مكان ضلمه لقتها جايه عليها سألتها بلهفه: ها لقطي الصوره
مايسه: طبعا حضنتيه جامد ازاي افقد اللقطه الي هطلعنا لفوق وتنجدنا من الديون
عايشه بحماس: خليني اشوف
مايسه فتحت الموبيل وفضلت تفرجها وعايشه صرخت من الحماس!!!!
عايشه ضحكت بسعاده: مش عارفه اختار انهي فيهم محتاره اي واحد تنزل ع التواصل الاجتماعي
مايسه :اي واحده تفرقع ونوصل ونصطاد صيدتنا
عايشه وهي تحضنها: ايوه اصطاده وبعدين نلعب بالفلوس لعب
https://www.facebook.com/قصص-منه-محمد-كاتب-110808814814076/
كارمن بعد ما رجعت لبيت رغده قامت الصبح بدري ودخلت تحضر الفطار
شافت رغده جايه عليها ابتسمتلها: يله تعالي نفطر
رغده: قبل الفطار كنتي فين امبارح فضلت اتصل بيكي طول الليل
كارمن:بجد انا اسفه يا رغده عشان قلقتك
رغده: طيب طمنيني انتي كويسه
كارمن: اطمني انا بخير وعال العال
رغده مسكت كتافها: ليله امبارح مكنتيش لوحدك مش كدا كنتي مع الشاب ده
كارمن: ايوه كنت معاه
رغده: فضلتي معاه طول الليل فين وكان حد معاكم
كارمن: رغده انا
قطعهم جرس الباب رغده قايمه كارمن مسكت ايدها :خليكي انا هفتح لاني عارفه مين الي ع الباب
كارمن فتحت لقته ابهم مش نوح دخلته في الرسبشن!!!
ابهم بهدوء: انا جاي اخدك ع البيت
كارمن برفض: ابهم مستحيل ارجع البيت معاك
ابهم: لو كان السبب هاله انا اتكلمت معاها برغم انها حامل في ابني مقدرش اكمل معاها لاني مش بحبها بحبك انتي
كارمن: لما تحب حد مستحيل تأذيه ابدا
ابهم بندم: انا اسف
كارمن: مش لازم تعتذر لي لان ده ناتج عني انا كمان
ابهم بصلها بنظره معناها مش فاهم
كارمن بدموع: مش انت بس الي ارتكبت الغلط عملت نفسك امبارح
ابهم: فهميني يعني ايه
كارمن: انا بتقابل مع واحد تاني
ابهم: تمام ومش هعاتبك ولا هلومك استاهل لاني بدئت بده وعملتي ده عشان تنتقمي مني
كارمن: لاء انا محاولتش انتقم منك عملت ده لاني ليا مشاعر كبيره ناحيته
ابهم متفاجئ من الي بيسمعه ومش قادر يصدق الكلام عيونه دمعت ومره واحده قعد علارض يعيط بنهيار وفضل يخبط دماغه ع السيراميك ويصرخ بقهر
كارمن اتأثرت كتير ورجعت عيونها تدمع ونخت ع ركبها ومسكت دماغه: ابهم من فضلك متعملش كدا لان ده مش هيفيد ولا هيساعدنا في الي احنا بقينا فيه فارجوك كفايه (وقامت تشده معاها من ايده)قوم ارجوك قوم
ابهم شدها لحضنه: انا الي ارجوكي انا الي ابوس ايدك حتي لو مش هتحبيني خلاص مش زعلان منك انا اذيتك وجه الوقت تأذيني والي عملتيه مش هعلق عليه اعملي الي يخليكي مبسوطه وسعيده بس تعملي ده وانتي معايا ارجوكي يا كارمن افضلي معايا
كارم وقفت : واجهه الحقيقه لان مستحيل علاقتنا ترجع نفس ماكنت
ابهم بكاء بنحيب لان بعد الحب اتحول لفراق وطلاق: ارجوكي متسبنيش
كارمن نزلت دموعها: الانسانه الي المفروض ترجعلها هي هاله هي ام ابنك ومحتاجه حبك بلاش تأذيها وهي حامل اظن انت دكتور وعارف التوتر والزعل بيأثروا ع الجنين وانا مبقتش مراتك اظن اتعودت اشوفكم مع بعض انت كمان هتتعود تشوفني معاه يمكن نقدر نسامح بس مش هنقدر ننسي
ابهم صرخ بعزم قوته: لاء ده قمه القهر
كارمن مسحت دموعها: لو سمحت طلقني
ابهم فضل يبكي ويبكي لحد ما قدر يتمالك نفسه وقام وقف قدامها وخلع النضاره ومسح عيونه وقال: حاضر
كارمن خلعت الخاتم من صوبعها تدهوله
ابهم مسك كف ايدها: لاء مش دلوقت
كارمن :هنستنا ليه
ابهم: انتي متأكده ان الشاب ده يقدر يهتم بيكي كارمن انا مش عايزك تبعدي عني وتواجهي خيبه امل جديده عارف انك بتحبيه وهتقبل ده لاني متأكد ان الحب ده مش هيصمد قدام اول عقبه تقابلكم
كارمن :دكتور ابهم من فضلك
ابهم اتنفس بضيق :انا مش بحاول امنعك من حبه محتاج بس اطمن عليكي ومش عايزك تتأذي مره تانيه ولو اتأكدت في يوم انه هيعرف قيمتك ويقدرها ويهتم بيكي ساعتها هطلقك
https://www.facebook.com/قصص-منه-محمد-كاتب-110808814814076/
بالليل قاعده ع السلم تعيد وتزيد كلام كارمن وكلام ابهم وكلام هدي دوشه كبيره فرمت دماغها لقت نور العربيه نور ابتسمت وقامت
هاله: ابهم انا
ابهم بدون ماحتي يبصلها جر رجوله وطلع ع فوق جسد بدون روح
هاله طلعت وراه بسرعه وفتحت الباب ملقتهوش في الاوضه لقته خارج من غرفه اللبس ومعاه هدومه
هاله: انت رايح فين
ابهم بصلها بنظره كلها قسوه: انتي عايزه تفضلي هنا وسمحت لك طلبتي مني الاهتمام وبعمله لكن الي مش هتقدري تجبريني عليه هو اني اطلقها لان ده مستحيل
هاله شدت منه الهدوم بعزم قوتها وطوحتها وقلبت ع الوش المخيف: الموضوع طال كتير مفيش فايده بجوازك منها وراحت فتحت الدرج تنكش فيه بجنون
ابهم راح عليها بعصبيه:بتعملي ايه
هاله بقت تشيل كل الي في الدرج وترميه ع الارض
ابهم بعصبيه اكبر: بقولك بتعملي ايه مفكره نفسك مين
هاله بصراخ:بدور ع عقد الجواز هقعطها وارميها في وشك يمكن تفوق وتعرف ان الي بينك وبينها ورقه مش لازم تلتزم بيها
ابهم: الطريقه دي هتتعبك اوي في حياتك ومش هتوصلك لـ اي حاجه
هاله بستهزاء وسخريه:طبعا عندك حق لما اكون انا هنا منتظره جوزي يرجع يضمني ويطمن عليا لكن هو فين يا حرام بيحاول يرجع مراته السابقه افتكر كويس يا دكتور لما كنت بتحاول تطلق كارمن فاكر ليه عشان بطلت تحبها وهي حاسه بنفس احساسك حاليا عارف الفرق ايه انها مشت عشان مش هترجع تاني عشان تكون مع راجل هي اتخلت عنك خلاص
ابهم صرخ بقوه:وانا واثق انها هترجع لي وع فكره انتظاري ليها خير ليكي
هاله ضحكت بسخريه :خير ليه بوصلي هنا انا مش مراتك الشرعيه انا عشيقه بورقه عرفي تتقطع وتترمي ولا تثبت اي حقوق عليك (خبطته في كتفه )ممكن تقولي ده خير ليا في ايه
ابهم :هيكون عندك وقت تفكري سواء عايزه تبقي معايا لانك بتحبيني ولا عايزاني عشان تفوزي وبس!!!
هاله خدت خداديه ضربته بيها في وشه: اخرس انا عارفه ليه عشان اكون معاك مش لازم تلاقي مبرر لموقفك الواطي الوضيع لان في النهايه اسوء شخص في كل ده هو انت!!!
ابهم ضغط ع اسنانه:قولي الي تقوليه بس انا مهتم بيكي وبالعيل حتي لو طلقتها وفضلت معاكي وانا مش بحبك ده برضو مش هيخليكي مبسوطه الافضل ننفصل ونربي ابننا كأصدقاء
هاله بحمقه وغضب: مش عايزه صديق يا روحي لو كنت عايزه صديق مكنتش نمت معاك انا عايزه زوج عايزه اب لأ ابني
ابهم: تمام هنعيش سوي كدا ههتم بيكي وبابنك كواجب وبس
ابهم خطف هدومه وبصوت عالي للشغاله: جهزي غرفه الضيوف هتخمد فيها
هاله راحت مسكت صورته هو وكارمن من ع الكمدينو وحدفتها في باسكت الزباله
لقت موبيلها بيرن بأسمه اخدته بأيد مرتجفه ومسحت دموعها وحاولت تكتم شهقتها واخدت نفس وردت:نوح عامل ايه ليه بتتصل بيه متأخر فيه حاجه
نوح: لاء كل حاجه تمام انا بتصل عشان اسأل عنك وعن احوالك
هاله اتكت ع شفايفها وشدت اوي عليهم وغمضت عيونها ونزلت دموعها: انا كويسه وسعيده في حياتي
نوح: امي انا كنت قاسي عليكي وبتصل اعتذر
هاله: انا الي بعتذر لاني مكنتش ليك ام كويسه ومش زعلانه منك بسبب الكلام الي قولته بس عايزاك تعرف ان انا دلوقت بحاول اعيش حياه مستقره
نوح: بقي كويس معاكي وواخد باله منك
هاله: اه حامل في ابنه اكيد مراعيني
نوح: طيب ومراته الاولي
هاله: هيطلقوا نوح سامحني كنت السبب ان ميبقاش عندك اب بس مش هسمح لـ اخوك انه يكبر يتيم هو كمان
نوح بحزن: طمنيني عليكي باستمرار مع السلامه
هاله: مع السلامه واغلقت ورجعت تعيط تاني وقامت رمت نفسها ع السرير لحد ما تعبت ونامت!!!!
امانوح بعد ما اغلق مع امه بعت فويس صوتي لكارمن محتواه( ارتاحي ونامي كويس بغض النظر عن الي هيحصل هفضل جنبك وفي ضهرك انا بحبك اوي كوكا
كارمن سمعتها وابتسمت اوي من دلعها واخدت الموبيل في حضنها ورقدت ع السرير ونامت وعملت الفويس نغمه تصحا عليها
………….
في الورشه في مكان بعيد عنها شويه
خلود: قلت ايه في الي قلتهولك
نوح: مستحيل نرجع لبعض مش حاسس بأي شعور اتجاهك
خلود مسكت ايده: انا فاهمه انفصلنا وعشان نرجع زي الاول هناخد وقت شويه عشان نرجع لبعض
نوح سحب ايده: خلود انا مفيش اي مشاعر ليا ناحيتك ومفيش وقت يغير ده حتي لو عدت عشر سنين
خلود بقهر: كنا بنرجع تاني
نوح: وانفصلنا وانتهينا
خلود انجرحت اوي: انت بتحاول تبعدني بكل الطرق الممكنه
نوح: لاني مش عايز اخدعك انتي صديقه هايله ومش عايز اخسرك
خلود عيونها دمعت: ممكن اسألك سؤال ايه السبب الي يخليك مش قادر تبقي معايا
نوح: مقدرش اقولك
خلود بنفعال: انا اقولك السبب الست المتجوزه
نوح: ايوه لاني بحبها واه متجوزه بس هتطلق
خلود ذقته بعزم قوتها: انت معندكش احترام للدين ان ابغض الحلال
عايز تطلقها من جوزها عشان تكون معاها
نوح: حقها لو الراجل الي اخترته ميستحقهاش ليه تربط نفسها بيه وكأن مش من حقها تبدء حياتها من اول وجديد زي ما هو بدء من اول وجديد
خلود ضربته بالقلم: مصمم تاخدها مهما حصل
نوح صرخ فيها بقوه: لاني بعشقها افهمي انا فعلا بحبها وعايزها حتي لو انتي وغيرك شيفانها انانيه ايوه انا اناني في حبها
خلود: وجوزها هيسمح بكده بص لنفسك وبص لجوزها ازاي تقدر تتنافس معاه
بصتله نظره سريعه ومشت وسابته وهو فضل متابعها من مكانه لحد ماركبت تاكسي واختفت عن عيونه!!!
…….قصص منه محمد كاتب……
الصبح راح لبيت جدته دخل لقاه الفطار ع السفره زي ماهو
نوح بصوت عالي: امنه انتي فين يا حلوه
سنيه واخده السلم جري: نوح نوح
نوح بخضه: ايه فيه ايه اتكلمي براحه عشان افهم
سنيه بلعت ريقها بصعوبه: جدتك وقعت واغمي عليها
نوح طلع السلم جري وشال جدته وطار بيها ع المستشفي واستقبلوها منه ووقف في الطرقه يتصل بأبوه
سنيه خرجت له: اتصلت بأسلام بيه
نوح بملل: اتصلت بيه قفل الخط في وشي اكيد في البار دلوقت ايه التعب الي عند جدتي وليه مقولتليش قبل كدا
سنيه: انا معرفش بالظبط بس لما كانت بتكلم دكتورها تطردني برا الاوضه انا عارفه انها بتاخد الدواء بنتظام
نوح بستفهام: دواء لـ ايه
سنيه: دواء للضغط ودواء للقلب واكدت عليا مقولكش
نوح: فين علاجها وانا هسأل عنه الدكتور
سنيه: تحت في العربيه
نوح راح يجيب الدواء من الجراش في نفس اللحظه لمحه ابهم الي كان جاي ياخد اوراق من مكتبه قرر يروح وراه ويواجهه يبعد عن كارمن!!!
نوح قرب واخد الدواء من العربيه وابهم رايح عليه لقاه بنت لابسه بنطلون مقطع من الركبه وبلوزه قصيره لنص بطنها وشعرها رولات مجعده مقربه منه اتخبا وري عربيه يسمع الحوار
البنت: نوح ازيك عامل ايه
نوح بصلها شويه
ساسو ضربته باللكمه في كتفه بمزح:ايه مش فاكرني انا ساسو
نوح: اه ساسو اهلا عامله ايه
ساسو: انت الي عامل ايه يااااه مشفتكش من زمان بس انت بتعمل ايه هنا!
نوح: ابدا جدتي هنا في المستشفي
ساسو: اه فهمت هي فين حاليا
نوح: في غرفه الطوارئ بيشوفه حالتها
ساسو حطت ايده ع كتفه بمواساه: انشاء الله تبقي بخير بس انا عارفه معظم الدكاتره هنا لو محتاجه مساعده انا موجوده
نوح ببتسامه: متشكر يا ساسو
ساسو: متشكر ده ايه انا الي متشكره لاني لما كنت بقع في مشكله كنت دايما تهتم بيها وكنت بترفض تسبني وتسيب كل الي وراك وتفضل معايا لحد ما قدرت استرد قوتي مره تانيه
نوح: ولا يهمك ده كان من ضمن شغلي
ساسو: اهو نفس الجملتين لما اقولك ع حاجه تقولي ده كان من ضمن شغلي لاء يانوح انت غير انا قابلت رجاله في شغلتك دي اشكال والوان بس ملقتش صياد زيك والي بينا اتحول لصداقه مش مجرد شغل لو لسه عندك رقم موبيلي اتصل بيا في اي وقت هتلاقيني عندك اردلك شويه من جمايلك
نوح: تمام لو احتاجت هتصل بيكي
ساسو: اشوفك بعدين
ابهم سمع الحوار وكأنه وقع ع كنز ثمين!!!!!
https://www.facebook.com/قصص-منه-محمد-كاتب-110808814814076/
نوح فضل يتصل بأبوه مش بيرد كرر الاتصال تاني وراح قعد ع كرسي في الممر لقاه شخص قعد جنبه رفع عيونه لقاه ابهم
ابهم: مش مجرد صدفه انك قابلتني بس الصدفه اني شوفتك مع ست في موقف العربيات تخيل كنت مفكر ان الراجل الي بيشوف مراتي شاب طايش مستهتر بس الي عرفته النهارده اسوء بكتير
نوح: طبعا مفكرني زير نساء وبصطادهم من الكباريهات ومعني كدا اني فاجر عشان كدا انت محتقرني بس احب اقولك يادكتور مش كل الي بيشتغلوا الشغلانه دي زي ما انت بتفكر
ابهم بقلب ماليان حقد وغل:انت قذر فاهم قذر وسئ
نوح : لاء انا مش كدا او كنت كدا لحد ما سبت الشغلانه دي
ابهم رد بحتقار: ميهمش ان كنت سبتها او لاء الي يهمني انت كنت ايه
نوح: وفيها ايه اشتغلت الشغلانه دي بس انا مختلفش عنك كتير انا بغلط لاني بشر زيك وخير الخطائين التوابين
ابهم : ياتري كارمن عارفه كنت بتشتغل ايه؟!
نوح: عارفه لكن عمرها ما احتقرتني ابدا
ابهم: انا مش بحتقرك انا بحذرك كارمن ممكن تكون متقبله ده لكن الناس المجتمع هيرفض ده واحمد ربنا ان انا بس الي عرفت النهارده وشوفتك مع واحده من زباينك قولي لو حد تاني شافك كارمن هتحس بأيه لو حد من زملائها عرف ان الراجل الي اختارته بيشتغل الشغلانه دي #صائد النساء
نوح قام وقف بغضب وراح ناحيه الشباك
ابهم قام وراه واتكلم بحقد: متقوليش انت وهي ميهمكمش ده والا مكنتش غضبت لما اتكلمت عن شغلانتك قولت لي مره انها ست ممتازه وجديره بس ياتري انت جدير بيها وتقدر تاخد بالك منها افضل مني
نوح ساكت مستنيه يخلص كل الي في جوفه لانه عارف انه لو خلص اخر سنه كليه هندسه هيبقي جدير بيها
ابهم: قولي عن الي انت عملته بتفكر كدا انك مش بتأذيها زي ما انا عملت اه انا خنتها ومارست الجنس مع ست تانيه ده كل الي انا عملته اما انت بقي كام عدد الستات الي عملت معاهم علاقه
نوح بقوه شخصيته:خلصت
ابهم رفع السبابه في وشه بتهديد: اخرج من حياتها
نوح ببرود:حتي لو عملت ده مش هترجعلك
ابهم رد بحمق لانه شاف ثقته بنفسه:وارد بس ع الاقل هيكون عندها فرصه تلاقي شخص عنده استعداد يراعيها احسن مني ومنك وحاليا انا واثق الي انت فيه مش حب اكتر ما هو انانيه وحب تملك بيني وبينك
https://www.facebook.com/قصص-منه-محمد-كاتب-110808814814076/
رغده سابت الطبق ع التربيزه وراحت لها: انتي فعلا هتختاري الشاب ده
كارمن : لسه مقررتش
رغده: بس قولتي انك هتطلقي من الدكتور ابهم
كارمن: عشان عنده زوجه وطفل لازم نطلق
رغده: معني كدا انك مخترتيش نوح بعد الطلاق وهتصبري لحد ما تلاقي الانسان الكويس
كارمن بصتلها بستفهام: انتي ليه مش عايزاني ابقي مع نوح
رغده: هكون صريحه معاكي انا قلقانه الدكتور وكان عنده كل حاجه برغم كدا جوازك منجحش اما نوح ده عنده ايه وبعدين من ساعه ماقابلتيه حياتك عماله تتعقد زياده بسببه
كارمن: لا ده مش ذنبه
رغده: لو مدخلش حياتك مكنتيش هتفكري في الطلاق
كارمن :مش يمكن نوح مش هو الي دخل حياتي وانا الي دخلت حياته متعمده
رغده عقدت حواجبها بعدم فهم:: قصدك ايه
كارمن اخدت نفس: الي اقصده انه انسان كويس وافضل من الي انت مفكراه والبني ادمه الي ليها جانب سئ هو انا مش نوح
رغده بحيره اكبر: انتي يا كارمن انتي اطيب قلب عندك نيه سيئه بجد انا مش فاهمه فهميني ايه الي بينك وبينه
كارمن هفتح الباب :وخرجت للحوش لقته بيقابلها بأجمل ابتسامه وقف يتفنن في تفاصلها شعرها الطويل ضفيره ع جنب لبسها البنطلون الجينز الضيق البلوزه البيضه كل حاجه فيها جميله وجذابه
كارمن: انت هنا ليه؟؟ّ
نوح عيونه بصتلها بشتياق بجنون: وحشتيني
كارمن: وحشتك ولا مفتقد وجودي لانك مشفتنيش من يوم
نوح: اه هو يوم واحد بس عدي عليا بأيام وسنين عجاف
كارمن بصتله وطالت النظره بتعبير عن الشوق الي ملهوش حدود
نوح بمكر وخبث: اممم بس النظره الي شايفها في عيونك بتقول ان انا الي وحشتك اكتر مني
كارمن حطت ايدها ع خده: بس ليه وشك مرهق كدا انت منمتش كويس ولا مش بتاكل حاجه
نوح شد انفها بمشاكسه: ايه ده حبيبتي بقت حكيمه مره واحده وقلبتي ع جدتي
كارمن ضربته في صدره وبدلع: قصدك ان انا ست عجوزه بقي
نوح شدها لحضنه: وانا اقدر ده انتي قمر
كارمن: يا مجنون اوعي الجيران يشوفونا
نوح سحبها اكتر وشدد ع الضمه: امنه نقلوها المسشتفي
كارمن: امتي؟
نوح اتنهد بقوه وضمها اكتر: امبارح الصبح
كارمن خرجت من حضنه :اهدي كدا بس الاول وبطل لعب وقولي عامله ايه دلوقت
نوح: قلبها تعبان ومستنين تتحسن وهنشوف لو محتاجه عمليه ولا لاء
كارمن بحنان :نوح انت كويس
نوح دمعت عيونه: لاء امنه مش بخير انا كمان مش بخير انا هموت عليها ومحتاجلك معايا تواسيني
كارمن قربت منه اوي :انا معاك ومش هسيبك ابدا
نوح :طيب ممكن اخد حضن استمد منه شويه قوه
كارمن دخلت جوه حضنه ولفت ايدها حوالين وسطه وهو عمل نفس الشئ
نوح :عارفه بحب الطريقه العبيطه الي بضميني بيها كارمن
كارمن حست بقشعريره في جسمها وابتسمت بخجل وما تكلمتتش
نوح رجع همس لها :خليكي في حضني للابد
ابهم واقف وري السور وشايف حبهم لبعض وجر رجوله ومشي بوهن وضّعف وحزن ومقت
يتبع…
لقراءة الفصل التالي : اضغط هنا
لقراءة الرواية كاملة اضغط علي : (رواية صائد النساء)
