رواية صائد النساء الفصل الخامس والعشرون 25 بقلم منة محمد
رواية صائد النساء الجزء الخامس والعشرون
رواية صائد النساء البارت الخامس والعشرون
رواية صائد النساء الحلقة الخامسة والعشرون
اسلام بيتكلم في الموبيل:هاله حوليلي المبلغ لحسابي رجالتي خلصوا شغلهم… انا لحد اللحظه مش قادر استوعب اننا أجرنا فتوه يضرب ابننا انا مش هعمل كدا تاني سامعه..امي لو اكتشفت هتقتلني يله حولي الفلوس سلام
اسلام اغلق الخط وبيلف لقاها سمعت كل كلمه قربت عليه بكل غضب ولطشته بالقلم
آمنه بصوت حاد غاضب بقهر : انت اب ازاي ازاي,, ازاي تسلط حد يضرب ابنك ازاي وشدته من قميصه وقعته عالارض وفضلت تضرب فيه برجولها وتصرخ) ليه بقيت جاحد قاسي كدا
اسلام حط ايده ع خده بهلع:امي ايدك تقيله
آمنه بعصبيه من تصرفاته الوقحه الي من غير حدود: ليه اذيت حفيدي انطق اتكلم
اسلام اترعب: امي
آمنه هجمت عليه بالضرب: ليه أذيته
اسلام: امي اهدي واسمعيني ارجوكي انا قولت للرجاله ميتقلوش ايدهم عليه وعشان يبعد عن الست الي بيطاردها
آمنه: ست مين
اسلام: الست مرات الدكتور
آمنه: قصدك ان دي فكره هاله
اسلام ارتبك وعيونه راغت في كل مكان من الخوف
آمنه نزلت ضرب فيه : اتفقت مع بنت الشيطان
……قصص منه محمد كاتب……
في المستشفي حالته تبكي الحجر الصوان دخلت عليه وقربت منه فتح عيونه وبصلها ومد ايده ليها: كارمن
كارمن بعدت ايدها وبجمود: حاسس بوجع
نوح بتعجب:ازاي عرفتي اني هنا
كارمن بصوت جامد: سالتك حاسس بوجع
نوح :عايزه تعرفي مين عمل كدا
كارمن :انت تعرفه
نوح :الناس الي ضربوني وضحوا السبب مش صعب اعرف حتي مين وري الموضوع
كارمن :مين هو
نوح :اسألي الدكتور ابهم
كارمن نظرات عيونها لبعيد:انت غلطان هو ملوش علاقه بضربك
نوح اتغير وشه واتنرفز : بتحاولي تحميه
كارمن ردت بحده : لاء انا بقول الحقيقه ملوش دعوه لان انا الي وري ضربك
نوح اتصدم من الي بيسمعه وحاول يقوم يتعدل : بتقولي ايه
كارمن دورت وشها بعيد عنه لانها مش حابه تشوف نظرات الحزن في عدسه عيونه:طلبت منك تبعد عني وتسبني في حالي بس انت رفضت مفكرني هقف واسمعلك وابقي ملاك وانت بتحاول توسخ سمعتي مفكر ان انا مقدرش أأذيك قبل ما تأذيني
نوح بعدم تصديق: ايوه لان مش انتي الي تعمل فيا كدا
كارمن :بلغ عن الناس الي عملت فيك كدا ووقتها هتعرف اني بقول الحقيقه
نوح :هعمل كدا بس مش مصدق انك انتي الي تعملي فيا كدا
كارمن: تمام يله بلغ وانا هبقي مبسوطه لما ادخل السجن واخلص منك لاني زهقت يأست منك وانا الي كنت مبسوطه اني حامل من الدكتور لكن انت مصمم تبوظ سعادتي بمطاردتك ليا انت سرقت مني السعاده زي امك ما عملت فيا
نوح بعصبيه: اسكتي يا كارمن اسكتي
كارمن فتحت الشنطه وحطت الموبيل في ايده: خد اتصل بالشرطه يانوح يله اتصل
نوح حدف الموبيل وحاسس انها طعنته بدون شفقه ولا حتي رحمه : عايزاني اخرج من حياتك للدرجه
كارمن بحده وقلبها ينعصر:ايوه وسبني في حالي متخلنيش اعمل فيك الاسوء
نوح اتغير وشه وإنقهر:الي الاسوء هتقتليني
كارمن بقسوه: مستعده اعمل اي حاجه واحمي نفسي منك يمكن انت ماشفتش الوش التاني لكارمن بس انت مصمم تخدع نفسك انك لسه بتحبني ودلوقت بقولك انا الراجل الي بحبه مش انت كل حاجه معايا كانت لعبه لعبتها معاك بقوانيني انت مجرد كوبري بيوصلني اعذب امك وبس
نوح حط وشه في الارض مش مصدق اي حرف قالته حطمته وحطمت قلبه
كارمن بلعت غصتها لماحست إنها بتبكي: ان الاوان تبعد مع السلامه يانوح
وسابته وخرجت وهو بكا لانه حاسس انه في كابوس مخيف مستحيل مستحيل يصحا منه
……..قصص منه محمد كاتب…….
كارمن خرجت برا لقتها واقفه : عملت الي طلبتيه ياريت تسبيني في حالي
هاله ابتسمت لانها حست بنشوه انتصار وابهم متابع ده من بعيد وراح يشوف كارمن
الي سابتها ونزلت تجري ع تحت وعيطت لانها حرفيا ادت المشهد بضغط نفسي رهيب كان اكبر من احتمالها
كارمن شهقت بقوه وبكت بصوت حاولت تكتمه علشان مايسمعهاش حد.أخدت نفس عميق تهدي بيه ضربات قلبها. المقهوره…يارتها ماتت ولا شافت وعاشت اليوم اللي تنعي فيه حبها وحلمها و لنفسها وبصوت عالي كنت مضطره اعمل الي عملته سامحني يانوح لانك لو عرفت انه ابنك هتتمسك بيا اكتر وانا عايزاك تكمل حياتك ومتضطرش للاختيار بيني وبين امك طول الوقت مش هتكون سعيد في حياتك ابدا
شاف حالتها اشفق عليها ونزل قرب منها: هاله هي الي طلبت منك تكدبي ع نوح
كارمن بكت بعنف وغطت وشها :خلاص كل حاجه خلصت يا دكتور وانتهت
ابهم ضمها يهديها: وانا بحبك اكتر من اي حاجه في الدنيا
……..قصص منه محمد كاتب…….
هاله بعد ما سابت كارمن دخلتله: حبيبي عامل ايه بتتوجع اوي
نوح ساكت من القهر
هاله: طيب عرفت مين الي عمل فيك كدا هبلغ فورا يقبضوه عليه
نوح: ازاي عرفتي اني هنا
هاله :المستشفي اتصلواا بيا شافك واحد مغمي عليك وجاب لحد هنا
نوح: بلغتي
هاله :لاء محدش قدم بلاغ مستنينك تفوق عشان يعرفوا منك مين الي عملها
نوح: مش بتهم حد
هاله بغيظ مداري: ليه
نوح بقهر : ارجوكي نفذي طلبي وبس
هاله :بس انا مش موافقه ع كدا بس لو كانت دي رغبتك هحترم طللبك
نوح :ماما
هاله مسحت ع شعره: نعم يا حبيبي
نوح: بعد خروجي هنسافر امريكا
هاله: وكارمن
نوح :انتهي هي اختارت تعيش من غيري وانا هسيبها زي ما طلبت
هاله مسحت ع ايده : ربنا يعوضك بالي احسن منها
نوح بحزن: ممكن تسبيني لوحدي
هاله :حاضر
لفت ضهرها وع شفايفها ابتسامه عريضه
………قصص منه محمد كاتب………
هاله خارجه وامنه داخله المستشفي بتجري تطمن ع حفيدها الي للاسف اهله سحقهوه من وهو طفل ركبت الاسانسير ودخلت عليه بكل لهفه: نوح ابني
نوح شافها قام حاول يتعدل: آمنه
آمنه بقلق وخوف : لاء يا حبيبي اياك تتحرك (رجعته تاني مكانه) عامل ايه يا ضنايا شوفتك كدا بتخاليني نفسي اشوف ولاد الابلسه الي عملوا فيك كدا
نوح: عرفتي منين اني هنا ومين الي قالك
امنه: الموكوس ابوك
نوح بستفسار: وهو عرف ازاي
آمنه: نوح المحروسه امك كانت بتزورك
نوح: ايوه
امنه :وهي فين جايه تاني
نوح: لاء انا قولتلها تروح وتسبني لوحدي
امنه :قالت لك مين وري ضربك بالشكل المتوحش ده
نوح: متقلقيش بس الي عمل كدا جه بنفسه واعترف لي
امنه عقدت حواجبها:مين هو
نوح: كارمن
آمنه بنفي: لاء مش كارمن الي عملت فيك كدا عايز تعرف مين الي اجروا عليك الاوباش دول هما ابوك وامك
نوح بصدمه كبيره:مين
امنه بحده : امك الشيطانه الافعي خطتت لكل ده مع المجرم ابوك عشان تبعدك عن كارمن وطلبت من كارمن تيجي تكدب عليك وهي غصب عنها وافقت لانها خافت عليك لانها بتحبك بس امك افترت اوي وده بقي حسابه غالي هبلغ عنها دي يعتقلوها بنت الكلاب
نوح مسك ايدها :لاء متعمليش كدا
آمنه: ليه يا نوح ده حقك
نوح :مفيش منه فايده كل حاجه اتدمرت
آمنه : نوح تقدر تصلح كل حاجه
نوح : هي مش عربيه هقدر اصلحها بس ليا رجاء متقوليش لـ امي اننا نعرف الحقيقه
امنه :بستغراب ليه
نوح :مش عايزها تطارد كارمن وتأذي العيل لانها لو عرفت مش هتوقف
امنه: ازاي بس يانوح
نوح :ارجوكي وانا هتعامل بنفسي (جه يقوم)
آمنه منعته: لاء خليك انت لسه تعبان
نوح :تمام بس عايزك تساعديني
آمنه مسحت ع شعره وببتسامه كلها حنان :عيوني ليك حبيبي عيوني ليك
……….قصص منه محمد كاتب…..
تاني يوم قاعد سرحان جوه غرفته وبيفتكر الاحداث وبيفكر هيعمل ايه مع امه وابوه بعد الي عملوا فيه كدا كان ارحم واهون عنده لو كارمن الي عملت فيه كدا لكن اهله صعبه اوي وافتكر دخول ابهم المفاجئ عليه ولما قاله كارمن لسه بتحبك وانا قررت اطلقها وهسيبها تختار طريقها بس لو فشلت انك تحميها هاخدها تاني منك
نوح رفع عيونه للوحه الي بصورتها بتوعد : جه دوري انتقم منك
…….قصص منه محمد كاتب…….https://www.facebook.com/قصص-منه-محمد-كاتب-110808814814076/
قاعده بتقطع تفاح تلفونها رن مسحت ايدها وردت بهدوء: الو
سنيه ببكاء : ايوه يا كارمن الحقيني والنبي الست امنه تعبت اوي وانا لوحدي ومش عارفه اتصرف
كارمن :وهي فين
سنيه :في بيتها الي في العجمي
كارمن :تمام جايه ابعتيلي الموقع
سنيه :لاء هبعتلك عربيه تجيبك لحد المكان
كارمن :تمام منتظرها
امنه ببتسامه: ها ها جايه
سنيه ضحكت بسعاده:ايوه
امنه: بس ليه قولت لها بيت في العجمي هو انا عندي بيت هناك
سنيه بحماس :ولا يهمك انا عندي بيت خالتي الله يرحمها ماتت وملهاش غيري ومعايا مفتاحه اطمني سيبي عليا المغامره
امنه: طيب يله ابعتلها العربيه
سنيه: فوريره
اما كارمن بعد ما اغلقت مع سنيه واتصلت بأبهم تبلغه انها رايحه تشوف مريضه وهو قالها خدي راحتك لانه عارف انها هتكون مع نوح طلعت تنتظر برا لقت العربيه بالفعل وصلت ركبتها كارمن واتحركت بيها لطريق العجمي
كارمن نزلت من العربيه قدام البيت وقابلتها سنيه بترحاب: اهلا نورتي
كارمن: طمنيني عامله ايه جدتي
سنيه: تعبانه خالص هي هناك في الملحق ده روحي ع ما اجهزلها حاجه دافيه
كارمن: تمام روحي وانا هبقي معاها
كارمن راحت للملحق ونست شنطتها في العربيه ونوح نزل وراها وخلع الكمامه والكاب الي كان لبسهم للتخفي
كارمن راحت الملحق وفتحت الباب ملقتش حد في الاوضه دخلت جوه تنادي لقت الباب اتقفل وحد دخل وراها بتلف لقته نوح وهي ملامحها اتغيرت للغضب وجاي تجري !!
نوح وقف في وشها: لازم نتكلم
كارمن بتضرب بغيظ ع صدره:فين جدتك اظن هي مش تعبانه وهي الي طلبت من سنيه تكدب عليا
نوح مسك ايدها بقوه :كارمن اهدي واسمعيني
كارمن بغضب من تصرفه: انت الي عملت ده
نوح :كارمن اهدي
كارمن وهي علي اخرها منه : اتحرك من قدامي حالا
نوح وقف وحط ايده حاجز :متحاوليش تهربي مني متحاوليش
كارمن بتزقه بغل وتضربه في صدره:سبني امشي سبني
نوح :لازم نتكلم ومش هنخرج من الاوضه دي لحد ما نخلص ونتكلم
كارمن ضربته بقهر ودموعها تنزل:سبني امشي انوح سبني
نوح وقف قدام الباب وكارمن جريت ع الشباك قت ايد الاوكره مخلوعه اتجننت وراحت دخلت الحمام واغلقت ع نفسها
نوح خبط ع الباب جامد: كارمن اخرجي
كارمن علت صوتها : لا الي انت عملته حاجه حقيره جدا ازاي تخدعني كدا ازاي انت مفكر نفسك هتنجح يا خبيث
نوح ضحك بصوت عالي وراح قعد ع السرير: اعمل ايه حاسس بالوحده من غيرك وتعبان ونفسي ارتاح يا كارمن
كارمن :وانا طاقتي مش قليله و انت فعلا متعرفنيش هفضل هنا وهتصل ابلغ عنك فترحم من البهدله وافتح
نوح : هبله نسيتي شنطتك في العربيه
كارمن فضلت تصرخ ع اي حد يساعدها
نوح حط رجل ع التانيه: والنبي لو ضريتي مدفع رمضان ماحد ش هيسمعك غيري وغير الضيوف الي عندك في الحمام
كارمن بخوف: اي ضيوف وبتلف لقت كذا برص ع الحيطه
كارمن صرخت وفتحت الباب وخرجت بخوف وبتجري نوح اخدها في حضنه
نوح: خالي بالك العيل
كارمن بتهديد: انا هموتك
نوح :الموت اسهل لان الحياه من غير اصعب لانك بقيتي عليا شريره
كارمن قدرت تفتح الباب وطردته برا واغلقت ع نفسها
نوح هبد بقوه: كارمن افتحي خلينا نتكلم
كارمن :مستحيل اسمعلك انت خدعتني لحد هنا
نوح :كنت هشوفك ازاي لو معملتش كدا ارجوكي اخرجي واتكلمي معايا
كارمن :ومش هتشوفني ابدا
نوح اتنهد:انا اصلا مش شايف غير غيابك افتحي هتتجمدي من البرد فافتحي اشوفك قبل ما تتبخري
كارمن :برضو لاء
نوح ضرب دماغه في الباب :انتي ليه عنيده يعني هتفضلي جوه للابد
كارمن: ايوه انشاالله لحد ما القيامه تقوم
نوح :طيب مش هتجوعي ولا هتاكلي لما تروحي الجنه
كارمن :ملكش فيه
نوح ربع ايده وضحك: اصل سمعت ان الستات الحوامل بياكلوا كتير واكيد من كلامي جريت ريقك وجعتي فجأه
كارمن :بطل ضحك مش هخرج سامع
نوح ربع ايده وسند جنبه ع الباب وضحك بصوت عالي مستفز : وهتعيشي ازاي ع الميه الي في الحمام
كارمن: اه وخليك في حالك
نوح :طيب وهتعملي ايه مع البرص
كارمن :انت عايز تخوفني بقي
نوح :وليه اخوفك وفعلا فيه حاجات تخوفك
كارمن: انا مش عيله متحاولش ترعبني
نوح بغلاسه:انا مش بهزر انا بتكلم بجد صاحب البيت قالي الاوضه مليانه بالارواح الشريره واي شخص يعمل صوت عالي فيها الروح بتغضب منه اوي
كارمن في حالة رعب غير طبيعية
نوح كتم ضحكته: ولو غضبتي الروح سكت شويه وبعدين كمل لاء مش هقولك مش عايز اخوفك
كارمن بتلف عيونها في محيط الاوضه لقت صوره لست مخيفه جدا ونوح من برا حرك الدوباره وقع البرواز ع الارض وعمل صوت كارمن نطت وصرخت وجايه تهرب للحمام لقت البرص
نوح :كوكا لما تحبي تخرجي تتكلمي قوليلي
كارمن :مش هخرج قبل ما توعدني ترجعني البيت
نوح :براحتك براحتك افضلي جوه
كارمن: اسكت خالص صوتك بينرفزني
نوح: بتتعصبي عليا ليه الحق عليا بس لو ظهرتلك الارواح مترجعيش تقوليلي ساعدني عشان انا فيا الي مكفيني ومش ناقص لعب العيال بتاعك ده
كارمن لفت وبصت لصوره الست المرعبه وخافت
نوح :يله يا حبيبتي اكيد جوعتي يله اخرجي
كارمن بتكلم الصوره بشجاعة مختلطة بخوف: انا اسفه يا حجا بس خلقتك بتوترني واخدت الصوره وقلبتها ع ضهرها
نوح: يله يا كوكا اطلعي عشان تاكلي الاكل لذيذ اممم ياتري اكل الاول ايه ابدء بالفراخ ولا اللحمه ولا البط اه حادي بادي واخد حته من الفرخه اه طعمها جميل بشكل لاء الاكل حلو لدرجه مش عارف اكل ايه امري لله هاخد حمامه
كارمن قربت من الباب وحطت ايدها تلقائي ع معدتها الي بتصوصو من الجوع وهو ابن الذينا قدر يجري ريقها
نوح: كوكا عارف انك واقفه جنب الباب تعالي كلي وبطلي مكابره وعند فيا يله الاكل سخن هاكله كله انتي حره
كارمن قصاد الجوع والخوف خرجت
نوح ابتسم :يله بسم الله وقام يسندها(يله هساعدك
كارمن رفعت صوبعها في وشه بتحذير: ابعد
نوح لف ايده حواليها:لاء لازم اساعدك لتتكعبلي وتقعي وتأذي العيل
كارمن :انت مالك ومال العيل
نوح بتحذير: انتبهي لخطواتك وامشي بهدوء
كارمن انا اقدر امشي انا مش معوقه
نوح :عارف بس عايز اساعدك
كارمن :طيب اوعي عشان اقعد
نوح غفلها وقعد بسرعه ع الكرسي وشدها علي رجوله
كارمن ضربته في صدره وكشرت: سبني
نوح لف ايده حواليها بتملك: انتي جعانه
كارمن بعناد : لاء
نوح رفع حاجب:مش جعانه
كارمن :انت مش بتفهم
نوح: بس لو انتي مش جعانه ابني جعان
كارمن مدت صوبعها قدامه بتهديد: قولتلك بطل تتكلم عن العيل ع انه ليك
نوح :هاكله من ده وقرب المعلقه لبؤها
كارمن مسكت ايده وزقتها: اوعي
نوح :بطلي فرك هتأذي البيبي يله افتحي المغاره
كارمن بعدت المعلقه بنرفزه :مش عايزه
نوح :هتحرقينا كدا يله معلقه واحده يله القطر داخل فين
كارمن ابتسمت
نوح :يله دوقيه هيعجبك
كارمن فتحت بؤها واكلت غصب
نوح ابتسم: ها ايه رايك بزمتك مش لذيذ
كارمن : لاء
نوح رفع الطبق : تمام هرميه
كارمن مسكت ايده: لاء حرام
نوح مبتسم: طيب يله خلصيه كله
كارمن :طيب خليني ااكل نفسي
نوح بابتسامة والحاح عليها: اثبتي مكانك انا هأكلك
كارمن نفخت بملل: متزهقنيش معاك بقي
نوح ساب المعلقه ومدلها الطبق: تمام كلي بس وانتي قاعد في حضني وخلصي الشوربه الي عملتهالك بأيديا وحياه عنيا
كارمن اخدت الطبق منه وخلصته ونوح فضل يشربها عصير ومره واحده باس خدها
كارمن: بتعمل ايه
نوح بخبث :باخد الرز من ع خدك
كارمن :فيه اختراع اسمه مناديل
نوح :بس انا عايز استخدم بؤي
كارمن: ليه عملت كدا
نوح مثل الغباء: عشان استخدمت بؤي
كارمن: ليه جبتني لحد هنا
نوح :يعني مش عارفه
كارمن :بعتلك رجاله كسروك
نوح :قولتيلي اني خدعتك وانتي كدبتي عليا
كارمن قامت بنرفزه عليه: امتي كدب عليك
نوح: لاني عارف انه مش انتي
كارمن : انا
نوح قاطعها لما باس شفايفها :بطلي كدب
كارمن: انا بقول الحقيقه
نوح :بطلي كدب ولا هفضل ابوسك
كارمن: انت حر صدق الي عايز تصدقه
نوح: لان اهلي هما الي اجروا بلطجيه يضربوني ورموها عليكي ومش عارف انهي يوجع اكتر اهلي الي ضربوني ولا انك وافقتي ع الي عملتيه مع امي
كارمن لئلئت عيونها بالدموع: الي قولتهولك هو الي حصل عشان تسبني في حالي
نوح: اي ان كان الي عملتيه شيفاه نجح
كارمن عيونها غرقانه دموع: رجعني يانوح وانساني
نوح: مش قبل ما نتكلم عن العيل
كارمن سحبته بقوه عنها ومن قوة سحبها طار نوح من قوه الدفعه دماغه اتهبدت في الباب : وانا مش هتكلم معاك
نوح مسك دماغه وقام بسرعه وهو رافع حاجب: كدا زقتيني عايز تأذيني
كارمن: لانك تستاهل
نوح نظره ضياع: اطمني لو عايزه تأذيني فأنتي فعلا أذتيني بس ده مش هيخليني اكرهك
كارمن دخلت تجري للاوضه من كلامه وحسن انها مش قادره تسحب أنفاسها…وهي شايفه نفس النظره في عيونه وهو راح وراها
كارمن وإيدها تبعد إيده عنها : اياك تقرب مني وابعد عني
نوح حط ايده ع كتفها بعدت عن ايده و لفته وزقته ودخلته الحمام واغلقت الباب من برا
نوح بنفاذ صبر: كارمن افتحي الباب
كارمن: لا
نوح :افتحي انا بخاف من البرص
كارمن: انت كداب وانا مش مصدقاك
نوح فضل يصرخ: البرص جاي عليا ياكارمن هياكلني اه نط في وشي هياكل وشي وابقي من غير وش
كارمن :برضو مش مصدقاك
نوح :حرام احلف في الحمام
كارمن: طيب هفتحلك بس توعدني الاول هترجعني البيت
نوح :اوعدك ارجعك يله انا خايف افتحي
كارمن: اياك تطلع بتكدب عليا
نوح: عيب اكدب افتحي ده هيتسلي ع مناخيري
كارمن فتحت الباب لقته حاضن البرص البلاستك في حضنه و بيعاكسها بيه
كارمن ضربته بغيظ: اه يا خداع
نوح ببرود أعصاب : اهدي ياكارمن
كارمن :انت كدبت عليا لتاني مره
نوح : كنت بهزر
كارمن صرخت فيه وهي بتضربه: رجعني رجعني
نوح لما يأس منها دفعها ع السرير وثبت ايدها لوري ومسكها بكل قوته :اهدي واسمعيني ارجوكي انتي عايزني اقف ساكت لحد ما اشوف ابني بينادي شخص تاني كلمه بابا
كارمن :الدكتور ابهم مش شخص تاني هو جوزي وابو العيل الي في بطني فسبني
نوح انقهر من تصميمها :مستحيل لحد ما تعترفي بالحقيقه بتقولي عليا كداب وانتي الي طلعتي عيله وبتكدبي
كارمن :بس انا مش بكدب العيل للدكتور
نوح :الدكتور جه بنفسه وقالي عن كل حاجه
كارمن علامة التعجب على وشها : بتقول ايه
نوح اتعدل وبكل جدية:العيل ابني وهو من اول ما بقي مع امي مقربش منك وانا عاوزك وبحبك وبحب ابننا ارجوكي اديني فرصه ارعيكي وارعيه
كارمن :مستحيل تقدر تعمل ده مستحيل
نوح :ليه مستحيل ليه
كارمن : لو اخترتك ايه عن وضع امك
نوح بصوت حزين: هي سابتني تفتكري انا ممكن اعمل نفسها واسيب ابني
كارمن: بس هي هتفضل امك
نوح اتعدل :ولازم تسدد دينها تتقبل الست الي شايله ابني جوه حياتي
كارمن :فيه الدكتور ولازم احترم مشاعره
نوح :مينفعش بعد اللحظه خلاص هو سابك
كارمن: قصدك ايه
نوح :طلقك يا كارمن يعني مبقاش جوزك خلاص
كارمن :وليه قالك
نوح: لانه عارف انك بتحبيني كارمن من قبل ما اقابلك مكنتش عارف انا عايش ليه حياتي حرفيا كلها ذنوب ومعاصي بس دلوقت محتاج معاكي اتوب واعيش حياه كريمه ونضيفه وعشان كدا متبعديش عني ارجوكي واضيع مره تانيه ساعديني واديني فرصه اقرب واحب الحياه النضيفه واربي ابني زي ما كان نفسي اتربي واعلمه يعني ايه الحب زي ما علمتني امه
كارمن نزلت منها دمعة :عارف ان انا قدك في السن
نوح وايده تلعب بخصلات شعرها:عارف وميهمنيش
كارمن :عارف ان انا كنت متجوزه وحاليا مطلقه
نوح صوابعه تملس ع خدها الناعم:برضو طز ميهمنيش
كارمن :عارف ان لو حضتني دلوقت مستحيل تسيب ايدي تاني
نوح :عارف وعمري ما هسيبها
كارمن بشويه انفعال: عارف لو سبتها هقتلك
نوح باس جبينها: موافق بالتلاته
كارمن :هديك فرصه تفكر
نوح مسك وشها بين ايده الدافيه وبعد خصله شارده عن شعرها جات ع خدها الناعم وهو بيقول ويأكد لها بهمس وإصرار:مش محتاج فرصه عشان افكر انا محتاج الفرصه اكون الزوج الي بتحبيه بجنون زي ما بحبك
كارمن حطت راها ع صدره الدافي وكلبشت في القميص: بحبك اوي اوي يا نوح
نوح :وانا عايز ابقي معاكي ياروح نوح بس انتي طمعانه في القميص
كارمن مسحت دموعها وضحكت: رخم
نوح مسك ايدها وسحبها لحضنه وضمها اوي:الرخم قلبه بيسلم عليكي كتير وبيقولك بيحبك
منتظره رايكم وياتري كارمن تعيش مع نوح ولا ترجع لـ ابهم قراركم هعمل بيه
يتبع…
لقراءة الفصل التالي : اضغط هنا
لقراءة الرواية كاملة اضغط علي : (رواية صائد النساء)
