رواية صائد النساء الفصل الثالث 3 بقلم منة محمد
رواية صائد النساء الجزء الثالث
رواية صائد النساء البارت الثالث
رواية صائد النساء الحلقة الثالثة
طالع بيصفر علي السلم لقاه حرب مخدات بتتحدف عليه اتخض ورد: بتعملي ايه اهدي يا حجا مش كدا
آمنه: كنت فين ليله امبارح ليه راجع متأخر
اسلام ابتسم بعباطه: مش انتي قولت لي خليك مع ابنك حصل فروحت لحد بيته وفضلت معاه طول الليل
آمنه: والله
اسلام بنفس الابتسامه: والله روحت واتغديت معاه كمان
آمنه: اوه انت مدهش
اسلام ابتسم اوي: مش كدا والنبي مذهل في
امنه ضربته بالقلم: انت كداب انا اتصلت بنوح وانت مكنتش معاه ليله امبارح
اسلام نفخ بملل :يا امي منا روحت لحد بيته اشوفه ومكنش موجود اعمل ايه ومتقولليش اتصل بيه لانه مش بيرد ع مكالماتي وده الي اقدر اعمله فسلام
آمنه بصراخ وعصبيه: انت فاشل دلوقت عرفت انك عاجز ومتقدرش تجيب ابنك الوحيد للبيت عشاني يبقي ازاي اسمحلك تدير ممتلاكاتي
اسلام لف وبصلها والدم هرب من وشه
آمنه: سنيه تعالي هنا
سنيه قربت: أمرك يا هانم
امنه ضربت العكاز في الارض: حالا اتصلي بالمحامي قوليله تعال لـ آمنه عايزك تكتب وصيتها وهكتب كل املاكي للجمعيات الخيريه ومرضي السرطان
سنيه بطاعه: امرك
اسلام بسرعه:سنيه اقفي مكانك ارجعي للمطبخ وبص لامه ماما ممكن تهدي من فضلك خلاص هتصل بأمه بما انه مش بيرد عليا ابدا لكن يمكن يرد ع امه(باس خدها) بس ارجوكي اهدي ماشي
آمنه: غور من وشي
اسلام: هغور بس اهدي ومتعمليش اي حاجه هتصل بأمه ولا تقلقي
طلع موبيله ع مضض واتصل بهاله يسألها عنه
هاله ردت: هو مش بيرد عليا ابدا
اسلام اتعصب: انتي ازاي ام ومتعرفش ابنها فين نوعك ايه
هاله :نفس نوعك بالظبط لو متصل بيا عشان تضايقني اقفل اما لو متصل بيا عشان احن عليك وارجعلك فستنا الموت ولما تموت قولي جنازتك فين وانا هعمل حفله قدام قبرك لمده ثلاثه ايام وقفلت في وشه الخط!!!!
اسلام استاء جدا وخاف من رد فعل امه وفضل يشتم ويسب نوح وامه
هاله رجعت اتصلت بأبهم : ابهم عامل ايه شوفت كارمن؟
ابهم بصوت حزين: لاء محصلش اتصلت بيها مش بترد وبسال ياتري هي بخير
هاله :اظن هي مرجعتش لانها مش عايزه تشوفك ايه رايك تيجي تقضي الليله معايا وتسيبها هي تتخطي الامر ها ايه رايك اظن حل كويس بدل ما تقعد لوحدك
ابهم اتنهد:تمام مسافه الطريق سلام
هاله اغلقت وفرحت انها قدرت تستحوذ عليه
اخدتها ودخلت بيها مكان ليلي وهي ماشيه تايهه اول مره تدخل اماكن زي دي شباب وبنات في اوضاع استغفر الله دعت ع ابهم الي رماها ع أماكن زي دي
ناهد قربت من شاب: هاي
الشاب : هايين ياحلوه وغمز
كارمن فضلت واقفه مكانها لمحت شاب واخد واحده لزقها في الجدار ونازل فيها احضان وبوس
كارمن راحت سحبت ناهد من ظهرها: مش قولتيلي هنقابل ابن هاله ليه جيبنا هنا
ناهد: لان ابنها بيشتغل هنا
كارمن لفت حواليها بشمئزاز: المكان مقزز اوي
ناهد سحبتها من ايدها: يله تعالي
وهي ماشيه شاب بيرقص زقها غصب عنه وقعت كارمن علارض مد ايده وقومها: انتي بخير
كارمن اتحملت ع نفسها وقامت: شكرا ايوه بخير
ناهد قربت منه وضمته اوي : تموره
تامر بخفه دمه: اهدي اهدي هتاكليني
ناهد ضحكت: دي كارمن وبصتلها وده تامر
تامر اهلا كارمن (ومد ايده يسلم)
كارمن ردت عليه السلام من غير مد ايد
تامر نزل ايده بأحراج وتعجب منها: انتي خجوله جدا وده شئ لطيف اوي
ناهد حطت ايدها ع كتفه: تامر الشاب الي قولت لك تتصل بيه لسه مجاش
تامر: متقلقيش هو زمانه جاي بس انتم الاتنين هتبقوا معاه
ناهد خبطته في ارنبه انفه:تخيل وانت الشخص الوحيد الي هتحس بالوحده الليله افهم دي صديقتي( ووشوشته)
جوزها قرر يطلقها تخيل !!
تامر هز دماغه: اها كدا فهمت انتم الاتنين تقدروا تقعدوا تستنوه هنا الاول هتصل بصديقي لحظه واحده وراجع اتفضلوا
كارمن :قولتيله ايه ليه هيتصل بصديقه
ناهد :قولت له انك وحيده ولازم يلاقيلك راجل
كارمن بعصبيه: انتي مجنونه ازاي تقوليله كدا ازاي
ناهد: الله مش عايزه تقابلي ابن هاله كدا تقدري تقابليه
كارمن بعدم فهم:ممكن توضح لي
ناهد اخدت نفس من السيجاره ونفخته في وشها:ابن هاله شاب فاسد او نقول صائد نساء
https://www.facebook.com/قصص-منه-محمد-كاتب-110808814814076/
في القسم
نوح بزهق: قولت لك كنت ماشي في حالي فضلوا يستفزوني وانا طبيعي استفزتهم ضربني الشاب الي ضربته دفاع عن النفس هنا ابقي غلطان
اسلام دخل: نوح
نوح بصله ورجع بص للضابط بغيظ: انت اتصلت بيه بس انا قولت لك اعرف اتعامل في الامر مع نفسي
هاله دخلت بتمد عليه بخضه: نوح نوح مالك يا بني جرالك ايه وليه انت هنا؟
نوح جز ع سنانه: انت اتصلت بيها هي كمان
الظابط بهدوء:لازم حد يضمنك
اسلام بسخريه: اعتقد كدا مش محتاجين ندور عليك في البيت لان سهل نلاقيك في قسم الشرطه ع طول هنا قولي اخدوك في ايه المره دي
هاله بزعيق: انتبه لكلامك انت هتلعب دور الاب المحترم دلوقت
اسلام: وانتي جايه دلوقت عشان تدافعي عنه ايه فوقتي وادركتي ان عندك ابن فوقي انتي سبتيه لا امي تربيه من يوم ولادته
هاله :انت دماغك ضربت بسبب المنشطات مين الي اهمله وسابه
اسلام: انا مش باخد اي منشطات فوقي ع حقيقتك انتي وهميه من راسك لرجلك
هاله بغيظ:اسلام انت وقح ونزلت ضرب فيه
اسلام بيتفادي بطشها: ابعدي يا مجنونه
نوح وقف يزعق فيهم :بتعملوا ايه انتم الاتنين
اتنهد : ياحضره الظابط في الحاله دي انا الي بدئت الخناقه ده لان ابويا بينام مع الستات وامي بتخدع الرجاله وانا عملت الخناقه دي عشان الفت انتبهم اني موجود
هاله سابت اسلام وبصتله: نوح ايه الي بتقوله ده مش وقت سخريه فاهم كدا
نوح بحزن:عارف عشان كدا عايز ادخل الحبس وجودي في السجن اهون وارحم اني اكون مع اب وامك زيكم
اسلام مقدرش يكتم عصبيته وهجم عليه بسرعة يضربه
هاله وقفت قصاده بحزم:انت اقف مكانك سيبه في حاله بتعمل ايه لو اتجرئت تلمسه هبلغ فيك
اسلام رفع حاجب:في ايه انشا الله
هاله بتهديد :فاكر عملت ايه في طالبه الجامعه الجديده انا اقولك معظم طلاب الكليه مبلغوش السن القانوني عاوزني افضحك قدام الظابط يا دكتور يا محترم
اسلام: انتي دايما تدافعي عنه عشان كدا هو مش بيحترمني ابدا
هاله :مش غلطتي غلطه الي ربوه لو اخدته مني عشان تربيه بالشكل ده من الافضل انك تسيبه في حاله
هيتكلم قطعته بسيطرة :انا لسه مخلصتش كلامي عارف احنا محظوظين لان ابننا قادر يراعي نفسه ويقدر يعيش لوحده انت الي من المفروض تحترمه
اسلام: لو كنتي احسن مني ليه متخدهوش يعيش عندك اه نسيت متقدريش لعشيقك الجديد يعرف سنك الحقيقي
هاله رفعت ايدها تضربه:اه يا حيوان ياغبي
اسلام ثبت ايدها في الهواء وشد على سنانه من العصبيه :احترامي نفسك بقي والله ابلغ عنك بالاعتداء بالضرب سامعه
نوح كل ده حاطط خده ع المكتب بيتفرح ع الفيلم الهابط الي قدامه بدل ما يقفوه جنبه كل واحد بيغني ع حاله
هاله: ياحضره الظابط انا هاخد ابني معايا حالا اقدر اعمل ايه لو فيه غرامه انا هدفعها ولا لازم اتكلم مع المجني عليه
نوح وصبره نفذ منهم:متعمليش حاجه انا هتعامل مع نفسي اظن بقالي سنين قادر اتعامل مع نفسي وكل مصيبه بطلع منها من غيركم انتم الاتنين
اسلام بنظرات احتقار:وقح فعلا ومشي
نوح غمض عيونه بألم وهاله خلصت الاجراءات وخرج لقاه صاحبه تامر مستنيه ركب معاه وطلعوه ع الديسكو
تامر :الزبونه مش بترد ع مكالماتي كنت مستعجل لما عرفت انك في القسم ومسألتهاش تقدر تستناك
نوح مسح بين عيونه بأرهاق: خلاص مفيش داعي تتصل بيها تعال ندخل ونعرف لو كانت جوه ولا لاء
ركنوا العربيه ودخلو وتامر لف بعيونه شاف كارمن من ظهرها
تامر : حلو الزبونه لسه هنا
نوح: انت متأكد
تامر: ايوه هي دي وشاور بايده ورجع بصله انطلق هستناك ع البار يله اتحرك
نوح قرب من ظهرها: اسف اني اتأخرت
البنت لف له: يظهر انك اتلغبطت في واحده تانيه
نوح: مش انتي الي منتظراني
البنت: لاء محصلش
تامر لمح وشها قام مد بسرعه: انا اسف شكل زميلي فكرك حد تاني انا اسف و
تامر شد نوح من دراعه :يله نمشي
نوح :يعني دي مش زبونتي
تامر: لاء مش هي شكلهم من ظهرهم واحد يا اخي بس التانيه اجمل بكتير قمر 14 ويظهر زهقت وروحت
نوح بعدم اهتمام :انسي انا كمان مروح سلام
تامر :سلام
https://www.facebook.com/قصص-منه-محمد-كاتب-110808814814076/
قدام باب البيت
كارمن: شكرا
ناهد :بجد ليه رجعتي بدري كنا استنينا شويه
كارمن: اتخانق واتاخد ع القسم حتي لو استنيت اكيد مش هيجي
ناهد: يا حبيتي الرجاله الي بيشتغلوا كدا حتي لو اتقبض عليهم او مات ابوهم وامهم هيفضلوا يجوا ويقعدوا معانا عادي ويقدموا خدماتهم
كارمن معجبهاش طريقتها: بتتكلمي عليهم كأنهم مش بني ادمين ولا عندهم مشاعر ولا قلب
ناهد ببتسامه: تمام معندهمش مشاعر ولا قلب والا ازاي قدروا يقيموا علاقه مع ستات ميعرفهمش ويمكن يقيموا علاقه مع ستات في عمر جدتهم
كارمن بتعجب:بس هاله مش فقيره ازاي سمحت له يشتغل الشغلانه دي
ناهد :يمكن عارف ان فلوس امه بتيجي من وري رجاله تانيه عشان كدا قرر يكسب فلوس بنفسه وطريقته المهم اوعي تترددي لحظه تتصلي بيا انا متاحه في اي وقت وهفضل وراه لحد ما تقابليه
كارمن اضايقت من الي بتعمله وفتحت الباب
ناهد مسكت ايدها بتشجعها:اوعي تنسي هما الي بدؤ بالخيانه اياك تسبيهم يؤذوكي ببساطه انتي لازم تحاربي بكل قوتك هتكوني غبيه لو سبتيه يرميكي زي الجزمه
كارمن اتنهدت وفتحت الباب ونزلت لقته قدامها سألها : كنتي فين يا كارمن
كارمن بعصبيه: ماتلمسنيش
ابهم بحزن: انا فضلت قلقان عليكي عارفه كدا؟
كارمن: قلق انت قلقان اني مرجعتش وارفض الطلاق بشروطكم مش كدا
ابهم: لاء انا بالفعل قلقان عليكي
كارمن: لو بالفعل قلقان عليا مكنتش تأذيني
ابهم بزعيق: كارمن كارمن ممكن تسبيني تضربيني تهنيني انا مقدر احساسك وبعترف اني غلط
كارمن بدموع:انت بتحب هاله لدرجه انك اختارتها هي وأذيت مشاعر مراتك الي فضلت معاك خمس سنين
تلفونه رن كانت هاله اغلقه وكشر كدا
كارمن: اظن دي هاله
ابهم هز راسه بنفي: لاء المستشفي
كارمن خطفت منه الموبيل ودخلت واغلقت الباب وهو فضل يهبد جامد: كارمن افتحي الباب خاليني ادخل
كارمن دخلت وفتحت الموبيل وسمعت كلامها
ابهم رجعت كارمن مش كدا…….قولت لك واحده زي كارمن متأذيش نفسها……..هي بس حبت تجذب انتباهك….. تقدر تيجي تقضي ليلتك معايا خليها تعرف انك اختارتني انا وهي هتتجاوز الامر وهي الي هتطلب منك الطلاق بشروطك
كارمن بصراخ:مش هطلب الطلاق ياوقحه
هاله بعدت الموبيل عن ودنها بندهاش ورجعت حطته تاني: هو مش بيحبك ليه مصممه ترمي نفسك عليه
كارمن بتحدي: بما انك عايزاه فأنا مش هطلب الطلاق ابدا
ابهم كان قدر يدخل وشد منها الموبيل: كارمن ميصحش كدا
كارمن فضلت تشده منه بقهر وشخطت فيه
ابهم بحزم وهو بيحاول يتحكم باعصابه : ليه بتعملي كدا ليه حتي لو عشتي معايا مستحيل حياتنا تكمل في سعاده ابدا
كارمن :ولو طلقتني ياتري هتلاقي السعاده وانا مفكرتش هيجرالي ايه
هدي قريت ووزعت نظرتها عليهم : فيه ايه هنا انتم الاتنين عايزين تطلقوا
ابهم :ماما
هدي: ايوه عايزه اعرف فيه ايه
كارمن :جوزي الدكتور خاني يا امي
هدي بفرحه ظهرت على ملامح وشها: بجد الست دي تعليمها اعلي من كارمن وتقدر تخلف اطفال
كارمن بقهره: لو هي افضل مني وتعلمها اعلي مني وتقدر تخلف له عيال هتخاليه يطلقني عادي
هدي :الله حقه
كارمن رغم طبيبتها لكن مستحيل تسمح لأي شخصٍ انه يسلبها حقوقها أو يتعدي عليها
ردت : انا عارفه انك مش بتحبيني لاني مجرد ممرضه بنت فلاح غلبان بسيط مش من عايله مرموقه ع عكس ابنك بس متنسيش لولا ارض ابويا الفلاح مكنتيش قدرتي تشغلي مصنعك الي كان ع وشك يفلس وانا بعت الارض وادتلك الفلوس وساعدتك
هدي: انتي بتطلبي رد الدين
كارمن بعصبيه :ايه مش من حقي
هدي بشراسه: بت بطلي بجاحه
ابهم بنظره: امي ممكن تهدي
هدي بنفعال عليه: اهدي انت دايما كدا تقولي اهدي عشان كدا مراتك بتبجح فيا
هدي لكارمن بحقد وكرهه :بس عارفه حتي لو مشفش غيرك كنت بخطط له ع واحده تانيه غيرك
كارمن: طيب ارد عليكي اقولك ايه
هدي ببرود وبغرور وبرفعه حاجب:انا الي هقولك اني اتحملتك وسمحت لك تفضلي هنا لانك ممرضه ولما اعجز تشتغلي تحت رجلي خدامه وتجب لي احفاد
كارمن بصتلها ووشها احمر من القهر و الذل الي حاسه بيه وابهم واقف يتابع بصمت
هدي كملت بقسوه اشد:بس يظهر عمري ما هتخلفي اطلاقا شوفي حتي العيال رافضين تكوني امهم ليه بقي يفضل معاكي
كارمن: ياتري دي الطريقه الي يفكر فيها شخص محترم
هدي: اه وفكري نفسك عمري ما هكون ممتنه ليكي ابدا
كارمن:فكري نفسك انتي انا بعت ارضي عشان اساعدك تنقذي مصنعك
هدي: ههه طز ولا يهمني عندك عقد بكلامك عندك دليل ولو معندكيش دليل معني كدا ان المصنع ملكي واظن ابني اتحمل خمس سنين بس لو عشتك مفهاش سعاده تطلقي
كارمن طلعت تجري بكل المها ووجعها ودخلت الغرفه وقعدت علارض تبكي حظها العثر
نوح دخل البيت بكل هموم الدنيا فوق راسه ومجهد لقاه الستاير مفتوحه ونور البيت كله مولع دخل لقاها : جدتي
جدته آمنه: هيكون مين غيري يعني
نوح ابتسم واغلق الباب
جدته فتحت دراعاتها: تعال لحضن جدتك
نوح طار في حضنها الدافي: ليه مقولتليش انك جايه
جدته ملصت ودانه براحه: كنت فين ليله امبارح
نوح: كنت بايت عند واحد صاحبي
امنه بحنان:ليه مرجعتش تنام في بيتك
نوح هرش وري ودنه :التكيف عندي بايظ
سنيه: بايظ بس وانا بنضف الاوضه كان شغال اخر حلاوه
امنه ضربتها في دراعها بشويش: انتي اطلعي نضفي فوق يله
سنيه بتكشيره :حاضر يا هانم حاضر
نوح مسك ايدها بحنيه:تعالي نقعد
آمنه :فضلت عند صاحبك عشان متحسش بالوحده
نوح ببتسامه: ليه احس بالوحده اظن انا كبير جدا ع كدا
الجده: انت نسيت اني ربيتك مفكرني معرفش ليه بتتمرد
نوح :ده عشان دايما بتصرف بدفاشه
الجده بنبره حزينه:لاء ده عشان انا مقدرتش اديك الحب الكافي
نوح مسك ايدها وباسها ع راسها: جدتي من فضلك متقوليش كدا انتي اديتيني حب اكبر من اهلي
الجده :بس مفيش مقارنه ابدا بحب ابوك وامك الحققين عشان كداا انت مش بتؤمن بالحب
نوح حب يتوه الموضوع :فطرتي ولا اقوم اجهز لقمه
الجده: اوعي تفكر ان امك وابوك مش بيحبوك وان مفيش حد بيحبك بس ع الاقل حب نفسك لو حبيتها هتلاقي في يوم انسانه تحبك
نوح بيأس واحباط:مفيش انسانه هتحب واحد عايش حياته بفوضويه يا آمنه
الجده بحنيه:لو دخلت انسانه في حياتك يوم اوعدني انك تفتح قلبك وتقبل حبها عايزاك تلاقي السعاده الحقيقيه وبطل تنام مع ناس بعشوائيه لمجرد انك وحيد
نوح بنص ابتسامه :انشاء الله
في الكافيه
ناهد :انتي بتعملي كدا عشان وحيده
كارمن :لاء انا مش كدا انتي عارفه انا ليه اخدت القرار ده
ناهد: تحبي احجزلك معاد الليله مع ابن هاله
كارمن: ايوه عايزه اقابله الليله
ناهد بفرحه ان انتقامها مكمل زي ما رسمت:طيب هتلبسي ايه
كارمن :نفس الي لبساه
ناهد :زي ما توقعت كنت عارفه والله استني خاليني اخمن من ليله امبارح انتي عمرك ما دخلتي ملهي ليلي مش كدا
كارمن: ايوه لاني مش بحب الاماكن دي
ناهد : بصراحه الوضع كدا هايل جدا كدا مشفكيش ابدا قصدي لو قابلك احتمال يقع في حبك من اول نظره بس سيبك انا هساعدك تتغيري
كارمن :اتغير اي تغير
ناهد :قومي معايا وانتي تعرفي يله
كارمن هزت راسها بالموافقة
https://www.facebook.com/قصص-منه-محمد-كاتب-110808814814076/
دخلت المستشفي وفتحت الباب ابهم اول ما شافها قام وقف: هاله ليه جيتي هنا تاتي بس
هاله حدفت نفسها جوه حضنه
ابهم بيدفعها عنه واتكلم بنرفزة : هاله مينفعش تعملي كدا
هاله ببكاء تماسيح: ليه
ابهم :اسمعيني
هاله قطعته :ليه مجاتش امبارح انا خايفه تسبني
ابهم بتوتر وارتباك :من فضلك امشي حالا
هاله :امشي يبقي قررت تنفصل عني
ابهم بخوف والعرق على جبينه:انا مش قصدي ده خالص
هاله: امال ليه عاوزني امشي
ابهم :انا قلت كدا قبل ما حديشوفنا ومن فضلك متنسيش انها لسه ع ذمتي وانا مطلقتهاش فلو شافك حد وانتي بتعملي كدا
هاله قطعته بعصبيه:اه كمل
ابهم :هفقد سمعتي واسمي
هاله :طبعا انا اعرك وببكاء حتي ابني مش بيحبني قولي مين هيحبني اقولك مفيش داعي تطلقها كمل معاها
ابهم شدها عليه :هاله
هاله بتزقه في صدره: سبني
ابهم :هش اهدي واسمعيني رفضت احضنك لاني في الشغل رغم قلقي عليكي بس لو شافوني حاضنك هيعتقدوا ايه بخصوصنا
هاله :انسي خلاص انا ماشيه مش عايزه اسبب لك متاعب
ابهم: هاله اسمعيني وبوصيلي انا بحبك
هاله حدفت نفسها جوه حضنه وهو ضمها بستسلام لرغبتها
لحد ما لمحتهم ممرضه وفتحت عيونها وهاله شافتها وابتسمت اوي
نوح داخل المستشفي يسأل عن كارمن سمع صوت بيذكر اسمها اتسحب ووقف يتسمع
صوت: انا متأكده شوفت هاله بأم عيني الي هياكلهم الدود ولو مش واثقه عمري ما كنت قولت لك دي اتشعبطت في رقبه الدكتور جوز كارمن زي العلقه
رغده :لاء مش قادره اصدق معقوق يخونها كدا فهمت عشان كدا كارمن اخدت اجازه امبارح نص يوم مفتوح دي مش بتاخد اجازه الا لو كانت تعبانه قوليلي هي لسه عنده جوه
الممرضه رفعت كتافها:معرفش يمكن مشت ويمكن لسه معاه
نوح مشي وراح سأل ممرضه تانيه ع غرفه الدكتور ابهم دلته ورايحله لقاه امه خارجه وبتسحب ابهم من ايده عليها وبتضمه
نوح شاف كدا وهنا حس روحه بتتسحب منه مد بخطواته نزل السلم جري لقاه شباك راح وقف قدامه غمض عيونه وفتح اول زرارين من قميصه بيحاول ياخد نفس هبد ع الجدار ولنفسه : ليه بيحصل كل ده لانسانه كويسه مش وضيعه زيك يا امي
قطع تفكيره صوت رنه موبيله فتح الخط ورد بهدوء: خير يا تامر
تامر: الزبونه بتاعه ليله امبارح عايزه تشوفك حالا تقدر
نوح اخد نفس:تمام مسافه السكه
غادر المكان علشان يرجع البيت يجهز نفسه
وراح دخل المكان بعد ما سلم ع تامر ودخل ينتظرها وكل شويه يبص في الساعه لحد ما لقاه رنه ع موبيله رد: الو انا في البار انتي فين
الصوت: انا برضو في البار
نوح رفع نفسه ولف بعيونه لقاها هي اتصدم جدا
كارمن :انت فين معلش ممكن ترفع ايدك عشان اشوفك لان المكان زحمه
نوح رفع ايده لفوق ببطئ: انا هنا
كارمن لفت ع كف ايده المرفوع وهو قام بجسمه كله وبصلها بقهره وهي نزلت الفون من ع ودنها ومش مصدقه انه ابن هاله عدوتها الدود
نوح راح قرب منها: ايه مش هتقوليلي اهلا
كارمن لفت وشها وبصتله وهي محروجه أخدت نفس عميق بشكل متكرر بتحاول تهدي ضربات قلبها
نوح: ولا متعرفتيش عليا(قر ب منها) طيب خاليني افكرك في اليوم الي اتصابت فيه في دراعي وروحت المستشفي انتي عالجتي جرحي افتكرتي كدا
كارمن دخلت في نوبة إحراج شديدة وفرز جبينها العرق بغزارة ومعندهاش القدرة على ترتيب الكلام وشتمت نفسها ع تسرعها وجايه تمشي
نوح مسك ايدها: استني رايحه فين؟؟!!
كارمن بصعوبه: مكنتش اعرف انك
نوح: صائد نساء
كارمن بصتله وهو حلق عليها واخدها جوه حضنه ولف ايده حوالين وسطها: مش هسمحلك تمشي لانك دفعالي اجرتي ولازم اهتم بيكي
كارمن زقته وخرجت من المكان بسرعه البرق
نوح راح وراها ولفها ناحيته: رايحه فين
كارمن بحزم: ده إمر يخصني
نوح: اظن قولت لك لازم اكون معاكي طول الليل لانك دفعتيلي
كارمن: قولي اهلك عارفين عن شغلك ده
نوح مط شفايفه لقدام: مقدرش اقولك اصل انا ليا قاعده ممكن اتكلم في اي حاجه مع الزبونه معاد حياتي الشخصيه وانتي كمان جوزك عارف انك
كارمن: دي امور شخصيه وماشيه
نوح حلق عليها: رايحه فين وانا اخدك
كارمن بحده وشخط: ابعد ايدك عن وسطي
نوح بوقاحه: طيب انتي عايزني احطها فين قوليلي عشان ارضيكي
كارمن اتكت ع اسنانها: بطل اسلوبك الرخيص ده انت مش مطلوب منك تروح معايا اي مكان تقدر تحتفظ بالفلوس
نوح: انا بنفذ شغلي مقابل الفلوس بس مش بقيل الصدقه
كارمن: لو مش عايزها رجعها وانتهينا
نوح :مش بعمل كدا برضو
كارمن بنرفزه منه: انت عايز ايه؟
نوح: الي جيتي عشانه الليله اما لو عايزه ترجعي لجوزك اتفضلي شاورلها بأيده ع الطريق
كارمن بشجاعه مصطنعه: بتاخد زباينك فين؟؟
نوح برفعه حاجب: انتي متأكده انك عايزه تروحي أماكن زي دي
كارمن جسمها اترعش لكن هزت دماغها بالايجاب
نوح طلع قدامها ووقف تاكسي وفتح لها الباب وهي وقفت متردده شويه
نوح فهمها : لو كنتي خايفه لسه عندك وقت تغيري رايك
هو عارف بل متأكد انها مش كدا والي بتعمله صدر منها في حاله تسرع لانها غير متزنة وغير مرتبة في رد فعلها هي بس بتحاول قدامه تتحلى بالثقه والقوه
كارمن اتقدمت وركبت التاكسي وهو لف وركب جنبها واتسحب وحط ايده ع الكنبه وراها وميل دماغه ناحيتها وهي ارتبكت وبتبعد دماغها اتخبطت في الشباك وأتالمت بصوت
نوح بتعجب: مالك
كارمن اتكت ع سنانها: ليه حطيت وشك قريب مني
نوح بحسن نيه:كنت بشوف الطريق وكلم السواق من فضلك لف شمال عند التقاطع الجاي واقف قدام الفندق
كارمن رفعت راسها وبصتله بحقد وغل ونزلت قدام الفندق نوح حاسب وراحلها
نوح: ممكن تستني في لوبي الفندق هشتري كندوم
كارمن لفتله بغضب اسود: انت
نوح قاطعها: ايه مكسوفه مفيش داعي للاحراج هنا عارفين لما بيجي راجل مع ست فاهمين بيحصل ايه !
كارمن بنزفزه من بروده: ممكن تسكت افضل
نوح: لو كنتي محروجه تقدري ترجعي
كارمن بصتله بتحدي وسابقته لجوه وهو راح لـ اقرب صيدليه
منتظره رايكم ياتري كارمن هتقبل تعمل علاقه
نوح هيستغل ضعفها ويضيعها معاه
ابهم لما يعرف هيعمل ايه معاها وانا اكملها من ردوكم هعرف
يتبع…
لقراءة الفصل التالي : اضغط هنا
لقراءة الرواية كاملة اضغط علي : (رواية صائد النساء)
