رواية صائد النساء الفصل الثالث عشر 13 بقلم منة محمد
رواية صائد النساء الجزء الثالث عشر
رواية صائد النساء البارت الثالث عشر
رواية صائد النساء الحلقة الثالثة عشر
البارت الثالث عشر
صائد النساء
قصص منه محمد
في ممر المستشفي جريت خلود زي المجنونة لقسم الطوارىء….ووراها تامر دخلوا يسأله عنه بعد ما وصلهم الخبر من سواق التاكسي
خلود ووراها تامر بيجروا بلهفه: لو سمحتي احنا تبع الحاله الي اتصدمت في تاكسي
الممرضه: ممنوع الدخول
خلود: ايوه بس احنا تبع الحاله
الممرضه فتحت الكشف: اسمه ايه بالكامل
خلود: نوح اسلام الضاوي
الممرضه اغلقت الكشف: هو كويس ومشي اول ما علاجناه
تامر بص لخلود: راح فين ده
خلود طلعت الموبيل تتصل بيه مش بيرد نفخت: ليه مش بيرد ع موبيله
تامر: يله بينا ندور عليه في حته تانيه
وهما خارجين من البوابه شافوه قاعد قدام عربيه علارض تامر جري وسحب خلود وراه
تامر نخ قعد قصاده: انت قاعد كدا ليه وحاسس بأيه
نوح قام يقف بضعف: انا تمام
تامر وقفه بهدوء: طيب خالي بالك
خلود: شكلك مش بخير خالص ارجع المستشفي خليك ع الاقل الليله هنا
نوح: مش هفضل هنا وقولت انا بخير وشد ايده من تامر
تامر مسكه من ظهره: استني رايح فين؟؟
نوح: رايح اقابل كارمن
خلود بعصبيه: ليه؟؟
نوح بصوت جهوري أجش: ده امر يخصني
خلود مسكت دراعه تعصره من الغيره و الغيظ : لاء مش هسمحلك هي مع جوزها فاليه تروحلها
نوح قلبه وجعه اوي: انتي مبتفهميش( وحرر ايده منها)
موبيله رن ورد بفجعه: ايه مالها جدتي طيب حالا جاي
وطلع ركب اول تاكسي قابله ومعاه خلود
……..
في بيت رغده
وقفت تراقبها وهي مغمضة عيونهاالي اتنفخت من كثر العياط
رغده : كارمن انا فتحت الكنبه سرير تقدري تاخدي شور وتروحي تنامي وانا هفضل سهرانه شويه اتفرج ع المسلسل بس لو حابه تقعدي تتفرجي معايا الحلقه النهارده الزوجه هتنتقم من عشيقه جوزها فلازم تتفرجي وتتعلمي ازاي تضربي هاله ع ام راسها
كارمن اتنهدت بحزن: ليه اضربها يعني
رغده بحمقه وعيظ: عشان تكسري غرورها شايفه ازاي بكل بجاحه راحت احتلت بيتك الاول كنت عاوزاكي تتصالحي انتي وابهم بس بعد الي حصل بدئت اتحيز مع الشاب ده
كارمن بصتلها اوي: اي شاب انتي قصدك مين؟؟
رغده: انا بتكلم عن الشاب الي جابك لبيتي مره بالليل قوليلي لسه بتكلمي معاه
كارمن: لاء لان معنديش الي اقلهوله
رغده: طيب هو بيتصل بيكي
كارمن دمعت عيونها بدون ما تذرف دمعه: ليه يعمل ده انتي ناسيه اني ست متجوزه ويمكن هو دلوقت مع بنوته تناسبه اكتر
اثناء كلامهم جرن الباب رن بصوا لبعض لان الوقت متأخر
كارمن: ياتري مين الي جاي دلوقت
رغده: هقوم اشوف مين ورجعت
كارمن: مين الي كان ع الباب
دخل من وري ظهر رغده وراسه في الارض
رغده: انتم الاتنين لازم تتكلموا انا هروح اعمل لقمه
كارمن بحده: انت هنا ليه؟؟!!
ابهم: انتي قولتيلي لو مقدرتش اخالي هاله تسيب البيت مش هترجعيه(خد نفس عميق) انا اسف ياكارمن انا زوج سيئ مقدرتش اخرجها عشان كدا خرجت انا منه
كارمن عقدت ايدها قدام صدرها وسكتت
ابهم قرب منها: انا مروحتش اشوف هاله في الليله دي لسبب مشاعر ولا حب فيها بس مكنش قدامي اختيار
كارمن بصتله بعيون مستنكرة ووش عابس و همّت بالاحتجاج
ابهم قطعها: عندك حق تحتقريني وتكرهيني بس كل الي بطلبه منك متخرجيش من حياتي كارمن انا مستعد اخسر اي حاجه بس الي مقدرش اخسره هو انتي
كارمن: دكتور ابهم من فضلك
ابهم: حقك مترجعيش البيت بس منين ما هتكوني مستعد اكون معاكي انتي
وراح قعد ع الكرسي وفضل موبيله يرن يرن كتير
كارمن بضيق: لو مش هترد هتفضل تتصل
ابهم رفع الموبيل وسحب ايقاف التشغيل كانت هاله كتبتله رساله تهديد انه لو مرجعش البيت لحد بكره يستلقي واعده
كارمن جات قعدت قدامه وعيونها مدمعه : انت مفكر التصرف ده هيحل المشكله
ابهم: عارف انها مش هتستسلم بس الموضوع بالنسبه منتهي
كارمن: اوك اتفضل ادخل خد شور
ابهم مسك ايدها: كارمن بخصوص الشاب الي
كارمن: كلنا ارتكبنا اخطاء ولما تنهي امورك مع هاله هنهي اموري معاه وسحبت ايدها منه
ابهم هنا اتأكد ان الصوره مش مفبركه وانها حقيقيه
ابهم راح قعد وكور كفوف ايده جوه بعض واتك عليهم: مش هطلقها ومش هخليك تاخدها مني
https://www.facebook.com/قصص-منه-محمد-كاتب-110808814814076/
نوح طلع السلم جري: سنيه فين جدتي وعامله ايه
سنيه بتشاورله: هي جوه
اسلام: انت هنا ليه
نوح انفجر فيه بلهجة غاضبة : كنت فين لما جدتي وقعت من ع السلم
اسلام بصراخ: اتكلم بأدب
خلود: اونكل هدي نفسك
اسلام رفع ايده بتهديد: اياك ترفع صوتك في وشي سامع انا اعرف ازاي اعتني بأمي واخد بالي منها واعمل حسابك لو اترميت جوه السجن متطلبش مني اجي اخرجك سامع
نوح انفجر فيه زي انفجار البركان ووشه احمر من الغيظ: محدش طلب منك ولا عايزك تنقذني لان السجن ارحم من اني اشوفك قدامي
اسلام هجم عليه: اه ياكلب
سنيه مسكت ايده: لاء يابيه
اسلام بعصبيه وغضب وحقد: اوعي سبيني اخلص عليه ولا اوعي تفكر انا مش عارف انت هنا ليه انت مبتجيش هنا ابدا بس بدئت تظهر بمجرد ما تعبت جدتك ورجعت للورشه بعد ما بقلكش مكان تروحله وجيت هنا زاحف تستغل امي
نوح: انا مش بفكر زيك
اسلام دخل فيه بهمجيه: شوف برضو الصايع ابن الكلب
وهجم عليه ضربه بوكس كومه علارض
سنيه صرخت ومسكته بقوة : ارجوك يا اسلام بيه متعملش فيه كدا
نوح قام وخلود سحبته ع وري
اسلام: نوح انت شمال وقذر وعمرك ما هتتعدل ليه رجعت يله برا واياك تيجي هنا مره تانيه ومش هتاخد مليم مني
نوح شوحله بعدم اهتمام: انا ولا عايزك ولا عايز فلوسك
اسلام وشه احمر من العصبيه لدرجه انتفخت رقبته فبرزت عروقه وقرب يهجم عليه: لا ده مصمم اموته
سنيه وقفت حائل بينهم تحوش وتسلك: ياربي ع اليوم اهدي والنبي
آمنه خرجت بصعوبه ع المشايه: آآآآآسلام
نوح جري عليها بلهفه: جدتي
آمنه: انا لسه مامتش وعمال تخطط وتقرر هتصرف ثروتي ع مين
نوح بلهفه وقلق: جدتي انتي كويسه سنيه قالتلي انك وقعتي
آمنه حاولت تبان قوية مسحت ع خده بحنيه: انا زي الفل يا حبيبي
نوح بحنان: طيب خلينا نجيب دكتور يطمنا
آمنه بصت لسنيه بوعيد: حسابك معايا يا رغايه انا قولت لك تتصلي بيه
سنيه بتوتر: كنت قلقانه تكوني اتأذيتي ومعرفتش اتصل بمين عشان كدا اتصلت بيه هو
اسلام صرخ عليها: وانا ايه قفص مانجه انا عايش هنا ع فكره ودي امي ليه متصلتيش بيا
سنيه بتردد وخوف: وانت لو اتصلت مش بتهتم
اسلام: اسكتي لضربك بوكس الوحلك وشك العكر
آمنه بأمر: ابعد عنها ليك عين تبجح وتقارن نفسك مع نوح سنيه عندها حق وعرفت تتصل بمين انا لو مكانك مش هطلب اسمع شرح اسبابها
اسلام زاد جنونه: انتي كدا دايما تقفي في صفه عشان كدا هو مش بيحترمني وانتي السبب
آمنه: حتي لو مكنتش في صفه انت محدش بيحترمك من الاساس حتي الموظفين عندي مش اغبياء هما عارفين يحترموا مين
اسلام بحرقه: انتي ازاي امي فهميني
آمنه: امك بس الميراث مش انت الي تقرر مين الي هياخده دي فلوسي انا ..وانا صاحبه الامر ولو كان فيه حد مش هيطول منه جنيه مش هيكون نوح
اسلام بص لنوح نظره كلها كرهه وحقد: وانا ايه ماليش كلمه في البيت ده
آمنه سفهته خالص: نوح عايزه اتكلم معاك
امنه بصت للكل لحد ما استقرت نظراتها ع اسلام : الباقي يمشي بس لو حد حابب يفضل ويتجسس علينا انا وحفيدي هعتبره معتوه
اسلام جز ع اسنانه ومشي بسرعه
آمنه لخلود: تعالي يا بنتي
نوح سند جدته لحد السرير: انتبهي يا امنه ها عامله ايه
آمنه: وقعت كام سلمه الحمد لله انا بخير يا حبيبي بس سنيه كبرت الحكايه
سنيه: والله كنت قلقانه عليكي وانتي بقي يغمي عليكي كتير الايام دي
آمنه بحده: سنيه انا مش بيغما عليا
سنيه هزت دماغها بعناد: حصل
آمنه كاتمه غيظها: محصلش اخرجي قبل ما اضربك بالعكاز اخرجي
نوح: جدتي وحدي الله واهدي هي قلقانه عليكي
آمنه: نوح هي اتصلت بيك كذا مره ليه تبالغ اللامر بسيط
امنه بتحرك ايدها ع ايده وشافت الرباط شهقت ووسعت عيونها: نوح حصل لـ ايدك ايه
نوح: وقعت من فوق الموتسكل
امنه: بجد ولا اتخانقت مع حد ومش عايز تقولي
نوح هزلها دماغه بـ لاء
آمنه لفت لخلود: قوليلي انتي الحقيقه
خلود بصت لتحذير لنوح وقالت: وقع من ع الموتسكل ولسه جايبنه من المستشفي
امنه: فيه اي كسور
نوح ابتسم: لاء يا آمنه مش كسور مجرد التواء
خلود: لازم تفضل معاها ومتروحش اي مكان تاني
آمنه: مفيش مشكله معايا سنيه روح يا حبيبي شوف الي وراك
خلود كانها بتهدده: هتفضل ولا هتسيبها وتمشي
نوح بضيق: ملكيش فيه وبطلي تكوني حشريه
خلود: في بعض الامور لازم اكون متطفل وحشريه
آمنه: استنوا دقيقه فيه مشكله ما بينكم
خلود ببتسامه: لاء خالص يا جده انا ماشيه حمد لله ع سلامتك
امنه : الله يسلمك
خلود: خليك معاها يانوح هنا (وخرجت)
آمنه: نوح ليه حاسه انها مصره تفضل هنا وانت كنت رايح فين
نوح: ولا حاجه يا امنه انتي لازم تستريحي يله نامي ياحلوه عشان اغطيكي
آمنه: الموضوع متعلق بالممرضه
نوح بيهرب: يله يا حبيبتي استريحي
آمنه: لو قولت لك انا مصممه اعرف كنت ناوي تروح فين مش هتقولي
نوح اتنهد بعمق: كنت رايح اشوف كارمن
آمنه: خمنت كدا برضوا
نوح ابتسم: هو انا مفضوح اوي كدا!!!
أمنه: لما الامر يتعلق بالمشاعر والاحسيس فأنت كتا مفتوح ليا عرفاك يانوح لاني ربيتك بنفسي وشوفتك لما كنت بتفضل معايا وسهران بتفكر فيها
نوح اتنهد بصوت: ايوه لاني بجد قلقان عليها بس خلاص هحاول مروحش ليها تاني
آمنه: ليه يانوح
نوح عيونه دمعت: لان بعد تفكير عرفت الي بتمناه صعب احققه هو مجرد حلم مستحيل يتحقق ابدا في عالمنا الحقيقي ولازم اواجهه الحقيقه واتعايش معاها
آمنه ربتت ع كتفه بحنيه: ع اي حال انا معاك وجنبك
نوح بصلها وعيونه مرغرغره دموع: ومش انا بس الي المفروض اواجهه الحقيقه لازم اقول لـ امي تعمل نفس الشئ
.https://www.facebook.com/قصص-منه-محمد-كاتب-110808814814076/
الصبح ع تربيزه الفطار
رغده: يعني يادكتور شيفاك لميت هدومك انت مستعد تهرب مع كارمن
كارمن بصتلها بتحذير: رغده بتقولي ايه
رغده: مينفعش اقول كدا صح
ابهم بهدوء: كارمن لو مبقتش دكتور هتسبيني
كارمن بندهاش: ليه بتسأل السؤال ده فيه حاجه جدت
ابهم: انا بس عايز اعرف لو مبقتش دكتور وبقيت ابهم بس هتفضلي معايا
كارمن: مش لما افهم معني كلامك الاول
رغده بعصبيه: انا هرد بما اني صحبتها اقدر اقولك بكل ثقه كارمن عمرها ما هتسيبك حتي لو كنت مش دكتور
كارمن ضغطت ع ايدها: رغده
رغده: سوري للتدخل بس هو مفكرك انك اتجوزتيه عشان مهنته (بصتله) كارمن مش هاله يا دكتور ياريت تفرق وقامت بندفاع
كارمن: هي معاها حق انا لما اختارتك مش عشان دكتور جاوبت ع سؤالك ممكن تقولي ليه سألتني السؤال ده هي هاله هددتك بوظفتك
ابهم بصلها بنظرات مش مفهومه وقام يشغل العربيه
كارمن طلعت وراه: ياريت ترد ع سؤالي زي ما سألتني بخصوص شغلك لان هي هددتك مش كدا
رغده: تعملها هي شيطان رجيم لكن مقدرش الومها لانه مش غلطها لوحدها يا دكتور هي ماسكه عليك الذله
كارمن بتحذير:رغده وبعدين
رغده: اوف بقي
كارمن بستفسار:ناوي تعمل ايه هتروح لمجلس الاداره وتقولهم انك غوتها
رغده بسخريه:غواها اصلها يا عيني نوغه مراهقه بريئه معندهاش خبره مع الرجاله
كارمن لفت وبصتلها ورغده غصب بلعت باقي الكلام وراحت وقفت بعيد
كارمن: لو انت عملت كدا انا هبلغ الادراره انها عملت ده بأرادتها ورغبتها ولو معملتش كدا بنفسها مكنتش هتيجي لحد بيتك بكل حاجاتها
ابهم حط ايده ع كتافها وبعد شعرها عن وشها بس هي بعدت عنه كم خطوة..
ابهم ابتسم ورد: شكرا انك عايزه تساعديني بس مش عايزك تتورطي
كارمن رمشت بعيونها باستغراب :قصدك ايه
ابهم بضيق: انا الي ارتكبت الغلط ولازم اتعاقب لو المجلس قرر اني مبقاش دكتور هقبل العقاب وهي مش هتقدر تبتزني تاني
كارمن :لكن كدا
ابهم قرب منها وضمها لحضنه وهي زي ما هي متجمده
ابهم: قولت لك انا ع اتم استعداد اخسر اي حاجه ماعدا انتي
كارمن بتررد رهيب رفعت ايدها وضمته وهو ابتسم وشد الضمه كل ده تحت نظرات نوح المقهوره المشهد كأنه أشبه بأيقونة تزلزل قلبه وتدمي روحه لدرجه حس بقلبه وجعه مشي بخطوات راجل محكوم عليه بالاعداام ضغط على صدره بقوه وقعد ع الرصيف وحاول يتنفس رغم انه مش قادر يتنفس نهائي بس حاول يتماسك لانه مخنوق وهيموت
https://www.facebook.com/قصص-منه-محمد-كاتب-110808814814076/
دخلت المستشفي بخطوات كلها شر وانتقام ركبت الاسانسير ومقرره ع الفضيحه العلني وقفت قدام غرفته نفس اللحظه فتح الباب وشافها
هاله: حضرتك الدكتور ابهم
ابهم بهجوم: جيتي هنا عشان تبلغي مجلس الاداره عني
هاله: لو سمعت للفويس الي بعتهولك كنت فهمت انا هنا ليه مش من حقك تلومني ولا ليك الحق تعاتبني اديتك فرصه وري التانيه ولسه بتسبني ولانك قاسي معايا وعديم الرحمه هعمل نفسك
ابهم مسكها من دراعها ودفاعها للحيط: هاله
هاله شدت نفسها منه: افندم ايه عايز فرصه رابعه
ابهم بعصبيه مكتومه:مش عايز فرصه ولا زفت عايز اقولك مفيش فايده حتي لو فضحتيني لاني سلمت استقالتي
وبينه وبين نفسه( مجنون انا اضحي بشغلي انا اخدت اجازه مش مستعد اخسر سمعتي ومكان انا شغلته بخبرتي)
هاله: للدرجه انت خايف ومرعوب مني
ابهم بنظرة حاده وزفره طلعت من صدره: انا مش خايف استقلت لاني مش عايز يكون عندك ذله عليا
هاله كملت بجرأة : وانت مفكر اني هوقف هنا لو بلغت مجلس المستشفي انك عملت سلوك جنسي اثناء الكشف ايه الي هيحصل في حياتك المهنيه عموما هيتم شطب اسمك من قائمه الاطباء نهائي
ابهم بصوت بارد : يله روحي بلغيهم لو قدمتي شكوي هيسألوكي ليه مبلغتيش في اول مره قربت منك كنتي بتيجي مرات تشوفيني مخصوص ودفتر الكشف موجود ومش هتقدري تقولي كنت بجبرك تيجي لان المستشفي متلغمه بالكاميرات ونقدر نفرغ اللقطات في كل مره كنتي فيها معايا وشكلك مهيبره ع الاخير ومكنش عندك مراجعه حتي
هاله اتكت ع اسنانها: انت كلب واناني
ابهم: اه انا اناني بسبب مين لان الامر مش متعلق بمهنتي لاء ده متعلق بمسيرتي المهنيه تدخل جوه الارف ده
هاله بصتله بحده: انت مفكر ان ده هيوقفني
ابهم: اوعي تفكري انا عشان بقف ساكت اني سبت الزمام فلت من ايدي لا يا ماما انا لو ساكت لاني عارف الناس مش بيهتموا غير بالمظهر يمكن ابان غبي واناني وحقير بيخون مراته بس الناس هتشوفني ضحيه لو التزمت الصمت انتي مفكره الناس ممكن تكرهني
هاله: ده انت طلعت شيطان
ابهم عيونه الشر بيبرق فيها: انا مش شيطان انا ذكي
هاله :فكرت ان انا الغبيه الشريره سلمتلك نفسي وعطيتك حبي
ابهم :انتي مش بتحبيني انتي فضلتي معايا لانك مش عايزه تخسري قدام كارمن بس لو عايزه تفوزي لازم تخرجي من بيتي ارجعي لبيتك وكني فيه وانا هخلق لك الوقت الي هبقي معاكي سامعه
هاله :انت قصدك ايه
ابهم بمكر وتمثيل متقن بجداره:هاله انا بعترفلك اهو انا مقدرش ابعد ولا انفصل عنك لاني بحب الي بعمله معاكي لانك افضل من كارمن بكتير بس في نفس الوقت مش عايز اخسرها حاليا
هاله بلهفه: ليه مش انت لسه قابل اني افضل منها في السرير ليه ماتسبهاش تمشي
ابهم: افهمي لاني مش عايز اخسر اكتر سابها ومشي والود وده يضحك بعلووو الصوت
ويملى الدنيا بصووته انتصرت والله انتصرت
هاله لنفسها:لاء انا يستحيل اخسر ابدا
https://www.facebook.com/قصص-منه-محمد-كاتب-110808814814076/
رغده: كارمن سمعتي عن الدكتور ابهم
كارمن :سمعت تم وقفه
رغده :يعني فعلا مش اشاعه طيب اتصلتي بيه
كارمن :لاء متصلتش هتكلم معاه بعد الشغل
رغده :معني ان تم وقفه يعني اعترف بعلاقته مع هاله
ممرضه ما:كارمن فيه واحده عايزه تقابلك
كارمن بستفهام: مين دي
ممرضه: واقفه في اخر الممر
كارمن سابت رغده وراحت شافتها واقفه من ظهرها
كارمن: ليه جايه تشوفيني
ناهد :مش معني اني بقالي فتره مش بجيلك معني كدا اني مش عارفه الي بيجري روحت للملهي اليلي امبارح حبيت ابقي مع نوح
كارمن اضايقت جدا وردت بحده: اسفه بس ده يخصك ولازم ارجع شغلي
ناهد لفت حواليها :صديقه قالي انه ساب الشغلانه دي
كارمن واقفه بضيق:معرفش حاجه عنه ومبقتش بكلمه
ناهد: كنت مفكراكي عارفه ولما سالت اصحابه في نفس المجال قالولي انه ساب الشغلانه عشان بيحب واحده من زباينه فكرتك انتي
كارمن :لاء مش انا قطعت الامور معاه من فتره لو كنتي هنا عشان تتكلمي عنه اعذريني
ناهد كملت بضيق وهي تولع سيجارتها: ازاي هتسمحي لهاله تنتصر وتفوز عليكي
كارمن لمعت عيونها بدمووع جامدة: ده ملوش علاقه بيها
ناهد :طيب لما ملوش علاقه ليه مبقتيش تشوفي نوح لازم تفضلي تشوفيه والاجمل تنامي معاه وتحملي منه
كارمن فتحت عيونها:انتي مجنونه وليه اعمل ده ليه
ناهد: ليه هاله نامت مع جوزك وانتي لازم تنتقمي منهم لو حملتي من نوح تقدري وقتها تكدبي ع جوزك وتفهميه ان العيل منه وخاليه يربي طفل غيره ده الانتقام من الي عمله الاتنين فيكي
كارمن: انا معرفش ازاي وصلتي للحقاره دي اما بالنسبه لي كانت غلطه اني روحت لصياد نساء زيه
ناهد بتلعب في خصل شعرها بغرور :لا متقوليش رجعتي طيبه ومسالمه مره تانيه تقدري تقوليلي اخدتي ايه من الطيبه جوزك خانك مع صديقتك
كارمن :ده كان زمان الدكتور قطع علاقته مع هاله خلاص
ناهد عقدت حواجبها وبدون سابق انذاار انفجرت ضحك وضحكت وضحكت وضحكت
واخدت نفس تهدي نوبه الضحك وابتسمت وكملت بتريقه : انا اسفه للضحك بصراحه انا مش مستغربه ليه هاله سرقت جوزك كارمن فوقي العالم مش ماليان ملايكه الراجل ياروحي لما بيخون بيفضل دايما يخون ولما بيدوق قطمه بيبقي عايزه القطمه الي بعدها شوفي علاقه جوزك بهاله بعيده جدا عن النهايه
سلام
وكملت بسخريه:يا طيبه
سابتها وكارمن واثقه ومتأكده ان كلامها صحيح
https://www.facebook.com/قصص-منه-محمد-كاتب-110808814814076/
عايشه: ماما انتي رايحه فين بسله الغسيل
مايسه بضجر: هغسله يله قومي هاتي السله التانيه وتعالي ورايا ع المطبخ
عايشه قامت بتملل ورفعت السله وراحت حطتها ع الارض بغضب
مايسه كشرت: انتي ليه غضبانه لو مش عايزه تشتغلي في البيت اتفضلي جيبلي فلوس وشهلي ان ابهم يتجوزك
عايشه مطت شفايفها لقدام: انتي شايفه مراته مش عايز يطلقها وراح كمل وجاب عشيقته تعيش معاه في البيت
مايسه: لازم نلاقي طريقه نخلص منهم
عايشه ضجكت بقوه: امي انتي يظهر اثرت عليكي الافلام الي بتتفرجي عليها
مايسه بنرفزه: لاء انا مش لقياه اجره الخدم كلهم استقالوا ومن هنا ورايح هنغسل الغسيل بنفسنا
عايشه: معرفش اعمل ده معرفش
مايسه بدئت بالشرح:هو مش صعب نحط الغسيل كدا ونحط المسحوق هنا ونشغل كدا
عايشه: طيب افرضي هو مش عايزني
مايسه: هو مين الغسيل
عايشه دبدبت برجلها في الارض: ابهم يا امي ابهم
مايسه: لاء هيعوزك بعد ما شافك
عايشه: بلاش تكوني واثقه اوي
مايسه: والله مصيبه لو محطش عيونه عليكي
عايشه بدون اكترث: ولا مصيبه ولا حاجه هندور ع راجل غيره الاغنياء كتير مالين البلد
اثناء كلامهم رن موبيل مايسه
مايسه: روحي شوفي مين بيتصل بسرعه
عايشه خرجت تجري زي المجنونة للتيلفون…وندهت عيلها بصوت عالي تبلغها ان هدي تتصل
مايسه جريت واخدت الموبيل تسمع لهدي
هدي بعتاب: سمعت عن الحفله وسمعت انك كنتي هناك….فيه شاب كان مع عايشه ليه مقولتليش ان عايشه فقدت الامل في ابهم…..قولتلك سبت هاله هنا وسيله ضغط عشان كارمن توافق ع الطلاق وبمجرد ما تطلق هطرد هاله من بيتي ..مستحيل اسمح ان دي تبقي مرات ابني وياريت تبلغي عايشه بكلامي ان ابهم هياخدها لما يخلص من الاتنين
هدي اتشد منها الموبيل لفت بعصبيه: ايه الهمجيه دي
هاله حطت التلفون ع ودنها: اسمعي وبلغي المحروسه بنتك هتستني ابهم كتير لحد ما ازهق منه تبقي تاخده لما انا ازهق منه فهمتي يا وليه ياحربايه
هدي بتحاول هي والشغاله ياخدوه منها الموبيل بس هاله دفعت هدي بعزم قوتها وهدي صرخت بخوف ومسكتها الشغاله … قبل ماتقع على الأرض
هاله كملت وقاحه:ولو مش قادره تستني هشوف لها راجل يطفي نارها تحبي اجبلك انتي كمان واحد يطفيكي يا حيزبون
هدي بهجوم شديد :هاتي التلفون يا قليله الربايه
هاله زقتها دخلت في العمود وزقت الشغاله وقعتها علارض
هاله :يظهر انتي والعجوزه الخرفانه حماتي زهقتوا من فرجه الافلام ولوقت بتلعبوا دور الخاطبه وعايزه عريس لبنتك اسمعيني لو كانت حالتكم صعبه للدرجه ممكن الملكم شويه رجاله كسر ليكي ولحماتي تتسلوا معاهم
هدي ضربتها بالقلم لدرجه الفون وقع من ايدها اتحطم
هدي جرجرتها من شعرها وبقهر:يا قليله الادب
هاله خلصت نفسها منها ودفعتها بقوه رهيبه: ليه انا غلطت انتي عارفه ابهم متجوز اتنين ليه بتدوريله ع الثالثه بقي انتي تستغفليني انتي مفكراني غبيه لو طلق كارمن هبقي انا مراته الشرعيه مش عرفي انا مراته واضح يا ماما
هدي صرخت فيها :متقوليش ماما سامعه
هاله: ليه مقدرش انا مرات ابنك وانتي زي ماما ماما ماما ماما ماما
هدي صرخت بجنون: لاء بطلي تقولي الكلمه دي
هاله طلعت السلم بتغنيها وتبصلها بنظرات تستفزها:ماماماماماما
هدي طلعت وراها وسحبتها من شعرها بشراسه: اخرسي انا مش امك
هاله بتعافر وتمد لسانها بغيظ وتحدي:لا ماماماماماماما
هدي من قوه عصبيتها زقتها من ع السلم وقعت سايحه في دمها وهدي واقفه مش مصدقه
يتبع…
لقراءة الفصل التالي : اضغط هنا
لقراءة الرواية كاملة اضغط علي : (رواية صائد النساء)
