رواية شيزوفرينيا أحاسيس الفصل الرابع 4 بقلم حنين عادل
رواية شيزوفرينيا أحاسيس الجزء الرابع
رواية شيزوفرينيا أحاسيس البارت الرابع
رواية شيزوفرينيا أحاسيس الحلقة الرابعة
بيبُص موسي للظابط بصدمة وكأن لسانه اتلجم مسك دماغه وحس بدوران فسنده صاحبه
موسي بتوتر: انت بتقول ايه يا باشا؟!
بيرد الظابط عليه: افتح محضر وقول اوصافهم وان شاء الله هانجيبهم
موسي بيتعصب:
اه دا انتم رباطيه بقا انا متأكد انهم بوليس حرام عليكم دا انا غلبان
الظابط: انت اتجننت انا عارف انت بتعمل كده من الصدمة
بيتعصب موسي اكتر وبيخبط بايده علي المكتب:
صدمة ايه صدمة ايــــــــــــــــــه انا عليا شيكات ب 50000 الف جنيه حرام عليكم فين التاكسي يا حكومة هو حاميها حراميها
بيمسك صاحبه وبيحاول يهديه…
الظابط: لا دا انت اتجاوزت حدودك خالص ياعسكري
حماصة: عسكري ليييييه لــــــــــــيه سامحه يا باشا امسحها فيا.
موسي: منكم لله
حماصة: اسكت يا غبي وافهم انك اتنصب عليك واتضحك عليك واتلعب بيك ههه تنفع أغنية!
بيدخل العسكري…
الظابط: ارمي لي الاتنين دول في الحجز
حماصة: الاتنين ليه ليـه يا باشا انا مالــي أنا
الظابط: مش صاحبه!
حماصة: ولا أعرفه!
♕ــــــــــــــــــــــــــــــــــــــــــــــــــــــــــــ♕
ظهر في المرايه بعد ما حلق دقنه ولقي الباب بيخبط
أيوب: ادخل
بيفتح يوسف ويدخل:
قالوا لنا انك اتجننت يا ابو نسب سلامتك
بينفخ أيوب بضيق:
شكرا يا يوسف
ضربته زينة في كتفه وبصت لأيوب:
انت ايه أخبارك دلوقتي أحسن
بيتنهد:
بحاول يا زينة بحاول بس الشيلة تقيلة
بيبُص يوسف علي كل حتة في الأوضة:
حد يبقي متضايق وهو قاعد في العز ده
أيوب: عمر المال ما كان سبب السعادة
يوسف: حصل مش المال سبب السعادة الأموال يا عزيزي
زينة بتضربه في كتفه للمرة التانية…
يوسف: مش هانتعشي بقا ولا ايه احنا جايين من سفر اه صحيح 10 كيلو بس طوال جدا كانهم 50
بيبُص له أيوب وزينة ويسكتوا
يوسف باستغراب: ايه؟! فـــــين الاكل اوعي تقول اتغديتوا وسبقتونا!
♕ــــــــــــــــــــــــــــــــــــــــــــــــــــــــ♕
الحب كُله حبيته فيك الحب كُله
وزماني كُله انا عيشته ليك زماني كُله
كانت نورهان قاعدة جمب الراديو وسرحانه
بتقعد جمبها أمها:
يا سلام علي جمال الاغنية بس ياتري هايحس بقا ولا هايفضل عمره لوح تلج
نورهان: هو مين!
*اللي عليه العين والقصد أيوب
نورهان: يوووه يا ماما قولتلك عمره ما هاينفع
*ليه بقا ان شاء الله
بتتنهد نورهان:
عشان اسباب كتير اولها لو كان بيحبني كنت قدامه طول عمري من وأنا بضفاير
وعشان… عشان أنا بنت الجنايني وهو ابن البيه وان حصل وده مستحيل ان يحصل وحبني الناس عمرها ماهاتصدق اني بحبه مش طمعانة فيه
ايوب ده بعيد زي ما يكون في برج عالي وانا تحت الأرض عمري ما هاقدر أوصل ليه
*بتحبيه من قبل ما يعرف مراته الله يرحمها وماصرحتهوش لحد ما حب واتجوز وانتِ واقفة زي ما انتِ ودلوقتي قدامك ليه ما تصرحهوش
بتضحك نورهان:
اصارحه في وقت زي ده وهو ماتخطاش موت مراته اللي بيعشقها وحتي لو صارحته وانجذب لي هايكون عشان عنده فراغ عاطفي وانا عاوزة اللي بحبه يكون بيعشقني!
حطت ايدها علي خدها:
عارفه يا ماما كنت بشوف حبه ليها بحسدها عليه وبتخيل نفسي مكانها كنت هاكون اسعد بنت في العالم بس اكتشفت اني هاكون سعيدة لسعادته عشان كده كنت بدعيله دايما ربنا يسعده
*وبعدين هاتفضلي محلك سر كده لو مش ايوب خلاص في غيره كتير قطر العمر بيعدي
نورهان: اركب القطر الصح بقا مش اي قطر والسلام اصبري يا ماما بعد الصبر بيجي الجبر…
♕ــــــــــــــــــــــــــــــــــــــــــــــــــــــــــــ♕
بيرميهم العسكري في الزنزانة بيتكعبل حماصة في واحد وبيقع فوقه
حماصة بيرفع راسه وبيبُص له فبيبرق ليه
بيقوم حماصة بسرعة وهو خايف:
لا مؤاخذة
حماصة بيجري يقعد جمب موسي اللي حاطط ايده علي خده
موسي: كل يوم مصيبة جديدة اتنصب عليا في عشرين الف جنيه طفحت بيهم الكوته خالي قعد يطمعني ويقول القرش هايجيب اتنين لحد ما الله جاب الله خد الله عليه العضو
امي باعت الغويشة بتاعت ستي لما لقتني هانجلط جابت 15000 دفعتهم مقدم للتاكسي وكتبت بالباقي شيكات وقولت ربنا هايعوضني وبرده اتنصب عليا واتسرقت وطلعت عيل بريالة
ايـــــــــــه يا مـصــر ولادك بيدوني علي قفايا لـيه
حماصة: والله ما أنا عارف اقولك ايه يا صاحبي بس عوض ربنا كبير
بيبُص موسي لــفوق:
يارب دنيتك مش عارف أعيش فيها ولا أكل فيها عيش تعبت والـلـــــــــــــه
كان بيدمع وهو بيتكلم وبيبُص حواليه كل واحد حاطط ايده علي خده..
بيقرب منهم واحد ضخم ووشه متشرح بمعني الكلمة:
انتباه ياض
مـوسـي:
امشي يابا والنبي مش ناقصاك
حماصة بخوف بيميل عليه وبيقول بصوت واطي:
لا والنبي كفاية مصايب مش شايف شكله عامل ايه ده وشه متاخد اخماس في اسداس
وقف حماصة وابتسم:
نعم يا ساعة الباشا
بيمسكه الراجل من قفاه:
انت بتتويق عييا ياض
بيتفتح حماصة في الضحك:
بقا الجتة دي يطلع منها بتتويق ههه
بيتعصب الراجل اكتر:
يا يجايه (رجاله) قيت (لقيت) اييي(اللي) هانعمي(هانعمل) عييه(عليه) حفية(حفلة) انهايده (النهاردة)
حماصة بضحك:
هههه دا لو فهموك اليجايه
بيتعصب الراجل وبيرفعه بايد واحدة لفوق
بيبلع حماصة ريقه بخوف:
اسف والله يا معلم اصل مستوي التفاهة عندي عالي انا اصلا عبيط هربان من مستشفى العباسية هتاخد علي كلام واحد زيي
بيحدفه عالأرض وموسي بيخبي وشه وبيصفر وهو بيبُص للسقف
حماصة: موسي انا خايف أنا مش متطمن
موسي مش بيرد وبيعمل نفسه بيرسم عالحيطه بحتة طباشيره
بيهجم اللي في الزنزانة علي حماصة وبيضربوا فيه
حماصة:
موســـــــــــــــي يا صاحبي الحقني
بيقرب الراجل من موسي:
انت تعيفه؟
موسي: ها لأ…
بيصرخ حماصة فابيجري موسي عليه:
اصاحبــــــــــــــــــــــي
بيضربوا فيهم هما الاتنين وبيصرخوا
♕ــــــــــــــــــــــــــــــــــــــــــــــــــــــــــــ♕
زينات بتكون واقفه في البلكونة قلقانة بتبُص يمين وشمال
روقا: ايه يا زينات واقفة ليه اللي اعرفه ما بتحبيش وقفة البلكونات
زينات: قلقانة اوي علي موسي اتأخر مش عادت
روقا: لا ما تقلقيش ادخلي ياختي بدل ما تقعدي تصوتي من وجع رجلك ودواليكي تنتفخ ولا تدوخي تقعي من البلكونة وانا وربنا ما اقدر اشتال واطلع وانتِ جتة هههه.
زينات: بتبشر علي أختك بالخير يا موكوس
روقا: يا ختي لو كان الكلام بيتحقق بالقول كنت مابطلتش كلام
زينات: انت قاعد لي في البيت ليه ياراجل هويني
شوية
روقا: ايوه ذلينا بقا عشان قاعدين في بيتك ما انتِ عارفة الزلزال وقع العمارة اللي كانت بيت ابونا واتجوزت فيها وليا في الأرض متر ونص عمار يا مصر
زينات: اذلك حسيس اوي يا خويا ماروحتش شغلك ليه البيه اللي انت شغال عنده سواق
روقا: أيوب بيه مراته تعيشي انتِ ومكتئب وحزين اصلها كانت ست ولا كل الستات جمال ودلال ورقة ليه حق يكتئب عليها مش انا متجوز واحدة شبه سوكا العبيطة وراضي وفي الاخر تخلعني!
زينات : دي طفشت من عمايلك السوده يا راجل يا رمرام ومن ايدك الطويلة قصره مش فاهمه ايه دخل ده بالشغل
روقا: يا وليه بقولك ايوب مكتئب فامش بيروح الشغل وانا سواق بوديه الشركة ومشاويره الخاصة بس الحمد لله في اليوم المشؤوم كنت مزكوم وماروحتش
زينات: ليك عمر بقا
♕ــــــــــــــــــــــــــــــــــــــــــــــــــــ♕
يا حلوة يا بلحة يا مقمعة شرفتي أخواتك الأربعة
كان حماصة متحزم وبيرقص وهو خايف وموسي بيطبل له
بيقوله الراجل:
اسمك ايه
حماصة: حماصة حماصة يا معلم
_يأ اسمك سامية ياض
حماصة بيبُص لموسي:
انا خايف
بيضحك الراجل:
ماتخافيش يا سامية هزي ياختي هزي…….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية شيزوفرينيا أحاسيس)
