رواية شيء من الماضي (احببت مجنونة 2) الفصل الحادي والعشرون 21 بقلم نجمة براقة
رواية شيء من الماضي (احببت مجنونة 2) الجزء الحادي والعشرون
رواية شيء من الماضي (احببت مجنونة 2) البارت الحادي والعشرون
رواية شيء من الماضي (احببت مجنونة 2) الحلقة الحادية والعشرون
يوسف _ جني استنا متبوظيش الدنيا
جني تمشي ومتردش عليه
يوسف يمسكها من ايدها_ بقولك استني
جني بذهول _ انت يا يوسف تعمل كده ليه طيب ضميرك كان فين
يوسف بزهق_ بقولك محصلش حآجه والله ما حصل انا بس بعا’قبها علشان غلطت معايا
جني _ يوسف يوسف كفايه انا سمعتك بودني دي
يوسف _ انا مستعد اثبتلك ان مفيش حآجه ومقربتلهاش أبداً صدقيني
جني _ طيب لنفترض اني هصدقك، انت عامل القصه دي ليه وازاي
يوسف _ انا شربتها منوم وبعدين خليت واحده تقلعها وتصورها ولما صحيت فهمتها ان حصل حآجه بينا دا اللي حصل
جني بدموع _ طيب وليه كل ده البنت مد’مره مش شايف حالتها، ايه الذنب اللي ارتكبته عشان يحصلها كده
يوسف بانفعال _ اتراهنت عليه مع جودي علشان يطفشوني،
جني _ وده سبب كافي يخليك تعمل كده لا انت مبقتش يوسف اللي انا اعرفه
يوسف بخنقه _ يمكن بنسبالك سبب تافه بس انا مأجبرتهاش تجوزني بالعافيه ف ليه تلعب بيه، ايه السبب اللي خلاها تعمل كده بعد ما وافقت، وياستي ترفضني براحتها بس متلعبش بيه هي وصحبتها
جني بدموع _ بردو يا يوسف رودينا ملهاش ذنب انت مشكلتك مع جودي بتدخلها هي ليه
يوسف _ هي اللي ادخلت انا مدخلتهاش بمزاجي
جني _ شوف انا مش هتناقش معاك كتير، بس مهما كانت غلطتهم انت لازم تصلح غلطتك دي حرام عليك تعمل فيها كده
يوسف _ لازم يتعذ’بو شويه
جني _ لامتي طيب لغيت ما تعمل في نفسها حآجه، علشان خاطري يا يوسف لو خايف عليه اتقي ربنا في بنات الناس
يوسف بدموع_ اه بس هما لازم يحسو بالي انا حسيته واكتر مينفعش اريحهم بسرعه كده
جني _ الظاهر ان الكلام مش هيجيب نتيجة معاك، انت لو مصلحتش المشكله دي انا هروح اقول لرودينا اللي حصل
يوسف بتحذير _ ساعتها مش هعرفك تاني ومش هتكوني اختي
جني بذهول _ انت فاهم بتقول ايه
يوسف _ زي ما سمعتي
جني تبصله بغيظ _ براحتك بس لو البنت دي حصلها حآجه انا اللي عمري ما هسامحك عن اذنك وبتمشي وتسيبه
يوسف _ متخافيش هتعرف كل حآجه بس خليها تتعذ’ب شويه
****
هشام _ يعني انتي موافقه اننا نعمل الخطوبه بكره
جودي بخنقه _ ايوة
سليم _ الف مبروك
يوسف يدخل عليهم يلاقيهم بيباركو لبعض
سليم _ تعاله يا يوسف، مبروك ياحبيبي خلاص الخطوبه بكره
يوسف _ الله يبارك فيك، يبص لجودي باستفزاز _ وافقتي يعني؟!
جودي بجمود_ موافقه
يوسف بإبتسامة _ اخيرا هنتخطب رسمي انامبسوط اوى
هشام _ طيب احترم وجودي يا ولد
يوسف _ ههههه اسف بس مش قادر اخبي فرحتي
سليم_ حقك طبعا بس نخف علشان منطردش من البيت ههههه
جني تبص على يوسف بعدم رضا وسخط
يوسف ياخد باله ويروح يحضنها_ حبيبتي عقبالك، وبهمس، حاولي ترتاحي عشان محدش ياخد باله
جني بهمس_ انا مش عرفاك يا يوسف انت مش اخويا اللي مربيني
يوسف يمشي ايده على شعرها بحنان _ انا اسف اني كسر’ت الصوره الحلوه اللي في عنيكي ليه و اوعدك كله هيتصلح بس عدي الليله دي
تاني يوم
في المستشفى
مراد_ اخيرا هتخرج
مصطفى_ أخيرا فعلاً انا كنت همو’ت من الزهق
مي _ بعد الشر عنك،
مراد _ يلا بينا طيب
مصطفى يحاوطهم بايديه ويضمهم لحضنه وبدموع_ وحشتوني اوي
مراد بإبتسامة_ انا مش مصدق نفسي ان خلاص بقالي اب بعد ما كنت عشت عمري كله يتيم
مصطفى_ انا اسف، حقك عليه ان شاءلله هعوضك عن كل يوم عشته من غيري
مراد_ كفايه عليه انك هتكون معانا دي تعويض عن كل حآجه
مي _ اااه الظاهر ان مليش مكان بينكم
مصطفى يبوسها فوق جبينها _ انتي الهوا اللي بتنفسه
مراد _ انا من رأيي اننا نمشي عشان شكلكم كده هتلعبو بديلكم ههههه
مي _ ههههه عيب ياولد هضر’بك
مصطفى_ عنده حق ويهمس لها، هموت واعرف لون عيونك
مي _ ههههههههههههههه
مراد _ مش بقولكم لازم نروح امشو الله يباركلكم
في شركة ياسين
ياسين بشرود يفكر في جني وفي الليله اللي قضاها عندها في البيت _ البنت دي مختلفه عن اي بنت عرفتها، بنت حقيقية مش فيك علي طبيعتها كده
رياض يدخل فجأه _ صباح الخير
ياسين بشرود _ هه صباح الخير تعاله
رياض يقعد وهو مضايق
ياسين_ مالك مش طايق دبان وشك
رياض_ البنت اللي كانت معانا اختفت مره واحده
ياسين_ بنت مين
رياض_ صبا
ياسين_ قصدك البنت اللي اتخا’نقتو علشانها انت و انور
رياض_ ايوه هي وانا متأكد ان انور ليه يد في اختفائها
ياسين_ لا يا راجل انور ميعملش كده
رياض_ وتفسر بأيه اختفائها بعد المشكله على طول
ياسين_ يابني متقلقنيش بقولك ميعملهاش
رياض_ امال هتكون راحت فين دول اهلها كل شويه ينطولنا هنا علشانها وبيتهمونا بخطـ.فها
ياسين_ هما حرين يقولو اللي عاوزينه المشكله فيك انت دلوقتي، شاغل نفسك بيها ليه
رياض_ علشان بنت غلبانه مش هتعرف تتصرف
ياسين_ ما تقول انها عجباك اسهل
رياض_ يوووه عجباني ايه البنت في خطر والله اعلم حصلها ايه،
ياسين _ طيب روق دمك انا هسأل انور عليها، وفجاه يأذن الضهر
ياسين_ عن اذنك شويه
رياض_ خد وقتك
بعد شويه بيرجع وينشف وشه ويقف على اتجاه القبله ويصلي
رياض بذهول يفضل واقف مصدوم ويبص عليه لغيت ما بيخلص
ياسين_ ها كنا بنقول ايه
رياض بتوتر _ ياسين في حآجه حصلت، انت كويس يا صاحبي
ياسين باستغراب_ اه الحمدلله بتسأل ليه
رياض_ امال لما انت كويس بتصلي ليه… اقصد انت صليت عادي زي المسلمين
ياسين_ ههههههههههههههه الله يخر’ب عقلك يا رياض، هو انا مينفعش اصلي غير لما اعرف اني هموت
رياض _ فهمني طيب انا قلقت عليك
ياسين _ ههههه الله يجزيك ضحكتني والله، لا متقلقش انا كويس
رياض_ اممم شكلها كده بتصلي ومنتظمه كمان
ياسين بإبتسامة شارده _ حقيقي هي فعلا منتظمه.. ا اقصد هي مين دي
رياض_ ههههه اللي مشقلبه كيانك كده
ياسين _ لا خالص انت عارفني مليش في السكه دي، كله علاقات عابرة
رياض _ اااه قولتلي، انا فكرت انك خلاص طبيت بس طلع علاقه عابرة
ياسين بإبتسامة _ متعملش فيها انك فاهم قولتلك مفيش حآجه، اتفضل شوف شغلك بقا
رياض _ ماشي براحتك مسيرك تيجي تحت جناحي
ياسين _ ههههه طيب خلص بقا انا مش فاضي
رياض _ اوك سلام وبيمشي
ياسين يتصل بحد_ الو
الطرف التاني _ امرك يافندم
ياسين _ كنت طالب موبايل ولسه محدش رد عليه
الطرف التاني _ تمام يافندم طلبك جاهز وهيكون عندك كمان ساعه
ياسين _ متشكر مع السلامه
بعد دقيقه بتتصل زينه
ياسين بقرف _ عاوزه ايه دي… الو نعم
زينه بمياعه_ وحشتني قولت اطمن عليك
ياسين _ متشكر، لو مفيش حآجه مهم ياريت تقفلي انا مش فاضي دلوقتي
زينه _ المهم عندك انت ها عملت ايه
ياسين بزهق _ عملت ايه في ايه
زينه _ في العروسه
ياسين بتحذير _ زينه ابعدي عن القصة دي انتي ملكيش دعوة تمام وبيقفل في وشها
زينه بقهر _ بقا كده، لا دا انت جبت ورا خلاص وعرفت توقعك بس علي مين انا هعرف ازاي افوقك من غفلتك دي
بالليل بيوصلو مراد ومصطفي ومي قدام بيتهم وبيلاقو كام عربيه واقفين قدام بيت هشام
مي _ ايه ده في ايه
مراد _ مش عارف يكون قرايبهم بيزوروهم
مي _ قرايب مين، كل دول قرايب
مصطفى _ قال يخبر بفلوس خلاص يلا بينا وبعدين هنعرف
مي بقلق_ لا انا هروح اشوف في ايه
مصطفى _ واحنا مالنا
مي_ استنا بس، روحو انتو وانا شويه وهجيلكم
مراد _ خلاص يا بابا يلا بينا وخليها هي تروح تطمن
بيت هشام
بتدخل مي تلاقي ناس وشكله فيه حفله صغيره، بتدخل جوه اكتر تلاقي يوسف واهله قاعدين وبيتكلمو مع هشام وياسمين
ياسمين بفرحه _ ايه ده مي رجعت، حمدلله علي سلامتك ياحبيبتي
مي _ الله يسلمك، في ايه يا ياسمين
ياسمين بخجل _ انا اسفه مقولنالكمش عشان وضع مراد بس النهارده خطوبة جودي وياسين
مي بصدمه_ ايه طيب ومقولتيش ليه او استنيتو شويه
ياسمين _ كله حصل فجأه والله حقك عليه، بس اهو انتي جيتي يبقا تحضري معانا الخطوبه، وهي جودي لسه بتجهز
مي _ لا لا احتفلو انتو وانا هروح اشوف مراد علشان يرتاح
ياسمين _ هو مراد رجع معاكى
مي _ ايوه اصر انه يقعد هنا وجبناه علي طول
ياسمين _ حمدلله علي سلامته
مي _ طيب انا همشي و الف مبروك
في اوضة جودي
جودي قاعده قدام المرايا و الكوفيره بتحط المسات الاخيرة
كانت لابسه فستان بسيط بالون الابيض ليبرز قوامها الرشيق و تاج ورد فوق شعرها ومكياج خفيف يبرز جمال عيونها
بتخلص الكوفيره وتمشي..
رودينا قاعده علي السرير وبتبص عليها وعنيها كلها دموع و وجع
جودي بتقوم تروحلها وتحضنها
رودينا بدموع_ شكلك حلو اوي
جودي ببكاء_ وايه لازمته اكون حلوه ولا لا انا مش رايحه خطوبتي انا رايحه سجـ.ن
رودينا ببكاء _ فكري قبل ما تعملي في نفسك كده، انا خلاص حياتي باظت والصور اللي مصورهالي مش هتزيد الموضوع تعقيد لانه معقد لوحده
جودي _ لا مستحيل اسمح بكده، انا اللي وقعـ.تك في طريقه، ولازم اشيل عنك شويه
بتدخل جني تلاقيهم حاضنين بعض
جني _ ممكن ادخل
رودينا تشوفها ف تبعد عن جودي وتروح نحية الباب عشان تمشي
جني توقف قدامها _ استني
رودينا _ ابعدي من فضلك عاوزه اطلع
جني _ لا مش هتمشي قبل ما اقول اللي عاوزاه صدقيني انا مش عاجبني اللي حصل
رودينا _ هتقولي ايه ما انتي سمعتي بودنك وبردو جايه ولابسه اشيك حآجه عندك ولا كأن سمعتي، حآجه، بلاش تمثلي انك قلبك علينا انتي واخوكي واحد
جودي _ استني يا رودينا خلينا نشوفها عاوزه تقول ايه
رودينا _ شوفيها انتي انا مش مستعده يكون بيني وبينها كلام، عن اذنك وبتطلع وتلاقي يوسف في وشها
يوسف ببرود _ ايه اللبس ده معقول مش مبسوطه ان صحبتك هتتخطب
رودينا تبصله باحتقار وتمشي
يوسف _ وقفي عندك
رودينا توقف من غير ما تتكلم
يوسف _ هتفضلي كده لامتي، مش كفايه بقا انتي مزوداها، عيشي حياتك زي ما انا عايش كده
رودينا باحتقار _ طيب انت معند’كش شرف تزعل عليه انه راح انما انا عندي
يوسف _ عندك ايه بقا ما خلاص يا انسه ولا نقول مدام
رودينا تحس ان كلامه دبــ.حها _ انت اقذ.ر انسان شوفته في حياتي، ربنا ينتقم منك يا شيخ، وبتمشي وتسيبه وتطلع علي المطبخ وبعد شويه تروح علي الجنينة
يوسف بتساؤل _ بتخبي ايه في ايديها، بيروح وراها يراقبها من بعيد، ويلاقيها واقفه في ابعد مكان في الجنينة وبتبكي بوجع وبعدين بتظهر معاها سكـ.ينه وبتحطها على معصم ايدها
يوسف يشوف المنظر ده ويجري عليها بسرعه عشان يلحقها لكن للأسف بتكون قطـ.عت شر.ينها
يوسف بارتباك_ عملتي ايه
رودينا بدموع _ مش مسمحاك انت خصيمي عند ربنا وبتدوخ وتيجي توقع لكن هو بيسندها وبارتباك شديد _ رودينا لازم نروح لدكتور،
رودينا تسند رأسها علي حضنه وبدوخه شديدة _ مفيش حآجه هتشفعلك وبتفقد الوعي تماماً
يوسف ببكاء _ الله يخليكي قومي والله ما حصل حآجه، رودينا قومي.
بارتباك شديد يمسك تليفونه ويتصل بجني
جني _ ايوه يا يوسف
يوسف بخوف_ تعالي الجنينه بسرعه
جني _ في ايه يا يوسف
يوسف _ بسرعه تعالي وخلاص، ومتخليش حد ياخد باله
جني بقلق _ حاضر، تمشّى وتسيب جودي اللي بتبصلها ومحتاره مال يوسف بيكلمها
بيت مراد
مي بتدخل البيت وهي بتحاول تداري
مراد _ في ايه يا ماما
مي بارتباك _ مفيش ياحبيبي
مراد بشك _ لا فيه حصل ايه، حد تعبان؟!
مي _ لا خالص هما كويسين
مراد _ امال ايه العربيات دي
مي تسكت ومتردش
مراد _ ساكته ليه، ايه اللي بيحصل هناك اتكلمي
مي _ جودي
مراد بترقب _ مالها
مي _ بتتخطب ليوسف
مراد _ انتي بتقولي ايه
مي _ زي ما قولتلك
مراد يسيبها ويطلع بسرعه وهو شا’يط، بيوصل البيت يلاقي حفله. يدخل جوه اكتر يلاقي ملك ماسكه ايد جودي وطالعين من اوضتها
مراد بصدمه… لنفسه _ جودي ويوسف مستحيل،…. يقرب منها ويوقف قصادها وعنيه كلها تساؤلات وقهر _ كده من غير ما اعرف، لتاني مره تعملي حآجه زي كده من غير ما تقوليلي، هو انتي نسيتي نفسك ولا ايه
جودي بترجي _ مراد أمشى دلوقتي
مراد بانفعال _ مش همشي غير لما اعرف انتي بتعملي فيه كده ليه، حابه تعذ،بيني ليه
جودي تشيل ايد ملك وتدخل جوه اوضتها وتقفل الباب علي نفسها، وتجري علي التليفون وتفك البلوك وتتصل بيه
بيرن تليفون مراد ويبص يلاقيها هي، بيطلع برا ويرد
جودي _ امشي الله يخليك
مراد بقهر _ افتحي الشباك انا جاي
جودي_ اوعي تيجي انا بقولك اهو
مراد بزعيق _ انتي تخرسي مسمعش صوتك
جودي _ بقولك متجيش هتعملي مشكله كبيره
مراد بانفعال_ انتي اللي عملتي المشكله مش انا وبيقفل في وشها ويروح لشباك بتاعها
جني _ نهار اسو’د يوسف هنعمل ايه البنت هتمو’ت
يوسف ببكاء وتوتر شديد_ مش عارف انا عاجز عن التفكير اتصرفي انتي
جني بارتباك_ طيب طيب، ساعدني نوديها العربيه لازم تروح لدكتور
يوسف بارتباك_ طيب والناس
جني_ بسرعه طلعها من الباب الخلفي وانا هجيب العربيه واجيلك
يوسف _ تمام يلا بسرعه،
بيشلها و يوصلها للعربيه ويريحها علي الكرسي وبيجري علشان يركب العربيه
جني_ لا انت ارجع انا هوديها النااس هتسال فينه
يوسف بانفعال_ يو’لعو انا مليش دعوه لازم نلحقها
جني_ يوسف كفايه مصيـ.بة واحده، ارجع انت وانا هوديها واكلمك اطمنك
يوسف بدموع_ مش هينفع اسيبها انا السبب في اللي حصلها
جني بعصبيه _ مش وقته البنت دمـ.ها هيتصفا، امشي دلوقتي، وبتركب بسرعه وتمشي بالعربية
يوسف يلف حولين نفسي هو مش عارف يعمل ايه
اوضة جودي
بيدخل مراد من الشباك وهي بتكون واقفه مستنياه بقلق
مراد اول ما بيدخل بيمسكها من ايديها بعـ.نف ويز.قها على الحيط
جودي تغمض عنيها بو.جع _ ااه ايدي وجعتني
مراد يقرب منها وبقهر _ خليها توجعك،، جودي انتي بتعملي كده ليه، فهميني، انا اذ.يتك في ايه
جودي بترجي وعيون مليانه دموع_ امشي دلوقتي علشان خاطري
مراد بوجع_ ملكيش خاطر عندي يا جودي، انتي طلعتي مبتفكريش غير في نفسك وانا زي الا. هبل فكرت انك ممكن ت…
جودي بمقاطعه _ قولتلك يوسف مش عاجبه كلامي معاك وانا مش عاوزاه يزعل مني امشي بقا
مراد بوجع _ جودي انتي ليه بتخبي في ايه فهميني، انتي مبتحبيش يوسف ف ليه بتعملي كده
جودي تبص بعيد _ ولما انا مبحبهوش هتخطبله وبعدين اتجوزه ليه، انا بحب يوسف وبحبه اوي كمان
مراد _ بصيلي طيب انتي وبتقوليها
جودي _ انا مش بكدب وحتي او بكدب انت ملكش دعوه
مراد يقرب منها يرفع وشها بايده وبهدوء_ ليه دعوة ومحدش ليه دعوة غيري، جودي انتي بتحبيني انا
جودي تبعد ايده بارتباك _ ايوة انا بحبك ما انت زي اخويا
مراد يبصلها بتأمل _ عمري ما كنت زي اخوكي، انتي بتحبيني انا وبس
جودي _ انت اكيد اتجننت احنا طول عمرنا اخوات وبس مفيش مكان لمشاعر تانيه
مراد بنرفزه_ طيب وانتي بتبصي بعيد ليه ما تبصيلي هنا وتقولي الكلام ده ولا خايفة كدبك يتكشف
جودي تبصله وتمسك ايده _ اذا كنت كده هتصدقني ماشي، انا بحب يوسف وانت اخويا ومفيش اي مشاعر تانيه في قلبي ليك انت
مراد يبصلها بتأمل ويقرب منها وبتنهيده وجع _ بس انا بحبك، ومش حب اخوات، ومش قادر اتخيل انك تكوني لحد غيري
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية شيء من الماضي (احببت مجنونة 2))
