رواية شوق الفصل الأول 1 بقلم حمادة هيكل
رواية شوق الجزء الأول
رواية شوق البارت الأول
رواية شوق الحلقة الأولى
في يوم رجعت من بره وانا تعبان ومرهق
وكأني كنت غايب من مدة
دخلت البيت بلهفة ..
كنت حاسس اني مشتاقلها.. وقفت قدامها وابتسمت
وانا بقول: اسف جدا يا حياتي تأخير ربع ساعه
بس فعلا كان غصب عني الطريق والزحمه
حقك عليا
بصت بصه عتاب انا فاهمها كويس وقالت
لا والله دا على اساس اني مش عارفه مواعيد شغلك
وبعدين المطعم اللي بتشتغل فيه في الشارع اللي ورانا
يبقى زحمة ايه بقى
كتمت ضحكه حاولت اخبيها بس هي قفشتني
قربت مني وسكينة السلطة في ايديها وقالت
ها هتعترف عن سبب التأخير ولا؟
طب خلاص.. الطيب احسن لا السلاح يطول
ها.. اعترف
على فكرة انتي وحشاني اوي
يا سلام
اه والله
ودا من امتى بقى
من زمااان
يا راجل ؟
مش مصدقه طب بصي في عيني
احممم ..وبعدين بقى
ايه بس
مش وقته وبعدين رد عليا
ارد على ايه
كنت فيييين ؟
مصممه يعني
ايوه وقول بقى
ابتسمت وانا بقول ماشى يا ستي ..كنت بشتري دا
وطلعت عقد فضة من جيبي ولما شافته ابتسمت
وقالت كنت خايفه تكون نسيت
ومعقول انا انسى احلى يوم في حياتي
عيد جوازنا
ابتسمت وجريت عليا تحضني ورافعه السكين
طب حاسبي يا ستي.. بصت للسكين.. ضحكت ورمتها
واترمت في حضني
كل سنه وانت اجمل حاجه في حياتي
وكل سنه وانتي كل حياتي
انا بحبك اوي بجد
وانا بموت فيكي
وريني كدا البسك العقد
لفت ضهرها ومسكت شعرها ورفعته لفوق و..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية شوق)
