رواية شهد الفصل الخامس والعشرون 25 بقلم يارا عبدالسلام
رواية شهد الجزء الخامس والعشرون
رواية شهد البارت الخامس والعشرون
رواية شهد الحلقة الخامسة والعشرون
فريده مسكت سليم وهى مش حاسه بنفسها وهى واقفه معقول بعد كل السنين دي تقف على رجليها!
نادت على شهد بصوتها كله:شهد شهد
شهد وبسمه جهم بخضه وقفوا مكانهم أنصدموا من اللى شافوه فريده واقفه على رجليها وشايله سليم الولد الشقى اللي كان السبب الأول انها تقف الوقفه دي..
شهد قربت منها بسعاده :ماما انتى وقفتى بقيتي تمشي على رجليكي خلاص
فريده لحد دلوقتي مش مصدقه نفسها ولا مصدقه الموقف مش بالسهوله دي بعد عشرين سنه وهى عاجزه تقف كدا عيونها دمعت وايديها بتترعش من الصدمه
_انا أنا مش مصدقه نفسي أنا واقفه واقفه على رجلى أنا مش مصدقه معقول اكون بحلم ..
بسمه قربت منها وخدتها في حضنها هى بتعتبرهم زي ولادها بالظبط :ماما أهدى انتى بقيتى واقفه خلاص خفيتي رجعتى زي الاول خلاص فارس ومعتز هيفرحوا اووي انك خفيتي وكمان نيره …
فريده هزت راسها بأه..
سليم قرب منها بدموع:تيته انتى زعلانه منى
فريده :لا يا حبيبي انت السبب انى وقفت كدا بس ارجوك متعملش كدا تاني ماشي
_حاضي يا تيته
_يا قلب تيته
قربت منه وحضنته وباسته وهوا مش فاهم حاجه كل اللي عارفه انها كانت قاعده ووقفت😂
معتز وفارس جهم واتفاجئوا شويه لكن كانو فرحانين..
في المساء …
كان الكل متجمع ..
سليم كان قاعد ومقعد تاليا جنبه وبيأكلها وبيأكل نفسه
مراد كان قاعد جنب رهف
مراد:هوا أنا مش قولت متلبسيش البتاع دا تاني
رهف:بس ماما اللي بتلبسهولى يا مياد وانا بقولها لا
مراد بص لشهد بغيظ شهد بصتله بتحدي..
معتز ضحك وفارس وبسمه
معتز قرب من شهد وهمس:انتى هتعملى عقلك بعقل عيل صغير أنا بقول عليكي عاقله
شهد:أنا محدش يتحكم في بنتى هه وبعدين أنا هتشل من أمه علشان هى اللي مشجعاهم على الحاجات دي وهم لسه صغيرين
معتز :الحب ملهوش كبير يا شوشو وانتى عارفه كدا ..
قرب من ودنها اكتر :أنا هطلع استناكى في خلوتنا..
معتز:الحمد لله تصبحوا على خير..
الكل:وانت من أهله
فارس لبسمه:انتى مش هتبطلى اللي بتعمليه دا
_تؤ أنا مش هبطل اللي بعمله لحد ما اموت وأشوف العيال دي متجوزه ومخلفه كمان
_يبنتى اللي بتعمليه دا غلط العيال لسه صغيره انتى عاجبك ابنك دا بيتحكم في طفله
_وانا مالى هوا اللى طالع لعمه دي جينات ملناش دعوة بيها وبعدين هوا أنا بعرف ارمي عليه كلمه دا دماغه ناشفه
_وسليم
_لا دا زيك علشان كدا كان سهل الشقط
رفع حاجبه:والله امال مين اللي كان مخليكي تلفى حوالين نفسك
_لا دي استثناء لكن انت لما قولتلك بحبك حبتنى تبقى سهل ولا مش سهل هل خدت موقف لا طبعا ومكنتش تقدر علشان كنت هقتلك وهقتل نفسي وراك يا فارس
_يا مجنونه هوا انتى بتتحولى ولا اي أهدى يا وحش
وبعدين قال بغمزه:بقولك اي منفسكيش تجيبي اخ لمراد أو اخت لتاليا
بسمه لكسوف:لا يخويا كفايه عليا كدا
_اخوكي !طيب يا بسمه اطلع الاقيكي لابسه الحته اللي بحبها علشان مخليش ليلتك كحلى النهارده
قام من جنبها وهى ضحكت وبصت لاثره بحب..
بصت للاطفال:يلا يا حبايبي روحوا اغسلوا ايديكوا واسنانكوا وكل واحد على سريره يلا
كلهم قاموا وكل واحد فيهم ماسك في ايد التاني
شهد :منك لله يا بسمه انتى السبب في كل اللي بيحصل دا العيال حاسه انهم لزقوا في بعض
بسمه:هوا انتى علشان ملقتيش اهتمام من حد زمان هتحقدى عالعيال سبيهم يعيشوا اللي احنا معشناهوش يا شهد والله اعلم لما يكبروا اي هيبقى مصيرهم
_عندك حق بس انا خايفه ليحصل مشاكل بعد كدا بسببهم وفارس ومعتز يحصل بينهم مشاكل
_سبيها على الله ومتقلقيش ربنا مش بيعمل حاجه وحشه وانتى اكتر واحده عارفه اللي مرينا بيه لحد ما وصلنا لهنا احنا عانينا في حياتنا كتير علشان انتى تبقى هنا مع معتز وانا ابقى مع فارس دا لى علشان نصيبنا أننا نقابلهم صدفه ونحبهم ونتجوز ..
_عندك حق ربنا يستر..
أنا هقوم انام
تصبحى على خير..
شهد طلعت المكان اللي معتز مستنيها فيه …
كان قاعد مستنيها وباصص عالقمر اللي بيسهروا عليه طول الليل..
شهد قربت منه بابتسامه
_وصلت لحد فين
يصلها وابتسم ومد أيده ليها وقعدت جنبه في حضنه وباسها من اول راسها
_وحشتيني..
_وانت كمان ..
بحس انك لما بتبعد عنى كل يوم وتروح الشغل بتاخد قلبي معاك بفضل طول النهار مستنياك وبتوحشني..
_انتى بتفضلي على بالي طول النهار مش بقدر انساكى لحظه ولا لحظه بتمر من غير ما احبك اكتر..
شهد اتنهدت بفرح:عارف يا معتز أنا كل يوم بمتن للحظه اللي قابلتك فيها مع انها كانت أسوأ لحظه في حياتى وكنت مكسورة لكن كانت بدايه جديده وحياه جديده ليا مع انى حاولت كتير ابعد بس مقدرتش كأن في حاجه بتخليني ابقى انا حبيتك من اول موقف من اول احساس ليا بالأمان معاك …
احتليت كل كيانى وكل تفكيري انت احسن حاجه حصلتلي في حياتى أنا بحبك اووي يا معتز بحبك يجد وبحب عيالنا علشان منك وسليم مع أنه مش نفس طبعك بس واخد ملامحك لما بتغيب عنى ببصله بفتكرك ومازن حساه هيبقى شبهك في كل حاجه وتصرفاتك وطبعك وشكلك أنا جبتهم كلهم شبهك من حبي فيك أنا عوزا افضل هنا في حضنك لحد ما اموت …
معتز:انتى من اول يوم شوفتك فيه وانا قررت انك هتكونى ليا باي اسلوب باي حاجه ..احتليتي قلبي من اول لحظه ومن اول يوم كنت بكره كل حاجه لما دخلتى عليا حسيت أن بقى في امل وخلاص في حاجه هقدر احارب علشانها أنا بحبك يا من ملكتى قلبي وروحي وكيانى انتى شهد شهد واحده بس مفيش حد شبهك انتى الملكه بالنسبه ليا محدش قدر يملى عيني ويحتل قلبي الا انتى ..
شهد بحب:اوعدنى انك تفضل حاضنى كدا طول العمر وانك متزعلش منى خالص ومفيش حاجه ابدا هتشغلك عنى
_اوعدك مع انى مش محتاج اوعدك علشان انتى في بالي دائما ..
_طيب عوزا اقولك حاجه كدا بس متتخضش ماشي
_قولى
_انا حامل ..
_دا بجد
_انت فرحان أنا قولت هتزعل
_لا طبعا هوا أنا مقولتلكيش قبل كدا انى عاوز دسته ولا اي
_لا
بص في عينيها
_واديني قولتلك
_بس انا خايفه اووي
_لي
_علشان جسمي كدا هيبوظ وانت كدا حبك ليا هيقل وممكن تتجوز عليا
_لي هوا أنا وحش للدرجه دي وبعدين انتى مهما عملتى هتفضلي وحش الكون وهتفضلي حبيبتي انتى عمرك مهما ملامحك أو جسمك اتغيروا حبي ليكي هيقل لا بالعكس دا بيزيد كل يوم في قلبي عن اليوم اللي قبله ..
شهد قربت منه وباسته من خده :بحبك..
خدها في حضنه وكملوا سهرتهم مع كلام الغزل كل منهم للآخر …
عند فارس وبسمه
كانت واقفه تسرح شعرها المبلول قدام المرايه
فارس حاوط وسطها وهمس في ودنها
_بحبك
بسمه لفتله وحاوطت رقبته وبصت في عينيه:وانا بعشقك
عندي ليك مفاجاه
_قولى
_كان نفسك في أي اخر مره
_كان نفسي تجيبي اخ لمراد أو اخت لتاليا
طلعت اختبار حمل من الدرج
ووريتهوله
_يعنى اي مش فاهم
_يعني أنا حامل يا فارس
_بجد
_اممم
حضنها وشالها ولف بيها..
بحبك
بسمه استنى:كدا الواد ولا البت دا هيتجوز مين احنا قسمنا العيال على بعض
سليم لتاليا
ومراد لرهف
ومازن لهمس
كدا ناقص زين ابن نيره والعيال اللي جايه في الطريق دي
فارس:لا مشكله الصراحه
_صح
يصلها بعصبيه:ربنا يصبرني عليكي يا بسمه انتى عندك برج طائر من غير هرمونات الحمل امال لما تيجي بقى
بسمه:مش بوفق راسين في الحلال
_يبنتي العيال لسه صغيره وكل واحد هيختار اللي قلبه يختاره متقعديش تفترضي من دماغك
_حاضر
قرب منها وحاوط وشها
_انتى عارفه انى بحبك ومش بقدر اشوفك زعلانه بس مش عاوزك تعلقي الاطفال دي بأمل ممكن في يوم ينتهى وتكونى انتى السبب صح
بصتله بدموع:حاضر أنا اسفه
قرب منها وبأسها من جيبينها وخدها في حضنه …
في منزل آخر…
_انا شايفاها وهى بتبصلك وتضحك مين دي
_يبنتى والله أنا مبصتلهاش حتى انتى عارفه انى مبقتش ابص لحد وعارفه انى بحبك انتى
_لا يا احمد انت اهتمامك قل وكل حاجه قلت أنا زعلانه طلقني
احمد مسح وشه بزهق لانه عارف ان دى كلها هرمونات حمل
_يا حبيبتي والله أنا مبصتش لحد أنا عيني معاكى انتى وبحبك انتى أنا مش عارف اشوف غيرك اصلا
نيرة بدموع:انت مبقتش تحبني يا احمد طلقني …وديني عند معتز اخويا ..
_الصبح يا حبيبتي
_متقولش حبيبتي
_خلاص يا زفته
_انت بتشتمني
_اللهم طولك يا روح انتى عوزا اي دلوقتي
_عوزا انام
يصلها باستغراب وبعدين قربت منه وحضنته
_انا اسفه دي هرمونات حمل والله وانت عارف اني بغير عليك
احمد ابتسم على جنانها وحاوطها بايده وبعدين شالها وطلع بيها علشان يناموو
_احمد أنا بحبك
_وانا كمان بموت فيكي يا قلب احمد
بعد مرور كام ساعه..
_احمد اصحى اصحى
_اي اي في أي
_بولد
الحقنىىىى اه اه اه
ااااااااه الحقنىى
_طيب اعمل اي
_خدني المستشفى يا بنى ادم
احمد لبس ولبسها وخدها المستشفى وبعدين اتصل يفارس ومعتز يحصلوه…
وصل بيها المستشفى
نيره كانت تعبانه جدا واول ما وصلت دخلوها العمليات.
معتز وفارس وصلوا وكان أحمد متوتر جدا …
قربوا منه وفضلوا معاه ..
بعد ساعه
الممرضه خرجت:مبروك المدام جابت بنت زي القمر
احمد:الحمد لله يارب الحمد لله
بعد مرور أسبوع…
_اسمعي كلام امك متسمعيش كلام ابوكي
اسمعى كلام ستك
دي كانت بسمه عادي بترش الملح!
كانوا عاملين حفله كبيره وأهل احمد كانو موجودين بينزلوا في المناسبات بس وكانت فريده فرحانه جدا وكلهم فرحانين
بسمه همست لهمس:بت متقلقيش أنا هجوزك الواد مازن..
فارس:تاني يا بسمه
_تاني وتالت ولازم اجوز العيال دي لبعضها هه..
شهد :يلا يا جماعه ناخد صورة جماعيه..
الكل اتجمع وكانو عيله واحده والابتسامه والسعاده ماليه وشوشهم كل واحد فيهم فرحان بالعيله البسيطه اللي كونها وانضم ليهم على اللي اتجوز قريب وكون أسرة صغيره ومحمود اللي لسه بيدور على بنت الحلال …
وكل واحد حياته استقرت مع الي بيحبه…
وتقفل الستار على صوت ام كلثوم وهى بتقول”العيب فيكوا يا في حبايبكوا أما الحب يا روحى عليه…
تمت
لقراءة الرواية كاملة اضغط على : (رواية شهد)
