رواية شمسي وقمري الفصل الرابع 4 بقلم زهرة الربيع
رواية شمسي وقمري الجزء الرابع
رواية شمسي وقمري البارت الرابع
رواية شمسي وقمري الحلقة الرابعة
ماجد بص لراغب قال بوقاحه..استنى بس مراتك تجنن متدهالي وحلال عليك المناقصه
راغب اتنرفز بشده وبقى قمه في الغضب بصلو بنظره ترعب وفاجأو ببو*كس قوي ونزل فيه ض*رب بقوه وعن*ف
منيره وايناس وحتى شمس جريو عليه وبقو يبعدوه عنه… وماجد استغل محاولتهم وفلت منو وبعد وقال…انت قد الي انو عملتو ده ..انت فاكر نفسك مين علشان تمد ايدك عليا انا هوريلك
راغب كان متعصب جامد وقال بعصبيه..غور من هنا لو باقي على حياتك امشي اقسم بربي اخلص عليك غوووور من وشي
ماجد خاف منو ومن نظراتو الي كانت زي الرصاص قال..طيب..انا ماشي بس مش هعديهالك ..وبكره تشوف وتعرف انت مديت ايدك على مين
ومشي تحت انظار راغب الي كان هيموت من الغضب بص لشمس وقال بزعيق..الزفت ده لما يجي متظهريش قدامو خالص فاهمه
شمس اتخضت من صوتو وهزت راسها بحاضر تلقائيا ..راغب طلع اوضتو بنرفزه وشمس بصت لمنيره وقالت..هو..هو مين ده
منيره اتنهدت وقالت…ده ماجد الراوي منافس لراغب في الشغل…احم مامتو كانت متجوزه طليقي..وهو طليق ايناس
شمس بصت لها بدهشه وقالت..هي..هي ايناس كانت متجوزه
منيره اتنهدت و قالت ..ده موضوع طويل يا بنتي ممكن تروحي تشوفي راغب هو بيكره الولد ده قوي ممكن تفضلي جمبو
شمس بلعت ريقها بخوف وقالت..مين..انا
منيره قالت..انا عارفه ان بعد الي عملو مش من حقي اطلب منك كده بس انا عرفاه مش هيقبل يخليني جمبو لو ممكن تحاولي معاه ابقى ممنونه ليكي
شمس ابتسمت بخوف وقالت..احم..تمام..هطلع اهوه
في الوضه كان راغب قاعد بيشرب سجاير وبينفخ بعصبيه وفي قمة غضبو
شمس خبطت على الباب ودخلت على طول
راغب بصلها بغضب وقال..انا سمحتلك تدخلي
شمس خافت منو بس حاولت متبينش قالت…مش محتاجه اخد اذن علشان ادخل اوضتي
راغب بصلها بزهول وقال..اوضتك…امممم.ومن امتى الكلام ده بقى
شمس قالت… والله الكلام ده كلامك انت الي قولت انتي مراتي ومكانك هنا
راغب قرب منها بطريقه ترعب وقال…امممم…طبعا طبعا طب بما اني جوزك مش المفروض نتمم جوازنا ونتشارك السرير زي ما بنتشارك الاوضه ولا ايه وشدها عليه من وسطها وقرب منها جامد
شمس بلعت ريقها بخوف وزقتو ورجعت لورا وقالت..بقولك ايه الزم حدودك معايا انا غلطانه اني جيت اقف جمبك
ولسه هتخرج راغب مسك ايدها وقال ..انا مش محتاج لحد جمبي ابدا..بس دي اوضتك طالما لسه على زمتي وتقدري تفضلي لو حابه وسابها وقعد على السرير بضيق شديد
شمس بصتلو باستغراب لما شافت الحزن في عيونه ولسه هتكلمو سمعت صوت تعرفو كويس بيقول…انتو يا عالم يا ز*باله…اطلعلي يا راجل يا نا*قص…ابعد عني انت وهو… بنتي فين ياناس يا عر*ه
بقلمي…زهرة الربيع
شمس قالت بصدمه..ماما
راغب برق بشده من كلامها ونزل لتحت زي الاعصار وشمس كانت بتجري وراه خايفه على امها
منيره طلعت وقالت… للحرس ايه ده ايه ده في ايه سبوها…نعم حضرتك فيه ايه
فاديه دخلت وقالت بغضب..في قله ادب وقلة تربيه بنتي فين لاوديكم في ستين داهيه
منيره لسه هترد راغب قال…اتفضلي ارتاحي يا مدام بنتك بخير ومحدش قرب لها
فاديه لسه هتتكلم شمس جريت عيها وحضنتها بقوه وبقت تبكي
فاديه شدتها عليها وقالت بدموع…بس يا قلب امك..محدش يستاهل يا قلبي…انا ياما قولتلك انو واطي مكنتيش تصدقيني يا شمس
شمس كانت بتبكي وبس وفاديه هدتها وقالت..كفايه يا حببتي يلا بينا..يلا نمشي
وشدتها من ايدها هتطلع بيها بس راغب قال…استني عندك…بنتك بقت مراتي شرعا وقانونا مش هتروح مكان غير باذني
فاديه بصتلو بغضب وقالت..بنتي صحيح بقت مراتك بالقانون بس عادي هطلقها منك بس الشرع ده متجبش سيرتو على لسانك لانك متعرفش حاجه عنو اصلا.. انا بنتي لما وافقت …وافقت على ابن عمها مش عليك يا باشا فالشرع ده سيبو على جمب… يلا يا شمس
بس شمس بصت لراغب وشافت نظراتو الي ترعب وافتكرت تهديدو خافت جدا على امها ..سابت ايدها وقالت…انا هفضل عند جوزي يا ماما
فاديه بصت لها بصدمه وقالت..انتي بتقولي ايه يا بت امشي معايا متخافيش منو ولا هو ولا الجبان التاني بقدرو يعملو حاجه انا لو هشحت في الشوارع هطلقك منو امشي معايا
شمس نزلت دموعها وقالت…سامحيني يا اما مش هقدر..انا..انا مبسوطه هنا
.كل حاجه عندي ومش عايزه ارجع للفقر تاني…صدقيني انا مبسوطه قوي و
بس فاديه شدتها عليها وضر*بتها قلم قوي وقالت…انتي فاكره اني هصدق العبط ده قولتلك امشي معايا من سكات
هنا راغب شد شمس عليه وقال بغضب..اظن اسمعتي ردها هيه حابه تقعد معايا يعني حتى المحكمه مش هتنفعك ..اظن مفيش داعي ندايق بعض اكتر من كده
فاديه بصت لشمس بدموع وقالت…يا خسارة تربيتي فيكي…ياخسارة عمري الي ضيعتو عليكي با بنت مرزوق
فاديه خرجت بغضب رهيب ومنيره كانت بتنادي عليها وعايزه تهديها بس مشيت من غير ما ترد عليها
شمس نزلت دموعها بحسره وبقت تبكي بشده
راغب اتنهد وقال…اهدي بكره لما تسمعي كلامي ويبقى عندك مبلغ محترم باسمك وقتها امك هتعرف ان انك على حق وهترجعلك
شمس بصتلو بزهول وقالت…انت مش طبيعي..بجد…وقالت بغضب وزعيق…روح اتعالج بقا بلاش قرف وطلعت على الاوضه بسرعه
راغب اتنرفز ولسه هيطلع لها منيره مسكتو وقالت…وانبي يا ابني سبها في حالها السعادي ابوس ايدك
راغب اتنهد وقال ..حاضر يا ماما هطلع الجنينه هكلم عمرعن اذمك وطلع يكلم صاحبو
في شقه عم شمس كان مصطفى قاعد في اوضتو ودموعو على خدو وماسك صوره شمس وبيفكر في كل الوقت الي قضوه سوا
جات ست في الخمسينات ودخلت دي وفاء ام مصطفى قالت بسخريه..لما انت بتحبها قوي كده وقاعد قعدت الحزانا دي عملت فيها كده ليه وطاوعت شيطانك وشيطان ابوك
محسن سمعها من بره قال..هو ابوه جيه جمبكم يا وليه ابنك الي وافق من نفسو ومعاه حق ده مليون جنيه هو كان ادانا الفين
وفاء اتنهدت وقالت.. تقوم تبيع بنت اخوك الي موصيك عليها ..وبصت لمصطفى وقالت… وانت يا خيبه املي دي البت كانت تتمنالك الرضا ترضى تبعها كده زي ما تكون علبه مخلل يا ابن وفاء دانتو حتى امها يدوبك عرفت جات مرتين تسأل عليها انت وابوك تضحكو عليها تقلولها عروسه ونايمه جاتكم عرسه تقطم وسطكو انتو لتنين
مصطفى وقف ونزلت دموعو وقال بزعيق..ما كفياكي يا اما كفياكي بقى..انا مش مستحمل انا حاسس بنار في قلبي مش قادر ارحميني
وفاء اتنهدت وقالت..انا هخرس خالص يا مصطفى ومش هفتح السيره بس يا رب لما انا اسكت النار الي جواك تطفى يا ابن بطني
في القصر شمس كانت في الاوضه و بتبكي وحست انها هتفرقع من الغيظ من كلام راغب وحزن والدتها كان معذبها قررت تنزل تحاول معاه يمكن يسبها ترجع لوالدتها
شمس نزلت وبصت عليه لقتو قاعد مضايق جدا راحت تكلمو بس وقفت مكانها لما ايناس حطت ايدها على كتفو وقالت…انت كويس يا راغب
راغب نزل ايدها بضيق وقال..جدا..وكل ما بتكوني بعيده بكون احسن ولسه هيمشي بس وقف مكانو لما قالت….ليه مش قادر تنساني مش متستحمل اكون قريبه منك مش كده
راغب غمض عنيه بتعب وبصلها وقال…طبعا انتي بتتمني اقولك ايوه..بس لاسف مش هقدر اكدب عليكى لان الحقيقه اني بقرف من وجودك جمبي مبقتش اطيق اشوفك فلو تتكرمي عليا وتبيعي نصيبك في القصر اكون شاكر جدا او حتى تسافري لاهلك ايطاليا وترحميني من خلقتك الي مضطر اشوفها كل يوم
ايناس قالت بعصبيه..القصر ده قصر جدي زي ما هو قصر جدك ومش هبيع نصيبي فيه لا ليك ولا لغيرك وبعدين وانت بتعمل معايا كده ليه …هو احنا ول اتنين يتخطبو وينفصلو ..با راغب انا لسه بحبك حتي بعد ما اتجوزت ماجد مقدرتش انساك واتطلقت منو لاني بحبك و
بس قاطعها راغب لما ضحك بشده وقال…والله ..بجد
انتي اتطلقتي منو لانك بتحبيني مكنتش اعرف والله..واتحولت ملامحو لغضب رهيب وقال…ماجد طلقك لانو اخد الي عايزه منك هو اتجوزك علشان يكسرني وانتي مخدتيش في ايده غلوه برافو عليكي اول ما عرض عليكي نص اسهم الشركه وافقتي ..وافقتي لاني وقتها مكانش عندي الي عند ماجد وكان اغنى مني قولتيلي ايه وانتي بتقلعي دبلتي قدامو..قولتيلي عندي طموح مش هتقدر توفرهالي..ونزلت دمعه غصب عنو وقال بغضب..قولتيلي هتجوزو انساني كل شيى نصيب
بس شوفي ربك كبير ازاي دلوقتي هو الي جيه يترجاني اسبلو مناقصه هيموت عليها يا عيني انا وعدتكم انتو التنين اني هكبر وهوصل لدرجات متقدروش تشوفوها بعيونكم وابتديت ولسه هخسف بيه الارض اوعدك
راغب لسه هيمشي ايناس جريت عليه وحضنتو من ورا وقالت بدموع..متعملش فيا كده يا راغب انا بحبك والله والله بحبك انت كمان بتحبني متكدبش على نفسك
راغب ابتسم بدموع وبعدها عنو وقال..معاكي حق حبيتك …ويمكن لسه بحبك ..ويمكن افضل احبك طول عمري
ايناس ابتسمت بفرحه بس اختفت ابتسامتها بسرعه لما قال…بس قلبي ده لو هحرقو مش هيكون ليكي انا وانتي مبقاش فيه خطوه نمشيها سوا انا لو هموت مش هرجعلك… انسيني كل شيئ نصيب
راغب مشي وسابها بتبكي بحزن وندم.. كل الحوار ده كان تحت انظار شمس الي نزلت دموعها بحزن عليه لما شافت الوجع في عيونه ..دخلت وراه وقالت راغب استنى
راغب وقف ومسح دموعو بسرعه وقال..عايزه ايه انتي كمان
شمس كانت حاسه بوجعو قوي احساس صعب جدا لما تحب شخص ويبيعك بسهوله قالت…انت كويس
راغب بصلها باستغراب وقال..انا الي المفروض اسألك السؤال ده
شمس قالت.انا بخير الحمد لله
راغب قال ….امال نزلتي تاني ليه ..وبعدين انتي جايه من الجنينه…لحظه بس..انتي كنتي بتصنتي علينا بره
شمس بلعت ريقها بتوتر قالت..احم..انا انا
بقلمي…زهرة الربيع
راغب غمض عيونه وفتحهم وقال….يعني كنتي بتتصنتي
شمس قالت..بص هو مش بالظبط انا جيت علشان اطلب منك تسبني اروح… لقيتكم بتتكلمو بالصدفه
راغب قال…امم بالصدفه..ووقفتي تسمعي بالصدفه برده..على العموم انا مش قادر اتناقش معاكي حاليا…ولسه هيمشى شمس قالت..لسه بتحبها
راغب قال بغضب…وانتي مالك..يخصك في ايه
شمس قالت بحزن…كنت عايزه اعرف الوقت بيداوي ولا ..لا
راغب هدي لما قالت كده و بصلها بدموع وابتسم وقال…لسه بتحبيه بعد الي عرفتيه
شمس اتجمعت الدموع في عنيها وقالت…انت كمان لسه بتحبها بعد الي عملتو معاك
راغب اتنهد وقال…مش شرط كل حاجه نحبها تبقى لينا في حجات بنحبها قوي بنضطر نبعد عنها علشان حاجه اهم
شمس قالت باستفهام…حاجه ايه دي الي اهم من الحب
راغب قال..الكرامه..كرامتك اولا واخيرا ده اول درس تتعلميه مني علشان كده مش هاخد منك مقابل
شمس ضحكت وقالت..هو انا كل ما هحب اعرف منك حاجه هدفع مقابل
راغب قال …طبعا كل حاجه في الدنيا لها مقابل ولازم تدفعي علشان ميبقاش حد بيمن عليكي
شمس ضحكت وقالت..طب انت عندك فلوس تدفع منها انا عندي ايه يا حسره
راغب قرب منها وقال..انتي عندك ..كتير..كتير اوي..وقرب اكتر وقال..يعني مثلا عنيكي انا مستعد افضل اشرح واكتب اشعار كمان مقابل النظره دي ..من اول يوم سحرتني كمان شعرك حتى الحجاب الي بتلبسيه يشهد على جمالو ولما بتتكلمي بتحركي قلوب بحركه شفايفك كل حاجه فيكي تبهر انتي جمالك ثروتك وسلاحك كمان
راغب كان قريب منها جامد وشمس بقت تبصلو بتركيذ في كل كلمه وكلامو عجبها جدا وشخصيتو بتعجبها اكتر ازاي بيقدر يخفي ألم قلبو في ثواني ويسيطر عليه
راغب كان غرقان في عيونها بس فاق لنفسه وبعد وقال بارتباك..احم..انا..انا هطلع انام تعبان جدا..عن اذنك
راغب طلع وشمس ابتسمت ولسه هتمشي ايناس قالت…استني عندك
شمس وقفت وبصت لها باستغراب وقالت…نعم عايزه حاجه
ايناس قالت بغرور…تاخدي كام وتبعدي عنو ومشوفش وشك تاني وووووو…
يتبع……
لقراءة الفصل التالي : اضغط هنا
لقراءة الرواية كاملة اضغط على : (رواية شمسي وقمري)
