رواية شبيهتي الفصل الرابع 4 بقلم هبة غنيم
رواية شبيهتي البارت الرابع
رواية شبيهتي الجزء الرابع
رواية شبيهتي الحلقة الرابعة
لقيت المكان ال عملت فيه العيد ميلاد شقه مش بيتها كانت مأجره الشقه دي وعملت فيها ديكوريشنز حلوه اوي بس المكان مش كبير اوي وكانت عازمه ناس كتير اوي والشباب كانو اكتر من البنات واشكالهم مريبه وحركاتهم غريبه عليا ضحك بصوت عالي مع البنات وحاجه انا مش متعوده عليها دخلت ملقتش حد يعتبر ليا علاقه بيه اوي غير دينا والشله بس اصلا حسيتهم م بصوليش لسه كنت هروحلهم بس للاسف شوفت احمد ولقيته بيقرب عليا
:انتِ ايه ال جابك ؟
قررت اسيبه وامشي مش عايزه اتكلم معاه تاني خايفه دموعي تخوني
:انتِ رايحه فين مش بكلمك
_انا قولت قبل كدا مبحبش حد يقرب مني أو يلمسني ودا اخر تحذير ليك يا احمد لو لمست ايدي تاني مش هيحصلك كويس
احمد ابتسم بمراوغه وقرب منها اكتر وغمز لها
:م توريني كدا هتعملي ايه ؟
محستش بنفسي غير وأيدي عملت رنه علي وشه مره واحده المكان ال كان دوشه كله سكت بسبب القلم !
:انا باين سكتلك كتير .
في اللحظه دي خوفت كان بيقرب مني يمد ايده عليا غمضت عيني ومره واحده لقيت حد مسك ايده
”مش عيب كدا ؟ مش مينفعش نمد أيدينا علي بنت برده في اي يا احمد ؟
:امشي يا سيف متخلينيش اتجنن عليك انت كمان
شاورلي سيف دا بعنيه اني امشي خرجت وانا مرعوبه برجف وقفني أصحاب ندي علي الباب
*انتي جايه تبوظي اليوم ،انا مش عارفه اصلا ندي عزمتك ليه ،يابنتي فوقي انت مش شبهنا ابعدي عننا بقا انت فاكره نفسك مين ؟
الكلام نزل عليا زي المايه السقعه المشكله اني بصيت ل دينا وصحابي ال واقفين معاها ولقتيهم بيبصولي عادي جدا ولا فارق معاهم استغربت اوي بس سبتهم ونزلت ،بجري في الشارع زي التايهه بالظبط روحت البيت من غير اي كلمه دخلت اترميت علي السرير منهاره وببكي حسيت ب ايد بطبطب عليا رفعت راسي لقيتها هبه
_جايه تشمتي فيا عشان قولتيلي مروحش ؟
=لا مش هشمت جايه اسال سوال واحد فهمتي حاجه من النهارده ؟
_ممكن ال فهمته اني وحشه
= انتي القلب والقلب عمره م كان وحش يعني انتي مش وحشه مشكلتك انك قربتي من ناس مش دي الناس الصح ال تقربي منها اتحركتي ب قلبك ونسيتيني لغيتيني من حياتك عشان بس انت مبسوطه وقلبك مريحك ماشي معاك زي م انتي عايزه بس لما بتقعي بيقول اجري للعقل يحللنا ، الحاجه ال محتاجه تتعلميها بجد أن مش ديما تمشي بقلبك انت محتاجه توحدي بين الاتنين لان من غيره هتوهي محتاجه تعرفي أن اللمه الكدابه تأثيرها وحش محتاجه انك ديما متنسيش حدودك والدين شكلك وانت خارجه النهارده لو كان توفاك الله كنتي هتقولي ايه ؟ ارجعي ل عقلك التزمي ب حجابك دوري علي صحبه صالحه بجد تدفعك ل قدام مش تمشي ورا ناس هترجعك ل ورا هسيبك دلوقتي تنامي عشان انت محتاجه تنامي بس لما تصحي في حجات كتير لازم تتغير
نمت الليله دي وانا بعيط ومنهاره حسه اني اتحطيت قدام الحقايق ال انا بهرب منها الشعور دا بشع اوي مكنتش اعرف ان في يوم من الايام هتواجه ومين ال يواجهني نفسي ! بعيدا عن كل دا في جمله واحده رنت في دماغي منستهاش
“لو كان توفاك الله بشكل وانت خارجه النهارده كنتي هتقولي ايه ؟” مش عارفه اتخطي الجمله دي حسه اني في صراع غريب صراع فعلا مرهق ومتعب لا وكمان مؤذي صحيت تاني يوم كان باقي اثار ميكب كتير علي وشي طبعا لاني جيت معملتش اي حاجه قومت غسلت وشي كويس وعملت اسكين كير وفرشت مصليتي وصليت ومره واحده لقتني ببكي ببكي بشده وشحتفه من ال حصلي وان هل انا كنت استاهل ال جرالي دا وخلصت صلاه وقرأت الاذكار كان بقالي سنين مقراتهاش مع اني عارفه انها حصن ليا بس كنت بكبر واقول مش مشكله مش مشكله هديت شويه ولسه هقوم لقيتها في وشي تاني اكتفيت اني ابتسمت لها وانا عيني فيها الدموع …
=سمعتك علفكره وانت بتقولي كنت استاهل ولا لا ؟
_اه وبعدين
=اقولك الصراحه ؟ انت تستاهلي
_ماشي يا سيدي شكرا كفايه
=بصي يا هبه انت ال حصلك دا م هو ال خبطه تفوق ،ربنا رحيم بيكي اوي سابلك فرصه تعدلي من حجات كتير ف ايه هتستغليها وتعدلي ؟
_ابدأ ب ايه ؟
=اولا رني علي دينا مش كنتي شايفه انها اقرب حد ليكي ؟
_اه
=رني عليها واساليها بس هي ليه موقفتش معاكي امبارح
_وبعدين ؟
=هقولك انها هترد رد مش هيعجبك وانت بناءا عليه هتقطعي علاقتك بيها
_بس انا كدا هخسر
=بالعكس دا هي ال هتخسر ،انتي معملتيش حاجه تزعل حد منك ف هي لو زعلانه ف دا يبقي اشاره ليكي انك تبعدي ،ومتخافيش انك تكوني لوحدك احسن من لما تكوني مع ناس مش بيحبوكي ولا عايزينك
كلمت دينا فعلا رنيت مرتين وكانت بتكنسل عليا اصريت اني ارن المره التالته عشان ترد
:ايه يا هبه بترني كتير ليه ؟
_وانت مبترديش ليه يا دينا من اول مره
:مكنتش فاضيه
_طيب يا دينا ،هسال سؤال واحد انت موقفتيش معايا امبارح ليه ؟
:هو انت شايفه أن معاكي حق امبارح عشان اقف معاك دا انت اديتي للولد قلم بوظتي اليوم كله
_يعني كنت اسيبه يقرب مني اكتر ويتعدي حدوده ولما احافظ علي نفسي يبقي انا غلطانه
:تحفظي علي ايه هو انت فاكره احمد بيبصلك ؟ احمد يا حبيتي مش عايز منك حاجه متخافيش علي نفسك كدا يوم م يعوز مش هيطلبها منك انتي قال يعني مفيش غيرك انتي شايفه نفسك حلوه ازاي اصلا معرفش
_انت بتقولي ايه يا دينا
:بقول ال سمعتيه بصي يا هبه انا شايفه انك غلطي امبارح ولازم تعتذري ل احمد عشان عيب ال عملتيه
_وانا شايفه يا دينا اني مش عايزه اعرفك تاني خالص
:انت شايفه نفسك عليا ؟
_لا يا دينا شايفه اني رخصت نفسي لما عرفتك اصلا مش عايزه اجرحك بالكلام كفايه كلامك انتي انا هطلع احسن منك ومش هقولك كلام يأذيكي لان صدقيني مش هتمني في يوم من الايام حد يعيش ال عشته ..
قفلت مع دينا وعملتها بلوك وعملت لكل اللمه دي بلوك وحطيت موبايلي جنبي علي الارض وقعدت سندت ضهري علي الحيطه وضميت رجلي ليا وحاوطها ب ايدي ودفنت راسي جواها وعيطت
=هبه بصيلي ارفعي دماغك
_متتكلمييش انت المره دي انا هتكلم انا خلاص فهمت فهمت كل حاجه ماشيه ازاي فهمت أن لازم افكر بعقلي قبل م امشي ب مشاعري عرفت أن ديما المشاعر سهل تتزين وان الوشوش سهل تضحك في وشك بس من جواها حقد وغل ليك عرفت أن في الاول وفي الاخر مهما روحت ومهما جيت مليش غير نفسي وعرفت ان هي بس ال هتقدرني وهي بس ال هتقف معايا وان ليها حق عليا لازم مخليهاش رخيصه وان أرفع من قيمتها لأنها تستحق بس فهمت برده أن كلهم كدابين كلهم بوشين مكنتش اتمني اني اشوفهم بالشكل دا انا عمري م كنت وحشه مع حد عمري م اذيت حد بس المشكله اني كنت طيبه بزياده مش اكتر وهم استغلوني بس أنا مش هبقي وحشه زيهم ربنا يهديهم بقا انا هكمل حياتي عادي من غيرهم الحياه مش بتقف علي حد ..
تمت ♥️
لقراءة الرواية كاملة اضغط على : (رواية شبيهتي)
