رواية شبيهتي الفصل الثالث 3 بقلم هبة غنيم
رواية شبيهتي البارت الثالث
رواية شبيهتي الجزء الثالث
رواية شبيهتي الحلقة الثالثة
نزلت مع دينا وروحنا المول انا اشتريت ل ندي بلوزه وسلسله فضه حلوين اوي ودينا اختارت ليها شوز من نفس المكان وروحنا نحاسب
:يا نهار اكيد هزار ايه الضحك دا
_ايه يا دينا ؟
:مش لاقيه محفظتي اعمل ايه
_خلاص يا دينا هحاسبلك انا
:تمام ماشي
حسبتلها وخرجنا من المكان ومره واحده لقيت شله ولاد بالكامل جم ناحيتنا ودينا بتسلم عليهم واحد واحد والمشكله أنها بطريقه غريبه بتلمس دا وتضحك بعلو صوتها مع دا وتنكش دا وانا واقفه متنحه
+ايه مالها دي مش شبهك يا دينا من أمتي بتمشي مع الناس دي
:ايه يا حسن مش وقته
+في ايه يا حلوه م تسلمي علينا انت واقفه بعيد كدا ليه نتعرف حتي ؟
_انا ماشيه يا دينا هستناك تحت
نفدت بجلدي بجد كان بيبصلي بصه مريبه حرفيا جبني من فوق ل تحت هو في ايه هي ليه بتتعامل معاهم كدا !
دينا نزلت اخيرااا
_مين دول يا دينا
:صحابي عادي من النادي
_انا همشي عشان متاخرش
:معلش بس ممكن تجيبيلي ٢٠٠ جنيه هجيب حجات قبل م اروح وكدا اكيد انت فهمه
_اكيد اتفضلي
:يلا مع السلامه يا هبه
روحت واتدلقت علي السرير من كتر اللف والتعب
=ها ؟ نقدر نتكلم بقا
_لا لا الصباح رباح بيقولو
=قومي اقعدي يا هبه خليني اتكلم معاك براحه في ال حصل
_انا تعبت منك علفكره
=اولا يا ماما دي المره الكام ال تاخد منك فلوس ؟
_اممم مش عارفه بس مش اول مره يعني
=قصدك مش المره ال ٢٠ ،طب بترجعهم ؟
_لا بس اكيد هترجعهم يعني هي هتاكلهم عليا
=انا ههدي نفسي خالص ،اه يا هبه هتاكلهم عليكي ،يابنتي دي بتخرج معاك عشان تاخد منك فلوس مفيش مره رجعتلك حاجه من ال اخدتها دي بجد استغلاليه ومعفنه والله معفنه هي اصلا مش محتاجه الفلوس دي بتاخدهم بس عشان هي انانيه وطماعه وخلاص
_عيب انك تقولي كدا علفكره
=دي الحقيقه قدامك اهيي اعملك ايه اكتر من كدا
_عيب نغتاب الناااس
=طب نسيبنا من الحوار دا حضرتك دلوقتي ايه حوار الشله ال سلمت عليها دي دي كانت شويه وهتدخل في حضن الولا
_اه وانا مالي م انا سبتهم ونزلت
=هو ايه ال وانا مالي الرسول صلى الله عليه وسلم في حديث ليه بيقول (المرء علي دين خليله فالينظر أحدكم من يخالل ) ودا في ما معناه أن الصاحب ديما بيأثر علي صحبه لأنهم ماشين سوا أو مع بعض يعني طول م انتِ معاها ف كل ال شايفكم سوا هيقول أن انت شبها
_م انا سببتها ونزلت يا هبه اعمل ايه يعني تاني هي حره
=لا يا حبيتي بنبعد عنها محدش هيقتنع ب انك مش شبها حبيتي ال بيحكمنا الدين بتاعنا هي حياتها كلها غلط انت ليه تمشي مع واحده حياتها غلط
_بس يا هبه انت عماله تصدميني بجد وانا مش فايقه انا هنام
نمت وصحيت كان يوم الجمعه اخيرا راحه بقا بحب ابدأ يوم الجمعه بدري بأني اصحي الصبح اعمل فطار حلو ليا واشرب قهوه واشغل بخور في الشقه وارتب الاوضه وكل دا وانا بسمع سوره الكهف من الشيخ ياسر الدوسري بحس براحه غريبه في اليوم دا
خلصت روتيني والعصر كدا اتغديت وقعدت في البلكونه مع كوبايه شاي بالنعناع حاجه كدا مريحه
=هبه انا عايزه اقول حاجه
_انا برده مستغربه انتي فين من بدري ،اتفضلي
=انا عايزاكِ ترجعي تاني
_يعني ايه ؟
=هبه انت طول حياتك كان ليكي روتين معين وابسطه كان روتين الجمعه دا قوليلي كدا انت اخر مره عملتيه اساسا كان من أمتي ؟
_بقالي فتره معملتوش فعلا بس عادي يعني
=هبه انا مش راضيه عن علاقتك بربنا ال ضاعت دي ومش راضيه عن صحابك ال هم والله مش صحاب اصلا انتِ معاهم كدا بس انت محتاجه تفوقي
_انت بتنبسطي لما تعكنني عليا ؟ لو بتنبسطي بس عرفيني عشان انا زهقت
=يا هبه والله لا بس هو ليه مواجهه الحقايق بتزعل م دي الحقيقه انت ال مش شيفاها بس ارجعي ل وعيك ارجوكِ
_والله شكرا ليكِ انا داخله البس عندي عيد ميلاد لازم اروحه
=روحي يا هبه روحي
دخلت لبست فستان بيبي بلو سك وحطيت ميكب ظاهر ولبست تربون ملفتش طرحه حسيت التربون شكله احلي علي الفستان ولبست هيلز بيضه وشنطه نفس اللون ونزلت محدش عدي عليا ودينا مكلمتنيش من امبارح واستغربت بس قولت مش مهم هروح لوحدي عادي واخدت اوبر وروحت بس لقيت ….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية شبيهتي)
