رواية شبيهتي الغنية الفصل الثاني عشر 12 بقلم إسراء محمد
رواية شبيهتي الغنية الجزء الثاني عشر
رواية شبيهتي الغنية البارت الثاني عشر
رواية شبيهتي الغنية الحلقة الثانية عشر
ساره وهى بتتمشى مع علا فى السوق بتلاقى فستان رقيق بيعجبها
اوى وبتاخد علا ويروحوا عشان يشتروه
ساره .. لو سمحت ي عمو هو الفستان دا بكام
للأسف انا طلبته قبلك ودفعت تمنه كمان كان هذا صوت شخص ما
نعرفه جيدا
ساره بتبص وراها وتقوله.. افندم
الشخص .. انا أسف بس الفستان الى عجبك انا طلبته قبلك
ساره.. اظن انت مش بلبس فساتين ودا معناه انك واخده لحبيبتك
وحبيبتك مش موجوده دلوقتى ولا شافت الفستان ولا عجبها زى
ماعجبنى يعنى تقدر تشوف غيره ي استاذ وبتسكت
استاذ على اسمى على بترد تقوله مش مهم
على .. يعنى اللفة دى كلها عشان اسيبلك الفستان
ساره .. وحيات امك ي أخى تسيبه ليا عشان عجبنى اوى
على بيضحك على طريقتها فى الكلام ووبيرد.. طيب يستى مش
عاوزه هشوف غيره بس بشرط
ساره .. شرط اى دا بقا انشاء الله
على.. انا بجيب هدية لأختى وطبعا مش عارف زوق البنات فلو
تساعدينى اشوف ليها هديه حلوه اكون شاكر ليكى جدا
ساره بتفكير .. مممم ماشى بس بشرط
على .. هنفضل نشرط على بعض ولا اى اتفضلى يستى
ساره بتميل عليه عشان علا متسمعش هى هتقول اى وتقوله .. مش
معايا تمن الفستان دا وانت كدا كدا دفعت تمنه هتاخد من بنت غلبانه
زيي فلوس يعنى
على مش بيقدر يكتم ضحكته وبيضحك بصوت عالى
ساره .. بس بس فضحتنا مش عاوزه منك حاجه
على .. استنى بس انا كدا كدا مكنتش هاخد تمنه وانتى هتساعدينى
الاقى هديه حلوه لأختى وكدا نبقا خالصين
ساره .. اتفقنا
بياخد ساره وعلا ويمشوا فى السوق يتفرجوا عشان يشوفوا هيجيبوا
اى
ساره .. بص الفستان دا حلو اوى مفيش بنت هتقول عليه وحش واكيد
هيعجب اختك
على .. متأكده على ضمانتك يعنى
ساره .. ايوا ي عم اضمنهولك برقبتى
على .. ي عم ورقبتك حيث كدا لازم اشتريه
بيدخل المحل وبيشتريه وبعدين بتختار معاه شنطة وجزمة وبعدين
بيطلب يوصلهم وهما بيرفضوا
على وهو بيمد ايده لساره .. دا الكرت بتاعى لو احتاجتى اى حاجه
كلمينى وشكرا انك ساعدتينى
ساره بتمد ايديها تاخد منه الكرت عشان متكسفوش وبتبقا ناوية
ترميه
على .. صحيح متشرفتش بأسمك
سارة .. اسمى نور
….
اى رأيك بما أنك ناسية كل حاجه وناسيه خطوبتنا فأحنا نعمل
خطوبتنا تانى ونعزم قرايبنا كلهم
كان هذا كلام فارس الموجه لنور الذى تجلس امامه على احدى
الكراسى فى صالون بيتهم
نور بفرحة لأنها كانت عاوزه تقوله كدا بس كانت مكسوفة.. حلو اوى
موافقه اى رأيك نعملها يوم الجمعه
فارس .. انهارده السبت يعنى كمان خمس ايام ممم حلو يدوب نجيب
فستان ونحجز مكان حلو ونشترى الشبكه
نور بحيرة وسؤال عاوزه تسأله من بدرى.. هو مش احنا كنا مخطوبين
قبل كدا
فارس .. ايوا
نور .. طيب ليه انا مش لابسه دبلة ولا خاتم ولا اى حاجه
فارس مش بيتوتر لأنه كان عارف انها اكيد هتسأل السؤال دا فى اى
وقت وكان مجهز الرد
فارس .. كنتى لابسه دبلة وخاتم الماس بس ضاعوا منك لما عملتى
الحادثة
نور .. اهاا انا قولت كدا برضو
فارس بيسألها وهو مستغرب .. بس اى حكاية الحجاب دا الى طلعتى
بيها فجأة يعنى انتى عمرك مفكرتى تلبسيه
نور .. حبيته مش عارفه ليه ولما كنت ماشيه بشعرى الكم يوم الى
فاتوا كنت حاسه انى ناقصنى حاجه او انى بعمل حاجه غلط
فارس بأعجاب حقيقى .. بس الحجاب حلو اوى عليكى يا ساره
واللبس الواسع كمان اتمنى تفضلى كدا ومتقلعهوش تانى ابدا
نور .. اكيد مش هقلعة
فارس .. دى احسن حاجه حصلت شوفتها انهارده علفكرة
نور .. حاجة اى
فارس.. انتى بالحجاب
نور بتتكسف وبتقولة اشرب العصير
فارس .. حاضر
..
على الجانب الأخر فى العمارة التى تسكن بها هند
يدخل أحمد وهو يحمل بين يديه حقيبة كبيرة
هند بعد ان رأت احمد بالصدفه وهى خارجه .. دكتور احمد انت بتعمل
اى هنا
احمد .. اشتريت شقة فى العمارة دى فى الدور التالت تقريبا
هند بأستغراب مخلوط بالفرحه .. دى الشقه الى قصادى علطول يعنى
احنا كدا بقينا جيران
أحمد ..اذا كان معندكيش مانع
هند .. اكيد دا شرف ليا ي دكتور
احمد بيضايق انها بتقوله ي دكتور برضو بس مش بيقول حاجه المره
دى
فى منزل عيلة نور فى غرفة سها
سها.. بالله عليك متفضحنيش هيترد فى اختك صدقنى
الطرف الأخر على الهاتف .. اختى مش زيك اختى انضف منك ومن
امثالك
سها ببكاء .. كل دا عشان وثقت فيك وحبيتك وبعتلك صورى حرام
عليك ي أيمن
أيمن .. اه وانتى بعتيهالى انا بس يعنى ولا انا اول واحد فى حياتك
يعنى
سها بصدق لأنه اول شخص يدخل حياتها .. ايوا انت الوحيد الى
وثقت فيه دا انا حبيتك اكتر من أهلى
أيمن .. حبتينى اكتر من اهلك مفكرة دى حاجه تفرحنى اوى انتى
واحده وس*ه وخنتى ثقة اهلك مش هتخونينى انا يعنى
سها .. انا مش وس*ه انت الى مش راجل وطلعت مش قد وعدك
أيمن .. وعد اى ي ام وعد انتى مفكرة انى هتجوز واحده سهله زيك
سها .. ربنا ينتقم منك ي أخى ويردهولك فى اختك وبنتك ومراتك لما
تتجوز
أيمن.. بس اخرصى مش ناقص جو الصعبنيات دا تتصرقى وتجبيلى
الفلوس الأسبوع دا لو الأسبوع خلص قبل مالفلوس تجيلى اعتبرى
سيرتك بقت على كل لسان
سها وهى بتزيد من بكائها.. استنى بالله عليك قولى هجيب الفلوس
دى ازاى
فلوس اى ي سها وبتعيطى كدا ليه وبتكلمى مين كان هذا صوت ساره
الذى سمعت حديث سها للتو
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية شبيهتي الغنية)
