رواية شارع الحب الفصل الرابع 4 بقلم ميرنا ناصر
رواية شارع الحب الجزء الرابع
رواية شارع الحب البارت الرابع
رواية شارع الحب الحلقة الرابعة
” ضحك بشدة ثم بص لي ”
= يا خبر أبيض هو ظهرلك ولا ايـه؟
_ ظهرلي!! هو جدو مُحب..اللهم أ..أحفظنا من..الـ
= لا لا إنتي فهمتي ايـه؟! جدو مُحب بني آدم عادي
” حسيت إني ليا يومين مكنتش قادره أخد نفسي وأخيرًا أخدته، كان شكلي الإعياء مأثر عليا بشكل غريب.. جسمي بينتفض.. مش قادره أفتح عنيا، ولا حاسة بأي حاجة من أطرافي وكأن جسمي بيتشل ”
= جدو مُحب عامل زي الملاك على الأرض أول ما بينزل بينشر الحب بين الناس ويساعد المحتاجين.. ويوقف جنب أي حد محتاجة.. علشان كدا قولتلك هو ظهرلك كناية عن ظهور الملايكه كدا.
_ هو جدو مُحب ساكن في شارع الخمسين؟.
= لا شارع الخمسين دا قبل شارعنا بأربع شوارع.. جدو مُحب ساكن في شارع السكاكيني.
_ سكاكيني!!. أومال ايه شارع الحب ده! .. سكاكيني سكاكيني.. انا عايزة أروحله..أرجوك
” دخلت الصيدلية عجوز في سن تيتا حور متعكزه على شاب عشرينات .. تدقق بي النظر ثم مسكت يدي وتحدثت ”
= حور يااه أخيرًا جيتي.. دا أمك يابنتي ميتة عليكي.. وأبوكي دموعه مجفتش.
_ نعم!!. حضرتك بتكلميني انا!!
= ايوة ياحور مش فكراني.. مش فاكره تيتا صفية؟ اخس عليكي.. أنتي طلعتي براوية مش زي مُحب أبوكي
” بصيت ليها بغرابة.. وأنا مش فاهمة منها كلمة.. لحد ما إتكلم الشاب العشريني ”
= حور مين ياجدة صفية!.. مش أنتي البت اللي جدي مُحب أمبارح كان بيستنجد بالناس يشلوكي ويطلعوكي بيته.. وجيت انا وأبويا طلعناكي فوق عنده كان مغمى عليكي؟
_ ايوة.. انا انا.. ممكن توصلني بيته.
= قصدك قصره.
_قصر!!. ياسيدي قصر قصر وصلني.
= بصي انا مش هقدر أسيب جدة صفية.. بص هوصفلك القصر بتاعه فين.. انتي هتطلعى من الصيدليه دي في شارع جنبها على طول هتمشي لحد ماتكملي أخره هو طويل شويه هتوصلي للقصر هو أخر الشارع السد ده هو الدور الاول سايبه وساكن في الدور التاني، قصر قديم كدا باين انه مهلوك ومر عليه الزمن.
“مستنيتش يكمل كلامه.. وجريت..خدت الشارع الطويل اللى مكنش راضي يخلص في خطوة كبيرة.. نبضات قلبي كانت بتعلى .. كل اللي حصلي من أول إمبارح للنهاردة بيتكرر أصوات كتتير”
« بتول حبيبي عريسك جه.»
«أقسم بالله يا بتول لو ما طلعتي لتكوني بنتي ولا أعرفك»
« لا دي خطوبة مش تعارف.. النهاردة خطوبتك»
«اديت كريم مُهلة والمفروض على قراره أنوي.»
«أحنا من النهاردة مش مع بعض..كفاية سنتين»
«انا دكتور أمير صلاح إبراهيم دكتور شرعي.»
«خلينا أصحاب يا بتول.. انا مش هكونلك الزوج اللي انتِ حباه.. ولا إنتي كمان هتكوني لي الزوجة اللي محتاجها.»
«إنتي ملكيش هدوم عندي.. دي بفلوسي والدهب اللي لابساه ده تقلعيه.. حتى موبايلك.. هتخرجي بالهدوم اللي عليكي دي»
«انتي ضحية بيت فاشل في التعامل النفسي»
«دا رقمي وعنواني كتبتهم في الورقة دي علشان لو احتاجتي أي حاجة كلميني.. وتعالي لينا.»
“وصلت الدور التاني وكل الأصوات بتتكرر في وداني حاولت أخبط عليهم بس مكنش فيا قوه أعمل ده.. حتى صوت صراخي مش طالع لحد ما الباب فتح.. كان أمير واقف مصدوم لما شافني .. ندهت بأسمه ووقعت محستش بحاجة”
= ألحقني ياجدو.. دي بتول.. بتاعت إمبارح.
| بعد مرور ثلاث أيام |
= وبس ياستي طلع عندك إنهيار عصبي ونزلة برد شديدة.
_ تعبتكم ياجدو.. شكرًا ياتيتا حور، شكرًا يا أمير.
” حكيتلهم كل اللي حصلي.. محدش كان فاهم القصة كاملة.. من غير أي كسوف.. وكأن نفس السيناريو بيتعاد تيتا حور بتبص ليا بعمق وبتعيط في الزاويه بعيد.. وده اللي لاحظه جدو مٕحب..علشان كده أخدها وطلعوا بره الغرفة ”
= ممكن تسيبي إيدك لدكتور الميتين يشيلك الكانيولا دي علشان إنسدت.
_ انت قلبك إسود.. انا أعتذرتلك.
” بص ليا بصه غريبة.. كأنه رسام بيدقق في ملامح بطلة لوحته علشان يرسمها بدقة”
= انتِ بطلة.
_ اه كدا فهمت معنى نظرتك ليا شفقة.. صعبانة عليك مش كدا.
= احم.. نظرتي!!
_ اه ليك خمس دقايق بتبص كأنك هترسمني فقولت إنك رسام.. بس طلعت شفقان.
= انا بتاع تشريح ومشرط.. مش فنان خالص انا شغلتي لا تمت للفن بِصلة.. ولا شفقان انا دكتور.
” ضحكت.. وبصيت له ”
_ خير يادكتور خلقتي شبه جثه عدت عليك.؟
“ضِحك بصوت عالي واتكلم”
= بصراحة.. انتِ جميلة جدًا.
_ نعم!!.
= اهو قلبتي تاني.. انا مش قصدي حاجة.. بس انتي فعلًا شبه حور.
_مين حور دي جدعان فهموني.. ايتا حور بتناديني بـ حور على الرغم إن قولتلها إسمي بتول ستين مره النهارده.. حتى تيتا صفية بتناديني بـ حور.. دا حتى جدو إتلغبط وناداني بيه.. مين حور دي؟
= حور دول بتوع الجنة.
_ يخربيت الظرافة.. واللطافة.. بقولك أيـه.. انا أصلًا مش طايقة نفسي.. شغل السحاسيح والنحانيح ده مش بتاعي..
= سحاسيح ونحانيح.. مين دول؟
_ دول زي العيال اللي شبهك كده وتمامهم معايا جنحة.
= احم ااه.. طيب تمام.. حور دي تبقي بنـت..
” دخل جدو مُحب مُقاطعًا أمير وبص ليا واتكلم ”
= يلا يا بتول.. إتحركي من السرير المزعج ده. وتعالي بره في الجناح الملكي الخاص بجدك مُحب..في بقى مدفأة حطب من الستينات كدا هتحبيها أوي.
” قومت من على السرير بصعوبة كانت تيتا حور وجدو بيساعدوني وقع الشال الازرق.. مسكته بسرعه وكأنه قطعة مني إبتسمت لي تيتا حور قاطع الصمت دا أمير”
= يلا ياتيتا علشان أوصلك لـ تيتا صفية.
“نزلت تيتا حور ومعاها أمير.. فضلت اتأمل المكان.. ايه الحب ده، وايه الدفا والهدوء والجو الأسري ده”
= سمعتك بتقولي عايزه تعرفي مين حور.
” إتصدمت إنه كان سامعني.. بس اللي صدمني مش سمعه لسؤالي ، اللي صدمني إشارته لصورة البنت الكبيرة اللي وراه دي.. دي أنا ”
_ ايـه الصورة دي…دي انا؟!!
= دي حور… بنتي.
_ بنتك؟!.دي شبهي بالظبط.
= فعلًا ودا سبب تأثر حور مراتي..
_ انا أتلغبطت..
= انا وحور كان عندنا بنت إسمها حور سميتها على اسم مامتها كانت.. وراثه من مامتها الجمال.
_ اه.. وحور فين.؟
= تعيشي انتِ.. وهي رايحة جامعتها زمان حصلتلها حادثة.. من يومها وتيتا حور فاكره انها مشيت ومرجعتش تاني ومش مصدقه موتها ويوم ما شافتك حسيت انك رجعتي وإنك حور..قصة ملعبكه
_ اه انا فهمت كدا كلام تيتا صفية.. هي برضو مقتنعه نفس إقتناع تيتا جور إني مشيت أو هربت..ومموتش.
= تيتا صفية تبقي أخت حور ويبقي حفيدها الأصلي هو أمير يبقي إبن بنتها .. بس هى عندها الـزهايمر من زمان وبعد ما أمير بقى يتيم الاب والأم من وهو عنده ١٥ سنة جه عاش معانا هنا بعد ما أهل أبوه طردوه هو وجدته صفية وأكلوا حقه من الميراث.
_ ولا حواديت السيما.. دا الواضح مش انا بس اللي ليا حكاية.
= مش بقولك كل واحد فيكم ليه قصة.
“عديت شهور.. وأهلي محاولوش حتى يدور عليا أعتبروني ميته وخدوا عزايا كنت متبعاهم من بعيد بس هما ميعرفوش لحد ما حصل صدمتين..
أول صدمة إن كريم خطب واحده في سنه أمه علشان تصرف عليه.
وتاني صدمة ريم أختى نشرت بوست إنها بتحاول تدور عليا .. بوست مكتوب فية إرجعيلي يابتول إنتي وحشتيني.. بس لا ياريم ”
= تعالي نتمشى.
_ أمير.. انت هنا من إمتى.
= من ربع ساعة بس انتي محستيش.
_ هنتمشى فين؟ ،وليه!
= هنتمشى فين؟ في شارع الحب
وليه !! علشان محضرلك مفاجأة.
_ تصدق انا ليا أكتر من تسع شهور هنا، ونسيت أسأل هو شارع السكاكيني منين جه شارع الحب ده.
= سماه هو شارع الحب علشان أول مره شاف فيه تيتا حور كان هنا.. وكان هو بيتمشي وشافها.. وقرر وقتها يسميه شارع الحب وانه يسكن في نفس الشارع،جدو مُحب وقف قدام أهله وحارب علشان تبتا حور واخد نصيبه واخد أرض في الشارع دي وبنوها سوا.. بيحكي ليا إن القصر دا كان جنيل جدًا من خمسين سنه.
_ ياه خمسين سنة، عمر برضو.
= مش هتنزلي تتمشي معايا يا ام شعر كيرلي إنتي.
” ضحكت وأستأذنته يخرج علشان أجهز وأنزل معاه ”
= دي أول مره ننزل سوا وحدنا من تسع شهور.
_ اممم.
= ينفع أعترفلك إعتراف.
_ أكيد.
= أول ما إتصلتي بجدو وأستأذنتيه إنك هتخرجي معايا عليتي في نظري أكتر ما إنتي كنتي عالية.
_ كان لازم أعمل كدا هو خلاص بقي بابا وجدو وكل حاجة.
= يبخته.
” إبتسمت بخجل.وطلبت منه نقعد علشان تعبت من المشي .. كانت صدفة غريبه ان دا هو نفس الرصيف اللي أول يوم شفته فيه جدو ”
= في دراسات علمية بتقول ان نسبة التخطي علاقة عاطفية بتاخد من ثلاث لـ ست شهور.
_ وبناءً عليه؟!
= ـــــــــــــــــــــــ.
_ سكتت ليه؟! قصدك كريم يعني؟
= اه.
_ دا تخطيته من أول شهر بالأخص بعد بوست إمبارح..
= بوست ايـه؟
_ اتجوز واحده قد أمه.
” بص ليا بغضب واتكلم ”
= انتي لسة بتدخلي أكونته!
_ لا بدخل أكونتات أهلي.. وخطيب ريم كان منزل صورهم إمبارح وبيباركله.
= اه.
_ بدخل عند شادي _خطيب ريم _ علشان بينزل صور كتير لريم وهو معاها.
= وحشتك؟!
_ مش عارفة..
” بكيت.. بكيت بحرقة مسح لي دموعي ”
= انا نسيت أقولك المفاجأة يا حضرة الباش مترجمة.
_ مش فاهمه!
= كلمت شركة ترجمة كبيرة جدًا، وبعتلهم الـcv بتاعك، وكنت أعرف حد شغال هناك تبع.HR وبكره الانترفيو وأصلًا مقبولة.
_ واسطة يعني؟
= مش بالظبط كدا.. هما لو لو حسوا إنك مش كُفء مش هتشتغلي معاهم.
_ انا مش عارفة أشكرك إزاي.
= لانا عايزاك تشتغلي في مجالك بقي ودراستك.. وتسيبك بقى خالص من الدروس الخصوصيه اللي بتديها لكل عيال المنطقة دي.. صداع كتر خيرك.
_ كان لازم أشتغل.. مكنتش هقدر أتقل على جدو أكتر من كدا.. أه هو مش محتاج بس مش هقبلها على نفسها.. هو وافق بس لما عرف إنه لو مقبلش أساهم في البيت وادفع تمن الاوضة همشي.
= ودي من الحاجات اللي مخلياكي عالية في نظري برضو..
_ ممكن نروح بقى؟
= مشبعتش منك.
_ ايـه!!
= قصدي لسه بدري يعني.. انا مش بلحق أشوفك وساكنين في نفس البيت.
_طيب خلينا خمس دقايق كمان.
= انا إتعلقت بيكي يابتول.
_ ايـه؟
= زي ما سمعتي كدا.. بتول انا بحبك.
_ ايـه!!.
=بغير عليكي..لو حد بس نطق إسمك.. بقيت بحب البيت الجو الأسري على الرغم من كرهي ليه علشانك.
بقيت برجع من الشغل بدري علشان أسمع حواديتك عن الأطفال اللي بتدرسيلهم.. وأشوف ضحكت، ضحكتك اللي بتردلي روحي.
صليت لأول مره من فتره كبيرة لما عرفت إنك بتحبي الشخص الملتزم.. وكنتِ إنت سبب من قربي لربنا.
خليتني أحب الحياة .
خلتيني معرفش أشوف بنت تانية وكأنك كل البنات.
خلتيني أعرف يعني إيه معنى الزواج وحبك لأطفال خلاني بدال ما أكون متعقد من خلفتهم حابب.
بحب تسريحة شعرك،وشعرك الكيرلي، وبحب لون عيون اللي لونهم زي البحر.. أدبك وعزة نفسك..وقوتك.. انا بتخيل بالساعات لو أهلك خدوكي مني هعمل ايـه .. بحس وقتها قلبي بيتعصر ولأول مره من زمان أعرف إني عنيا بتدمع لما بس تخيلت بعدك عني.
_ أنا مش عايزة أجرحك يا أمير..
= متكمليش لو مش عايزة تجرحيني إديني فرصة.. خطوبة لمده سنة هاا ايـه رأيك
_ بص يابني هات تيتا صفية وبوكية ورد أحمر جوري وتعالى أخطبني من جدو مُحب وتيتا حور..والله وافقوا كان بيها موافقوش خلاص.
= يا سلام!.
_ لو مش عاجبك من الأول يفتح الله.. هو ولي أمري وهيكون وكيلي لو..لو إتجوزنا.
= لاء وعلى ايـه.. عاجبني..المهم تكوني معايا.
| بعد مرور عامين |
= حمدلله على سلامتك يابتول يابنتي.
_ الله يسلمك ياجدو مُحب..تعبت نفسك ياحبيبي وجيت المستشفي.
= وانا عندي أغلى منك انتي والولا أمير ده معرفش إزاي بقى أب.. ها سميته أيه بقى النونو ده
” أمير مسك البيبي وأعطاه لـجدو مُحب وقرب مني ومسك إيدي”
= بعد تسع شهور خناقة على إسمي البيبي أخيرًا اتفقنا.
” بصيت لـ أمير بحب وهو كمان كان بيبادلني نفس الحب وإتكلمنا سوا ”
أسميناه مُحب.
= مُحب أمير صلاح إبراهيم.. على إسمك يا جدو.
ــــــــــــــــــــــــــــــــــــــــــــــــــــــــــــــــــــ
= وبعدين ياتيتا بتول حصل ايـه؟!
_ لا.. تيتا بتول لازم تنام..وكارمن كارمن مينفعش تسهر..
= بليز ياتيتا بتول كملي ليا القصة..
Tomorrow will be weekend.
_ كارمن تيتا بتول، بتزعل من كلامنا بلغة تانية غير لغتنا العربية الجميلة.
= سوري.. يووه أسفة ياتيتا مش هتكلم إنجلش خالص بس كملي ليا الحدوتة .
_ لا الدور على جدو أمير يكملك انا ليا ساعتين متواصلين بحكي.
= ياسلام يااختي وانا اللي فصلت النت عن البيت ولميتهم حواليا..
_ أمير الولاد دول لازم يسيبوا الموبايلات والتابلت من إيدهم شويه وينتبهوا لينا.
= طب ما تنتبهي ليا انا كمان ينوبك ثواب.
_ أمير.. ايـه الحركات دي انت بقيت جدو .. سيب إيدي.
= بحبك يا تيتا بتول.. كبرونا وبقينا أجداد
_ وانا كمان بحبك يا جدو أمير.. انت اللى كبرت وحدك.
= خلاص ياولاد .. يلا يا كارمن تيتا ترتاح وننزل إحنا الجنينة نحكي باقي قصة شارع الحب.. راجعلك ياام شعر كيرلي وعيون زُرق نشوف حوار مين كبر ده.
كانت الخطة أن نشيب معًا، ولكن مازال حبنا يُقسم بألا تدب فيه الشيبة.
#تمت
لقراءة الرواية كاملة اضغط على : (رواية شارع الحب)
