رواية سيدرا الفصل الرابع 4 بقلم أحمد سعد
رواية سيدرا الجزء الرابع
رواية سيدرا البارت الرابع
رواية سيدرا الحلقة الرابعة
…………..
سيدرا : طيب ياريت يا استاذ تلتزم بمسافة الزماله بينى وبينك وماتتعدهاش . انا شوفتك امبارح والنهارده ييجى 50 مره .. مش معقوله يعنى
احمد : انا اسف … عن اذنك
..
سيدرا : انت يا أخ انت
احمد : نعم . ؟
سيدرا : انت اسمك ايه ؟
احمد : احمد
سيدرا : عاشت الاسامى
احمد : عن اذنك
…………..
عزيز : ايه يا سليم قاعد كده ليه
سليم : هه ! مافيش .. قاعد بس قولت افرد ضهرى ع الكنبه دى شويه
عزيز : وملف ايه اللى جنبك ده
سليم : ايه ! لا .. مافيش .. اه ده ملف الموظفين الجداد كنت ببص عليه
عزيز : الو ! ليلى اطلبيلى فنجان قهوه بعد اذنك
ليلى : حاضر يا فندم
عزيز : ورينى كده ابص عليه
سليم : اتفضل
عزيز : ماشاء الله .. ايه البنوته القمر دى
سليم : ( بيبتسم )
عزيز : لا قمر قمر بجد ربنا يحميها لاهلها
سليم : ( بارتباك ) يارب ! قعدت مع الناس بتوع شركة السياحه ؟
عزيز : اه ! بيقولوا الشهر الجاى فيه اشغال كبير ف شرم وهيبقي الشغل زياده
سليم : طيب على خير
……….
( ف الاستقبال )
سليم : صباح الخير يا فيروز
فيروز : اهلا صباح الفل يا مستر سليم
سليم : ايه اخبار الدنيا ايه
فيروز : كله تمام ..
سليم : سيدرا بتعلميها
فيروز : يافندم دى هى اللى تعلمنا هههههههه ماشاء الله عليها شاطره
سليم : اومال هى فين . ؟
فيروز : جوه مع هدى بتراجع معاها اللى عرفته النهارده
سليم : اححم . طب اندهيها كده
فيروز : حاضر ثوانى
..
فيروز : سيدرا مستر سليم عاوزك
سيدرا : حاضر .. عن اذنك يا هدى
..
سيدرا : ( بابتسامه ) صباح الخير يامستر سليم
سليم : ( قلبه بينشرح بفرحه غريبه ) ياصباح الفل . ايه اخبار الشغل معاك
سيدرا : لا تمام والله الحمد لله . البنات قايمين معايا بالواجب وزياده
سليم : طيب الحمد لله .. مافيش حاجه مضايقاك ف الشغل ؟
سيدرا : ابقي ماعنديش دم يافندم لو قولت ان فيه حاجه مضايقانى . لا كله تمام وتمام التمام كمان وكل الناس اللى هنا منتهى الذوق وغير ان فيه احترافيه ف الشغل انا هستفاد منها بعد كده
سليم : لا بعد كده فين . انتى معانا هنا ف الفندق على طول وغصب عنك
سيدرا : هههههههههه يا خبر ابيض يا فندم هو انا اطول
سليم : خلى بالك منها يا فيروز
فيروز : ف عنيا يا مستر .. ماتقلقش
سليم : يلا اسيبكو تكملو شغلكو .. صباحكو فل .. صباحك فل يا هدى
……………….
سليم : ( بغيره ) احمد هو انت لسا مصمم على شغلانه الاستقبال دى
احمد : اه .. هو فيه حاجه ولا ايه
سليم : لا ابدا ! بس مستغربك مش اكتر
احمد : قولى هو انت متعود تنزل تقف ف الاستقبال
سليم : لا ليه ؟
احمد : اصلى شوفتك واقف هناك وطولت هناك يعنى مش عوايدك
سليم : عادى كنت بلف ع الفندق كده وبصيت ع البنات شويه
احمد : اممم ! تمام … هتعمل ايه دلوقتى
سليم : انا قاعد . انت هتعمل ايه
احمد : هخرج اقعد ع الكافيه اللى تحت شويه حاسس انى مهبط
سليم : ماشي يا حب
………..
( احمد بيعدى من جنب الاستقبال بيبص على سيدرا من بعيد من غير ما يروحلها . هى بتاخد بالها )
…………..
احمد : وليد فنجان قهوه لو سمحت
وليد : حاضر يا فندم
………..
فيروز : سيدرا تعالى اوريك الباكيات بتاعتنا عشان تعرفى وانتى بتسكنى الجيست هما هيروحو فين بالظبط وتبقي فاهمه تفاصيل وضواحى الفندق والغرف
سيدرا : تمام يلا
…………
( بعد نص ساعه )
( احمد لسا قاعد ف الكافيه وباله سارح ومش مركز )
….
فيروز : سوسو انا ثوانى وجايه ماشي .. مافضلناش بس غير الباكيه دى وخلاص تعالى الكافيه ده على ما ادخل الحمام ثوانى بس
سيدرا : طيب تمام .. حلو الكافيه ده
فيروز : تعالى
…………
( فيروز بتسيب سيدرا وبتدخل الحمام .)
( سيدرا بتلاقى احمد قاعد ف تراس الكافيه بره وبيشرب قهوه وسجاير .. شي ما بيخليها تروح تكلمه )
سيدرا : مساء الخير
احمد : ( بيبصلها ) مساء النور
سيدرا : مش باين يعنى النهارده ( بتبتسم )
احمد : موجود ! بس محبيتش ازعجك كتير
سيدرا : مافيش ازعاج ولا حاجه . وسورى يعنى ع قلة الذوق اللى كنت فيها معاك قبل كده
احمد : حصل خير
سيدرا : طب عن اذنك بقي هروح اكمل شغل . انا لقيتك قاعد قولت امسي عليك مره بدل مانت اللى على طول بتمسي وبتصبح عليا
…………..
فيروز : فيه ايه ؟ مالك ؟
سيدرا : مالى !
فيروز : بتبتسمى ليه كده وشكلك مصهلل
سيدرا : لا ابدا .. مبسوطه بالشغل بس مش اكتر ومستمتعه
فيروز : ماشي يا ستى تعالى يلا نكمل اللى ورانا
سيدرا : يلا
………………….
( بعد ثلاث ايام وف اول يوم سيدرا هتمسك فيه شيفت بالليل مع زميلها واللى ماتعرفش هو مين ولا حد اصلا يعرف هو مين )
فيروز : يلا اسيبك بقي يا سيدرا وربنا معاك .. هو شويه وعمرو جاى هتلاقيه تحت بس مش اكتر
…….
احمد : مساء الخير
سيدرا : بتعمل ايه هنا
احمد : هشتغل هنا
سيدرا : هو انت عمرو ؟
احمد : عمرو ايه لا انا احمد .. بس عمرو هيروح مع فيروز وهدى عشان فيه ضغط شغل اليومين الجايين ف فتره الصبح
سيدرا : انت مش قولت انك ف المشتريات ؟
احمد : امتى ده ؟
سيدرا : انت هتجننى ؟ انت بنفسك قولتلى انك شغال ف المشتريات
احمد : بجد ؟ اه يبقي هما نقلونى
سيدرا : ( بتبتسم وعارفه انه بيكدب عليها ) انت وراك حكايه يابنى .. ع العموم خلينا نشوف احنا ورانا ايه
احمد : اوكى .. يلا
………………..
( الساعه 2 بالليل )
سيدرا : كده مافيش افواج جايه تانى غير الساعه 5 الصبح
احمد : اه .. لو عاوزه تروحى تتعشي انزلى انا واقف
سيدرا : وانت مش هتنزل ؟
احمد : لما هتيجى انا هنزل
سيدرا : متشكره .. مش هتأخر
احمد : براحتك
…………….
( ف مطعم العمال )
منى : ( بتشتغل ف الهاوس كيبينج ) ازيك يا قمر منوره الفندق
سيدرا : بنورك يا حبيبتى
منى : لا ماشاء الله زى القمر
سيدرا : متشكره انتى اللى سكر
منى : مين قدك شغاله مع مستر احمد بنفسه
سيدرا : اه .. شاطر اوى ف الشغل ماشاء الله
منى : جدااا مش عايزه اقولك ومحبوب م الكل .. هما كلهم يتحبوا بصراحه ان كان هو ولا مستر عزيز ولا مستر سليم
سيدرا : هههههههه انتى قصدك على مستر احمد ابن صاحب الفندق . لا انا كنت بتكلم عن مستر احمد اللى بيشتغل معايا
منى : ( باستغراب ) طب وايه يعنى ماهو هو
سيدرا : يعنى ايه
منى : ههههههههههههه اللى بيشتغل معاك ده هو مستر احمد ابن عزيز بيه صاحب الفندق واخو مستر سليم
سيدرا : احلفى بالله
………..
( داخل الاستقبال )
احمد : اتعشيتى ؟
سيدرا : اه
احمد : الحمد لله ..
سيدرا : وانت عامل ايه ؟
…………….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سيدرا)
