رواية سيدرا الفصل الخامس 5 بقلم أحمد سعد
رواية سيدرا الجزء الخامس
رواية سيدرا البارت الخامس
رواية سيدرا الحلقة الخامسة
منى : ههههههههههههه اللى بيشتغل معاك ده هو مستر احمد ابن عزيز بيه صاحب الفندق واخو مستر سليم
سيدرا : احلفى بالله
………..
( داخل الاستقبال )
احمد : اتعشيتى ؟
سيدرا : اه
احمد : الحمد لله ..
سيدرا : وانت عامل ايه ؟
احمد : انا ؟ انا كويس . فيه حاجه انتى ؟
سيدرا : لا ابدا .. اتفضل روح اتعشي
احمد : فيه ايه ؟ انتى عرفتى حاجه ولا ايه ؟
سيدرا : ( بتمسك نفسها عشان ماتضحكش ) حاجه ايه ؟ هو المفروض انى اعرف حاجه
احمد : اوعى
سيدرا : نعم ؟
احمد : اقصد اوعى يعنى تبقي زى القرطاس كده موجوده ف مكان وماتعرفيش حاجه عنه
سيدرا : لا منا عرفت
احمد : عرفتى ايه ؟
سيدرا : عرفت
احمد : ايوه عرفتى ايه .. ايه اللى انتى عرفتيه ؟
سيدرا : ( بترفع جبهتها لفوق بشي من الانتكه ) مش مهم . انزل انت اتعشي
………………..
( بيلف وبيروح يقعد ف مطعم الجيست بشئ من الهدوء من غير ما حد يحس )
احمد : الو !
ساره ( ام احمد وسليم ) : ايه يا حبيبى فينك يا بابا
احمد : ههههههههه منا شغال ف الفندق . هو بابا وسليم ماقالولكيش ؟
ساره : بتشتغل ؟ انا كنت فاكراكو بتهزروا . وانا اللى مستنياك عشان تيجى
احمد : اعمل ايه بقي لعزيز بيه جوزك ههههههههه انتى وحشتينى بس قولت ارن عليك اسمع صوتك
ساره : انت كويس يا حبيبى ؟
احمد : ( بانتشاء وفرحه ) كويس جدا .. ابنك كويس جداااااااا
ساره : الله الله .. هو فيه ايه يا ولا … ايه اللى مشقلب كيانك بقالك كام يوم .. مش انت الواد البايظ اللى انا مربياه
احمد : ههههههههههههه لما اجيلك الصبح هحكيلك .. هحكيلك على روقان كده واحنا بنفطر .. واهو يكون بابا وسليم مشيوا
ساره : افهم من كده انك مش عاوزهم يعرفوا حاجه
احمد : لا !! لغاية ما اتأكد انا … يلا نامى انتى يا حبيبتى
ساره : ماشي يا بابا .. خلى بالك من نفسك
………………
( الساعه 8 الا ربع صباحا )
احمد : بقولك ! انا هنزل دلوقتى عشان حاسس بمغص .. فيروز وهدى زمانهم جايين سلميهم انتى ..
سيدرا : ( ماسكه نفسها م الضحك ) حاضر حاضر يا مستر احمد
احمد : مستر احمد ؟
سيدرا : اه ومالك مزبهل ليه كده
احمد : انتى عرفتى حاجه ولا ايه ؟
سيدرا : ( عنيها بتضحك بس بتقدر تتحكم ف رإكشنات وشها وماسكه نفسها بالعافيه ) يابنى انت من امبارح عمال تقولى انتى عرفتى حاجه ولا ايه ؟ فيه ايه انت عاوزنى اعرف حاجه يعنى معينه ..
احمد : اه
سيدرا : ايه هى ؟ ايه هى يا مستر احمد يابن صاحب الفندق
احمد : ايه ؟ ده ايه ده ؟ اسم فيلم ده ولا ايه .. شكله حلو .. ايه هى يا مستر احمد يابن صاحب الفندق
سيدرا : ( بتبتسم ) والله ؟ بجد يعنى ؟ عملت كده ليه ؟
احمد : انا !!
فيروز : صباح الخييييير
احمد : صباح النور
فيروز : ايه ده ؟ مستر احمد بنفسه ؟ مش عمرو اللى كان شغال
احمد : لا منا مسكت مكانه .. مالحقناش نبلغكوا مش اكتر . هبقي شيفت ليلى مع الانسه سيدرا
هدى : صباح الخير .. ايه المفاجأأه الحلوه دى
احمد : يلا يا بنات عن اذنكو بقا
……………
( بعد عشر دقايق )
فيروز : سوسو . عدى على مستر سليم عشان عاوزك فوق
سيدرا : ( بتبتدا تستغرب ومش عارفه ولا فاهمه هما عاوزين منها ايه ) مستر سليم . ؟اه . طيب تمام اصل فصلت بصراحه ومش شايفه
فيروز : معلش .. دول دقيقه بس وهيمشيك
……………
( مكتب سليم )
سليم : يا اهلا .. صباح الفل اتفضلى
سيدرا : صباح النور يا فندم
سليم : معلش انا عارف انك اكيد هلكانه وعاوزه تروحى ترتاحى شويه
سيدرا : هههههههه اه والله على قد ما الشغل كان هادى على قد ما بتبقي مسؤوليه .. وربنا يقدرنى واكون عند حسن ظن حضراتكو
سليم : ان شاء الله !! المهم يعنى بسالك .. مبسوطه من اول يوم شغل ؟
سيدرا : جدااا
سليم : طيب و … احححم .. بالنسبه لاحمد .. كويس يعنى ؟ على فكره مش معنى انه اخويا يبقي هسمحله يضايقك هههههههههههه
سيدرا : يا خبر ابيض .. لا بالعكس هو شخصيه ظريفه ومكنش فيه ما يدعى انه يضايقنى
سليم : لا اصله واد بايظ بتاع بنات هههههههههههه وانا مش عاوزك تخافى انه يبقي ابن صاحب الفندق وكده . فاهمانى طبعا .. انا ابقي .. اقصد يعنى انا وبابا اللى ماسكين الشغل من زمان واحنا اللى مكبرينه
سيدرا : ( بتسمع باستغراب ومش فاهمه هو بيتكلم وبيهمش احمد ليه ؟ )
سليم : ف احمد طول عمرنا مدلعينه .. حتى بابا اللى أصر انه يوقف ف الريسبشن يتعلم الشغل واحمد مكنش راضى بس اهو ربنا هداه
سيدرا : ( بترفع جبهتها ف دهشه ) لا والله يا مستر سليم انا فعلا شايفاه شخصيه ظريفه ومحصلش منه اى مضايقه خالص بالعكس كان بشوش واليوم عدا على خير
سليم : تمام !! اتفضلى انتى علشان تلحقى الباص اللى راجع ع السكن
سيدرا : عن اذنك
………………….
سليم : الو ! ليلى . ابعتيلى المهندس شريف بتاع ال IT على مكتبي ..
ليلى : حاضر يا مستر ..
………….
شريف : ( مدير ال IT ) اوامر يا مستر سليم
سليم : بص يا شريف انا عاوزك تفرغلى كاميرا الريسبشن بتاعة ليلة امبارح وتحطهالى على فلاشه )
شريف : خير يا فندم . فيه حاجه ولا ايه
سليم : ابدا مافيش حاجه اعمل اللى بقولك عليه بس
…………………
( الساعه 11 )
عزيز : مالك يا سليم
سليم : مافيش ! بُص بصراحه بقي انا مش بعرف ألف وادور .. انا البنت دى مُعجب بيها وشكلى كده هتقدملها
عزيز : بنت مين
سليم : موظفة الاستقبال الجديده سيدرا .. مش قادر مفكرش فيها من ساعة ما شوفتها
عزيز : يا فرج الله … اخيرا يابن الكلب .. دى امك هتفرح .. بقولك ! ماتكلمش حد نهائي ف الموضوع ده . خلينى اعملها مفاجأأأه لامك واختك هههههههههههه اه يابن الكلب اخيرا . عقبال اخوك الصايع
………………
( ف بيت عزيز )
ساره : يا قلبي !!! بقا قلبك اتشعلق بيها
احمد : من اول ما عينى جات ف عنيها وانا سارح
ساره : يا ويلى !! ( عنيها بتدمع ) يا ويلى يابن قلبى اخيرا فرحت قلبى
احمد : بس طلعت قرده وقفشت اول كدبه اكدبها عليها ههههههههه
ساره : اوعاك تتكلم مع اى حد ف الموضوع ده .. خلينى اعملها مفاجأأه لابوك لما ييجى ..
احمد : بس ف الحنين ها . مش عاوز فضايح . لغاية ما اتأكد من مشاعرها هى الاول
ساره : ايش ايش ايش … وهى هتلاقى زيك .. اسكت انت بس وناملك شويه
……………………..
( الساعه 5 عصرا ف فيلا عزيز )
عزيز : عندى ليكي خبر بمليون جنيه
ساره : انا اللى عندى ليك حتة خبر … ب 10 مليون جنيه
…………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سيدرا)
