رواية سيدة القصر الفصل السابع 7 بقلم منال عباس
رواية سيدة القصر الجزء السابع
رواية سيدة القصر البارت السابع
رواية سيدة القصر الحلقة السابعة
لؤى عودة باسم من المستشفى
وما أن وجده سأله عن ريم
باسم : ما حضرتش النهارده وسألت عنها صديقتها …قالت عندها ظروف ..
لؤى بغيرة : وانت بتسأل عنها ليه
باسم : اصل انا …ليقاطعه لؤى بحده
لؤى : اوعى حسك عينك تكون حتى بتفكر فيها ريم دى تخصنى ريم دى خطيبتى ….
ياتى سامح ولوسيا على صوته العالى
سامح : هو فى ايه صوتك عالى ليه يا لؤى
لؤى : مفيش
باسم : طب عن اذنكم وتصبحوا على خير …
دخل باسم الى حجرته واستبدل ملابسه …
باسم فى نفسه : دا يفسر وجودها ..هنا …
طب ليه ما قالتش ليا أنها خطيبه لؤى ….
عموما ربنا يسعدكم …وأخذ فونه ليتصفح الفيس
فهو طيب القلب مسالم …
ليجد رساله فجأة على الخاص
فتح الرساله وجد اسم الراسل غصن الزيتون
الرساله : عيونك دى ولا لانسز يا قمر انت 😘😘
ابتسم لتلك الرساله …بقلم منال عباس
ولكنه خجول من طبعه …فاكتفى برؤيه الرساله
ولم يرد ….
ليأتيه رساله أخرى ..لأول مرة يريد معرفه الرساله ففتح الخاص مرة أخرى
ما بتردش ليه يا وااااد يا تقيل ….وانت قمر كدا فى نفسك …تلك الجمله ذكرته ب سندس …
..لأول مرة تأتيه الجرأة أن يحدث فتاة على الماسنجر
باسم : روحى نامى …عندك محاضره الصبح بدرى ..
لترد سندس بغباء دون تفكير : لا حضرتك عندنا المحاضرة التانيه …
ابتسم لذلك فتأكد أنها سندس …
سندس بعد أن أدركت تسرعها : اقصد عندى محاضرة متأخر …لا اقصد انا مش فى الجامعه
اصل انا انا
طريقه حديثها أكدت له أنها سندس …
باسم بضحك على أسلوبها : دخلتى الطب ازاااى !!
سندس بعفويه : انا كنت جايبه 96 فى المائه
والتنسيق جابلى طب اسيوط وعملت تقليل اغتراب
وجيت هنا
باسم : دا انتى حكايتك حكايه …..نامى يا سندس الله يهديكى…بقلم منال عباس
سندس : الله ..هو انت عرفتنى ؟
باسم : اه عرفتك ….
سندس : يعنى كدا هتسقطنى فى المادة بتاعتك 😭😭😭
باسم : مين جاب سيرة السقوط
سندس : ما زمان حضرتك كتبت اسمى عندك علشان تسقطنى
باسم وهو يضحك على أسلوبها الطفولى : لا اطمنى مش هسقطك …
سندس : يعنى انت مش زعلان منى
باسم : لا مش زعلان
سندس : اوعى تعملى كمين ..والاقيك بكرة تنادى على اسمى وتقول مرفودة من الجامعه …
باسم : انتى بتتفرجى على افلام هندى كتير
سندس : اه …عرفت منين
باسم : لا ما هو باين
سندس : عارف كوشي وارنااف
باسم : لا ماحصليش الشرف
سندس : كدا فايتك كتير …يلا اسيبك بقي وتصبح على خير وللحديث بقيه …
باسم : تصبحى على خير يا لمضه …
اغلق الفيس ولأول مرة يشعر بالسعادة ..فتلقائيه تلك الفتاة غيرها ممن يعرفهم ولا يستطيع الاندماج معهم …لأول مرة يتحدث دون أن يضع شروط للحديث كالسابق
تأخر الوقت وناااام جميع أبطالنا …..بقلم منال عباس
فى صباح يوم جديد
استيقظت سعاد وطرقت باب الفتيات
ريم هى وسندس …يقومان من نومهما
تفتح سندس الباب
سعاد الخير على القمرات …
ريم وسندس بنفس واحد …صباح الخير
سعاد : انا حضرت الفطار بدرى علشان تأكلوا قبل ما تخرجوا ..كفايه اللى حصل امبارح …
ريم : يا حبيبتي يا طنط …تعبتى نفسك ..
سعاد : هو انا عندى اغلى منكم ..يلا قوموا اجهزوا
قامت الفتيات واستبدلوا ثيابهم وصلوا فرضهم
لتناول الإفطار مع سعاد ….
سعاد : عايزة الاطباق تتاكل اكل فاهمين
ضحكت الفتيات …فهذه السيدة حقا طيبه القلب
سندس : انا مش هنزل معاكى يا ريم ..المحاضرة الأولى هتبدا متأخر …
ريم : ولا يهمك حبيبتى ..المهم ما تنسيش تكتبي كل حاجه ….
سندس : أن شاء الله
ودعتهم ريم وذهبت إلى عملها …..
عند لؤى
يستيقظ من نومه يأخذ شاور سريع ويستبدل ثيابه
ويقرر الذهاب الى الجامعه للسؤال عن ريم
يقود سيارته ويذهب إلى الجامعه ….
يذهب إلى شئون الطلبه ويسأل عنها
لؤى : لو سمحتى كنت عايز اسأل عن الطالبه ريم حافظ الهلالى
الموظفه : ايوا ريم يا فندم ما سددتش المصروفات
علشان كدا النتيجه بتاعتها محجوبه …
الموظفه الأخرى : هو كان سألك عن المصروفات مش تعرفى هو عايز ايه الاول
الموظفه الاولى : اه صحيح …هو حضرتك بتسأل عنها ليه ..
لؤى بابتسامه : كنت عايز ادفع المصروفات بتاعتها
هى كام ..
أخبرته الموظفه عن المبلغ واكملت
وبعد ما تدفع فى الخزنه …تجيب الوصل علشان نعرفك النتيجه …
لؤى : تمام ..وسأل عن مكان دفع المصروفات وذهب إليه …لا يدرى لما يفعل كل هذا ولكنه شعر أنها مسئوله منه ودفع لها المصروفات
وعاد بالايصال ليرى نتيجتها
وكانت المفاجئه أنها امتياز فى جميع المواد ..
فرح بهذا وأراد أن يراها حتى يهنئها بنتيجتها ..
ثم نظر إلى الموظفه الأخرى
لؤى : ممكن اعرف عنوانها لو سمحتى …
الموظفه بشك : ليه هو انت مش قريبها ولا تعرفها …
أخرج الكارت الخاص به
وما أن قرأت الاسم
الموظفه : حضرتك لؤى بيه ابن حسام بيه السيوفى
لؤى : ايوا …وريم تبقي خطيبتى ..
الموظفه بضحك فى نفسها : خطيبتك ومش عارف عنوانها …
لؤى : دا الكارت بتاعى لو حابه توظفى اى حد عندنا فى مصانعنا خليه يجى بالكارت دا ..
الموظفه بفرحه : اخويا …هبعت اخويا
لؤى : تمام ..هه مش هتقولى العنوان
الموظفه ثوانى أطلعه من السجل
ودونته فى ورقه وأعطته إليه …
أخذ لؤى العنوان وهو يشعر بالسعادة
اخيرا سيصل إليها ….قاد سيارته إلى ذلك العنوان
وبعد أكثر من ساعه ونصف وصل إليه
لؤى : يااه يا ريم دا مشوار مجهد بالنسبه ليكى …
ومع ذلك طلعتى متفوقه …بقلم منال عباس
سأل البواب عن ريم حافظ الهلالى
البواب : الست ريم عزلت ..
لؤى بخيبه امل : عزلت !! طب وراحت فين …
البواب : ما اعرفش …اسال عم حسين البقال
وأشار إليه ..
ذهب لؤى الى عم حسين
لؤى : السلام عليكم
حسين : وعليكم السلام
لؤى : كنت عايز اسأل عن الانسه ريم
حسين : هو حضرتك مين يا ابنى ..وعايز منها ايه
لؤى : كنت عايزها فى شغل
حسين : دى عزلت يا ابنى ….من بعد وفاة والدتها
لؤى : والدتها توفت امتى …
حسين : من كام يوم كدا …كانت محتاجه عمليه ضرورى …ويا عينى زى ما انت شايف الظروف على الاد …والست ريم ..حاولت تلاقى حد يسلفها …
بس أمر الله كان نفذ …
لؤى بوجع وألم على تلك الفتاة: هى تكلفه العمليه كانت كام ؟
حسين : كانت 50 الف جنيه ..تصور
حزن لؤى …إذا هذا المبلغ كانت تريده من اجل والدتها
لؤى : ليه يا ريم ما قولتليش
حسين : بتقول حاجه يا ابنى
لؤى : لا …اعذرنى ..طب هى عنوانها فين دلوقتي
حسين وقد خاف أن يخبره …قبل أن يسألها :
مش عارف بس ادينى مهله احاول اسألك وارد عليك
لؤى : شكرا يا راجل يا طيب ..دا الكارت بتاعى فيه ارقامى …اول ما تعرف عنها اى حاجه كلمنى ….
عند سندس
تصل الى الجامعه وهى ترتدى اغلى ما عندها من الملابس …وتضع ميك اب خفيف ..وبرفان برائحه جميله …
تدخل المحاضرة وتنتظر دخول دكتور باسم
دقائق ودخل باسم …وعلى غير عادته …نظر إلى الحاضرين للبحث عنها إلى أن وقعت عيناه على
سندس فابتسم لها …وبدأ فى الشرح
كادت سندس أن تفقد وعيها ..لم تصدق عينيها أنه ابتسم لها …..
عند ريم
انتهت من عملها وحان وقت البريك
ذهبت إليها شربات
شربات : بقولك ايه عايزاكى فى خدمه
ريم : اتفضلى …أخرجت ورقه مكتوب فيها عنوان
ريم : عنوان ايه دا
شربات : دا عنوان الهنا …عنوان السعد كله
ريم : مش فاهمه
شربات وهى تقترب منها وتوشوش فى أذنها
دا ……..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سيدة القصر)
