رواية سيدة القصر الفصل الخامس عشر 15 بقلم منال عباس
رواية سيدة القصر الجزء الخامس عشر
رواية سيدة القصر البارت الخامس عشر
رواية سيدة القصر الحلقة الخامسة عشر
بينما الجميع فى جو ملئ بالفرحه والسعادة ..يأتى وفاء اتصال عن تنفيذ خطتها …
وفاء بفرحه : انتظروا منى ميعاد بالتنفيذ…وأغلقت
الهاتف وهى تنظر إلى الجميع
وفاء : افرحوا ليكم يومين المهم مين هيفرح فى الاخر ….
يمر الوقت ويغادر الضيوف ..
سعاد : اشكركم على اليوم الجميل دا ..ويلا يا بنات علشان الوقت اتاخر
أشرقت : ما يصحش تروحوا فى وقت متأخر كدا
انتم دلوقتى أهل البيت ..والقصر كبير اتفضلوا
اختاروا اى مكان يريحكم ..
سعاد : ربنا يخليكى يا ست الكل ..بس …ليقاطعها سالم …مفيش رفض بعد رأى ماما ..ولازم تتعودى على قوانين العائله ..ماما كلمتها فوق الجميع
سعاد : بس كدا كتير والله
حسام : لا كتير ولا حاجه وفرصه نقعد مع بعض ونتعرف ببعض اكتر ..
لؤى : اه يا طنط لو سمحتى ..
ريم : بس انا عندى شغل بكرة
لؤى : بكرة خلاص إجازة وغمز لها ..
سندس : وانا عندى جامعه
باسم : هشرحلك كل حاجه انتى وريم ..اظن مفيش حجج تانى ..بقلم منال عباس
لوسيا : دى فرصه أننا اتجمعنا .. يلا بينا كلنا نقعد مع بعض ولا ايه رأيك يا سامح
سامح : طبعا …نستأذنكم هنروح نقعد وأشار لكل من لؤى وباسم بأن يأخذ كل واحد منهم خطيبته وذهبوا إلى الليفنج روووم
أشرقت : ما شاء الله كل واحد لايق عليه عروسته
سعاد : ربنا يهنيهم ….
وفاء : أسيبكم انا هطلع استريح علشان مصدعه
ونظرت إلى مراد ..وقالت : مراد ممكن تيجى عايزاك فى حاجه
مراد : حاضر واستاذنهم هو الآخر …بقلم منال عباس
حسام : نورتينا يا ست سعاد
سعاد : منور بوجودكم
سالم : سبحان الله ….صدفه غريبه …بس الحقيقه اللى حصل اجمل صدفه ..علشان نورتينا النهارده ..
أشرقت : الحقيقه يا ست سعاد ..باسم حفيدى شاب طيب وممتاز فى عمله الوحيد اللى رفض شغل المصنع واكتفى بالطب وعنده مستشفى وكمان دكتور فى الجامعه …
سعاد : الحقيقه ..سندس بتشكر فيه
أشرقت : ربنا يوفقهم ..
حسام : واضح عليكى انك ست طيبه …يكفى انك اعتنيتى ب ريم بعد وفاة أسرتها ..
سعاد : أهلها كانوا ناس طيبين …وبيحبوا الخير للكل ..ووالدتها كانت صاحبتى الله يرحمها ….
اشرقت : ربنا يرحم الجميع
عند الشباب
لوسيا : انا فرحانه اوووى النهارده ..أن ربنا حقق ليا امنيتى بخطوبتى ل سامح
سامح : يا حبيبتي ..انا اللى فرحان انى فوزت بيكى
كانت ريم تنظر على لؤى ..خوفا أن يكون بداخله شئ ل لوسيا ولكنها وجدته ينظر إليها هى
سندس : ما تيجوا نخلى القعدة حلوة …وفرفشه
باسم : قولى ..فى دماغك ايه
سندس : نجيب كوتشينه ونلعب الشايب على أحكام
ريم : افرضي وقع فى ايدك …
سندس : ربنا يستر …بس ايه رأيكم
لؤى : انا موافق نلعب شويه وبعد كدا نتفرج على. فيلم سوا
الجميع موافقه …بقلم منال عباس
ريم : طب عايزين فشار وحاجه نشربها لزوم السهرة
سامح : انا هخلى الخدم يحضروا كل حاجه
وانت يا لؤى هات الكوتشينه ..وبدأوا فى اللعب والضحك …اصوات ضحكاتهم كانت تخرج للخارج
أشرقت : صوت ضحكهم دا عندى بالدنيا وما فيها
حسام : اول مرة يتجمعوا كدا ويبقوا متفقين على حاجه …فكرونى بنفسهم وهما صغيرين …
سالم : الفضل لله ..والست سعاد ..هى اللى جمعتنا …
سعاد وقد شعرت بارتباك ..لكثرة مدح سالم بها ..
سعاد : ربنا اللى بيقدر كل شئ
عند وفاء
مراد : ممكن افهم انتى مطلعانى هنا ليه ..من وقت ما طلعت ما قولتليش حاجه
وفاء : عايزنى اسيبك مع الست البيئه اللى تحت دى
مراد : حرام عليكى الست ما عملتش حاجه
وفاء : هى وبنتها خطفوا ابنك وتقول ما عملتش حاجه..واضح انهم مرتبين كل حاجه..وفى الاخر يقولوا صدفه
مراد : يرتبوا ايه بس ..الست كانت مخبوطه وبتنزف ..عايزة تقولى أن كمان سالم رتب معاهم ..
وفاء : ما اعرفش بقي ..كل شئ جايز
مراد : بجد ربنا يهديكى انتى كدا هتتجننى
وفاء : ما انت السبب ..شايف حقنا فى القصر بيضيع ولا شاغل بالك
مراد وهو يضرب كف على كف احنا اخدنا اكتر من حقنا من زمان ومالناش حق تانى …
وفاء : لا القصر دا حقنا ومش هتنازل عنه
مراد : اقولك تصبحى على خير احسن النقاش معاكى مش هيجيب نتيجه وتركها ودخل فى سريره لينام ….
عند الشباب
لؤى : كفايه كدا لعب ويلا نشوف فيلم رومانسي ايه رأيكم فى تيتانك
الجميع : موافقين طبعا
أخذ كل شاب خطيبته بجانبه وأطفأوا الانوار ..وشغل لؤى الفيلم
كان الجو رومانسي لم يشعر أحد بوجود الآخرين فكل كابلز لا يرى سوى حبيبه
لؤى وهو ينظر لعيون ريم
لؤى : نفسي اخدك فى حضنى ..نفسي اسافر والف الدنيا بيكى ..انا بحبك اووووووى يا ريمووو
ريم : وانا كمان
لؤى : بجد يا ريم
اومأت ريم برأسها
لؤى : انا اسعد واحد فى الدنيا …مش هقدر لما تخلصى لسه الجامعه ..اعملى حسابك تخلصى التيرم دا ونتجوز على طول
ريم : مستعجل ليه كدا ؟
لؤى : اوريكى مستعجل ليه واقترب منها أكثر وطبع قبله طويله على شفتيها ذابت معها ريم بين أحضانه …بقلم منال عباس
باسم : حلو الفيلم دا اووووى يا سندس
سندس : اه ..بس مش بحب النهايات الحزينه
كان هيحصل ايه لو الواد جاك عاش واتجوز البت روز وخلفوا بنت قمر سموها سندس
باسم بضحك : يخربيت فصلانك جاك وروز اسمهم ولد وبنت وكمان يخلفوا سندس ازاى بس
سندس : تشبيه مش اكتر
باسم : والله هتجنن دخلتى طب ازاى
سندس دا ايه الغباوة دى : بقولك جالى طب اسيوط ..
باسم : بس بس حفظت القصه دى …المهم ايه الحلاوة دى
سندس بكسوف : عجبتك ..
باسم : ما تقربي شويه
سندس : ليه هو انا الراجل ..المفروض انت اللى تقرب وانا اتكسف فتقرب اكتر و…..
باسم بضحك : والله هموت منك
اقترب منها باسم ورفع شعرها عن خديها وطبع قبله على شفتيه ..
سندس : يالهووووى قلبي هيقف ..الحب حلوووو اووووى ..
باسم : مش هقدر انتظر كتير يا مجننانى لازم نتجوز فى أقرب وقت
سندس : انا بقول كدا برضو و…
سامح : لوسيا مالك
لوسيا : مفيش دماغى تقيله شويه من إجهاد اليوم
سامح : طب تعالى حطى راسك على صدرى
ودون أن ينتظر وضع رأسها على صدره واحتضنها بيديه
سامح : سامعه دقات قلبي
لوسيا : قلبك بيدق بسرعه
سامح : دا بقي حالى كل ما تكونى معايا ..انا بحبك يا عمرى أنا …
لوسيا : ربنا ما يحرمني منك
انحنى برأسه ووضع قبله على جبينها …..
انتهى الفيلم واعتدل الجميع فى جلسته
لؤى : تحبوا نشوف فيلم تانى
ريم : لا كدا كفايه علشان ننام
سندس : اه والنبي اصل لو فضلت ل فيلم تانى. كدا لازم تتصلوا على المأذون ..ضحك الجميع على خفه ظلها …
لوسيا : انا معاكى فى الرأى يا سندس ..يلا ننام احسن …
خرجوا جميعا لم يجدوا أحد بالهول سوا أشرقت
لؤى : نانو لسه سهرانه
أشرقت : ما حبيتش اقلقكم ..عموما منتظرة البنات علشان اعرفهم باوضتهم
سندس : اووومال ماما فين
أشرقت : الست سعاد نامت فى الاوضه اللى جنبي تحبي تروحى ليها
لوسيا : لا يا نانووو فى اوضه فيها 3 سراير ايه رايكم نروح احنا التلاته فيها …انا فرحانه بوجودكم انا ماليش اخت بنت وهتكونوا انتم اخواتى
ريم : اكيد حبيبتى
سندس : طب يلا والنبي بسرعه عايزة اروح اسرح شويه قبل ما انام
أشرقت : انتى دمك زى العسل يا سندس
شكرتها سندس وذهبوا مع لوسيا إلى تلك الحجرة
بينما ذهب لؤى وباسم وسامح كل واحد إلى حجرته
عند ريم
ريم : الله انا رجعت للجنه ..انا بجد مش مصدقه
آينور : دى الحياة اللى تستحقيها يا نور عيني …
ريم : طب ليه يا ماما بتمشي وتسيبينى ..اقعدى معايا …شويه
آينور : باباك منتظرى …انا بس كنت عايزة اطمن انك حطيتى رجلك على الطريق الصحيح
اوعى يا ريم تصدقى كل حاجه هتحصل …لازم تتأكدى قبل ما تحكمى على حد وخودى حذرك ديما
ريم : بتتكلمى عن ايه يا ماما
آينور : خدى حذرك يا ريم ..لؤى بيحبك ..اوعى حد يضحك عليكى .انتى سيدة القصر …انتى سيدة القصر …وتختفى فى دخان
تجرى ورائها ريم
ريم : ماما روحتى فين ..ارجوكى تعالى ما شبعتش منك ..مامااااااااا لتستيقظ فجأة ومعها سندس
سندس : بسم الله الرحمن الرحيم مالك حبيبتى
ريم : ماما كانت معايا …
سندس : أهدى حبيبتى خير الله ما اجعله خير
انتى بتحلمى
تستيقظ لوسيا هى الأخرى
لوسيا : انتى كويسه يا ريم
ريم : الحمد لله ….يسمعون صوت آذان الفجر
ريم : تعالوا نصلى جماعه …..
لوسيا : بس انا مش بصلى
ريم : لا يا حبيبتي مادام ماعنديش مانع يمنع الصلاة يبقي لازم تصلى
لوسيا عندك حق : ربنا يخليكى ليا وذهبت الفتيات للوضوء …
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سيدة القصر)
