رواية سيدة القصر الفصل التاسع والعشرون 29 بقلم منال عباس
رواية سيدة القصر الجزء التاسع والعشرون
رواية سيدة القصر البارت التاسع والعشرون
رواية سيدة القصر الحلقة التاسعة والعشرون
وقبل مغادرة المأذون ..
حسام : عايز اقول حاجه …انتبه له الجميع …
حسام : فرصه أن المأذون هنا …ممكن لو تسمحيلى بالموافقه واقترب من منى وأخرج من جيبه علبه بها خاتم
حسام : تقبلى تتزوجينى …وقفت منى تنظر إليه فى ذهول ….
حسام : عارف ان طلبي ليكى مفاجئه …بس اتمنى توافقى …
أشرقت : ونعم الاختيار …
وفاء : هى المشرحه ناقصه قتله …ما دا اللى ناقص
شكل رجاله عائله السيوفى اتجننوا وبقي زوقهم بلدى اووووى ..
نظرت منى إلى سعاد …فهى لا تدرى ماذا تفعل من المفاجئه …اقتربت منها سعاد بفرحه
سعاد : يلا وافقى خلينا نتجمع تانى فى مكان واحد
منى بخجل : مواااافقه
صفق الشباب بفرحه …
حسام : ربنا يبارك ليا فيكى يا منى
لؤى وهو يحتضن والده : اخيرا اطمنت عليك يا حوس
حسام بضحك : مين يطمن على مين
لؤى : كلنا فى بعضينا …
بارك الجميع الجميع لهم وتم عقد القران …
بعد أن غادر المأذون
أحضرت أشرقت صندوق وطلبت من الجميع أن يجتمعوا …
أشرقت : بما اننا اتجمعنا اخيرا …آن الأوان …كل واحد يعرف حقه ….كان نفسي تكون آينور معانا
بس الحمد لله ….ربنا عوضنى ب حته منها …
حسام : قبل ما تكلمى كلامك يا ماما ..فى حاجه عايز اقولها ..علشان كل الامور تبقي واضحه
أشرقت : فى ايه يا حسام ..انت اكتر واحد عارف ومتأكد أن ريم تبقي بنت آينور…بقلم منال عباس
حسام : ايوا يا ماما
مراد : اومال فى ايه يا حسام
حسام : الحقيقه مع انها هتكون صدمه ..بس لازم الكل يعرف ..
سالم : اتكلم يا حسام فى ايه ؟؟
حسام :ريم مش بنت آينور لوحدها
نظر الجميع إليه بتعجب …
وفاء بخوف : تقصد ايه ..
حسام : انتى اكتر واحده عارفه معنى كلامى ..
وفاء : انت ازاى تكلمنى كدا …ولا انت خلاص اطمنت علشان ابنك اتجوز ريم وعايز تكوش على القصر …
مراد : ما يصحش كلامك دا يا وفاء
باسم بقلق فهو بداخله شكوك عديدة ..
باسم : كمل كلامك يا اونكل حسام
حسام : ريم ليها اخت توأم اتولدوا فى نفس اليوم …
أشرقت : وهى فين يا حسام ..وليه ما قولتليش
حسام : كان لازم اروح المستشفى واتأكد بنفسي من السجلات …وبالفعل اتاكدت أن آينور ..ولدت توأم
وفى نفس اليوم واحده تانيه ولدت طفله ميته
بس ولاد الحرام ..فهموا آينور أن اللى ماتت تبقي بنتها …
أشرقت : وبعدين كمل ..راحت فين حفيدتى
اقترب حسام من لوسيا …
حسام : اطمنى يا ماما …حفيدتك ..اتربت معاكى
أشرقت : ازاى ..وهى فين
حسام : حفيدتك وتوأم ريم تبقي لوسيا
وقف الجميع في صدمه …
لؤى : ايه يا بابا الكلام دا ..لوسيا تبقي اونكل مراد وطنط وفاء
حسام : دا اللى كلنا كنا عارفينه …لكن وفاء هانم اللى الحقد ملئ قلبها كانت عارفه أن آينور عايشه
وتركتنا السنين دى كلها فاهمين أنها ماتت
مراد : مستحيل كلامك ..لوسيا تبقي بنتى …
حسام : للاسف يا مراد …لوسيا تبقي بنت آينور واخت ريم …والست وفاء هى اللى خطفتها …
مراد بجنون : طب ازاى ووفاء كانت حامل
وبطنها كبيرة ..وكنت بوصلها ديما للطبيب للمتابعه
وفاء : ايوا يا مراد ..حسام كلامه كله كدب ..
حسام : حتى دا كان تمثيليه منها …وانا روحت للطبيب بتاعها ..وراجعنا ملفها ..وما ظهرش اى زيارة ليها خلال الفترة دى
مراد : صح …وانا كل مرة اطلب منها اطلع معاها ..تقولى مفيش داعى وتتحجج …
حسام : الطبيب أكد ليا أن وفاء مستحيل تخلف تانى …بقلم منال عباس
باسم بثبات : كدا انا اتاكدت من شكوكى
تحاليل لوسيا طلعت مش مطابقه ليا بل بالعكس
تطابقت تطابق كلى مع ريم
مراد بانفعال : انتى ايه يا شيخه كل دا علشان القصر ..حرمتى بنت من امها ..واختها
وكمان الله اعلم …آينور حصل ليها ايه علشان تترك القصر ..اكيد انتى السبب ..انتى اللى كنتى عايزاها تتزوج اخوكى الفاشل …اكيد هربت منك
وفاء : الحق عليا أن جيبت ليكم لوسيا تتربي فى وسطكم…بس الكلام مش حقيقه …آينور ولدت بنت واحدة وانا اخدتها وانا متأكدة من كلامى دا ..
ترد عليها منى بانفعال : لا مش دى الحقيقه ..آينور ولدت بنتين توأم ..وانتى اخدتى واحدة منهم
وفاء : وانتى بأى حق تتدخلى بينا
منى : لانى اعرف الحكايه كامله ..وعندى الدليل
وفاء بارتباك : دليل ايه
منى : طبعا انتى فاكرة حكمت الممرضه
ارتبكت وفاء لسماعها اسم حكمت
منى : حكمت اللى عرفتنى الحقيقه كلها …وكاتبه دا فى مذكراتها .
وفاء بضحك هيستيرى : هههههههه …ههههههههه
وفاء : كله راح …لوسيا والقصر
باسم : للاسف يا ماما بافعالك دمرتى نفسك ودمرتينا معاكى ….
سالم : انتى انسانه مش أمينه ولازم نبلغ الشرطه عنك …
وفاء بحركات غريبه مدعيه الجنون والضحك المتواصل …وبدأت تنكش فى شعرها وتتحدث بحديث غير مفهوم …
أشرقت : خلاص يا ولاد …والحمد لله ان الحقيقه ظهرت …اتصل على مستشفى المجانين يا حسام
حسام : لا حول الله يارب
واتصل على المستشفى
جلست لوسيا تبكى مما عرفته …احتضنتها ريم بحب
ريم : حاسه بيكى حبيبتى …بس صدقينى انا معاكى وهفضل ديما جنبك …وأخرجت السلسله التى والبستها إياها
ريم : دى صورة بابا وماما ..انتى أحق بيها دلوقت…
وصلت سيارة المستشفى وتم نقل وفاء إلى مستشفى المجانين
وفاء وهى تغادر نظرت إليهم
وفاء فى نفسها : بكرة تندموا على اللى عملتوه معايا ….افرحوا ليكم يومين …
اقتربت لوسيا من مراد فقد كان حزين ومنكس الراس
لوسيا : بابا مراد …هتفضل بابا طول عمرى واحتضنته …
مراد : انتى بنتى وبنت اختى …اقتربت منهم ريم
ريم : يا ترى ليا نصيب فى الحضن دا
احتضنهم مراد والدموع تنهمر من عينيه….
أشرقت : ممكن نقعد يا ولاد اللى حصل لينا ولا الف ليله وليله …واكيد لسه فى اسرار كتير ما نعرفهاش
كدا الوصيه اللى كتبتها انا وجدكم هتتغير
ويبقي القصر ملك ل لوسيا وريم …..
ريم : لا يا نانووو …القصر ملك لينا كلنا
انا عيشت عمرى كله من غير عائله …وآن الاوان اعيش وسط عائلتى …مش كدا يا لوسيا
لوسيا : ايوا كدا طبعا
ريم : مش الحيطان هى اللى هتفرق بينا …
أشرقت : من اول ما شوفتك وانا قولت عليكى سيدة القصر …لقب تستحقيه يا ريم ..
تجمعت العائله ..منهم من انجرح من أفعال وفاء
ومنهم من فرح لمعرفه الحقيقه …ويبقي فى الاخير
صله الدم التى تربطهم جميعا ….
مرت الايام طويلا ..
الفتيات الثلاثه مجتهدات فى دراستهم ….
بفضل الله ومساعدة خطابهم
لؤى : ريم يا حبيبتي عايزك تطلعى بتقدير زى السنه اللى فاتت
ريم : أن شاء الله …انت بتساعدنى كتير ..وجودك فى حياتى فرق حاجات كتير
لؤى بغمزة : اووومال لما يبقي وجود رسمى
ريم بخجل : عيب كدا
لؤى : ماشي يا مجننانى …هانت
سندس : يا واد يا دكتور ممكن تراجع معايا الفقرة دى ..
باسم : تعالى يا مغلبانى دى عاشر مرة اشرحها ليكى
سندس بهيام : اصلك بتشرحها حلووو اوووى وبحب اسمعها منك …
سامح : حبيبتى يا لوسيا ..بكرة اخر يوم ليكى ..واخيرا حلم حياتى هيتحقق وابقي …
لوسيا : ما تكملش وحياتك سيبنى اركز فى المادة دى ..خلينا نخلص بقى ونعيش حياتنا …
فى صباح يوم جديد على أبطالنا
استيقظت الفتيات فاليوم اخر يوم امتحانات التيرم الثاني …بقلم منال عباس
ريم : تعالوا نصلى ركعتين لله قبل ما نخرج
لوسيا : يلا بينا
أدوا الصلاة ثلاثتهم …
لؤى : يلا يا ريم علشان اوصلك …
باسم : وانتى يا سندس بسرعه
سامح : القمر بتاعى يلا بينا …
أخذ كل منهم زوجته معه فى سيارته وذهبوا الى الجامعه …
لؤى : هننتظركم على ما تخلصوا …عايزين نحتفل باليوم دا
ريم : انا موافقه …
سندس : طبعا موافقه
لوسيا : اكيد زيهم موافقه
أدوا الامتحان ….وبعد مرور الوقت
خرجت الفتيات خارج الحرم الجامعي ..للبحث عن ازواجهم فهو زواج مع ايقاف التنفيذ ..إلى حين الانتهاء من الامتحانات ..
ريم : هما راحوا فين …هوا دا اللى هننتظركم …
لوسيا : تلاقيهم راحوا يشتروا حاجه كدا ولا كدا ..
سندس : ثوانى هتصل على باسم
اتصلت سندس على باسم ولكن الفون مغلق …
استغربت الفتيات لذلك
فاتصلت ريم على لؤى ولكنها وجدت الخط أيضا مغلق ..
لوسيا هى الأخرى اتصلت على سامح ولكن الخط مغلق ..
شعرت الفتيات بالقلق
ريم : انا كدا قلقت اكتر …يا ترى راحوا فين وليه الفون مغلق ليهم هما التلاته …
سندس : ععععععع. شكلهم اتخطفوا وهيطلبوا فديه
وانا لسه مخلصه مصروفى
لوسيا : مصروف ايه بس هما لو اتخطفوا هيطلبوا فلوس كتير اووووى ..
ريم : ايه اللى. بتقولوه دا …أن شاء الله خير …احنا تنتظرهم شويه كمان ..ولو ما ظهروش نروح القصر ونعرف الكبار يتصرفوا …
سندس : صح كدا …
بعد انتظار دام لساعه أتى طفل صغير ومعه ورقه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سيدة القصر)
