رواية سهر (أم البنات) الفصل الخامس والعشرون 25 بقلم إسراء محمد
رواية سهر (أم البنات) الجزء الخامس والعشرون
رواية سهر (أم البنات) البارت الخامس والعشرون
رواية سهر (أم البنات) الحلقة الخامسة والعشرون
كانوا كلهم متجمعين عند سهر وسمير واياد معاهم
الجرس رن
سمير قام فتح وكان أحمد ومشيره
دخلوا وسلموا
وقعدوا
سهر : مش كنتي قولتي مش هينفع تيجي النهارده اي اللي حصل
مشيره : مكنتش هعرف اجي وانا صاحبتك
سهر بعدم فهم : اومال انتي جايه وانتي اي
مشيره : جايه وانا ام العريس
كلهم بصوا لبعض
سهر : يعني اي مش فاهمه
احمد : يعني العريس اللي متقدم لديما يامن ابني
سمير : طب لي مقولتليش
احمد : انا لسه عارف وانا تحت البيت
يامن : انا مش فاهم حاجه
احمد : ديما اللي انت عايز تتجوزها بنت عمك سمير واياد وطنط سهر
يامن : بجد
احمد : بجد
وقعدوا يتكلموا شويه
وبعدين خرجت ديما سلمت وهي مش مستوعبه ان العريس ابن مشيره واحمد
سمير : طب نسيبهم مع بعض شويه عشان يستوعبوا اللي حصل
احمد : يلا
سهر : تعالي يا مشيره ندخل نعمل قهوه وخليهم هما صحاب مع بعض في البلكونه
مشيره : يلا
ديما : انا مش مصدقه ان المعيد اللي جاي يتقدملي هو ابن طنط مشيره وعمو احمد
يامن : انا اللي مش مصدق نفسي ان حلمي هيتحقق بعد كل السنين دي وهبقي معاكي
ديما : مين قالك اني هوافق وبعدين كلامك ده معناه اي
يامن : هتوافقي عشان لو كنتي عايزه ترفضي مكنتيش خلتيني اخد رقم عمو واكلمه واجي لحد هنا
ديما : وجهه نظر برضو
يامن : وكلامي ده معناه انك حلمي من صغري فاكره
ديما : فاكره اي
يامن : فاكره لما كنتوا بتقعدوا معانا وطنط في الشغل ومكنتيش بتحبي تقعدي غير معايا وانا اقولك لما اكبر هتجوزك
ديما : ده كان كلام عيال
يامن : وانا جاي هنا النهارده احقق كلام العيال ده
عند سمير واياد واحمد
احمد : عامل اي يا اياد
اياد : الحمدلله انت اللي عامل اي
احمد : الحمدلله
اياد : متزعلش مني علي اي حاجه حصلت زمان
احمد : انسي يا اياد اللي فات مات احنا هنا النهارده عشان ابني يتجوز بنتك ونرجع علاقة الصحاب تاني
اياد : علي طول بتثبتلي انك احسن مني يا احمد
احمد : متقولش كده احنا الاتنين رجاله بس الظروف بتحكم ساعات علي تصرفتتا
اياد : ربنا يخليك يا صاحبي
دخلت عليهم ريما
لقتهم بيضحكوا
قالت : المفروض تاخدوا صوره للتجميعه دي
سمير : تصدقي صح احنا اول مره نتجمع كده من سنين
واتصوروا
اياد : يلا ندخل بقي كفايه قعده كده لوحدهم
سمير : يلا
وسمير نده سهر ومشيره
ودخلوا لديما ويامن
احمد : اي يا ست البنات موافقه
ديما اتكسفت وبصت في الأرض
سمير : تبقي موافقه
احمد : طب طلباتكم اي
سمير : اياد اللي يقول
اياد : لا انت اللي تقول
احمد : بقولكم اي مش هنختلف واحنا بنجهز نبقي نشوف مين هيجيب اي
سمير : بس الجواز بعد ما ديما تخلص دراستها
يامن : معلش يا عمي انا مش موافق
اياد : لي
يامن : هي لسه ناقصلها سنتين وسنتين كتير بالنسبالي
سمير : اومال انت عايز بعد قد اي
يامن : سنه كفايه وتخلص اخر سنه واحنا متجوزين
سمير : اي رأيك يا ديما
ديما : اللي تشوفه يا بابي
احمد : طب نقرأ الفاتحه
سمير : اي رأيك يا اياد
اياد : انا عن نفسي موافق
سمير : طب علي بركه الله
وقرأوا الفاتحه
وسهر ومشيره زغردوا
واتفقوا الخطوبه بعد شهر
ديما : بس شهر قليل
سمير وسهر بصوا لبعض وضحكوا
مشيره : واضح ان الزمن بيعيد نفسه تاني
يامن : يعني اي مش فاهم
سمير : يعني لما كنت بتقدم لشهر زمان وكنت مستعجل زيك كده كانت تقولي ده لسه بدري
يامن : دي وراثه بقي
سمير : الظاهر كده يا ابني
وقعدوا يضحكوا واتفقوا خلاص ان الخطوبه بعد شهر
واستأذنوا ومشيوا واياد كمان مشي
البنات دخلوا اوضتهم
وسمير وسهر دخلوا اوضتهم
سهر : انا مش مصدقه نفسي ان بنتي خلاص هتبقي عروسه
سمير : ولا انا والله
سهر : العمر عدا بسرعه
سمير : تعرفي اني كنت ناوي ابوظ الجوازه قبل ما اعرف ان العريس يامن
سهر باستغراب : لي
سمير : مش قادر اتخيل ان بنوتي الصغيره كبرت وجه حد ياخدها مني
سهر : طب واي اللي غير رأيك
سمير : عشان واثق ان يامن هيشلها في عينه زي ما انا شايلك جوا عيني وقلبي
سهر : ربنا ما يحرمني من وجودك جنبي يا احلي عوض في الدنيا
سمير : ده انتي اللي احلي عوض واحلى حاجه حصلتلي في حياتي وروحي وعمري وقلبي وكل ما ليا
سهر اتكسفت ومعرفتش ترد
سمير : بعد السنين دي كلها لسه بتتكسفي مني
سهر : عشان كلامك حلو ومش بعرف ارد عليه
سمير : وانا مش عايزك تردي انا بس عايز اشوف خدودك لما تحمر وتبقي طماطميه كده
سهر اتكسفت اكتر ووشها احمر اكتر واكتر
سمير ضحك وخدها في حضنه وناموا
عدا اسبوعين
كانت ديما بتقرب ل يامن اكتر وبدأ يبقي فيه مشاعر ناحيته مش مجرد كان معيد واتقدملها
وفي مره وهما في الجامعه
يامن : بقولك يا ديما
ديما : قول
يامن : فاضل اسبوعين علي الخطوبه واحنا مقررناش هنعملها فين ولا حتي جيبنا الشبكه
ديما : طب ما تكلم بابا بتكلمني انا لي
يامن : انتي نفسك خطوبتك تتعمل فين
ديما : في البيت عندنا
يامن : لي في البيت ما نعملها في قاعه ولو علي المصاريف انا مستعد اتكلف بيها كلها
ديما : مش حكايه مصاريف بس انا عايزه اعملها عائليه في البيت تبقي العائلتين واصحابنا المقربين بس
يامن : وانا مش هزعلك يا ست البنات اعملي حسابك بقي اني هوصلك واعدي علي بابا اخده ونروح لعمو سمير نتفق معاه
ديما : طيب
وفعلا يامن راح لسمير واتفق معاه ان الخطوبه في البيت ونزلوا جابوا الشبكه بعدها بأسبوع
وجه يوم الخطوبه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سهر (أم البنات))
