رواية سهر (أم البنات) الفصل الثامن 8 بقلم إسراء محمد
رواية سهر (أم البنات) الجزء الثامن
رواية سهر (أم البنات) البارت الثامن
رواية سهر (أم البنات) الحلقة الثامنة
اياد سابها ومشي راح لناديه
بعد السلامات
ناديه : طمني عملت اي
اياد حكلها اللي حصل
ناديه : يا نهار هي دي اللي بتخاف علي شكلها اهي خلت شكلك ولا تسوي قدام صاحبك ومراته
اياد : طب اعمل اي
ناديه : مش عارفه الجبروت اللي بقت فيه ده جابته منين
اياد : مش عارف والله يا ماما
ناديه : طب سيبني افكر واقولك تعمل اي
اياد : طيب بسرعه عشان كل شويه بتزيد جبروت
ناديه : ما انت اللي موكوس واتساهلت معاها في موضوع الشقه اهي بتديك علي دماغك
اياد : ما انا كنت عايز اطلع اريج من الحبس كنت اعمل اي
ناديه : ما هي سابتك عشان اتنازلت عن الشقه يعني خسرت الشقه وخسرت خطيبتك في وقت واحد
اياد : طب كنتي عايزاني اعمل اي
ناديه : متعملش انا اللي هعمل
عند سهر
مشيره : ده مين الناس اللي كانت هنا دي
سهر بلا مبالاة : ده واحد كان صاحب اياد
مشيره باستغراب : كان ازاي يعني
سهر : يعني بعد اللي حصل اعتقد مش هيبقوا صحاب تاني
مشيره : لي اي اللي حصل
سهر : عازم صاحبه علي الغدا ومش سايبلي فلوس ولما جه صاحبه بيقولي فين الغدا قولتله معملتش عشان مسبتليش فلوس فصاحبه اتحرج ومشي وهو نزل غضبان راح لامه
مشيره بهسترية ضحك : يخربيتك اي اللي انتي عملتيه ده
سهر : مش هو اللي عايز يكسفني اهو هو اللي اتكسف
مشيره وهي مش قادره تسيطر على نفسها من الضحك : يستاهل والله هو اللي جابه لنفسه هو وامه
سهر : المهم انا عايزه احمد يشوفلي محامي كويس
مشيره باستغراب : اشمعنا
سهر : هرفع قضيه طلاق
مشيره : انتي متأكده من القرار ده
سهر : اه
مشيره : طب مصاريف المحامي هتدفعيها ازاي
سهر : انا بكلم بابا كل شويه وحكيتله اللي حصل وقالي انا هدفعلك
مشيره : طب ومامتك
سهر : مش هتعرف حاجه غير بعد ما اتطلق
مشيره : ومش خايفه تقاطعك
سهر بحزن وعياط : وهي كده مش قطعاني لما تبقي عارفه انه عايز يتجوز عليا عشان الواد وتقول لبابا طلاقي قصاد طلاقها يبقي هي كده مش قطعاني
مشيره حضنتها
وقالت : طب خلاص اهدي ومتفكري في اللي فات فكري بس في اللي جاي
سهر : مش قادره يا مشيره ده اكتر وقت هي المفروض تبقي جنبي فيه وهي اول واحده اتخلت عني فيه
مشيره : طب اهدي خلاص متزعليش نفسك
سهر : مش عارفه والله انا ما بصدق ابقي لوحدي بالليل عشان انهار من العياط
مشيره فضلت معاها لحد ما هديت
وبعدين سابتها ومشيت
لقت احمد رجع
مشيره : حمد لله علي السلامه يا حبيبي
احمد : الله يسلمك يا قلبي
مشيره : هحضرلك الغدا واجي
احمد : طيب
بعد الغدا
مشيره : بقولك يا حبيبي
احمد : قولي يا روحي
مشيره : سهر عايزاك تشوفلها محامي كويس
احمد باستغراب : لي
مشيره : عشان عايزه ترفع قضيه طلاق علي اياد
احمد : انا اساعدها واجبلها شغل ماشي اساعدها بفلوس ماشي لكن اجبلها محامي لا اعفيني
مشيره : لي
احمد : عشان مش هشارك في خراب بيت حد
مشيره : ولا عشان هو صاحبك
احمد : لا مش عشان صاحبي عشان ممكن ربنا يهديه وهي ترجعله بس ساعتها احنا اللي هنشيل ذنب خراب البيت
مشيره : بس هو اللي خربه اصلا
احمد : وانتي عايزانا نشارك بأننا نجبلها محامي
مشيره : بس
احمد : مفيش بس قوليلها احمد بيعتذرلك انه مش هيقدر يشوفلك محامي وخلاص
مشيره : بس هي كده هتزعل
احمد : تزعل هي دلوقتي ولا تزعلي انتي باقي عمرك علي الخراب اللي هنبقي فيه بسبب اننا شاركنا في خراب بيتها
مشيره : عندك حق
تاني يوم
سهر صحيت
وصحت البنات وفطرتهم
وراحت لمشيره عشان تسبلها ريما وديما
مشيره : بقولك
سهر : قولي
مشيره : انا عارفه اللي هقوله ده مينفعش علي الصبح
سهر : قلقتيني في اي
مشيره : لما كلمت احمد علي موضوع المحامي ده رفض عشان قال معلش مش هيساعد في خراب بيت حد وهو ممكن يتغير
سهر : تمام مفيش مشكله
مشيره : يعني انتي مش زعلانه
سهر : الحق مبيزعلش وهو صريح وخايف علي نفسه وبيته برضو يبقي ازعل لي
مشيره : ربنا يوقفلك ولاد الحلال اللي يساعدوكي
سهر : يارب ، امشي انا عشان متأخرش
مشيره : ربنا معاكي
سهر : يارب
ومشيت راحت شغلها
وهي بتفكر هتعمل اي
في نص اليوم
كلمت باباها تقوله
سهر : الو ازيك يا بابا
زيدان : الحمدلله يا حبيبتي انتي عامله اي والبنات عاملين اي
سهر : الحمدلله يا حبيبي بخير
زيدان : وحشتوني والله ونفسي اشوفكم بس عايز اجي في يكون اياد مش في البيت عشان مش عايز اشوفه
سهر : هشوف يوم هو مش موجود فيه واقولك يا حبيبي
زيدان : ماشي يا قلبي قوليلي بقي كنتي متصله لي
سهر : عشان تشوفلي محامي كويس
زيدان : مش انتي قولتي جوز صاحبتك هيشوفلك
سهر : مش عايز يشيل ذنب خراب البيت اللي هو اصلا مخروب
زيدان : معلش يا حبيبتي بس هو عنده حق
سهر : عارفه يا بابا
زيدان : خلاص متشليش هم انا هشوفلك محامي واكلمه واقولك
سهر : هتعبك معايا يا بابا
زيدان : بس يا عبيطه ده واجبك عندي
سهر : ربنا ميحرمنيش منك يا قلبي
زيدان : ولا يحرمني منك يا حبيبتي
سهر : قولي يا بابا ماما عامله اي
زيدان : مش عايزه تكلمني من ساعة ما عرفت اللي انتي عملتيه
سهر : وده مش حقي يعني
زيدان : معلش هي خايفه عليكي برضو
سهر : المفروض تخاف عليا منه
زيدان : هي خايفه عليكي منه وخايفه لتتبهدلي بالبنات بعد ما تطلقي
سهر : ربنا اكيد مش هيرضالي البهدله
زيدان : اكيد يا حبيبت بابا
سهر : طب انا مضطره اقفل عشان عندي شغل
زيدان : ماشي يا حبيبتي خلي بالك من نفسك
سهر : حاضر يا قلبي ، سلام
زيدان : سلام
وقفلت وراحت تكمل شغلها
وعدا اسبوع من غير احداث
سهر وهي في شغلها
كلمت باباها
زيدان : الو مين
سهر : انا سهر
زيدان : اومال رقم مين ده
سهر : رقم المطعم عشان نسيت موبايلي
زيدان : طيب انتي والبنات عاملين اي
سهر : الحمدلله
زيدان : اؤمري كنتي عايزه اي
سهر : بكلمك عشان اقولك اياد مش في البيت النهارده تعالي اقعد واتغدا معانا
زيدان : ماشي يا حبيبتي هجيلك انتي هتكوني في البيت امتا
سهر : الساعه 6
زيدان : 6 ونص بالكتير ان شاء الله هكون عندك
سهر : خلاص هستناك يا حبيبي
زيدان : ماشي يا حبيبتي
سهر : سلام
زيدان : سلام
وبعد ما خلصت
راحت البيت بسرعه عشان تحضر الاكل
واول ما خلصت الجرس رن
راحت تفتح
زيدان : حبيبت بابا
سهر حضنته وقالت : وحشتني اوي يا بابا
زيدان : وانتي اكتر
ودخل وسلم علي البنات
سهر : اي اللي انت جايبه ده كله يا حبيبي
زيدان : دي شويه حاجات للبيت وحلويات للبنات
سهر : ربنا يخليك ليا
زيدان : ويخليكي ليا يا حبيبتي
ودخلت جهزت الاكل
واكلوا وعملت فنجانين قهوه
وقعدوا يتكلموا
زيدان : بقولك
سهر : قول يا قلبي
زيدان : انا شوفت محامي
سهر : بجد طب كلمته ولا اي
زيدان : اه كلمته واخدت منه ميعاد وهنروحله كمان يومين
سهر : طب كويس ، بس يارب اياد ميكونش في البيت
زيدان : لي
سهر : عشان ميحسش بحاجه
زيدان : امممم مفيش مشكله حتي لو موجود هروح انا واتكلم مع المحامي واشرحله وانتي ابقي تيجي مره تانيه
سهر : خلاص تمام
وقعدوا يتكلموا كتير وهي كانت فرحانه بوجود زيدان معاها
وبعد يومين
زيدان راح لوحده يقابل المحامي
وحكاله الموضوع كله وقاله انهم عايزين يرفعوا قضيه طلاق للضرر
علاء المحامي : طب ممكن تخليها تعملي توكيل وانا هرفع القضيه بس اهم حاجه الجيران يشهدوا معاها عشان القاضي يقبل الدعوه
زيدان : متقلقش الجيران بيحبوا الحق واكيد هيشهدوا بالحق
علاء : تمام اول ما المدام تعمل التوكيل هرفع الدعوه علي طول
زيدان : طب واتعابك
علاء : 10000 جنيه هاخد نصهم الاول والنص الثاني بعد القضيه
زيدان : تمام هجيبلك الفلوس مع التوكيل ان شاء الله
علاء : ان شاء الله
وبعد فتره
اياد كان قاعد
الباب خبط
قام فتح
الراجل : ده منزل استاذ اياد اسماعيل
اياد : اه حضرتك مين
الراجل : محضر محكمه
اياد : محضر محكمه عايزني في اي
المحضر : مدام سهر رافعه علي حضرتك قضيه طلاق للضرر
اياد : نعــــــــم
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سهر (أم البنات))
