رواية سهر (أم البنات) الفصل الثامن عشر 18 بقلم إسراء محمد
رواية سهر (أم البنات) الجزء الثامن عشر
رواية سهر (أم البنات) البارت الثامن عشر
رواية سهر (أم البنات) الحلقة الثامنة عشر
اكلوا وخرجوا اتفسحوا وكلوا ايس كريم
وبعد ما خلصوا
رانيا : يلا بقي نروح سوا
سهر : لا سوا أي انا مش عامله حسابي
رانيا : لا هتيجي تباتي معانا
سمير : انا اسف لو بدخل بس مين معانا دول مش حضرتك لوحدك ولا دي للتعظيم
رانيا بضحك : لا مش للتعظيم دي عليا انا وزيدان
سمير : ازاي مش حضرتك وعمي منفصلين
زيدان : لا مش منفصلين
سمير بصدمه : ازاي
زيدان ضحك وقاله : لا دي حكايه طويله تبقي سهر تقولك عليها بعدين
سمير : اوك
وروحوا زيدان ورانيا وسهر والبنات شقه زيدان ورانيا
وسمير روح بيته
كلم سهر عشان يطمن انهم وصلوا
سمير : وصلتوا يا حبيبتي
سهر : اه وصلنا
سمير : طب اي حكايه جواز طنط وعمو دي
سهر ضحكت وحكتله الحكايه كلها
سمير : طب والله كويس انهم طلعوا متطلقوش في الاخر
سهر : اه والله انا كنت زعلانه انهم اتطلقوا بسببي اصلا
سمير : طب بقولك ايه بمناسبه الخبر الحلو ده
سهر : قول
سمير : اي رأيك نكتب الكتاب الاسبوع الجاي
سهر : كتب كتاب اي اللي الاسبوع الجاي احنا لسه قرأين الفاتحه امبارح
سمير : وفيها اي احنا هنكتب الكتاب بس
سهر : لا مش موافقه
دخلت رانيا علي سهر وهي بتتكلم
رانيا : بتكلمي سمير
سهر : اه
رانيا : طب سلمي عليه وقوليله اني مستنياه بكره
سمير سمع وقال : عنيا يا طنط هجيلك من النجمه
سهر : نجمه اي بس استني ، مستنياه لي يا ماما
رانيا : عشان زيدان عزم عبدالعزيز و ناهد علي الغدا بكره فيجي معاهم
سهر : ما هو كان بيتغدا هنا النهارده
رانيا : وفيها اي يا بنتي مش خطيبك وهيبقي جوزك
سهر : لما يبقي بقي
سمير : قطاعة ارزاق انتي
سهر : اه
سمير : انا مش هاجي عشانك
سهر : اومال هتيجي عشان مين
سمير : هاجي عشان حماتي القمر وأحفادها العسل
سهر : طب ابقي خليهم ينفعوك بقي يلا سلام
وقفلت
سمير ضحك وقال : مجنونه بس بحبك
وراح نام
عند سهر
رانيا : انتي قفلتي في وشه
سهر : اه
رانيا : لي
سهر : عشان بيقول انه هيجي عشانك انتي والبنات
رانيا : طب اي اللي يزعل في الموضوع
سهر : مقالش اسمي معاكم
رانيا : الله احنا بدأنا نغير بقي
سهر : ولا غيره ولا حاجه
رانيا : علي ماما
سهر : اه
عند اياد
ناديه : انت هتفضل قاعد كده لا شغله ولا مشغله
اياد : طب اعمل اي يا ماما ما انا من ساعة ما سيبت الشغل وانا مش لاقي شغل عدل
ناديه : ما انت مبتدورش
اياد : مين قالك اني مبدورش
ناديه : انا اللي بقولك بقيت قاعد وكسلان
اياد : في حد طالب ناس تشتغل في مكتب عقارات هروح بكره واشوف الدنيا اي
ناديه : من مدير إدارة في شركه ادويه لموظف في مكتب عقارات
اياد : طب اعمل اي طيب
ناديه : متعملش حاجه يارب تفلح بس
تاني يوم
اياد صحي
ولبس ونزل
صاحب المكتب : ممكن اتشرف بالاسم
اياد : اسمي اياد
صاحب المكتب : عندك كام سنه
اياد : 33 سنه
صاحب المكتب : كنت شغال فين قبل كده
اياد : في شركه ادويه
صاحب المكتب : طب سيبتها لي
اياد : ظروف شخصيه
صاحب المكتب بشك : ظروف شخصيه ولا رفدوك
اياد بسرعه : لا انا اللي قدمت استقالتي
صاحب المكتب : طيب تمام المرتب هيبقي 2000 جنيه والمواعيد من 9 ل 5
اياد : بس ده مبلغ قليل
صاحب المكتب : ما انا مينفعش اديلك مبلغ اكبر من ده وانت معندكش خبره
اياد : بس ده قليل
صاحب المكتب : فكر وقولي
اياد : طيب موافق
صاحب المكتب : تمام هنبدأ من بكره
اياد : تمام ، بس ممكن اعرف اسم حضرتك
صاحب المكتب : اسمي شمس
اياد : اسم جميل زي صاحبته
شمس : شكراً
اياد : علي فكره دي مش مجامله
شمس : طب متنساش بكره تجبلي صوره من ورقة استقالتك
اياد باستغراب : لي
شمس : عشان اتأكد من كلام حضرتك
اياد : لازم
شمس : اه عشان ابقي واثقه ان حضرتك مشيت من عندهم بمزاجك مش مرفود
اياد : طب هتفرق اي انا كده كده مشيت
شمس : لا تفرق عشان لو مرفود هسأل واعرف سبب رفدك واشوف بعدها ممكن تشتغل معانا ولا لأ
اياد : لا اجيبلك الاستقاله
شمس : تمام ، في اسئله عند حضرتك تانيه
اياد : ممكن اعرف انتي عندك كام سنه
شمس : كده المقابله انتهت وفي انتظار حضرتك بكره الساعه 9
اياد فهم انها مش عايزه تقول
وقال : ان شاء الله ، مع السلامه
شمس : مع السلامه
مشي اياد وقعدت شمس تكمل شغلها
اياد رجع البيت
اياد : سلام عليكم
ناديه : وعليكم السلام ، عملت اي
اياد : اتقبلت
ناديه : طب كويس والمرتب كام بقي
اياد : 2000 جنيه
ناديه بانفعال : 2000 اي يا عنيا
اياد : طب اعمل اي يا ماما انا لقيت حاجه تانيه وقولت لا
ناديه : طب ياريت تدور علي شغل تاني عشان مرتبك ده مش هيكفي حاجه غير الايجار
اياد : حاضر
ناديه : قوم شوف هتجبلنا اكل اي اعمله عشان مفيش اكل
اياد : حاضر
نزل شويه ورجع
ناديه : فين الاكل
اياد : الراجل مرضيش يديني حاجه
ناديه : لي
اياد : عشان بيقولي الحساب بقي 3000
ناديه : وفيها اي ما تجيب ويأيد علي الحساب
اياد : قولتله كده قالي لا لما تسد دول الاول ابقي خد اللي انت عايزه
ناديه : طب والعمل
اياد : مش عارف
ناديه : من امتا وانت بتعرف
اياد : طب شوفي هتعملي اي وقوليلي
ناديه : انت علي طول كده مبتفكرش
وسابته ومشيت
عند سهر
كانت قاعده بتجهز عشان سمير واهله
دخلت عليها رانيا
وقالت : يلا يا بنتي الناس بره وبقالهم كتير قاعدين وانتي قاعده هنا عماله تبدلي في اطقم عشان مش عاجبينك مع انهم كلهم حلوين عليكي
سهر : مش حساهم كلهم
رانيا : والله كلهم حلوين
سهر : خلاص اهو هلبس البلوزه دي واجي وراكي
رانيا : طب يلا
وسابتها وخرجت
وشويه وخرجت
سلمت عليهم واتعرفت بحلا وديالا
والبنات وديالا انسجموا مع بعض وقعدوا يلعبوا ويهزروا
وقعدوا يتكلموا شويه
وبعدين قال
زيدان : فين الاكل يا ست الكل
رانيا : حالا يلا يا سهر
حلا : انا هاجي معاكم
رانيا : لا خليكي متتعبيش نفسك
حلا : تعب اي يا طنط مفيش تعب اكيد
عبدالعزيز : طب الاكل انا عندي طلب
زيدان : اطلب
عبدالعزيز : نفرأ فاتحه الاولاد
سمير : ما احنا قرأنها ولا انت نسيت يا بابا
عبدالعزيز : منستش بس حماتك واختك ماكنوش موجودين
ناهد : عندك حق يا عبدالعزيز
زيدان : وانا موافق يلا
وقرأوا الفاتحه تاني
وناهد ورانيا زغردوا
سمير : انا عندي طلب بقي يا عمي
زيدان : شكلها مفيهاش اكل النهارده اطلب يا ابني
كلهم ضحكوا
سمير بضحك : انا عايز اكتب الكتاب يوم الجمعه
زيدان : انهي جمعه
سمير : اللي هي بعد 5 ايام دي
زيدان : وليه الاستعجال ده
سمير : عشان احس اني اخدت خطوه في العلاقه دي
رانيا : انت كده هتبقي اخدت خطوتين
سمير : مش مشكله المهم اني اكتب الكتاب
زيدان : اي رأيك يا عبدالعزيز
عبدالعزيز : انا شايف انك توافق علي الاقل لما يخرجوا مع بعض تبقي مراته يعرف يمسك ايدها وهما بيعدوا الشارع وكدا يعني
زيدان : وانتي يا سهر رأيك اي
سهر بكسوف : اللي تشوفه يا بابا
زيدان : طب علي خيرة الله نكتب الكتاب الجمعه الجايه
وزغردوا تاني
زيدان : حد عنده طلبات تانيه ولا ناكل بقي
رانيا بضحك : لا خلاص هقوم احضر اهو
وقامت هي وناهد وسهر وحلا يحضروا الاكل
ناهد : وحشتيني اوي يا رانيا
رانيا وانتي كمان وحشتيني والله يا ناهد وفرحانه ان العيال هيتجوزا عشان نرجع نتجمع تاني
ناهد : وانا كمان والله
وقعدوا يتكلموا في جو انبساط وهزار وضحك
وعدت الايام
وكانوا سهر وسمير كتبوا الكتاب
وفاضل علي الجواز اسبوعين
حلا : بقولك يا سهر
سهر : قولي
حلا : انا جيبت فساتين البنات كلهم لون واحد حتي ديالا
سهر بفرحه : بجد
حلا : انتي مزعلتيش
سهر : ازعل انك بتعاملي بناتي زي بنتك اكيد لا
حلا : ربنا يخليكي ليا يا احلي اخت مش مرات اخ
سهر : وانتي والله اختي العسل اللي واقفه معايا وجنبي ومشجعاني علي طول
دخلت مشيره عليهم
وقالت : وانا اتنسيت واتركنت علي الرف صح
سهر حضنتها
وقالت : اكيد لا لولاكي انتي واحمد مكنتش عرفت سمير ولا كان زماني بجهز عشان فرحنا دلوقتي
مشيره : ربنا يتمملك على خير يا احلي سهر في الدنيا
وعدا الاسبوعين
وسهر وسمير اتجوزا
وسهر كانت مبسوطه وحاسه ان ده العوض عن اللي فات كله
ومر خمس سنين
وهما عايشين في سعاده وفرحه
وسمير بيحاول بكل مجهوده ان يعوض البنات عن غياب اياد
وربنا كرمهم بولد سموه يزيد عنده 4 سنين
وفي يوم الصبح
سمير : بقولك يا حبيبتي
سهر : قول يا قلبي
سمير : ما تجيبي العيال وتيجي نتغدا عندي في المطعم ونخرج شويه بالليل عشان بقالنا كتير مخرجناش
سهر : والله فكره
سمير : خلاص هستناكم
سهر : عيني يا حبيبي
وسلم عليها وباس رأسها زي ما متعود يعمل من ساعة ما اتجوزا
ومشي
وهي قامت صحت البنات ويزيد وعملت فطار وفطروا
سهر : يلا بقي كل واحده منكم تعمل اوضه وانا وانا هعمل اوضتي والمطبخ عشان بابا عازمنا علي الغدا عنده
ديما وريما في نفس واحد : اخيرا هنخرج
سهر : اه بس يلا نقوم نظبط الشبه الاول
ريتا : وانا يا مامي هعمل اي
سهر : انتي تاخدي يزيد وتدخلوا تلعبوا في اوضه الالعاب بتاعتكم عقبال ما نخلص
ريتا : حاضر يا مامي ، يلا يا يزيد
سهر : قلب مامي انتي
وريتا اخدت يزيد ودخلوا
وسهر والبنات قاموا ظبطوا الشقه
وبعد ما خلصوا
سهر : يلا بقي نصلي العصر وبعدين نلبس
واتوضوا وصلوا
بعد الصلاه
سهر دخلت عند ريتا ويزيد
وقالت : يلا لموا اللعب وحطوها مكانها تاني عشان ندخل نلبس
ريتا ويزيد في نفس واحد : حاضر يا مامي
وفعلا لموا اللعب
ولبسوا كلهم ونزلوا
ديما : يلا ناخد صوره عشان انزلها علي الانستا
سهر : طب مش تستني لما نبقي مع بابا عشان يبقي معانا في الصوره
ديما : لا ما انا مش هنزلها غير لما ناخد معاه صوره وانزلهم مع بعض
سهر : طيب
واتصوروا وراحوا المطعم عند سمير
ريما : احلي حاجه بابا عملها ان المطعم جنب البيت
ديما : اه والله عندك حق
سهر : طب يلا يا ختي انتي وهي ندخل
وفعلا دخلوا وقعدوا
وكلمت سمير
قالتله : انهم في المطعم
سمير : طب اطلبي الغدا عقبال ما اخلص واجي
سهر : حاضر
وقفلت معاه
وندهت الجرسون
الجرسون : اؤمري يا فندم
سهر : ممكن المنيو
الجرسون بتفاجأ : سهر
سهر بصدمه : اياد
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سهر (أم البنات))
