رواية الزهرة المفترسة الفصل الثامن 8 بقلم ديدي
رواية الزهرة المفترسة الجزء الثامن
رواية الزهرة المفترسة البارت الثامن
رواية الزهرة المفترسة الحلقة الثامنة
كاظم: خير ياسامي عايز ايه في الوقت ده..
سامي: اصل ياباشا لين..
كاظم بملل: مالها لين ياسامي عملت ايه مينفعش يتأجل للصبح..
سامي بتوتر: لين ياباشا في المستشفي انضربت بالرصاص..
لينتفض كاظم من نومه وبفزع: ايه انت بتقول ايه..
لين اضربت بالرصاص.. وبعصبيه.. وانت كنت فين ياسامي..
لتنتفض كوثر في فزع من صوت كاظم متسائله: فيه ايه ياكاظم بتزعق ليه..
كاظم لسامي بعصبية: انطق ايه اللي حصلها..
سامي: ابدا ياباشا كانت بتتعشي مع جمال.. ووهما راجعين
طلعوا عليهم قطاع طرق.. سرقوا العربية واللي فيها وضربوهم بالرصاص..
وجمال مات ناس لقيوهم ع الطريق.. واتصلوا بالاسعاف..
ولين الوقتي في المستشفي..
كاظم بتوتر: انا جايلك حالا.. ليغلق الهاتف
وينطلق بسرعة لتبديل ملابسه ..
كوثر: فيه ايه.. ايه اللي جري..رايح فين..
كاظم بسرعة: لين اضربت بالرصاص وفي المستشفي..
كوثر بفرحة عارمه تحاول ان تداريها: ايه معقوله..
ازاي..طب هي لسه عايشة.. ولا ماتت..
كاظم بحدة: فال الله ولا فالك..ان شاء الله تبقي كويسه..
كوثر بغل: ان شاء الله..ولنفسها ان شاء الله
تروح تلاقي روحها طلعت وارتاح منها..
انهي كاظم ملابسه سريعا وامر سائقه بالتحرك
الي المشفي ليصل ويجد هشام هناك..
كاظم بلهفة: مالها لين ايه اللي حصلها ياسامي..
سامي: زي ماقولتلك ياباشا في التليفون..
كاظم بعصبيه: وازاي ده يحصل رجالتك كانت فين..
وبعدين كانت بتعمل ايه مع جمال..
سامي بتوتر: كانت بتتعشي معاه ياباشا.. وانا اول ما عرفت
جيت جري ع المستشفي واتصلت بيك علي طول..
كاظم بقلق: وهي عامله ايه الوقتي..
هشام بأنزعاج: الرصاصة جت في دراعها
الشمال شويه وكانت هتدخل في القلب..
كاظم بخوف: يعني ايه..
سامي مطمئنا: متقلقش ياباشا هي كويسه..
الدكتور طمنا عليها هي نايمه الوقتي…
كاظم بإرتياح: طيب..وكأنه تذكر..هشام انت عرفت منين..
هشام بإقتضاب وضيق: ابدا سامي اتصل بيا..
وجابني علي ملي وشي..حسسني انها ماتت..
كاظم بغيظ و حدة: جاتك البلا بعد الشر عليها..
طبعا كان نفسك تموت علشان ترتاح..
هشام بغضب: ماهي جوا زي القرد اهي…ديه تموت انا ماشي..
كاظم بحدة: تصدق انك معندكش دم.. هتسيب مراتك وتمشي..
غور ياهشام في داهيه.. ياريتها كانت جت فيك مش فيها..
لينظر هشام الي سامي في غضب ويرحل سريعا..
انا بشماته:ههههه..والليله اضربت..احسن..احسن..
وبخوف..انت بتبوصلي كده ليه..يالهووووي..هيعلقني..
اجري يامجدي..احم احم..نرجع للقصة..
ليدلف كاظم الي لين ويجدها نائمة ليربت علي
شعرها بحنان ويقبل جبينها ويبقي معها حتي تفيق..
لين بتعب: انا فين..
كاظم بلهفة: لين انتي كويسه ياحبيبتي حاسه بإيه..
لين بألم: الحمد الله.. بس ايه اللي حصل..
>>>>>>>>>>>>>>>>>>>>>>>
في شركه مازن توفيق كانت نور قد بدأت العمل وبإنتظام
وتراقب تحركات مازن ..ولكن ما كان يضايقها هو شوقي الذي
يعمل مع مازن…فهو ما ان رأها وهو يحاول ان يرمي بشباكه حولها ..
شوقي بضحكه:ايه ده مازن جاب سكرتيرة..بس من علي وش القفص..
نور:نعم..حضرتك عايز حاجة..
شوقي:حاجات ياجميل..انا شوقي وبشتغل مع الدكتور..انتي مين..
نور بضيق:انا نور السكرتيرة الجديدة..هبلغ الدكتور..عن اذنك..
شوقي:اذنك معاك ياجميل..
>>>>>>>>>>>>>>>>>>>>>>>>>>>>
لين بألم: الحمد الله.. بس ايه اللي حصل..
كاظم: شويه حراميه طلعوا عليكم..وجمال
مات..قدر ولطف ان ربنا نجاكي يالين..
لين بتنهيدة الم وهي تغمض عيناها:
طيب.. انا هخرج امته من هنا..
كاظم: لما تتحسني يالين..
لين بحدة وتألم: لأ مش هقعد في المستشفي..
اااااه.. انا عايزة ارجع البيت ياجدي..
كاظم: يالين انتي تعبانه هتروحي ازاي..
ليدلف هشام وببرود: تعبانه فين ماهي زي الجن قدامك..
كاظم بحدة وهو ينهره: اخرس يازفت..
لين بإنزعاج: اهلا..ايه جاي تشمت شويه..
طبعا مبسوط من اللي جرالي..
هشام بسخريه: من اعمالك يالين…
لين بغيظ: طب غور بقي من هنا..
ليدلف الطبيب ويفحصها: اخبارك ايه يا انسه لين ..حاسة بإيه الوقتي..
هشام بسخريه: مدام مش انسه يادكتور..
انا مش مالي عينك ولا ايه..
الطبيب بحرج: اسف مكنتش اعرف.. اصلها مش لابسه دبله..
هشام بتهكم:وانت لحقت تلاحظ لابسة ولا لأ..
معلش اصل عندها حساسيه من الدبل..
لين بغيظ: ها يادكتور انا عايزة اخرج..
الطبيب: مينفعش يا مدام انتي لسه جايه امبارح..
وعايزة تخرجي النهاردة انتي هتفضلي معانا كام يوم كدة..
لين بإنزعاج: لا انا هخرج..
الطبيب بإبتسامة: ايه لحقتي زهقتي مننا..
هشام ببرود وسخرية : ايه نجيب اتنين لمون
و أقف شجرة ما بينكم.. ماتلخص يادكتور..
هي عايزة تخرج خلاص..
الطبيب: بس ده خطر وبعدين الرصاصة كانت قريبة للقلب لازم رعايه..
كاظم :خلاص يالين اسمعي الكلام واقعدي..
لين باصرار: لأ انا عايزة امشي..
كاظم: اصبري يومين كمان..
لين: قولت همشي..
هشام بملل: ماتخلصونا بقي هتمشي ولا لأ.. عايز اروح اكمل نوم..
لين بحزم: من فضلك يادكتور انا هخرج..
الطبيب: ماشي علي راحتك.. بس لازم
تستريحي لمدة عشر تيام بالكتير علشان الجرح..
لين: ان شاء الله..
>>>>>>>>>>>>>>>>>>>>>>>>>>>>
لتخرج لين من المشفي وتذهب الي الفيلا..وهناك..
كوثر بغل: اهلا شرفتي مانتي كويسه اهو.. امال فزعونا بالليل ليه..
لين بألم وهي تجذ علي اسنانها: اخفي الوقتي مش فيقالك..
كوثر بشماته: انتي فيكي حيل تتكلمي.. اتهدي شويه..
لين بغضب: يابنت ال…
كاظم بحدة وحزم: كوثر لمي الدور لين تعبانه..
كوثر بغيظ: وانا عملتلها ايه انا بس بطمن عليها..
وبتعوج بس اهي زي الجن مفيهاش حاجة..
لين بنفاذ صبر وهي تزفر: انا طالعة اوضتي علشان
دمي ميفورش اكتر من كدة.. لتصعد الدرج بتعب..
كاظم لهشام وهو يلكزه في ذراعه: اطلع وراها بدل مانتا واقف كدة..
هشام ببرود: اعملها ايه يعني..
كاظم بعصبيه: تصدق انك عيل… غور ياض..
هشام بتزمر: وليه الغلط ده بس.. خلاص طالع..
ليتجه الي الدرج ويقوم بحمل لين علي غرة..
لتشهق لين من المفاجأة وتنهر هشام..
لين بغضب: ايه ده.. انت بتعمل ايه.. نزلني..
هشام بملل: بقولك ايه.. انتي اديلك ساعة بتطلعي ع السلم..
لين بحدة وهي تحاول النزول: وانت مال اهلك.. انا كنت اشتكتلك..نزلني..
هشام بلا مبالاة: خلصنا قربنا نوصل الاوضه.. اهمدي بقي هتقعي..
لين بعصبيه: نزلني بقي جاتك الهم..
هشام بضحكه: اصلي جنتل مان مع الستات..
وميهونش عليا اشوف واحدة ست تعبانه ومساعدهاش..
لين بإستهزاء: لأ شهم يامان… علي يدي..
ليصل هشام الي الغرفة ويلقي لين بعنف علي الفراش ويكمل..
هشام :تصدقي فعلا انتي الواحد ميعملش فيكي جميله..
لتتألم لين بشدة وتصرخ في غضب:
اااااه… انت غبي غور من وشي..
هشام وهو يخرج: انا رايح انام.. جاتك الهم
قلقتي منامي امبارح وبوظتي الليلة..
لين بغل: غور الهي تنام ماتقوم يابعيد..
>>>>>>>>>>>>>>>>>>>>>>>>>
في شركه مازن توفيق
كانت نور تعمل واذا ب.. ..
شوقي بضحكة:ياصباح الجمال..
نور بضيق:نعم..عايز ايه ياشوقي..
شوقي :ايه ياجميل..مشغول ولا ايه..
نور بإنزعاج:شوقي قصر في يومك وقول
عايز ايه..دكتور مازن مشغول الوقتي..
شوقي:لا..مانا مش جاي لمازن..انا جايلك ياجميل..
بقولك ايه ماتيجي اعزمك علي حاجة..
نور بضيق شديد:شوقي..انا مش من البنات اياهم..
وياريت تحل عني..انا مش من طريقك…
وعن اذنك انا داخلة للدكتور..وتركته ..
شوقي لنفسه:وماله..بكرة الطرق تتلاقي ياجميل..ومش هتفلتي مني..
>>>>>>>>>>>>>>>>>>>>>>>>>>>>
علمت نور بإصابه لين فذهبت اليها مسرعة..وفي غرفة لين..
نور بعتاب:اخص عليكي يا لين كده متقوليليش..
لين بإبتسامه::محصلش حاجة..بسيطة يانور متخافيش..
نور بحزن وبدموع:ازاي يحصلك كده..
واعرف من برا..وكمان كنتي هتموتي..
لين وهي تحتضنها:بتعيطي ليه الوقتي..
انا كويسه اهو قدامك..انا مرضتش اقولك علشان كده..
نور ببكاء:لو كان حصلك حاجة كان جرالي ايه انا..
انتي عارفة يالين انا مقدرش اعيش من غيرك..
لين بضحكة:ايه يابت انتي هتقلبيها دراما..
مانا زي الجن اهو..وبعدين انا مش ممكن اسيبك ابداياقلبي..
متخافيش لسه بدري علي موتي..وبضحكة..لسه مهمتي مخلصتش..
لما اخلص علي هشام الاول..معقوله اسيبه عايش واموت..
نور بضحكة:هههه..فعلا مفكرتش في ده..
ليدلف هشام:انا سامع اسمي..خير..اصل ابن الحلال علي ذكره يبان..ازيك يانور..
>>>>>>>>>>>>>>>>>>>>>>>>>>>>>>>>>
لين بسخريه:ابن حلال..قصدك جبنا في سيرة القط جه ينط..
نور بضحكة:هههه..ايوة انتو هتشتغلوا..الحمد الله يااتش..
لين كانت بتقول انها مش هتموت غير لما تخلص عليك الاول..
هشام بضحكه:اهاااا..طمنتيني انتي كده..امال ايه العياط
ومقدرش اعيش من غيرك..انتي بتشوفي هندي كتير..
لين بغيظ:كنت بتتصنت ياهشام..
هشام بضحكة:ابدا عرفت نور هنا جيت اشوفها..اصلي بحبها اوووووي..
نور:ههههه..وانا كمان يااتش..انت عارف بحبك..
هشام بتحسر مصطنع:ااااااه يانور..يارتني كنت
اتجوزتك انتي..بس ملحوقة..انا هطلق اختك واتجوزك ايه رايك..
نور بضحكه:سيبني افكر..بس لف كده..خليني اشوفك كويس..
ليقهقه هشام عاليا:هههه..ايه مااعملك عرض احسن يانور..
نور بتساؤل:الا قولي يااتش.. الجسم ده نفخ ولا طبيعي..
لينفجر هشام في الضحك حتي تدمع عيناه:
نور..بس ياحبيبتي..نفخ ايه..انا برضو بتاع كده..
لين:لا ياحبيبتي..هو ليه بس في المسخرة..
يعني اي جيبه معديه يشبك فيها..
هشام ضاحكا:ديه غيرة ديه يالين ولا ايه..
لين بسخريه:غيرة..شكلك مسطول يااتش..مش انا اللي اغير..
وبعدين انا اتعودت…انت اي حاجة اخرها
تاء مربوطة تلزق فيها..ويلا بقي طرقنا..عايزة اقعد مع اختي..
هشام بعتاب:بتطرديني يا لين..يرضيكي يانور.ايه رأيك اخرج ولا استني..
نور بضحكة:لا يا اتش..برا يلا هنرش مايه..
هشام بعتاب وزعل مصطنع:كده برضو يانور..
وانا اللي بقول عليكي ناصفاني..ماشي..اختك مين..
نور:بهزر يااتش..انت زعلت.. خليك طبعا..
ليسرع هشام ويجلس علي الفراش بجوار لين ونور:
انا ازعل منك..مش ممكن..انتي عارفة معزتك عندي..
وهو يحتضن لين بإستفزاز..وبحب اختك قد ايه..
لين وهي تحاول ابعاده عنها وبضيق:اوعي ايه ده..
نور بضحكه:هههه..ولين بتحبك اووووي..
هشام ضاحكا وهو يضمها اكثر اليه:اووووووي..
اهو انا شايف الحب بينط من عينيها..
>>>>>>>>>>>>>>>>>>>>>>>>>>>>
بعد عدة ايام من اصابتها تذهب لين الي
سامي في المطعم وتجد وجهه في حاله مزريه..
لين بضحكة: ايه ياسامي مين اللي
شلفطك كدة.. ايه روحت القفص الدموي
سامي بحنق: لا ياختي.. هو جالي لحد عندي..
لين: هههههه بس تصدق كدة لايق عليك الاجرام..
سامي بغيظ: ليكي نفس تضحكي..
<<<<<<<<<<<<<<<<<<<<<<<<<<<<<<<
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الزهرة المفترسة)
