رواية سلف ودين الفصل السابع 7 بقلم لولو محمد
رواية سلف ودين الجزء السابع
رواية سلف ودين البارت السابع
رواية سلف ودين الحلقة السابعة
حسام / وقاحه و قله ادب تصدقى انا الحق عليا انى فضلت سهران طول الليل جنبك اعملك كمادات انتى كنتى مولعه امبارح يا هانم
ندى / انت بتقول ايه
حسام / و بالنسبه لهدومك انا ما غيرتهاش عشان هموت و اشوف جسم حضرتك لا فوقى انا اضطريت اعمل كدا عشان هدوم حضرتك كانت غرقت ميه من الكمادات و خفت تعييى زياده
ندى تبدا تلين
حسام / و بالنسبه لهدومى ممكن تفهمى ايه اللى جرالها لما تخشى الحمام و تشوفيها و لا على ايه بصى فى الارض و استنتجى خدت ايه انا من سهرى جنبك راحت عليا نومه ايه اجرمت
ندى / حسام
حسام بعصبيه
حسام / نعم
ندى / انا ..
حسام / انتى ايه
ندى / انا اسفه .. بس حط نفسك مكانى انا اتخضيت
حسام / انا ممكن اعدى اى حاجه يا ندى ممكن اسامح فى اى حاجه الا انك تتهمينى انى بستغلك انتى متخيله انى ممكن ائذيكى بالشكل ده انتى ازاى اصلا عقلك يصورلك انى ممكن اعمل حاجه زى دى
ندى / انا اسفه بس ما كانش يصح تغيرلى هدومى برضه
حسام / برضه بتقول هدومى
ندى / الله
حسام / كنت اعمل ايه قوليلى اعمل ايه
ندى / ما اعرفش
حسام / بس انتى معاكى حق برده …. هووووووف …. انا اسف انا ما كانش المفروض اعمل كدا …. بس بجد ما كانش قدامى حل تانى و ما كنتش نايم و ما فكرتش انا بجد اسف انا محرج منك اوى
ندى تبص فى الارض و تهز راسها
حسام / اللبسى اى حاجه و تعالى نروح المستشفى نكشف عليكى
ندى / لا ما لوش لزوم انا حاسه انى كويسه و بعدين ما يصحش نمشى و نسيب الاوضه بالمنظر ده
حسام / ما لكيش دعوه انا هقولهم يبعتوا حد ينضفها
ندى / حرام تدعى عليا
حسام / دا شغلهم يا نونو بياخدوا عليه فلوس
ندى / اكيد ما بياخدوش كفايا انهم ينضفوا القرف ده معلش انزل انت ساعه و انا هحصلك تمام
حسام / مش هيحصل … مش هقدر … خلاص اللى تشوفيه انا هساعدك و نخلص بسرعه و نروح المستشفى ماشى
ندى / صدقنى انا كويسه مفيش اى لازمه لمستشفيات صدقنى
حسام / اكيد اتحسدتى عشان كنتى قمر فى الصور
ندى / اتحسدت على ايه يا حسره و بعدين مين اللى هيحسدنى يعنى ما حدش شاف الصور غير اهلى
حسام / احلى حاجه فيكى ان الدنيا لسه ما اثرتش عليكى لسه طيبه و بريئه كانك عيله صغيره حقد الناس و قرفهم لسه ما لمسكيش
ندى تبتسم
حسام / خليكى كدا يا ندى اوعى تكبرى اوعى تتغيرى
ندى / ربنا يسهل ههههههههههه
…………………………
فى نفس المطعم اللى جنب الكليه
غاده / طبعا انت عارف ان بابا قرر يفتح فرع جديد للشركه فى لبنان
عمر / بجد !!!مبروك
غاده / معقول ما قولتلكش
عمر / ههههههههههه و انتى المفروض بتقوليلى كل حاجه يعنى و لا ايه
غاده / و انت مش واخد بالك و لا ايه اكيد ما جتش فرصه خصوصا ان الفتره اللى فاتت ظروفك يعنى المهم عدت الحمد لله
عمر / الحمد لله
غاده / المهم بابا هيسافر لبنان الفتره اللى جايه و طبعا الشركه فى مصر هتبقى تحت رعايتى انا
عمر / مسكين يا عمو امجد هترجع تلاقى نفسك مفلس هههههههههههه
غاده /ها ها ها سو فانى
عمر / جدا
غاده / المهم نوعا ما معاك حق فانا استاذنت بابا انك تكون معايا
عمر / فين
غاده / فى مزنبيق
عمر / و انتى هتسافرى مزنبيق ليه
غاده / لا كدا كتير اوفر بجد يا ابنى ايه اللى هيودينى موزنبيق انا
عمر / و انا اش عرفنى ما انتى اللى بتقولى
غاده / عمر
عمر / غاده
غاده / تانى انا حددتلك مع بابا يوم الخميس عشان تيجى تعمل انترفيو
عمر / و انتى مين قالك انى بدور على شغل بعد الضهر
غاده / انا عارفه انك ما بتدورش و انا مش بجيبلك شغل انا بطلب منك تساعدنى بصفتك صديقى الوحيد و الشخص الوحيد اللى بثق فيه انه مش هيغرقنى بس ذات اذ اول
عمر يبصلها
غاده / اوك فكر و خد وقتك قدامك لحد الخميس الساعه اتنين فى الشركه انت عارف العنوان صح
عمر / هههههههههههههههههههههه
غاده / كنت متاكده انك مش هتكسفنى
عمر يبصلها و هو مبتسم و حاطت ايده على خده غاده تبص بالصدفه على الشارع تلاقى أية واقفه بتبص عليهم و حاضنه شنطه
غاده / اممممم أية هنا
عمر يبص وراه يلاقيها
غاده / انا كنت فاكره انك حليت مشاكلك معاها هى بتيجى ليه تانى بقى عاوزه منك ايه دى
عمر / هقوم اشوفها ثوانى
عمر يقوم و يطلع من المطعم و يقف قدام أية
أية / قبل ما تقول اى حاجه انا جايه عشان اديك الشنطه دى
عمر / شنطه ايه دى
أية / فلوسك انا عارفه انك ما اخدتهمش عشان مستشويهم بس صدقنى انا معايش اديك اكتر
عمر / انا مش عاوز منكوا حاجه اللى ما تمتعتش بيه و ابويا عايش ما يلزمنيش بعد ما مات
أية / انا اسفه يا عمر
عمر / أية خلاص الخيط الرفيع اليتيم اللى كان رابط بنا مات و حلال عليكى الشقه و المحل و العربيه و الفلوس حلال عليكى كل حاجه و اقولك الاكتر انا مسامحك على كل حاجه و مسامح مامتك كمان كل اللى انا طالبه انك تبعدى عنى و تنسينى خالص
أية / بالبساطه دى
عمر / و ابسط من كدا ما عدش فى بنا اى حاجه تربطنا
أية / و هو اللى كان رابطنا عموا محمود و بس
عمر / للاسف
ايه تبص لعمر و هى بتعيط
أية / عمر
عمر / ابوس ايدك ما تعيطيش انا تعبت
أية / امال انا ايه
عمر / انا اسف بس انا ما قصرتش فى حقك عملت اللى عليا و زياده
أية / ادينى فرصه اعمل اللى عليا انا كمان
عمر / عملتيه و كتر خيرك اوى
أية / انت ليه عاوز تيتمنى تانى انا ما صدقت انك ظهرت فى حياتى تانى انا ما صدقت انك رجعت … رجعتلى
عمر / انا مش عارف اقولك ايه
أية / ما تقولش حاجه خلاص انا اسفه و اوعدك انك مش هتشوفنى تانى اوعدك انى هخرج من حياتك لو ده هيريحك
أية تمسح دموعها
عمر / يبقى كتر خيرك
أية / خد فلوسك
عمر / حلال عليكى انا مش عاوزها
أية تحاول تدارى دموعها
أية / انا جيت بيهم و انا حاطه ايدى على قلبى خدهم
عمر / فطرتى
أية تسكت
عمر / تعالى افطرى معانا و نوصلك فى طريقنا
أية تبص من الازاز تلاقى غاده بتبص عليهم
أية / مش عاوزه اقطع قعدتكوا ما بحبش اكون عازول
عمر / غاده مجرد زميلتى فى الشغل زميلتى من ايام الكليه و زميلتى فى الشغل مش اكتر
أية وشها ينور
عمر / انا طبعا مش مجبر اوضحلك لانه حاجه ما تخصكيش
أية / ما يخصنيش خالص
عمر / بس حبيت اقولك المهم تعالى افطرى
أية تهز راسها و تبتسم و تدخل معاه
عمر / غاده أية أية غاده اقعدى يا أية كلى
غاده / اهلا
أية / اهلا
………………………….
فى المطعم عند على
انور / على على
على / ايوه يا حج
انور / عملت ايه فى موضوع السفر
على / والله ما عملتش حاجه انشغلت
انور / كويس تعال
انور يقوم و يدخل العماره و على وراه و يدخلوا المكتب و انور يقفل الباب
على / فى ايه يا حج
انور / اقعد يابنى عاوزك فى كلمتين
………………….
على يقعد
انور / بص يا على انت عارف ان ربنا ما اكرمنيش بعيال و انا مهما عشت ايامى معدوده
على / ليه بس الكلام الوحش ده يا حج ما تقولش كدا
انور / انا مليش اخوات و قرايبى فى البلد عقارب ما شوفتش منهم فى حياتى غير الاذى هما السبب انى اسيب بلدى و اجى مصر حتى مراتى ما سلمتش من اذاهم و بصراحه مش ضامن يعملوا فيها ايه بعد ما اموت
على / ما تقلقش يا حج ربك ما بينساش حد
انور / بص يا على انت راجل جدع و ابن حلال و انا اللى مربيك من سنين
على / و جميلك فى رقبتى ليوم الدين
انور / انا بعتلك كل اللى حلتى
انور يطلع ملف و يديه لعلى
على / ايه ده يا حج
انور / العقود بيع وشرا كل حاجه حلتى كتبتها باسمك بس عاوزك تعاهدنى
على / من غير ما اعاهدك انا مش هقبل الحاجات دى انا ما استحقهاش وربنا يديك طوله العمر و تعيش و تاخد بالك من حاجتك
انور / ما انا عشت يا على عشت و خدت بالى من حاجتى و كبرتها لحد ما بقت زى ما انت شايف و جه الوقت اللى اخد اجازه بقى و ارتاح
على / و ماله ارتاح و انا هبقى اجيب الحسابات و اجى اراجعها معاك كل فتره
انور يبتسم
انور / انا كدا ارتحت يا على عشان اطمنت ان العمال اللى فى المحل مش هيتشردوا من بعدى و البيوت اللى مفتوحه بسببى مش هتتقفل ارتحت لانى عارف انى مش هتبهدل فى اخر ايامى لانا و لا مراتى
على / يا حج بلاش الكلام ده و بعدين
انور يمسك ايد على
انور / انا خدت قرارى و بلغتك بيه عشان ده اخر يوم ليا فى المحل
على / انا مش هقدر على الامانه دى يا حج
انور / لو ما كنتش قدها ما كنتش شيلتهالك
على / يا حج ابوس ايدك بلاش انا
انور / لو مش انت مش هيكون حد تانى اصلا
على / يا حج ارجوك اسمعنى
انور / سمعتك و ردى عليك ان لما ابوك يقول كلمه ما تكسرهالوش يا على يلا انا ماشى بقى هاخد المدام و نسافر كام يوم نتفسح و نعيش اللى ما عشناهوش هههههههههههههههههههه
على مصدوم
انور / سلام يا على
على يبصله و ساكت انور يخبطه على كتفه
انور / قول مع السلامه ياله
على يبتسم و يبص فى الارض
على / مع السلامه يا حج
انور يطلع من المكتب و يروح على الشاورما يلاقى احمد واقف
احمد / على فين بدرى كدا يا حج
انور / مسافر و هاخد اجازه حبه من بعدى على هو المدير محدش يتعبه
احمد / امرك يا حج
انور / مع السلامه
احمد / بالسلامه يا حج
………………………….
فى الفندق
حسام / اخيرا خلصنا
ندى / انا ضهرى اتقطم
حسام / ضهرك ايه ياختى و انتى كنتى عملتى ايه
ندى تضحك
حسام / الست تدعى علينا انا هعملها و لا بتعرفى تنضفى و لا بتعرفى تنيلى و انا اللى ادبست فى الاخر
ندى / الله اعملك ايه يعنى
حسام / هش و لا كلمه ليكى عين تبجحى كمان دانا هرقد يومين
ندى / ربنا يخليكى يا ماما هيرقد من تنضيف اوضه
حسام / احب افكرك ان ماما مش هتسافر معانا
الضحكه تروح من على وش ندى
حسام / مالك وشك قلب كدا ليه هو انا قولت حاجه غلط
ندى / لا بس انت معاك حق انا كنت طول الوقت مركزه فى دراستى و بس لا بعرف اطبخ و لا انضف و لا اغسل و لا اعمل اى حاجه و دلوقت
حسام / ما فرقش حاجه انا و انتى هنحط ايدينا فى ايدين بعض
حسام يمسك ايديها
حسام / و نتعلم سوا
ندى / بجد
حسام / بكره تبقى بريموا فى كل حاجه و اجدع من اجدع ست بيت و بكره تقولى حسام قال
ندى / ربنا يسهل
حسام / فكيها بقى ما بحبش اشوف البوز ده
ندى تبتسم حسام يمسكها من دقنها
حسام / ايوه بقى خلى الشمس تطلع بقولك روحى اللبسى بسرعه عشان نازلين
ندى تهز راسها و تمشى
……………………..
قدام عماره أية
غاده تركن العربيه
أية / شكرا
غاده / العفو على ايه
أية / هتعوزوا منى حاجه
غاده / ميرسى ما نتحرمش
أية / انا ماشيه
غاده / مع السلامه
أية تبص على عمر قاعد قدام و مش بيعبرها تفتح الباب و تنزل و تطلع العماره و غاده تطلع بالعربيه
غاده / مدام مش طايقها اوى كدا خلتها تفطر معانا ليه و كمان طلبت انى اوصلها
عمر / مش حوار مش طايقها
غاده / امال ما ردتش عليها ليه كانت بتكلمك انت على فكره
عمر / عشان عاوزها تبعد عنى مش عاوزها تلاقى منى اى معامله حلوه فتفهم غلط و تفضل لازقالى
غاده / كنت خلتها تمشى من الاول
عمر / الشنطه اللى معاها فيها فلوس و خافت تتسرق منها
غاده / فلوس ايه
عمر / يوووووه يا غاده
غاده / اسفه
عمر / انا اللى اسف بجد مخنوق اركنى فى اى جنب
غاده / انت مش ملاحظ انك كل متضايق ما بتطلعش همك غير فيا و انا مستحملاك
عمر يبصلها غاده تركن
عمر / انا اسف و على فكره انا مقدر اوى انك مستحملانى بس انا تعبان مخنوق و مش قادر
غاده / و ده واضح عليك و صدقنى انا بحاول اساعدك
عمر يبص فى الدواسه و ينفخ و يسكت
غاده / اوك اوك انا مش هضغط عليك انا هوصلك تمام
عمر / لا انا هتمشى يمكن افك شويه هكلمك بالليل تمام
غاده / تمام
………………………
فى المطعم
احمد / مالك يابنى هو الحج قالك ايه جوه
على ميردش و سرحان
احمد / على على انت يابنى بكلمك
على / ايه
احمد / اللى واخد عقلك مش كدا فى ايه مالك
على / مليش فى ايه
احمد / بقولك مالك مسهم من ساعه ما خرجت من مكتب الحج
على / مفيش حاجه يابنى سرحت شويه ما تعملش حوار
احمد / صحيح بخصوص موضوع السفر اللى كنت كلمتنى عليه
على / ما عدلوش لزوم
احمد / يا سلام بعد ما كلمت الناس
على / حقك عليا يا احمد والله كنت ناوى بس الظروف اتكعبلت فوق نفوخى
احمد / و ايه يعنى و هى من امتى ظروفك كانت عدله اساسا دانا من يوم ما عرفتك و انت متكحور
على يبصله بحزن احمد يخبط بالراحه على ضهره و يبتسم
احمد / بس انت طول عمرك كنت قدها يا صاحبى مالك فى ايه احكى لاخوك
على / الشيله تقلت عليا
احمد يبص ورا على
احمد / اوبااااااا
على / فى ايه
احمد / العروسه
عربيه حسام تركن تحت بيتها و حسام و ندى ينزلوا ندى تبص على على حسام يلفلها و يحوطها بدراعه و ياخدها و يطلعوا و هى بتحاول تبص على على و على عينه معاها
احمد / ايه انسى بقى
على / خاسه كانها ما بتاكلش
احمد / هههههههههههه تلاقيها مش فاضيه تاكل بتشقى ههههههههههههه
على يقوم و يزق احمد و يطلع و احمد بيجرى وراه
احمد / بهزر بهزر انت يابنى بهزر …. يووووه زعل
………………..
فى شقه أية
أية تطلع البلكونه تنشر الغسيل تلاقى عمر واقف الناحيه التانيه ساند على عربيه يشوفها يقوم و يمشى و يقف بعد شويه و يبصلها تانى و هى عينها معاه بلهفه يبص الناحيه التانيه و يتنهد و يبصلها تدخل تجرى على جوه
أية / ماما انا نازله اجيب حاجه حلوه نفسى هفانى على شيكولاته
سمر تطلع من المطبخ
سمر / ما انتى كنتى بره
أية / كنت فاكره ان عندنا و ما لقتش مش هتاخر ماشى
سمر / هاتيلى معاكى كيس ملح و كيلو مسحوق اوتوماتيك و خدى فلوس من البك
أية / تمام تمام ثوانى و جايه
أية تلبس الشوز من على الباب و تنزل بعبايه الشارع تبص يمين و شمال تلاقى عمر بعيد تجرى عليه يحس بيها يبص و يقف
عمر / فى ايه انتى كويسه
أية / انت بتعمل ايه هنا
عمر / هنا فين
أية / انت مش قولت
عمر / انا عارف انا قولت ايه انا بتمشى فى شارع الحكومه
أية / انت ما كنتش بتتمشى انت كنت قاعد قدام البيت
عمر / دا كان بيتى اتولدت و اتربيت فيه ماشى
أية / انت ليه قاسى عليا اوى كدا
عمر / مستنيه منى ايه
أية / هو احنا ما ينفعش نرجع زى زمان
عمر / ما ينفعش حتى لو عاوزين
أية / لا لو عاوزين هنقدر مفيش حاجه هتمنعنا بس نكون عاوزين
عمر / انا لازم امشى
أية تمسك ايده يبصلها
أية / انت عاوز نرجع زى زمان صح
عمر / سلام يا أية
عمر يسحب ايده من ايد أية و يسيبها و يمشى و هى تبص عليه بحزن و ترجع البيت و تقفل الباب
سمر / جبتى المسحوق
أية / هاه
سمر / الله امال نزلتى ليه
أية / نسيت اخد البك و ما افتكرتش الا لما روحت هناك
سمر / اللى واخد عقلك ياختى خلاص مش مشكله هبقى اجيب و انا نازله انا هغرف تعالى ساعدينى
أية تهز راسها
……………………
فى شقه ندى
مها / حبيبه قلبى وحشانى وحشانى وحشانى
ندى / و انتى كمان يا ماما
مها / تعالى ساعدينى فى المطبخ نحط الاكل
ندى تهز راسها و تدخل
حسام / بالراحه عليا فى النميمه لاشرق منكوا هههههههههههههههههههه
مصطفى / اقعد اقعد عاوزك
حسام / خير يا عمى
مصطفى / انتوا عاملين ايه طمنى عليكوا
حسام / الحمد لله كلو تمام
مصطفى / ما عرفتش اتكلم معاك فى البيت عندكوا عشان كدا طلبت انك تيجى هنا ناخد راحتنا
حسام / فى ايه يا عمى قلقتنى
مصطفى / ندى
حسام / مالها
مصطفى / عامله معاك ايه
حسام / كويسه هتعمل ايه يعنى
مصطفى / ندى ما بتبصليش ما بتردش سلامى حتى
حسام / هى زعلانه منك شويه حضرتك عارف هى قد ايه عنيده
مصطفى / و ازاى اتاقلمت معاك بالسرعه دى ازاى اقنعتها توافق
حسام / ما كانش سهل اعترف بس هى عارفه قد ايه بحبها و لما شافت الفرح و الفستان و الفندق و عرفت انها هتسافر الامارات طبعا اقتنعت
مصطفى / تمام ربنا يطمنك
حسام / اطمن يا عمى
……………………..
فى المطبخ
مها / طمنينى عامله ايه مع حسام
ندى / الحمد لله
مها / كويس معاكى
ندى / اه طبعا بصراحه كتر خيره اوى
مها / حسام ابن عمك و من لحمك و دمك و مفيش حد هيصونك و يخاف عليكى قده
ندى تهز راسها
مها / و بعدين هى الواحده مننا هتعوز ايه اكتر من واحد يكون بيحبها و حسام بيموت فيكى
ندى تهز راسها
مها / مالك يا ندى فيكى ايه
…………………………
ندى / مفيش انا كويسه
مها / امال ما بتكلميش ابوكى ليه
ندى / عادى يعنى مفيش حاجه
مها / خدى حطى الاطباق على السفره و تعالى خدى منى
ندى / حاضر
ندى تاخد طبقين و تطلع بره تحطهم على السفره ترفع عينها ستاره شيفون بيطيرها الهوا من وراها على واقف فى بلكونته تقف و تبص عليه حسام يدخل و يقفل البلكونه
حسام / انتى لسه تعبانه
مها تطلع من المطبخ شايله صينيه
مها / تعبانه مالها
حسام / ايه يا عمتوا مل تقلقيش دور برد خفيف و بعدين مهى قدامك اهى كويسه
مها / انتى كويسه يا حبيبتى
ندى تهز راسها و تدخل المطبخ و هى بتمسح دموعها
حسام / والله قولتلها نروح لدكتور نطمن اكتر قالت انا كويسه
مها تطبطب على كتف حسام و تدخل المطبخ تلاقى ندى بتعيط اول ما تشوف امها تمسح دموعها و تعمل نفسها بتاخد صينيه مها تمسك ايدها
مها / ندى مالك يا ضنايا بتعيطى ليه
ندى تسيب الصينيه و تدخل الحمام و تقفل عليها الباب
………………………….
على السفره
الكل قاعد بياكل و ندى بتبص للطبق و سرحانه حسام يمسك ايدها تبصله
حسام / ايه يا قلبى ما بتاكليش ليه
حسام يبوس ايدها
ندى / معلش انا اسفه بطنى مقلوبه شويه انا بجد اسفه
مها / خير يا قلبى اعملك كبايه ينسون تهدى معدتك
ندى / انا هقوم اعمل نعناع
مها / لا بلاش لتكونى حامل بس
حسام / هههههههههههههههههه حامل ايه بس يا عمتى
مها / انت مش قولت من امبارح بطنها مقلوبه
حسام / و هو الحمل بيحصل فى اسبوع الاعراض دى على الاقل مش قبل شهرين
مها / اووووووووف كسرت فرحتى يا حسام
حسام / حقك عليا و بعدين ملحوقه قريب باذن الله هنبلغكوا البشاره مش كدا يا قلبى
حسام يبوس ايد ندى تانى ندى تسحب ايدها و تقوم
ندى / عن اذنكوا
ندى تقوم تدخل اوضتها تبص من الشباك على البلاكونه مفيش حد تبص فى الشارع مفيش حد حسام يدخل يحط ايده على كتافها تبصله و تبص فى الارض
حسام / بلاش تخلى مامتك تضايق اكتر من كدا
ندى / انا تعبانه اوى يا حسام تعبانه بجد
ندى تعيط حسام ياخدها فى حضنه و يطبطب عليها
ندى / مش لاقيه حد اتكلم معاه و لا حد يسمعنى مش قادره استحمل مش قادره امثل
حسام يرفع عنيها لعنيه و يمسك خدودها بايديه
حسام / كلو هيبقى تمام اوعدك كلو هيبقى احسن
ندى تهز راسها حسام يوطى على راسها يبوسها مها تدخل و معاها كبايه ينسون
مها / احم احم
حسام يبعد خطوه
مها / الله هو انا هبقى عزولكوا و لا ايه لا خدوا راحتكوا انا عملتلك الينسون عشان يريح معدتك هروح انا بقى اكمل اكل
حسام / الف هنا
مها / تحب اجبلك اكلك
حسام / انا شبعت تسلم ايدك
مها / تمام
مها تطلع و تقفل الباب
حسام / تفتكرى خدت بالها انك بتعيطى
ندى / ما اعرفش
حسام / لا باذن الله ما اخدتش بالها باذن الله عدت على خير
……………………….
قدام البيت
حسام و ندى نازلين ندى تفتح باب العربيه عشان تركب عمر معدى تبصله يتف فى الارض و يطلع عنيها تدمع
حسام / اركبى يا نونو يلا
ندى تمسح وشها و تركب
………………………
فى الشقه عند على
على و عمر كل واحد نايم فى سرير و باصين للسقف و فجاه هما الاتنين ينفخوا يبصوا لبعض
عمر / مالك
على / العادى بتاعى و انت مالك
عمر/ سيبك منى انت مضايق عشان ندى شوفتها النهرده باين كانت عند امها مع اسم النبى حارسه و صاينه
على / شوفتهم
عمر / و ده اللى مضايقك طبعا
على / ندى مش سعيده مع الكائن ده
عمر / احسن اياكش تولع
على يقوم يقعد
على / ليه كدا يا عمر
عمر / انت لسه بتدافع عنها بعد كل اللى عملته
على / ما ما … ما اعرفش ..بس ما تدعيش عليها ملناش دعوه فى ملايكه بترد عنها احنا ناقصين يا اخى
عمر / والله طب وماله معاك حق برده
على / اصلا مش ندى السبب فى اللى انا فيه
عمر / امال
على / الحج انور
عمر / ماله الحج ليكون عيان و لا حاجه
على / مش عارف خد شوف بنفسك و قولى فهمت ايه
على يفتح درج الكومدينو و يطلع ملف و يديه لعمر عمر يبص و يندهش
عمر / الكلام ده بجد و لا انا بحلم
على / دا مش حلم دا كابوس
عمر / انت خدت على الفقر و لا ايه يابنى اخيرا الدنيا ضحكتلك اخيرا لقيت اللى يعوضك عن كل اللى عشته فى حياتك اوعى ترفص النعمه لتزول يا على
على / انا ما استاهلش الحاجات دى
عمر / و ما كنتش تستاهل كل الحاجات الوحشه اللى حصلت فى حياتك يمكن ربنا بيعوضك خير يمكن ربنا عاوز يورى الناس ال…. و لا بلاش بتزعل يورى جران الهنا اللى رفضوه بقى ايه فى كام يوم
على / و افرق عن جوزها فى ايه هو ابوه ساعده و انا الحج ساعدنى
عمر / الفرق كبير يابنى هو الدنيا ما علمتوش زى ما علمتنا بقولك ايه انا عارف انت شايل الهم ليه مش عشان الفلوس و كدا انت خايف تكون الامانه تقيله عليك
على / ايوه يا عمر الحج انور بياتمنى على نفسه و بيته و مراته من بعده … بعد عمر طويل طبعا و كمان العمال و الشغل
عمر / و دا لسبب واضح انه شافك قدها يا على و لو حاجه زى دى انت مش قدها مين قدها يعنى انا مثلا
على / ليه لا انت معيد شاطر و معاك شهاده عاليه و هتحضر ماجستير ان شاء الله و تبقى دكتور فى الجامعه ناقصك ايه
عمر / صحيح نسيت اقولك غاده يا سيدى
على / مالها
عمر / عوزانى اشتغل معاها فى شركه ابوها
على / خير و بركه اهو خبره و فلوس فى ايه احسن من كدا لو تسمعلى انا حاسس ان البت دى عينها منك اصلا هتلاقى زيك فين اساسا
عمر / هههههههه انت بتقول ايه يا راجل غاده دى زى اختى ما تقولش كدا طبعا
على / و ايه يمنع
عمر / مش الفكره يعنى بس انا و هى زمايل من سنين و
على / بتشتغلوا سوا و بتكلمك كتير جدا و بتحكيلك تفاصيل حياتها و بتستشيرك فى كل صغيره و كبيره
عمر / بصفتى صديق يعنى مش شرط
على / يمكن … او يمكن فى حاجه تانيه
عمر / ايه ؟؟؟ حاجه تانيه ايه ؟؟؟ تقصد ايه
على / ههههههههههههههههههههه انت شوفت أية النهرده
عمر / هاه ؟؟؟
على / امممم جتلك الكليه برضه
عمر / عادى يعنى كانت جيبالى الفلوس
على / امها بعتاها تسكتك يعنى بعد ما عملتلك مشاكل فى الكليه مع العميد يعنى
عمر يبص لعلى
على / الست دى مستعده تعمل اى حاجه عشان توصل للى هى عوزاه حتى لو هتستغل بنتها بس انا قولتلك انها هتجيلك صح
عمر ينفخ
على / و بعدين بعد ما جت ايه اللى حصل عملت ايه معاها احكيلى كل حاجه بالتفصيل
عمر يبص لعلى
…………………………….
بعد فتره فى الفندق
حسام / كل حاجه جاهزه للسفر متاكده اننا ما نسيناش حاجه هنا و لا هنا فى الاوضه
ندى / لا انا قلبت الاوضه حته حته
حسام / تصدقينى لو قولتلك انى لسه مش مصدق انك هتسافرى معايا
ندى / انا نفسي مش مصدقه
حسام / انتى اصلك ما تعرفيش انا هناك بحس انى يتيم لولا المرات اللى كنتى بتسالى عليا فيهم من الفيس مش عارف كان هيجرالى يه
ندى / انت مكانلكش اصحاب هناك
حسام / و انتى مش عارفه المصريين و لا ايه تعرفى اى وافدين من اى بلد كان بيقفوا جنب بعض و يساعدوا بعض الا احنا كل واحد بيعمل كل اللى يقدر عليه عشان يكعبل زميله و يطلع على قفاه
ندى / طب و صاحبك اللى خلصلنا الورق
حسام / اكيد ما عملش ده لوجه الله يعنى لما اروح هظبطه
ندى / ماشى
حسام / مالك اضايقتى ليه
ندى / يعنى فكره انى اكون فى بلد غريبه لوحدى بعيد عن صحابى و اهلى مش عارفه
حسام / ايه ده ما انا هكون معاكى هكون صحابك و اهلك مش هخليكى محتاجه حد فى الدنيا ابدا
ندى / اكيد بس انت هتبقى فى الشغل فترات طويله
حسام / و ايه يعنى انا هبقى فى الشغل و انتى نايمه الصبح تصحى تظبطى نفسك و تفطرى و تتفرجى على فيلم او مسلسل او حتى تقرى كتاب و قبل ما تحسى هتلاقينى جيت نتغدى و نفضل مع بعض طول الليل لحد ما انام عاوزه تخرجى نخرج عاوزه سينما شوبينج اى كان اللى انتى عوزاه انا معاكى
ندى / انا حتى ما ودعتش صحابى … اصلا زمانهم زعلانين منى انى معا زمتهمش على فرحى حتى
حسام / معلش لما تكلميهم ابقى اشرحيلهم و لو هما صحابك بجد اكيد هيعزروكى
ندى / اصلا اللى مصبرنى انه فاضل شهر و نص و لا حاجه و ارجعلهم و اهو بالمره الترم ما يروحش عليا
حسام / ربنا يسهل ربنا يسهل انا هدخل اشوف ان كنا ناسين حاجه
…………………………..
فى شركه غاده
غاده / مبروك يا سيدى اتفضل العقد
عمر / الله يبارك فيكى بس على ايه
غاده / هو ايه اللى على ايه على الوظيفه امضى بقى يابنى عشان نبدا الشغل
عمر / انا مش فاهم حاجه قولتى انترفيو هو فين
غاده / الله امال انت كنت بتعمل ايه مع بابا يوم الخميس
عمر / انتوا بتسموا ده عندكوا اترفيو ازيك يا بنى اخبارك و اخبار الكليه ايه و الكلام ده انترفيو و بعدين يجيلو تليفون و يستاذن و يمشى
غاده / اه دا بيبقى انترفيو الناس اللى بتقدم بوسطه
عمر يبص لغاده
غاده / هههههههههههه بابا له نظره فى الناس و ما تقلقش انت كدا كدا كنت هتنجح حتى لو سالك فى ايه و النجاح الحقيقى مش فى كام سؤال النجاح الحقيقى بالنتايج اللى انا و انت هنحققها سوا
عمر / ربنا يسهل بس كان ايه لزمته انى استنى كل ده يعنى
غاده / بص انا مقدره اوى انك تقبل تساعدنى فى الشركه خصوصا ان بابا سافر بس صدقنى لو كنت اتعينت قبل كدا ما كنتش هتلاقى حاجه تعملها بابا من النوع اللى بيعمل كل حاجه بنفسه
عمر يبصلها
غاده / اوووووف بقى انت بتسال كتير كدا ليه
عمر / انا مش فاهمك بصراحه يا غاده
غاده / لما ابقى افهم نفسى الاول ابقى افهم انت و بعدين فى ايه يعنى اتاخرت عليك فى الرد كام يوم ما انت عارف انى حتى الكليه ما كنتش بروحها
عمر / انا ما بتكلمش على كدا انا عارف انك كنتى هتقعدى مع والدك كام يوم قبل ما يسافر بس انا بتكلم عن …
غاده / عمر بقولك ايه انت عارف لو سبتك من الرغى و اشتغلت والله هتنجز
عمر / سبتنى سبتنى يا غاده
غاده / غاده هانم لو سمحت
عمر / يلا يا بت
غاده / ههههههههههههههههههههههههههههههه
عمر يضحك
…………………………….
فى المحل عند على
انور / تمام يا شباب دى اخر مره هاجى فيها المحل انا بس جيت النهرده عشان اطمن ان كل حاجه ماشيه زى ما اتفقنا و من النهرده على هيبقى هو المسؤل عن كل حاجه
احمد / والله يا حج هتقطع بينا
انور / ابقى اسال يا سى احمد ما انت عارف العنوان ههههههههههههههه يلا بالاذن
انور يمشى و على يمشى جنبه
انور / انا عارف انك قدها على فكره
على / برده مش مقتنع انى استحقها
انور / انا ادرى منك المهم لو عوزت اى حاجه ابقى كلمنى
على / اكيد
انور / يلا تعال وصلنى
على / اتفضل
على يركب عربيه انور و يسوق و انور يركب جنبه
………………………..
فى المطار
مها / هتوحشينى اوى يا ندى
ندى / و انتى اكتر يا ماما
امانى / خدى بالك من حسام
مها / هى اللى هتاخد بالها منه يا امانى
امانى / الله اقصد يعنى ياخدوا بالهم من بعض
حسام / يلا يا ندى
نور / هتوحشونى اوى
ندى / والله انتى اكتر حاجه هتوحشنى
ندى تبص تلاقى ابوها واقف بيبص عليها تبص فى الارض
حسام / هنكلمكوا لما نوصل سلام
محمد / سلام يابنى ربنا معاك
…………………….
قدام مدرسه أية
أية طالع هى و البنات من المدرسه أية تمشى لوحدها من شارع عربيه تزمرلها ما تعبرش تزمر تانى ما تعبرش و تمد فى خطوتها العربيه تشد و تسبقها عربيه على تقف و ينزل منها
على / ايه يا بنتى هجرى وراكى الشارع كله
أية / على ؟
على / اركبى عاوز اتكلم معاكى
أية تبص يمين و شمال
أية / فى ايه
على / مش هخطفك يعنى اركبى
أية تبص لعلى و تبص حواليها و تروح تركب
أية / خير
على / انتى اللى خير فينك اخبارك اختفت قولت اجى اطمن عليكى
أية / اخبارى
على / اوعى تفتكرى ان عمر بيخبى عنى حاجه
أية / مش فاهمه
على / ماشى … انتى بطلتى تروحى لعمر الكليه ليه
أية / عشان هو طلب منى ده عشان هو مش عاوزنى
على / الكلام ده تقوليه لعمر هو هيصدق تضحكى بيه عليه تستغلى مشاعره ناحيتك لكن انا لا انا عارف السبب الحقيقى
أية / اللى هو
على / انكوا اطمنتوا ان انا و عمر معدش فى منا خوف و انك ارتاحتى انتى و امك
أية / انت ممكن تقول كدا عادى لانك ما تعرفش حاجه عنى انا و عمر
على / و النبى توفرى التمثيل ده لعمر
أية / عمر بالنسبالى كان اكتر من اخ كان ابويا كان كل حاجه اوعى تفتكر ان اللى حصل كان سهل عليا
على / ليه يعنى ما انتى كنتى قاعده فى بيتنا اكله شاربه نايمه
أية / انت فاكر بيتكوا ده بيت و بعدين هسالك سؤال هو الى ما قدرش يوفر لاولاده اللى من دمه حنان الاب هيوفره للغريبه اللى زيى انا مش هنكر انه كان بيعاملنى كويس بس كانى ضيفه احساس الاب الحقيقى ما لقتوش غير مع عمر
على / عشان كدا اذيتيه
أية / انا ما عملتش حاجه انت ليه مش عاوز تصدقنى انا قولت لبابا الحقيقه بابا قالى انه لو كان رجع تانى يوم كان سامحه بس هو عاقبه بسببك انت مش بسببى
على / والله
أية / انت عاوز منى ايه
على / ابعدى عن عمر يا أية خليه ينساكى خليه يعرف يرجع يعيش زى ما كان عايش قبل ما تظهرى فى المطعم خليه يعرف يكمل حياته
أية / ما انا بعدت عاوزين منى ايه اكتر من كدا
على / كتر خيرك ياريت بس تستمرى ما تعذبيش اخويا اكتر من كدا و حلال عليكى كل حاجه
أية / خلصت ممكن لو سمحت امشى بقى
على / اكيد
أية تفتح باب العربيه و تنزل و على عينه عليها و بعدين يطلع بالعربيه
………………………………
فى بيت نور بالليل
نور قاعده زهقانه مروان يفتح الباب و يدخل
نور / ايه يا مروان ده حرام عليك يا اخى قلقتنى عليك
مروان / انتى روحتى امتى
نور / طبعا ما انت حتى مش فارق معاك تسال انا روحت و لا لا و حتى تليفونك مقفول
مروان / فصل عن اذنك
نور / هو فى ايه يا مروان
مروان / تعبان راجع من الشغل تعبان يا نور ممكن بقى ادخل ارتاح و لا هتنصبيلى محكمه على الباب
نور / انا قلقت عليك
مروان / ليه عيل قدامك
نور / مالك يا مروان انت عمرك ما اتكلمت معايا بالطريقه دى
مروان / طب تمام ادى قاعده اتفضلى علمينى اتكلم ازاى
مروان يقعد على اقرب كرسى
نور / انا اسفه ان كنت اتعصبت عليك بس والله انت مش متخيل انا قاعده قلقانه ازاى
مروان يبصلها و ينفخ
نور / طبعا مش عيل و راجل و سيد الرجاله بس انت جوزى و حبيبى و من حقى اخاف عليك
مروان / تمام و جيت
نور / حمدالله على السلامه .. تحب احضرلك العشا انا مستنياك
مروان / كلى انتى انا اتعشيت فى الشغل تصبحى على خير
مروان يقوم يدخل جوه و نور تقف تبص عليه بحزن
……………………………….
بعد فتره
قدام الكليه عمر خارج على رجليه يحاول يوقف تاكس اول تاكس ما يقفش التانى ما يقفش يبص يلاقى أية واقفه بعيد بتبص عليه اول ما يشوفها تسيب المكان و تجرى يجرى وراها لحد ما يحصلها
عمر / بس بس قطعتى نفسى
أية / انت بتجرى ورايا ليه
عمر / انتى ما عندكيش دروس ما عندكيش مدرسه ما عندكيش مزاكره
أية / و انت مالك
عمر يبصلها عنيها مليانه دموع
عمر / تحبى تشربى حاجه نرتاح من الجرى فى كافيه هناك ممكن نقعد فيه
أية / لا
عمر يرفع حاجبه
عمر / انا احب تعالى اتفرجى عليا و انا بشرب تعالى
عمر يمسك ايد أية و يشدها تمشى معاه و هى فرحانه و مكسوفه و بتحاول تدارى
………………………
فى الكافيه
الجارسون يحط كوبايتين عصير على الترابيزه عمر ياخد بق
عمر / امممم والله جامد … هاه مش هتقوليلى كنتى بتعملى ايه هنا
أية / ما بعملش
عمر / جيتى تشوفينى مش كدا
أية / لا
عمر يبتسم أية تبصله
عمر / من امتى كنتى بتعرفى تكدبى عليا
أية تبص فى الارض
عمر / اشربى العصير و طمنينى عليكى عامله ايه
أية تبصله
أية / يهمك تعرف بجد
عمر يهز راسه اه أية تدمع
أية / مخنوقه و تعبانه و لوحدى
عمر / و امك فين
أية / فى المحل حتى لما بتبقى فى البيت انت عارف انى عمرى ما كنت قريبه من ماما زى ما كنت قريبه منك
عمر يبتسم
أية / والله يا عمر انا قولت لعموا محمود الحقيقه
عمر / الله يرحمه
أية / الله يرحمه
عمر / اخبار الثانويه ايه
أية / زفت مش عارفه اركز فى اى حاجه
عمر / انتى جيتى ليه يا أية
أية / انا ما كنتش ناويه اكلمك انا كنت هشوفك من بعيد و همشى
عمر / و انتى عرفتى معاد خروجى منين
أية / انا واقفه من الصبح
عمر يبصلها بحزن
أية / ما اعرفش انا ايه اللى جابنى اصلا كنت فى الدرس و طبعا مستوايا زفت المستر طردنى و قالى تجيبى ولى امرك لقتنى جتلك
عمر يبتسم ابتسامه صغيره
أية / انا كنت مقرره انى عمرى ما هقرب منك تانى كنت ناويه ابعد صدقنى
عمر / حتى لو كنتى بعدتى تفتكرى انا كنت هقدر
أية عنيها تلمع
عمر / سميه هبل سميه اللى تسميه بس انا كمان كنت ساعات كتير باجى اشوفك و انتى بتنشرى او و انتى خارجه مان لمدرسه بمجرد ما اشوفك كنت بمشى ما اعرفش ليه ساعات كنت بقول لنفسى بصلها عشان تعرف مين اللى عمل فيك كدا و ساعات كنت بقول بتكبر بعيد عنى و ساعات ببقى مش عارف ازعل على انهى سبب فيهم
أية / انا اسفه
عمر / هه دا نصيب يا بنتى نصيب
أية / انت سامحتنى يا عمر
عمر / ما اعرفش يمكن مع الوقت اعرف يمكن
أية / انا فرحانه اوى
عمر/ و انا كمان بس ما ينفعش تخليكى بره البيت اكتر من كدا انا هوصلك و هديكى رقمى عشان لو حبيتى فى اى وقت تشوفينى نبقى نتفق على المعاد ما ينفعش وقفه الشارع دى تانى
أية / تمام
عمر / و اه انا ما بحبش العيال الخايبه فمن هنا ورايح تركزى فى مزاكرتك عاوز لما اشوفك المره الجايه اسمع اخبار حلوه ماشى
أية / ماشى
عمر / يلا اشربى عصيرك بقى
أية / ماشى
أية تشرب العصير و هى فرحانه اوى
……………………….
فى الامارات
باب فيلا صغيره دوبليكس يتفتح و حسام يدخل شايل اكياس
حسام / انا جييييييت
ندى / فى المطبخ
حسام بصوت واطى / استر يارب
حسام يدخل المطبخ
حسام / ايه يا مزتى عملالنا ايه النهرده
ندى / عملت صينيه بطاطس انما ايه
حسام / ريحتها تحفه
ندى / شوفت طريقتها من التليفزيون امبارح
حسام / طب تحبى اساعدك تغرفى
ندى / لا روح غير هدومك على ما اغرف
حسام / تمام
…………………………..
فى المحل
احمد / ايه يا علوه مالك
على /عندى امتحان يابنى و طالع عينى
احمد / ههههههههههههههه بعد ما شاب و كان ايه اللى جابرك
على / ما حدش جابرنى انا اللى عاوز
احمد / بقولك ايه مفيش اخبار عن الحج انور
على / كلمته فى التليفون امبارح مراته ردت و قالت انه نايم و لما يصحى هيكلمنى بفكر اروحله بالليل
احمد / ما تخليها بكره الصبح و اجى معاك
على / و ماله مفيش مشكله
احمد / اروح انا بقى على شغلى لحسن تخصملى هههههههههههههههههههه
على / خفه
………………………………………….
فى الامارات
سفره محطوطه و حسام بياكل بالراحه خالص ندى ترزع المعلقه على الترابيزه
ندى / دا ايه الهم ده
حسام / فى ايه يا قلبى
ندى / والله عملتها زى الوصفه بالظبط
حسام / طب خلاص بلاش وصفات التليفزيون جربى وصفات الكتب اللى اشتريناها و بعدين هى مش وحشه يعنى
ندى تبص لحسام
ندى / انت بتعمل كدا ليه انا نفسى مش قادره اكلها
حسام / وصفه جديده عادى يعنى البطاطس بالقرفه مفيده برضه
ندى / قرفه ؟؟؟؟
حسام / اه ايه دا ريحه القرفه قلبه البيت
ندى تمسك الطبق و تشمه و ترزعه تانى
ندى / ياربى حطيت قرفه بدل البهارات اووووف بقى
حسام / خلاص خلاص ما تاكليش مش مهم اللبسى و نروح انا و انتى نتغدى بره ايه رايك
ندى / بيصعب عليا تعبى و فلوسك بدل ما تروح ترتاح
حسام يمسك ايدها
حسام / انا راحتى معاكى
ندى / بطل بقى يا حسام انا بجد مخنوقه اوى
حسام / على فكره انا و انتى معزومين بكره عند واحد زميلى فى الشغل
ندى / بمناسبه ايه
حسام / عيد ميلاد بنته يا ستى و عازم كل الشركه عاملها حفله جامده اوى اصله اول عيد ميلاد
ندى / الله يا عسل هو احنا المفروض نجيب هديه صح
حسام / فى حاجه معينه فى دماغك
ندى / يعنى
حسام / تمام اللبسى و يلا انا هشيل انا القرفه دى من على السفره
ندى / بجد سورى اوى يا حسام
حسام / على ايه بس بكره تبقى احسن طباخه فى الدنيا و مش بعيد تكتبى كتب كمان
ندى / بطل تالس عليا
حسام / معاش و لا كان يا قمر يلا بقى اللبسى هموت من الجوع الله
ندى / حاضر حاضر
……………………………….
فى شقه عمر بيتكلم فى التليفون
عمر / لا بكره مش هينفع عندى شغل فى الشركه بعد الكليه و انتى كمان بيتهيالى تحاولى تركزى فى دروسك بقى و نحاول نتقابل يوم الاجازه احسن
على يفتح الباب
عمر / هكلمك بعدين يلا سلام
على / غاده؟؟؟
عمر / اخبار الحج انور ايه روحتله
على / لا احمد طلب نروح بكره الصبح انا و هو
عمر / على البركه
على / اخبار الشركه ايه
عمر / عندنا بكره اجتماع مهم ربنا يستر
على / قدها انا جايب عشا تعال كلك لقمه عشان هقعد ازاكر و كان فى كام حاجه عاوزك تساعدنى فيهم
عمر /بس كدا تؤمر
………………………
فى كافيه
مروان قاعد مع واحده بيتكلموا
البنت / ما تحاولوا تشوفوا دكتور تانى
مروان / شوفت بدل الدكتور عشره المشكله انها فى كل مره بتروح لدكتور جديد بتنسى كل اللى الدكاتره التانين قالوه و تفتكر ان ده هيقول حاجه جديده و ترسم احلام و فجاه غم و نكد و كابه و عياط لما يقول نفس الكلام
البنت / معلش هتعمل ايه الله يعينك
مروان / انا بحاول على قد ما اقدر انى ما اجرحاش بس انا من حقى اكون اب من حقى فى عيل صغير يشيل اسمى ولد بنت مش مهم بس اسمع كلمه بابا
البنت / طبعا ما اقدرش اللومك دا حقك الطبيعى انت ذنبك ايه يعنى
مروان / تصدقى كل ده كان ممكن نعديه بس طبعا من ساعه ما عرفت انها ما بتخلفش و بدات تحسسنى انى هاملها و عوزانى جنبها طول الوقت و كل شويه تتصل بتكلم مين بتعمل ايه روحت فين جيت منين
البنت / ايه ده بتشك فيك و لا ايه بصراحه ليها حق
مروان / ليها حق يا نهاد
نهاد / ايوه ليها حق مالطبيعى جدا فظروفك دى ان اول حاجه انك تفكر فيها انك تتجوز
مروان / اتجوز
نهاد / ايوه طبعا امال الشرع حلل التعدد ليه دا مخصوص عشان الظروف اللى زى دى
مروان / انا اتجوز على نور ؟؟ الموضوع ده ممكن يجرحها اوى
نهاد / معلش اسمحلى دى تبقى انانيه اوى منها يا مروان يعنى هى عادى انها تكون سبب من حرمانك من الابوه و ما ترضاش انك تتجوز واحده تانيه مع ان ده شرع ربنا و بعدين البيبى الجديد ده مش هياثر على علاقتك بيها بالعكس دى هتشبع هى كمان غريزه الامومه بتاعتها
مروان / بصراحه عمرى ما فكرت فى الموضوع ده و خصوصا من الناحيه دى
نهاد/ انت تعرف انا كنت بتفرج على مسلسل امبارح و البطله فيه ما كانتش بتخلف و لما فقدت الامل هى بنفسها جوزت جوزها لانها بتحبه و اللى بيحب حد بيضحى بنفسه عشان يسعده عمر الانانيه و الكرامه و الكلام ده مكان فى الحب ابدا و بعدين دا شرع ربنا ايه اللى يزعل فى شرع ربنا
تليفون مروان بيرن يبص فيه و يكنسل و يكتب رساله
نهاد / نور
مروان يهز راسه
نهاد / تحب نقوم
مروان / لو مش هيضايقك
نهاد / ابدا اهم حاجه عندى انك تكون ارتاحت شويه لانك بجد الفتره اللى فاتت الضغط كان باين عليك اوى فى الشغل و دا قلقنى جدا
مروان / بصراحه فعلا ارتحت اوى لما اتكلمت معاكى تسمحيلى اوصلك
نهاد / ملوش لزوم انا هاخد تاكس روح انت لمراتك بدل ما تعملك مشكله قصدى يعنى تضايق
مروان / تمام
مروان ينادى على المتر و يحاسب
………………………………
فى العيد ميلاد
الكل متجمع حوالين ترابيزه سفره كبيره و بيغنوا هابى بيرث داى تو يو و يطفوا الشمع يدخل حسام و ندى و شايلين شنطه هدايا كبيره صاحب البيت و مراته يروحوا يسلموا عليهم
صاحب البيت / حسام باشا زغلول شخصيا فى بيتى والله لو كنت اعرف انك جاى كنت استنيتك تطفى الشمع بنفسك
حسام / اسف والله على التاخير بس اعمل ايه ندى لففتنى البلد كلها حته حته عشان تجيب الهديه اللى فى دماغها
ندى تد
ندى / كل سنه و هى طيبه
الست / ميرسى تعبتى نفسك
حسام / ندى مراتى و بنت عمى
الست / مراتك ؟؟؟
حسام / شوفتى يا ست ندى من اولها مستكترينك عليا
الست / انا اسفه والله ما اقصدش انا اقصد انها شكلها صغير اوى انتى كام سنه
ندى / تمنتاشر
الراجل و الست يبصوا لبعض
حسام / ايه مش هنشوف العروسه و لا بتخافوا عليها من الحسد
الراجل / لا يا راجل ما تقولش كدا تعال اما اوريك روفان يا سيدى
الست / اتفضلوا اتفضلوا
حسام و ندى يروحوا يقعدوا على كنبه و الست تجيب بنوته قمر عندها سنه ندى تشيلها
ندى / بسم الله ما شاء الله حلوه اوى
حسام / عقبالنا
ندى تبصله و تتكسف
حسام / انتوا عارفين اننا عرسان جداد
الكل يشم ريحه وحشه
الست / اخص عليكى يا روفى كدا … انا اسفه اوى هاخدها اغيرلها
ندى / اساعدك
الست / مش عاوزه اتعبك
ندى / لا ما فيهاش تعب و لا حاجه انا اصلى مدمنه عيال صغيره
الست / تعالى و اهو بالمره اضمك للعصابه
الراجل / اللحق مراتك هتنضم للعصابه و هيتامروا علينا
ندى / عن اذنكوا
ندى و الست يقوموا يدخلوا اوضه
الراجل / منورنا يا سى حسام
حسام / دا نورك
……………………………….
فى اوضه تانيه
الست / والله انا ارتحتلك اوى يا ندى
ندى / و انا كمان والله
الست / ادينى بقى رقم موبايلك عشان اكلمك على الواتس
ندى / ما عيش موبايل
الست / معقول
ندى / معلش لحد ما ورق الاقامه بتاعى يخلص بس ابقى اطلع نمره
الست / معقول ما خلصتيش ورق الاقامه بتاعك لحد دلوقت دا بيتعمل فى خلال شهر من وصولك المطار
ندى / مش عارفه
الست / مفيش حتى رقم للبيت او اقولك هاتى الفيس بتاعك
ندى / لا اصل البيت اللى احنا ساكنين فيه لسه فى منطقه بتتبنى جديد فلسه ما دخلهاش تليفون و لا نت
الست / ايه الكلام ده هو فى منطقه فيكى يا بلد ما فيهاش تليفون او نت ليه انتى ساكنه فين
ندى / مش عارفه
الست / على العموم انا هديكى رقمى لما جوزك يجيبلك تليفون ابقى كلمينى انا متاكده ان المشكله دى هتتحل قريب اوى احنا مش فى مصر احنا فى الامارات
ندى تبص للست و تبص يمين و شمال
……………………….
فبيت ندى فى مصر
مصطفى / مالك يا مها
مها / البت قطعت بيا اوى يا مصطفى من يوم ما راحت هناك و انا ما سمعتش صوتها حتى الكام مره اللى عرفنا نوصل فيهم لحسام ياما هو فى الشغل يا هى نايمه
مصطفى / عرسان بقى
مها / و هو فى عروسه تقعد طول الفتره دى ما تكلمش ابوها و لا امها طب هو فى الشغل لما روح ما كلمناش ليه نايمه لما صحيت ما كلمناش ليه انا قلبى واكلنى على بنتى اوى دى عمرها ما بعدت عنى طول الفتره دى
مصطفى / والله ما قادر اصبرك لانها قاطعه بيا انا كمان اوى البيت من غيرها ملوش روح و لا حس
مها / حاول تكلم حسام تانى يا مصطفى يمكن يرد
………………………
فى الامارات
الراجل / ههههههههههههههههههههههههههههه مش مصدق
حسام / قولتلهم انتوا هتجوزونا و لا هننتحر بس اتجوزنا
الراجل / و لا شقه و لا مهر و لا عفش و لا قايمه و لا القرف كله تصدق من يومك مرزق
حسام / انا بحبها و هى بتحبنى يبقى مفيش مخلوق هيقدر يقف قدامنا و بعدين فى الاول و الاخر ما كل اللى بملكه فى الدنيا ليها انا سبت مبلغ فى مصر و قولتلهم يوضبولنا الشقه و سافرت انا و هى و على ما نرجع بقى يكونوا خلصوا كل حاجه هو انا هضيع عمرى فى التوضيب و الفرش و الجرى ورا العمال
الراجل / والله انت جدع و ريحت دماغك
تليفون حسام يرن
حسام / عمى عن اذنك ثوانى
حسام يروح يقف فى جنب
حسام / ايوه يا عمى ازيك واحشنى … لا كويسين الحمد لله … حقك عليا يا عمى والله بنسى حضرتك عارف المشاغل بقى برجع من الشغل بقفل الموبايل و اترمى فى السرير الغربه صعبه اوى يا عمى معلش ….. لا كويسه الحمد لله …. لا مش معايا والله اصل انا فى عيد ميلاد واحد صحبى و هى قالت ما تعرفش حد فما رضيتش تيجى
ندى تدخل تقف
حسام / انا كدا كدا شويه و مروح …….. لا باذن الله طبعا اول ما اروح اكيد ….. سلام سلام
ندى / مين
حسام / واحد صاحبى عاوزنى ابعتله ملفات من اللاب ايه نروح بقى
ندى / نروح
…………………………
فى شقه عمر
على / اووووف خلاص هى قفلت على كدا مفيش حرف واحد راضى يخش خلاص
عمر / خلاص تعال ننام و نصحى بدرى شويه نكمل
على / على البركه يلا …. الا صحيح اخبار أية ايه
عمر / ايه ؟؟؟
على / هههههههههههههههه ماشى تصبح على خير
عمر / شوفتها النهرده
على / ايووووووه كدا اعدل
عمر / انا مخنوق اوى يا على من الحوار ده
على / ليه
عمر / مش عارف قلبى بيوجعنى اوى حاسس ان اللى بعمله ده غلط
على / و ايه اللى جابرك تعمله
عمر / عشان ده الصح
على / يعنى هو صح و لا غلط
………………….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سلف ودين)
