رواية سلف ودين الفصل الثامن والخمسون 58 بقلم لولو محمد
رواية سلف ودين الجزء الثامن والخمسون
رواية سلف ودين البارت الثامن والخمسون
رواية سلف ودين الحلقة الثامنة والخمسون
فى شقه نور
على يدخل نور تجرى عليه
نور / اتاخرت كدا ليه قلقتنى عليك و فين عمر
على / عمر رجع اسكندريه مش منطقى ابدا انه يسيب أية لوحدها هناك و جوده هنا مش هيفرق لا معانا و لا مع ندى
نور / كلمت المحامى
على / ايوه كلمتى حسام
نور / ايوه للاسف مفيش جديد ما سابش سكه ما مشيش فيها وصل للعربيه اللى خدتها من البيت بس طلع فى واحده مستنياها فى حته فاضيه بعيد عن الكاميرات و قعد يقولى العربيه اللى خدتها مطلوبه من رقم واحد طلع متوفى و ندى رمت الشريحه و كلام تانى مفهمتوش
على / ندى عملت كل ده !!! و انتى صدقتى
نور / انا ما عدتش فاهمه اى حاجه و مش عارفه اعمل ايه
على / تقدرى تسافرى و تتاكدى بنفسك من كلامه
نور / بس دى فلوس العمليه يا على
على / و دى بنت عمك و بنتها الفلوس تتعوض بس لو جرالهم حاجه
نور / طب و يس و نغم
على / طنط امانى هتراعيهم لحد ما نرجع
نور / و المحل احنا كدا هنتقل عليها اوى
على / انا كلمتها و هى ما اعترضتش و عمر كمان عرض بس انا قولت هنا المدرسه تقدر تروحلهم و ما يفوتهمش كتير التمرين بس لحد ما نرجع بالسلامه باذن الله
نور / و المحل برده
على / ماما مش هتقول حاجه و ان قالت يبقي ربنا يحلها بقي ما تكركبيش الدنيا فوق دماغى انا اساسا مش فايق
نور / ماما طلعت اتكلمت معايا بتقول انك مهتم بندى زياده عن اللزوم و انا كمان اخدت بالى انك بتوقف حياتنا عشانها
على / عشره سنين مش يوم و لا يومين ان كانت هى و لا ابوها حتى البت الصغيره اللى ما لهاش ذنب فى اى حاجه انا و انتى اتعلقنا بيها … انتى بقي اللى مختفى ده مش عمك مش دى اللى كنتى بتقولى انها اختك
نور / اختى و قلقانه عليها بس انا لازم ما سبش باب لاى شيطان يدخل منه لو فى بذره شك هتتزرع جوايا لازم اواجهك و انهى الموضوع قبل ما يبدا
على / و انتهى ؟
نور / انا بحبك يا على
على / لو كل اللى بعمله عشانك ما اثبتلكيش حبى يبقي مش عارف فى ايه فى الدنيا ممكن يثبت لو مش عاوزه تسافرى قولى لو عندك انك تعملى عمليه اهم من انك تلاقى اختك و بنتها هديكي فلوس العمليه بس اكيد وقتها مش هتكونى نور اللى حبتها
نور تعيط
نور / دا حلمى دلوقت لازم اختار بين حلمى و بين اختى لا و الاكتر بين حلمى و بينك مش كدا
على / انا ما قولتش كدا نلاقيها و اول ما نرجع هنعمل العمليه علاطول
نور / منين
على / ربنا هيرزقنا صدقيني سبيها على الله انا كنت نايم مش لاقى اكل صحيت لقيت معايا الفلوس دى كلها ربنا زى ما رزقنى بيهم هيرزقنى بغيرهم
نور / و نعم بالله
على / انا مش هضغط عليكي
نور / انا مش انانيه على فكره انا بس زعلانه من ندى
على / ما يمكن الحقيقه مش زى ما انتى فكراها يمكن زى كل حاجه وراها حسام فى الحقيقه كدبه بشعه بيدارى بيها حقيقه اوحش
نور / ليه دول حياتهم كانت
على / كان بيخونها و انتى عارفه
نور / كانت نزوه و حلفلى انها انتهت
على يرجع خطوه لورا و يبص لنور
نور / ماشي يا على هنسافر هنسافر عشان نعرف ان كان اخويا اللى واطى و لا اختى هى اللى واطيه هتخلى عن حلمى عشان حقيقه اى كانت هتوجعنى
على / الحقيقه الاهم ان بنت اخوكى ما لهاش اى ذنب فى كل ده
نور / هدخل اغرفلك زمانك جعان
نور تدخل و على واضح عليه الضيق
……………………..
عند ندى
ندى بتغطى مصطفى نايم باب الاوضه يخبط تروح تفتح تلاقى خديجه واقفه ماسكه موبايل
خديجه / زياد
ندى تاخد الموبايل بحماس و تطلع و تقفل الباب وراها و تطلع بره
ندى / ايوه يا زياد طمنى
زياد / عامله ايه عندك مرتاحه على فكره دوجه دى ست زى العسل انا بحبها كانها امى بالظبط طيبه و زى العسل
ندى / هى فعلا زى العسل بس ارجوك طمنى انا هفضل هنا لحد امتى انا بجد خايفه اوى
زياد / انا مقدر والله و فعلا كلمت محاميه شاطره و هتمسك قضيتك
ندى / انا مش معايا ورق و لا اثبات شخصيه و لا اى حاجه
زياد / هى اكيد هتعرف تتصرف انا اديتها الرقم ده و هى هتكلمك احكيلها كل حاجه بالتفصيل ادق التفاصيل ممكن تفرق
ندى / اقولها ايه بس
زياد / احنا بنحاول و ان شاء الله ربنا يقدم اللى فيه الخير
ندى / ان شاء الله
زياد/ انتى ليكي حد فى مصر يقدر يساعدك
ندى تفكر ثوانى
زياد/ سكوتك ده ايه فى و لا لا
ندى / فى بس مش هيقدروا عليه حاولوا كتير قبل كدا
زياد / طب حاولى المرادى كمان لازم نمشي فى كل الاتجاهات
ندى / يعني اكلمهم
زياد / اسمعى ما تتصليش بالموبايل ادخلى من النت ادينى خديجه
ندى تدى الموبايل لخديجه
خديجه / زياد
زياد / اسمعيني و ركزى فى اللى هقولك عليه كويس اوى
خديجه / تكرم سامعتك
…………………..
فى شقه نور
نور قاعده على السرير و على قاعد الناحيه التانيه يلف و يبصلها و يروح يقعد جنبها و يمسك ايدها و يبوسها
على / انا اسف
نور / على ايه
على / على اى حاجه و كل حاجه
نور / تفتكر حسام ممكن فعلا يكون عمل حاجه وحشه
على / ان شاء الله تكون هربت لاى سبب انتى برده عارفه انها مجبوره عليه
نور / و احنا هنروح نرجعهاله
على / احنا احن عليها من الغرب ناخدها معانا نرجعها تضمنى منين الناس اللى مداريه عندهم دول ياذوها و لا يستغلوها
نور / و افرض حسام
على / انتى هتكلميه شوفى المشكله بينهم ايه اللى وصلها لكدا لو عاوزه تسافرى لواحدك عشان انا ابقي بعيد سافرى خدى عموا محمد معاكى هو كمان بيحب ندى و بيخاف عليها
نور / انا خايفه اوى
على / لو مش هتقدرى مش هضغط عليكي بس برده مش هقدر اسكت
نور / هتسافر لوحدك
على / مش عارف بس اكيد هعمل حاجه بصي نامى و ارتاحى دلوقت و اكيد بكره ربنا هيفرجها
نور / انا هقوم اصلى
على / والله احسن حاجه قومى و انا كمان هقوم تعالى نصلى و ندعى ربنا يخرجنا من اللى احنا فيه ده على خير قومى
نور و على يقوموا يطلعوا بره
……………………
فى الشركه عند حسام
حسام يخبط على مكتب عدنان
حسام / طلبتنى
عدنان يشاور لحسام يقعد
حسام / يارب يكون عند حضرتك اخبار
عدنان/ والله كان بدى يكون عندى اخبار منيحه بس ندى لهلا ما لقيناها
حسام / و حضرتك عاوز تطلب منى شويه وقت زياده مش كدا
عدنان / يا حسام انا مانى حدى كل اللى بعرفهم معهم اوصافها و ان شاء الله بيلاقوها
حسام / ندى دى عيله لا ليها فى الطور و لا فى الطحين يعني الفيلم الهندى اللى حصل ده ندى مستحيل تكون مرتباه لوحدها فلو حضرتك مش هتعرف تساعدنى قصر عليا الوقت و خلينى اتصرف
عدنان / شو راح تعمل
حسام / همسك زياد و اديله علقه موت لحد ما ينطق
عدنان / و ان مات
حسام / ما يموت و لا يروح فى ستين داهيه هو كان ابن اختك خايف عليه
عدنان / انا خايف عليك انت خايف تاذى حالك
هدايه تفتح الباب و تدخل
هدايه / عندى اخبار حلوه
حسام / لقيتى ندى
هدايه / و هى ان ما كانتش ندى ما تنفعش
حسام / ما تخلينيش اتغابى عليكى
عدنان / خلصنا يا حسام خلينا نشوف شو الاخبار
هدايه / رامى اتوفى امبارح
حسام / ايه !!!
عدنان/ ما لنا دخل هيدا قضاء الله
هدايه / العربيه اللى كانت بتنقله عملت حادثه راح المستشفي و اتوفى فى الطريق يعنى قضاء و قدر
حسام / بس هو ماكدلى ان عنده اوراق و ادله عليكوا
عدنان / الله معن
حسام يقعد و يبص عليهم
عدنان / ما تنسي تنقلى لاهله تعازيا الحاره
هدايه / هههههههههه طبعا
…………………..
فى شقه نور
تليفون نور يرن فيديو كول تجرى تجيبه
نور / ندى انتى فين
ندى / اسمعيني لو سمحتى
نور / انتى بخير طيب حبيبه بخير عمى كويس
ندى / كلنا كويسين بس لازم تعرفى الحقيقه
نور / انتى فين طيب و الناس اللى ساعدوكى دول تعرفيهم منين
ندى / قالك ايه قالك انى سرقته و هربت صح
نور / انتى متصوره بالكاميرات يا ندى و ايه اللى يرجعك لزياد ده احنا اتربينا على كدا
ندى / لا بس اللى عرفته خلانى مش قادره ابص فى وشه حسام خانى يا نور كدب عليا و قالى انه ما حصلش بس حصل و متصور معاها فى السرير و مش بس كدا فاكره لما كنت بحكيلك انى تعبانه فاكره لما بقولك بحس بحاجات مش طبيعيه
نور / ندى حسام
ندى / حسام كان بيحطلى حبوب فى الاكل هدايه بعتتلى صورها مع حسام و صور الحبوب و النشره بتاعتها قالتلى ان حسام بيستخدمها معايا
نور / و انتى تصدقى واحده زى دى ليه مش يمكن بتوقع بينكوا
ندى / و انتى مش عارفه حسام و بعدين هتقولى تانى اواجهه اواجهه بايه ما هو كدب عليا قال انه ما حصلش و حصل قال انه كان بيقابلها بره بس طلع بينام معاها
نور / حسام قالى فعلا ان هدايه بعتتلك حاجات هو مش عارف ايه هى عشان تنتقم منه انه سابها
ندى / انا مش قادره اعيش معاه مش قادره رجعونى مصر ساعديني انا ماليش غيره قوليله كفايا بقي كفايا
نور / يا نور الكلام بالطريقه دى ما تنفعش لازم ترجعى
ندى / بقولك ساعديني تقولى ارجع
نور / طب انتى فين دلوقت
ندى تسكت
نور / انتى مش واثقه فيا
ندى / سلام يا نور
نور / يا ندى
ندى تقفل نور تحاول تتصل مره و اتنين و تلاته و تتصل بحسام
نور / ايوه يا حسام ندى كلمتنى … لما اجيلك هبقي اقولك قالت ايه المهم تعرف انها كويسه… ايوه جايه لبنان امال جايه فين يعني
………………………
فى المحل عند عمر
عمر واقف يدخل شريف و معاه واحد
عمر / اهلا اهلا جارى العزيز
شريف / اعرفك معتز اخو المدام و صديقي الصدوق
عمر / اهلا و سهلا
معتز / اهلا … شكل حضرتك مش غريب عليا هو إحنا اتقابلنا قبل كدا
عمر / مش عارف حضرتك كنت فى مدرسه ايه
شريف / لا مدرسه ايه اصل الأستاذ عمر قهراوى مش من بحرى
معتز / بجد اهلا و سهلا احسن ناس بس انا متاكد اننا اتقابلنا قبل كدا
عمر / ما افتكرش اكيد كنت افتكرت
شريف / يا جدعان احنا ولاد النهرده … من الاخر كدا معتز عاوز موبايل امكانياته عاليه لا تتناسب اطلاقا مع امكانيات معتز نفسه
معتز / ههههههههههههه اصل ولاد الحرام قلبونى الموبايل اقسم بالله جديد ما كمل معايا تلت اشهر ما الاقيهوش فى جيبي
عمر / طب ما كنتش عامله
معتز / كنت عامل كل حاجه و فتحت الاكونت و حاولت بس ما فيش فايده
شريف / انا قولتله ان غالبا اللى سرقه حد عارف الباسورد اصل مستحيل يا ابنى
معتز / مصر كلها عارفه الباسورد اساسا هو سر دا الدفعه كلها كانت بتستخدمه
عمر / ده عيبه بقي على العموم ربنا يعوض عليك شوف انت عاوز ايه و ان شاء الله تمشي من هنا مبسوط
معتز / ايدى على كتفك وريني
………………………
عند ندى
ندى / ما صدقتنيش عملت زى ما بتعمل علاطول تسمع و تبرر و خلاص ارضي عيشي حسام ما يعملش كدا
خديجه / و انتى ما لقيتي غير بنت حماكى و تطلبى مساعدتها
ندى / دى اختى بنت عمى و متربيين سوا دا انا بحبها و بتحبنى
خديجه / و هلا شو
ندى / مش عارفه
خديجه / حتى الست اللى خبرنا عنها زياد ما تلفنتلنا لهلا
ندى / بكره هنزل معاكى الشغل انا لازم اقف على رجلى و من هنا لحد ما حبيبه تكبر شويه … انا خايفه اوى
خديجه / لا اله الا الله
ندى / تيجي بكره نروح البلد دى تانى اكلم حسام جوزى و احاول اتفاوض معاه
خديجه / استحليتيها هالحكايه نسافر اربع ساعات بالسياره و تدخلى السايبر و نرجع اربع ساعات تانين
ندى / اصلا اكيد بيحاولوا يوصلوا انا اتكلمت منين حسام معاه باسورد حسابى و سهل يدخل
خديجه / ليش ما غيرتيه
ندى / انا ربطاه بالخط المصرى بتاعى و الخط ده مع حسام يعني برده يقدر يدخل
خديجه / ما تقدرى تلغى هالربط
ندى / ما اعرفش ازاى
خديجه / خلاص سبيها لربك يصير كيف ما بده
ندى / تعبتك معايا و سيبتك شغلك على الفاضي
خديجه / غيرنا جو
ندى / هدخل اطمن على بابا كان لوحده طول الوقت ده
خديجه تبتسم ندى تدخل جوه
………………..
فى الشركه عند حسام
عدنان / قولتلك بدى شويه وقت مو اكتر
حسام / يعني جبت رقم العربيه
عدنان / اصدقائي جابولى عنوان الكافيه اللى دخلته و من بختنا كان مركب كاميرات و من بختنا اكتر هالختياره كانت صافه سيارتها امام الكاميره
حسام / يعني لاقيتوها
عدنان / هلا بيتفنولى و يخبرونى بعنوانها
حسام / انا مش عارف ارد المعروف ده ازاى
عدنان / نحنا هون اهل كلنا قلب واحد و اللى بيحاول يتملعن ما انك محتاج تعرف شو بيصير فيه
حسام / اكيد بس انا بعد اذنك لسه محتاج خدمه اخيره منك
عدنان / تكرم عيونك
حسام / محتاج شويه رجاله ثقه
عدنان / ما عنا اكتر منهم بس هلا خبرنى شو ناوى تعمل
تليفون عدنان يرن حسام يتنطر عدنان يرد
عدنان/ والله مشتاق اسمع صوتك … ههههههه كنت بعرف انك ما راح تخيب ظنى … تكرم عينك … تقبرنى المصارى اللى طلبتها و اكتر
عدنان يطلع ورقه و يكتب العنوان
عدنان / على راسي … على راسي … الله يخليلنا اياكن … فى حفظ الله
عدنان يقفل و يدى لحسام الورقه
عدنان / بدك تروح تتاكد بنفسك و لا اتاكدلك انا
حسام / لا انا مش هروح خالص هى اللى هتجيلى
عدنان / بالله
حسام / الاول خلى رجالتك يتاكدوا انها هناك و بعدين هقولك يعملوا ايه بالظبط
عدنان يبتسم و يهز راسه
……………………
فى شقه نور
نور بتعبى الشنطه و امانى بتتخانق معاها
امانى / يعني مش كفايا سرقت اخوكى و هربت رايحه كمان تبعزق القرشين اللى هتعملى بيهم العمليه
نور / ربنا يرزق يا ماما
امانى / دى كلامها ليكي اصلا يخليكي تحلقيلها برئت اخوكى اللى كنتوا خايفين يكون عمل فيها حاجه هربت بمزاجها
نور / على فكره حضرتك بتتعبى نفسك على الفاضي انا كدا كدا مسافره مع على و خلاص حجزنا التذاكر
امانى / كان طلقها و خلصنا دى مش امينه عليه و لا على ماله
نور / لو ندى وحشه و ما تهمكيش فهى تهمنى انا و بنتها تهمنى و عمى يهمنى و لازم اتكلم معاها
امانى / البت هناخدها من حباب عنيها اللى تسرق جوزها ما تؤتمنش على عيله
نور تقفل الشنطه و تروح تجيب شنطه صغيره من الدولاب
امانى / و انتوا بقى حجزتوا فندق و لا هتقعدوا عند حسام
نور / حسام لما عرف قال نقعد عنده فى اوضه فاضيه
امانى / على الله جوزك يستر و ما يتختنقش مع اخوكى زى كل مره
نور / ان شاء الله مش هيتخانقوا … هو انا ناسيه حاجه
امانى / ناسيه روحك يا روح امك
………………….
فى الشركه تانى يوم
هدايه / دا انت زعلك طلع وحش اوى
حسام يبصلها
هدايه / اللى يسمع كلامك و يشوف تصرفاتك يقول العاشق الولهان
حسام / ما تهزريش معايا
هدايه / بالعكس انا بتكلم جد جدا اللى يعمل كدا فى حب عمره ممكن يعمل ايه مع اللى بيكرههم
حسام يبتسم
حسام / كان نفسي اخد و ادى معاكى بس للاسف مش فاضي لازم اروح المطار استقبل اختى و جوزها
هدايه / نور … مش هتعرفنى عليها بقي
حسام / سلام
حسام يسيبها و يمشي و هى متبعاه
…………………..
فى القريه
ندى و خديجه لابسين هدوم ريفيه و ندى شايله حبيبه فى الشياله على صدرها و شايله هى و خديجه بايديهم الاتنين
ندى / مش هنكر انها ممتعه جدا و ان الستات دمهم خفيف بس مرهقه اوى
خديجه / لانك مو اخده عليه
ندى / فعلا بقالى كتير جدا قاعده فى البيت بس الحمد لله كل ده هيتغير مش كنا جينا بالعربيه
خديجه / هههههههههههههه اجى بالسياره من البيت لهون
ندى / حاسه انى بغرز فى الارض مش بمشي عليها
خديجه / هههههههههههه الله يعينك على حالك اديش عمرك قولتى
ندى / هههههههههههههه حقك طبعا
فجاه عربيه تركن و ينزل منها اربع رجاله ضخام يروحوا يشدوا حبيبه من الشياله و ندى و خديجه يرموا الاكياس و يحاولوا يمنعوهم و يصرخوا الرجاله تضربهم الناس تجرى على ندى و خديجه الرجاله يشدوا البنت و هى بتصرخ و يركبوا العربيه ندى و الناس يجروا ورا العربيه و ندى تقع و هى بتجرى و تقوم تكمل جرى و هى بتعيط لحد ما تقع تانى و الناس تتلم عليها
………………….
فى المطار
نور و على خارجين من المطار حسام يتعدل فى وقفته نور تحضنه
نور / فى جديد
حسام يهز راسه بحزن
نور / ان شاء الله نلاقيها
حسام يهز راسه و يبص لعلى
حسام / ازيك يا على
على/ الحمد لله
حسام / معلش البيت مبهدل شويه امممم انا ما كانش فيا مزاج ارتب او اعسل مواعين هنعدى نجيب لقمه او ناكل فى اى حته و لما نروح هرتب البيت مش هياخد حاجه
نور / ما تشغلش بالك الحاجات دى مقدور عليها
على / عاوزين نروح نبص على المحاضر اللى عملتها
حسام / تحب تروح دلوقت و لا نروح الشنط الاول
نور / انا بقول نروح الاول معلش يا على بس فى كلام مهم محتاجه اتكلم مع حسام فيه
حسام يبص لنور و بعدين يبص لعلى باصص الناحيه التانيه
حسام / اتفضلوا
حسام يمشي و نور و على وراه
………………….
فى شركه فى اسكندريه
شريف بيشتغل الباب يخبط يبص يلاقي معتز
معتز / لو هعطلك امشي
شريف / ما انت طول عمرك معطلنى ايه الجديد يعني ادخل ادخل
معتز / هههههههههههه ماشي يا عم
شريف / خير
معتز / هو الصراحه مش خير … الموضوع كبير و يخص اسماء
شريف / قلقتنى فى ايه قول
معتز / انت قولتلى ان مرات عمر بتاع الموبايلات ده تبقي صاحبه اسماء و اسمها أية صح
شريف / ايوه دى ست محترمه جدا
معتز / لا ما هو الموضوع مش زى ما انت فاهم للاسف
شريف / ما تنطق يا ابنى قلقتنى فى ايه
معتز / انا مش عارف اقولها ازاى بس للاسف انا افتكرت انا شوفت الجدع ده فين
شريف / هتقعد تنقطنى كدا كتير ما تنطق يا معتز
معتز / انا شوفت عمر و أية فى فيلم من اياهم
شريف / فيلم ايه يا معتز
معتز / جرا ايه يا شريف ما تركز معايا كانوا مع بعض فى السرير اوضح اكترمن كدا ايه
شريف يتصدم
معتز / انا كمان كدبت نفسي فتحت الفلاشه و اتاكدت هو و هى عماله تقوله عمر و هو يقولها يا ايه و يا يويو و حاجه اخر
شريف / اسكت ما تكملش اسكت .. البنت دى دخلت بيتنا و اسماء كل يوم تقريبا عندهم
معتز / و عشان كدا ما كانش ينفع
شريف يقوم يجرى معتز يجرى وراه
………………..
فى شقه حسام
حسام بيحط اكل على ترابيزه
حسام / الاكل جاهز
نور و على يطلعوا من اوضه مصطفى
نور / احنا رتبنا الاوضه هنا ناكل لقمه و انزلوا لفوا لفتكوا على ما ترجعوا اكون انا رتبت باقي البيت
حسام / جايه من مصر للبنان عشان ترتبى و تنضفى
نور / نلاقى ندى و حبيبه و بعدين ابقوا عوضونى و فسحونى
الكل يقعد
حسام / طبعا لا يفتى و مالك فى المدينه بس الشاورما هنا مش وحشه برده
على / تسلم ايدك
نور / بص انا مش عاوزه اتكلم على الاكل بس لازم تتكلم مع ندى لما ترجع و تعملها اللى هى عوزاه
حسام / و هى فين ندى عشان نعرف اللى هى عوزاه
نور / ان شاء الله هترجع
حسام / و يا ترى ايه بقي اللى هى عوزاه تطلق هات شبكه جديده اكتبلى الشقه سفرنى لبنان هاتلى ابويا اصرف و اداين و فى الاخر طلق بقي يا حسام
نور / هترجعلك الشقه و الشبكه و تنزل هى و عمى و حبيبه يعيشوا فى شقتهم فى مصر
حسام / و انا ليا مين هنا بقي اعيش عشانه هاه انا جيت هنا عشان هى طلبت ده
نور / و ماله ارجع امسك صيدليتك فى مصر
حسام / كل ده عشان الصوره اللى اتبعتت لندى صح
نور / و الحبوب يا حسام
حسام / حبوب ايه
نور / هدايه قولتلها
حسام/ هدايه بتنتقم منى عشان اخترت ندى و سبتها
على / انت حتى ما سمعتش حبوب ايه
حسام / لان مش فارق معايا اعرف اى كان الكلام اللى هدايه قالته دا مش حقيقي هدايه كانت بتبعت لندى صور من ارقام غربيه عشان توقع بينا و لما الليله جت على دماغها وانا اخترت ندى و سبتها قررت تهد المعبد و كلمت ندى و بعتتلها الصوره الاخيره و التاتش بتاعها عشان انا و ندى نطلق و يخلالها الجو … نور .. انا غلطت مش بنكر ده بس ده كان من فتره و ليه اسبابه و ندى نفسها عارفه الاسباب دى و اتكلمنا فيها ايوه لما سالتنى قولتلها ان الموضوع مجرد مقابلات و كدبت حصل بس عشان مش عاوز اخسرها و عاوز احافظ على البيت بس ان كنت غلطالسبب وفما تجيش بقي لما كل فدا عشان هى كانت مقصره برده ما تجوش تحاسبونى دلوقت كانها ملاك ما عملتش حاجه
نور / تمام ايه الترضيه اللى ترضاها يا حسام هى رافضه تكمل معاك و احنا ضغطنا عليها كتير
حسام / نعم
نور / الطريقه اللى اتجوزتوا بيها و بعدين كل مره تشتكى نسكتها و حجج لو انا مكانها عمرى ما كنت هستحملها بس بقول اهو نحافظ على البيت
حسام/ عاوزه تطلق هطلقها بس حبيبه بنتى زى ما هى بنتها لا معاها شهاده و لا بتشتغل يعني ما حيلتهاش غير معاش ابوها بعد الطلاق اللى ما يكفيش علاجه حطى عليهم ملاليم النفقه … تمام لو هيكفوها و مش هتيجي بقي تحلبنى و تقولى مصاريف حبيبه و مش مصاريف حبيبه هطلقها بس لو جت تتجوز هاخد حبيبه
حسام يبص لعلى مش باصصلهم و ساكت
نور / ماشي ما افتكرش انها هتعترض على الكلام ده
حسام / و هترجعلى الشقه والشبكه و تبريني الحاجه الوحيده مصروف لحبيبه اكتر من كدا مش ملزم بمليم
نور / عداك العيب
حسام / اتفقنا لما تكلمك قوليلها انى هطلق بمجرد ما نخلص الاوراق هطلق
حسام يسيب المكان و يقوم
نور / طب كل لقمه طيب
حسام يفتح باب الشقه يلاقي ندى على الباب سانده على الحيطه بالعافيه تقع يسندها نور و على يجروا عليها
حسام / ندى … مين عمل فيكي كدا مالك
نور / شيلها جوه ندى حبيبتي سمعانى ندى
على / جوه فين المفروض نروح مستشفي
ندى تتكلم و هى بتعيط و مش قادره
ندى / حبيبه .. حبيبه
حسام/ حبيبه مالها حبيبه فين
ندى / خدوها منى ضربونى و خدوها منى
حسام / ايه !!!
نور تغطى بقها و تبص لعلى باصصلها و مصدوم
…………………………
فى اسكندريه
اسماء / انت بتقول ايه
شريف / بقول انها طلعت بنت مش كويسه مش زى ما هى راسمه دور العفه و النقاب اللى هى لبساه ده مجرد ستاره بتدارى وراها و ما بتحبش التجمعات عشان بتخاف حد يفضحها
اسماء / انت جبت الكلام ده منين دا احنا من يوم ما سكنا ما سمعناش صوتهم دا انت اللى شجعتنى اتعرف عليها واقرب منها من كتر ما كنت بتشكر فى اخلاقهم و تدينهم
شريف / كنت مخدوع بس الحمد لله ربنا بصرنى
اسماء / انا مش مصدقه نفسي
شريف / انا قولت اللى عندى البت دى لا تدخل لينا بيت و لا تدخوليلهم بيت انتى سامعه
اسماء / طب بس قولى ايه اللى عرفته عنهم غير نظرتك ليهم بالشكل ده
شريف / ما قولتلك ناس مش كويسه و لا هو جدال و خلاص
معتز / بتعمل افلام قله ادب
اسماء / مستحيل اصدق دى ما بتفوتش فرض دا لو الاذان اذن و احنا بنرغى بتسكت و تردد وراه دى بتقوم تصلى و ترجع تكمل اى كان اللى بتعمله
معتز / امال عوزاها تاخدك اوضه النوم و تفرجكك على اوضه التصوير بتاعتها هى و جوزها
شريف / خلاص يا معتز
معتز / اخر كلام قسما بالله لو احتكيتي بالبت دى تانى
شريف / من غير ما تقول اسماء فهمت احنا بنتعامل مع مين و انا اساسا كدا كدا مش هسكت
اسماء / هتعمل ايه
شريف / اكيد مش هبقي مرتاح و لينا جيران بالشكل ده
معتز / ايوه كلم الراجل صاحب الشقه خليه يمشيهم دول ممكن يشبهوا البيت بحاله
شريف / لا انا هتكلم مع عمر الاول يمكن يمشي بالزوق و من غير فضايح
معتز / سكات ايه و فضايح ايه دول عالم باكسه هو اللى زى دول يهمهم حاجه
شريف / ابقي عملت اللى عليا
معتز / يا عم دول يرموا بلاهم عليك و لا يهمهم
شريف / برده ابقي عملت اللى عليا عشان ضميرى ما يانبنيش انى رفعت ستر ربنا عنهم احنا برده عندنا ولايا
معتز / اعوذ بالله اش جاب لجاب يعم اعوذ بالله اعوذ بالله
……………………
فى شقه حسام
نور تناول ندى كبايه ميه و هى بتعيط
نور / طب اشربى شويه مايه
ندى / يا ريتني ما روحت معاكى ياريتني فضلت معاهم هناك يمكن كنت عرفت حاجه
نور / يا بنتى انتى مش شايفه نفسك دا واحده غيرك المفروض كانت تبقي فى المستشفي بحالتها دى
ندى / خدوها منى ازاى خدوها ازاى مش قادره اصدق ان ايدي سابتها ازاى افرط فى ضنايا بالبساطه دى دا انا كنت اموت و لا كانوش عرفوا ياخدوها من حضنى
نور / ان شاء الله هنلاقيها ان شاء الله هنلاقيهم داخلين بيها
حسام و على يدخلوا و حسام بيزق كرسي مصطفى و على شايل شنطه ندى و نور يقفوا
ندى / عملت ايه ؟
حسام / عملت ايه !!! انتى بتساليني عملت ايه !!! ضيعتى بنتى و بتسالي عملت ايه
على / اهدى يا حسام
حسام يصرخ فيه و ندى تنهار من العياط
حسام / اهدى ايه و زفت ايه ما انت خسران ايه هى كانت بنتك اللى ضاعت دى
نور / يعني الكاميرات هناك ما طلعتش حاجه
على / مش لو كان فى كاميرات اصلا … دى قريه فلاحيين اراضي زراعيه و بيوت قديمه
حسام يشد الشنطه من ايد على و يرميها تحت رجلين ندى
حسام / دهبك و هدومك انتى و ابوكى اشبعى بيهم مش دا اللى همك تسرقى و تهربى مبسوطه دلوقت
ندى تبصله و الدموع ماليه عنيها
نور / ان شاء الله خير ان شاء الله تلاقيهم بيكلمونا لقوها اكيد البوليس مش هيسكت صح
حسام / كان رجع ندى البوليس بتاعكوا ده ربنا وحده اللى يعلم بقي راحت فين و لا اتباعت لمين عشان الهانم تنبسط
ندى / يا اخى حرام عليك بقولك اخدوها غصب عنى خطفوها منى
حسام / و ما دام مش هتعرفى تحميها بتخطفيها منى ليه … مش كنتى عاوزه تطلقي انا هطلقك هطلقك يا ندى اصلا كنا متفقين على كدا و الشروط اللى كنت حاطتها للطلاق ما عدتش تفرق معايا اصل اللى كانت تفرق معايا راحت … ابقوا خدوها معاكوا مصر و انتوا نازلين ما عدش فى حاجه تربطنا ببعض … دلوقت انا اللى مش عاوزك
نور / مش وقته الكلام ده يا حسام مش شايف هى عامله ازاى
حسام / و انا عامل ازاى و بنتى اللى لسه لحمه حمره عامله ازاى يا عالم مع مين و لا بيعملوا فيها ايه يا عالم بقي اللى خطفها دول تجار اعضاء و لا تجار ايه بالظبط يا عالم اصلا لسه فى لبنان و لا راحت انهى بلد
نور / ان شاء الله هترجع ما تقولش كدا ان شاء الله هترجع
حسام يصرخ فيها
حسام / بطلى هبل بقي … العيال فى السن ده كل يوم ملامحهم بتتغير … ما تقولها يا على الراجل وراك محاضر اختفاء اطفال قد ايه .. ما تقولهم قالك ايه
على / قال روحوا و هم هيراجعوا الكاميرات على الطرق و فى البلاد التانيه و ان شاء الله هيلاقوها
حسام / قالولى كدا برده لما كنت بدور على ندى و لا لقوها و لا نيلوا
حسام يروح يمسك فى ندى و على و نور يحوشوا ندى تقع فى الارض
حسام / ابقي خلى سي زفت اللى سبتيني و روحتيله يرجعلك بنتك
على / مش طريقه دى يا اخى اهدى عشان نعرف نفكر
ندى عينها ثابته على سكينه على طبق فاكهه
نور / ايوه احنا لازم نفكر احنا ممكن … ممكن … ممكن ننزل اعلان فى الجرايد نطبع صورها و النت النت اكيد ممكن
ندى تقوم تتحرك ناحيته السكينه بدون وعى و مصطفى قاعد بيعيط و مطاطى
حسام / نت ايه وزفت ايه هو النت ده بيرجع عيال حد
نور / ما ينفعش نفقد الامل يا حسام خلى املك فى ربنا كبير
حسام يعيط و يقعد على اقرب كرسي
حسام / كنت بقعد اشوف اعلانات الاطفال المفقوده فى مصر و اقول يارب ما اكونش مكانهم يارب دا احنا ما عندناش غير حبيبه تروح بالبساطه دى
نور تعيط و تقعد جنب اخوها ندى تقطع شراينها
نور / ما تقولش كدا يا حسام ما تقولش كدا ان شاء الله هترجع ان شاء الله هترجع
حسام / ياريتنى كنت شبعت منها حتى ياريتني حضنتها قبل ما انزل كانت نايمه و خفت اصحيها
ندى تقع فى الارض و الكل يجرى عليها نور تصرخ حسام يشيلها و يجرى بيها
ندى بضعف / حبيبه كانت الشعره اللى ربطانى بالدنيا دى … سبنى اموت
على يفتح العربيه حسام يحطها و الكل يركب و حسام يسوق و هدومه غرقانه دم
نور / بسرعه يا حسام بسرعه دى بتتصفى
ندى تغمض عنيها و على عينه عليهم ورا من غير نفس
………………………
فى محل عمر
معاذ و شريف يدخلوا
عمر / اهلا اتفضلوا اتفضلوا
شريف / كويس انك لوحدك فى المحل
عمر / دا راح يجيب باكوا شاى و زمانه جاى … ايه فى مشكله فى الموبايل و لا ايه
معاذ / انت هتستهبل علينا
عمر / هو فى ايه
شريف / بالراحه يا معاذ
عمر يبص لشريف و هو مضايق
شريف / بص يا استاذ عمر انا جايلك بالزوق و مش ناوى على فضايح و لا شوشره
عمر / و ليه كل ده ما لو الموبايل فيه مشكله
معاذ/ انت لسه هتقول موبايل بقولك ايه من الاخر كدا احنا عرفنا كل حاجه
عمر / هو فى ايه يا جدع انت ما تتكلم عدل انا ساكتلك عشان خاطر الاستاذ شريف
شريف / من الاخر بقي انتوا لازم تسيبوا البيت و المنطقه
عمر يطلع من ورا الكونتر
عمر / ليه بقي ان شاء الله
معاذ / عشان انتوا ناس
شريف / بس يا معاذ … بص يا عمر من الاخر كدا احنا منطقه طول عمرها محترمه و نضيفه و هاديه و احنا تمليك و انت ايجار يبقي مين فينا اللى يمشي
معاذ / من الاخر كدا يا تلم زبالتك و تمشي بالزوق بدل ما نطلعك منها بزفه جلاجل
عمر يبصلهم
شريف / انا لا قولت لصاحب البيت و لا لحد من الجيران فبهدوء كدا تشوفولكوا منطقه تانيه تعيشوا فيها
معاذ / و خلى الكلبه بتاعتك تبعد عن
عمر يزقه و يشخط فيه
عمر / ما تغلطش … انا مراتى اشرف من الشرف
معاذ / دا عند امها ما شوفت كل حاجه
عمر يبص لمعاذ و يكتم غضبه و يبص لشريف و يروح يفتح الخزنه و يطلع علبه صغيره بمفتاح يفتحها و يطلع ورق يحطه قدام شريف
عمر / اللى على حق عينه قويه و انا ما غلطتش دى صوره من المحضر انا و مراتى اتصورنا حصل بس عشان فى واحد ابن كلب ركب كاميرا فى الشقه اللى كنا فيها من غير ما نعرف و حاولوا يبتزوا مراتى و لما رفضت عشان شريفه فضحوها و اتهجموا عليها و سقطوها
شريف يبص فى الورق
معاذ / انت هتسرح بينا
عمر / عاوز تصدق صدق مش عاوز اخبط راسك فى الحيط انا ما عملتش حاجه انكسف منها و اهمها لا بتتبع عورات الناس و لا بتفرج على حاجه حرام اصلا انك تشوفها
معاذ / انت هتعمل عليا شيخ
شريف / خلاصه الكلام … ان كان الكلام ده صح او غلط فدا مش هيغير حاجه لا ينفع مراتك تقرب من مراتى و لا تتعامل معاها و زى ما الفيديو وقع فى ايد معاذ اللى مش هنكر انه غلطان بس دا ما يمنعش انه ممكن يقع فى ايد غيره
عمر / شوفتوا ايه مننا
شريف / احنا مش عاوزين مشاكل خد مراتك و امشي اسكندريه واسعه و هتلاقي بدل الشقه عشره و احنا كاننا ما عرفناش حاجه
عمر / وان رفضت
معاذ / يبقي هنفضحكوا عند الراجل صاحب البيت و الجيران و هم هيطلعوكوا بمعرفتهم
عمر يبص لمعاذ
عمر / و ماله خليهم يتهجموا عليها تانى و يسقطوها تانى و لا يقتلوها المرادى عشان حاجه ما عملتهاش لانا و لا مراتى عملنا حاجه غلط و كل الناس معرضه لموقف زى ده بس هو ستر من ربنا مش شطاره من حد
شريف / و عشان ستر ربنا انا ما قولتش لصاحب البيت و جيتلك دوغرى امشوا … يلا يا معاذ … يوم و لا اتنين هجبلك باقي تمن موبايل معاذ عشان نبقي نهيناها
شريف يمسك ايد معاذ و يمشوا شاب يدخل فى ايده باكوا شاى
الشاب / دا لو بيفرقوا لحمه الدنيا مش هتبقي زحمه كدا
عمر ساكت يلم الورق يحطه فى البوكس و يعينه فى الخزنه
الشاب / اعملك شاى معايا يا رياسه
عمر / خلى بالك من المحل
عمر يسيب المكان و يمشي
…………………
فى المستشفي
ندى نايمه فى السرير
نور / روح يا على خليك جنب عمى بدل ما سبناه لوحده كدا
حسام / انتى كمان روحى ارتاحى من ساعه ما وصلتى و انتى متبهدله ما ارتاحتيش
نور / مش قادره اسيبها و هى فى الحاله دى
حسام / ما تقلقيش هفضل جنبها لو فى جديد هبلغكوا
حسام يدى لعلى مفتاح العربيه و مفتاح الشقه
حسام/ هبعتلك اللوكايشن افتحه على الجي بى اس و ده مفتاح الشقه
نور / لو فاقت بلاش تضغط عليها هى تعبانه لوحدها .. دى بنتها هى كمان .. هى مش هتقدر تعوضها
حسام / يعني انا اللى هقدر
على / حبيبه هترجع ان شاء الله بطلوا تنكلموا كانها مش راجعه
حسام يبص لعلى
نور / ان شاء الله هترجع … اخليني انا و تروح انت ترتاح انت كمان ما ارتاحتش
حسام يبص على ندى
حسام / على قد ما انا مش طايقها على قد ما انا مش قادر اسيبها فى الحاله دى و امشي يمكن لما تقدر تقف على رجليها كل واحد يقدر يروح لحاله
نور / ان شاء الله على ما تقف على رجليها تكون حبيبه رجعت
حسام / طب اللى خطفوها دول عاوزين ايه ؟ فلوس ؟ طب ليه ما حدش اتصل لحد دلوقت
على باصص على ندى
حسام / روحى يا نور مع جوزك روحى انا مش قادر اتكلم
نور تهز راسها على يفتح الباب و يمشي و نور وراه حسام يقوم يقفل الباب و يبص على ندى نايمه يروح يقعد جنبها و يمسك ايدها المربوطه
حسام / هدفعهم تمن اللى عملوه ما تقلقيش انا بس محتاجهم دلوقت محتاجهم لحد ما اضمن ان كل حاجه رجعت لطبيعتها و بعدها اوعدك انى هدفعهم تمن وجعك ده غالى بس انتى كمان كان لازم تتعاقبى ما انا وجع قلبي عليكي مش ببلاش
حسام يبوس ايدها
حسام / وجعك غالي اوى عليا بس لو عدت عادى كدا هتكرريها و ادا حتى احتمال التفكير فيه مرفوض لازم تخافى تكلمى اى حد او تثقى فى اى حد غيرى لازم تتربى يا ندى … بس ما تقلقيش مش هتتربى لوحدك
حسام يقوم يقف و يبص من الشباك
…………………..
فى شقه عمر
أية / يعني ايه شديت مع صاحب البيت و يعني ايه يغلى الايجار كدا فجاه مش فى عقد
عمر / أية مش عاوز كلام كتير لمى حاجتنا خلينا نغور من هنا
أية / هنروح فين طيب
عمر / انا كلمت السمسار هيشوفلنا شقه احسن من دى مليون مره
أية / بس انا ما صدقت خدت على المكان انا ما صدقت بقالى حد اتكلم معاه هرجع اكلم الحيطان تانى
عمر / يعني اعملك ايه يعني ما الراجل عاوز شقته اعمل ايه ما دى اخره الايجار صحيح من خرج من داره ايه رايك نرجع مصر
أية / مصر !!!
عمر / انتى حامل و بكره و لا بعده التعب هيزيد عليكي خلينا فى وسط اهلنا احسن بدل ما تبقي لوحدك و انا كمان زهقت من وحدتى هنا ان كنتى ربنا كرمك باسماء انا ما ليش حد اخويا الوحيد بعيد عنى
أية / اللى انت شايفه اعمله
عمر / زعلانه صح
أية / انت برده معاك حق هتعمل ايه يعني اكتر من كدا ربنا يعينك
عمر / فى مصر تقدرى تغيرى جو عن هنا تروحى لطنط منال تروحى لنور او يجولك تروحى المحل معايا او مع طنط منال و كمان دراستك تقدرى تتابعيها خدى بالك السفر بعد كدا مش هيبقي سهل
أية / معاك حق
عمر يبوس راسها
عمر / ربنا يكملك بعقلك انا هدخل اشوف كرتونتين و لا حاجه نلم فيهم حاجتنا خلينا نفضيله ام الشقه دى و نرجع بيتنا
أية / طب انا المفروض اكلم اسماء اقولها اننا هنمشي
عمر / مش وقته يعني لما نخلص اللى ورانا يلا مش عاوزين الوقت يسرقنا
أية / ماشي هبقي اكلمها الصبح
عمر يبص لأية و يدخل جوه و هى تدخل وراه
……………….
فى شقه حسام
على واقف فى البلكونه نور تدخل
نور / احساس صعب اوى
على يبصلها
نور / مرعوبه على البنت تفتكر ممكن يحصل زى ما حسام قال
على / ان شاء الله هنلاقيها
نور / تفتكر فعلا اللى خطفوها هيطلبوا فيديه
على / و اللى خطفوها هيعرفوا ابوها و امها منين ندى كانت لابسه اللبس بتاع الفلاحين ده و الست اللى معاها كانت ابسط منها و ماشين على رجليهم فى قريه فقيره
نور / امال خطفوها ليه
على / و اشمعن دى
نور / النصيب
على / الاكيد انهم مش هيكلموا حسام على فديه
نور / دا انا كنت راسمه امل كبير اوى قولت ندفعلهم و نرجعها
على / مش منطقى بس اصلا كل اللى حصل مش منطقى لسه مش مصدق ان ده حقيقه حاسس انه كابوس
نور / برده ما كانش ينفع ندى تعمل كدا اهى ضيعت البنت
على / ضيعت روحها
نور / معاك حق تفتكر هتحاول تنتحر تانى
على / ما حدش فينا خد باله ما حدش حس بيها
نور / احنا كنا فى ايه و لا ايه
على / انا مخنوق اوى ياريتنا ما كنا جينا على الاقل كان هيبقي للعجز اللى حاسه معنى انى بعيد لكن انا جيت اهو عملت ايه و لا اقدر اعمل ايه … و لا حاجه واقف اتفرج
نور / و انت فى ايدك ايه تعمله
على / انا هروح اكلم طنط اطمن على العيال
على يدخل جوه و نور تبص على السما
نور / افرجها من عندك يا رب
……………….
فى المستشفي
ندى تفوق و تان حسام يجرى يقعد على طرف السرير
حسام / احسن دلوقت
ندى تعيط
ندى / حبيبه
حسام يبص الناحيه التانيه
ندى / كان عندى امل انك انت اللى اخدتها عشان تعاقبنى كان اخر امل عندى طول الطريق بدعى ربنا انها تكون معاك والله لو كنت ولعت فيا ساعتها ما كنت هزعل بس اطمن عليها
حسام / نور قالتلى ان هدايه كلمتك
ندى / مفيش حاجه فى الدنيا ليها قيمه دلوقت كلها تفاهات
حسام / هدايه كدابه اه نمنا سوا اه كدبت عليكي بس عشان كنت خايف اخسرك مره و راحت لحالها و لما اتكلمنا و علاقتنا اتحسنت قطعت علاقتى بيها كانت بتنتقم منى و انتى ما كنتيش محتاجه حاجه عشان تهربى مجرد زقه بتتلككى ما حاولتيش تواجهيني حتى او حتى تتاكدى جريتي على زياد
ندى / مش قادره اتكلم دلوقت
حسام / انا كدا كدا قولت اللى عندى مش هكدب على نفسي انتى كنتى معايا بس عشان حبيبه دلوقت تقدرى تاخدى ابوكى و ترجعى و تتجوزى اللى يعجبك
ندى / انا مش هعيش يوم واحد من غير حبيبه و ان كنتوا لحقتونى المرادى فاكيد فى مره ربنا هياخدنى فيها هيربحنة من العذاب اللى عايشه فيه… زى ما حبيبه كانت ربطانى بيك كانت ربطانى بالدنيا من غيرها مش هقدر اعيش .. و كلامك انا رديت عليه قبل كدا على اتجوز اختى يحرم عليا ليوم الدين حتى لو سابوا بعض على مش هيقدر يعوضنى عن حبيبه ما حدش هيقدر
حسام / انتى لسه عيله و الدنيا قدامك
ندى / انا تعبانه اوى تعبانه اوى
حسام يبصلها
حسام / هقوم اشوفلك دكتور او اى حاجه
حسام يطلع بره و ندى بتعيط
…………………..
فى شقه حسام
على بيتكلم فى التليفون
على / انت بتقول ايه
عمر / انا لو عليا مش فارق معايا كنت عارف ان كل ده هيحصل فى يوم من الأيام بس انا فى البلد دى بطولى و بسيب ايه لوحدها معظم الوقت دا غير نفسيتها و الحمل
على / طب ما هى ممكن تتصل باسماء دى و تعرف منها الحقيقه
عمر / مش عارف اعمل ايه احنا لمينا معظم الحاجات الحمد لله انها شقه مفروشه ما اخدناش وقت و كلمت طنط منال تبعت واحده تنضف الشقه و تقف على ايدها
على / احنا بهدلنا الست دى معانا اوى اللى يفرس ان امى شايفه ده و ما بتعرضش مساعده
عمر / مش وقته الكلام ده
على / كلمت صاحب الشقه
عمر / كلمته بس طبعا زى قلته استعوض ربنا فى التامين انت هتمشي بدرى و انا مش عامل حسابى هات حد مكانك مش مهم بقي
على / و المحل
عمر / اهم حاجه عندى انى أبعد أية عن هنا الباقي مقدور عليه … سيبك منى طمنى عملتوا ايه لقيتوا ندى؟
على / لقينا ندى و ضيعنا حبيبه
عمر / ايه !!!!!
…………………
فى شقه زياد
زياد يفتح الباب يسمع صوت بيبي بيعيط يدخل ورا الصوت يفتح باب اوضه يلاقي حبيبه نايمه على سرير و مفلوقه عياط يجرى يشيلها و هو مصدوم فجاه الشرطه تهجم على المكان و زياد شايل حبيبه و مصدوم
……………………
فى شقه ندى
نور تسند ندى للسرير
نور / ارتاحى هنا … اتغطى … اجبلك حاجه تاكليها
ندى تهز راسها لا و هى بتعيط
نور / عاوزه اروح اشوف عمى ناقصه حاجه و لا لا و خايفه اسيبك لوحدك تتهبلى تانى … طب لو كان جرالك حاجه و حبيبه رجعت تعيش من غير ام
ندى تشد الغطا و تغطى وشها حسام يدخل الاوضه
حسام / لقوها
ندى تقوم تقعد
نور / قول والله
حسام / هروح استلمها و هجيب اكل معايا ارتاحوا
ندى / اجى معاك
حسام يبصلها و يسيبها و يمشي و ندى تحاول تقوم نور تقعدها تانى
نور / ارتاحى عشان لما تيجي تقدرى تشيليها
ندى / مش هيرجعهالى
ندى تعيط نور تاخدها فى حضنها
نور / هيرجعهالك ما تخافيش انتى مامتها و اكيد يا قلبي زمانها ميته من الجوع
ندى / ناوليني الشنطه اللبن اللى عندى يوجع بطنها خليني اشفطه
نور / تشفطى ايه انتى صفرا لازم ترتاحى و تاكلى عشان تقدرى
ندى تتسند و تجيب الشنطه و ترجع تقعد
نور / هروح اطمن على عمى و اشوف على ينزل يجبلنا شويه طلبات
نور تطلع بره على مش موجود تبص على مصطفى
نور/ هو على نزل مع حسام و لا ايه
مصطفى يهز راسه
نور / ليك دوا او حاجه
نور تروح تبص فى الكيس و تبص لعمها حزين تروح تقعد تحت رجله
نور / انت زعلان ليه ما الحمد لله لقوها و زمانهم جايبنها و راجعين و ندى هتبقي زى الفل
مصطفى يبص لنور
نور/ انا مش هكدب عليك انا مش عارفه الدنيا بين حسام و ندى هتمشى ازاى بس اكيد حسام هيقدر ان ندى كانت مشحونه و ان الغلط بدايته كانت من عنده و ندى كمان لازم تتاكد ان حسام اكتر واحد هنا هيخاف عليها و يحميها لازم تكبر و تبطل حركات العيال دى
مصطفى يبص فى الارض
نور / الحمد لله انها جت على قد كدا
نور تطلع علبه دوا و تبص على الازازه فاضيه
نور / هجيب مايه
نور تاخد الازازه و تروح المطبخ مصطفى يحاول يحرك الكرسي ناحيه اوضه ندى ما يقدرش يقعد يعيط و يبص فى الارض
……………………..
فى الشارع قدام المخفر
حسام يفتح العربيه و يحط حبيبه فى الكارسيت
على / طب هو عمل كدا ليه ما كان سهل يخلى الست خديجه دى تخطفله البنت و ندى نايمه مثلا
حسام / اكيد اللى اسمها خديجه دى واحده من اللى ضاحك عليهم
على / و هو كان ناوى يخبيها فى بيته لحد امتى
حسام / لحد ما يلاقى وقت مناسب يبتزنا بيها انا بقي او ندى و شوف انت بخيالك كان هيعوز فلوس و لا حاجه تانيه
حسام يقفل باب العربيه
حسام / انا لسه عند كلمتى انا هطلق ندى و هتاخدوها هى و عمى مصر بس الاول تبرينى و ترجعلى الشقه و الشبكه
على / و بتكلمنى انا فى الموضوع ده ليه
حسام / عشان اطمن على اختى ناوى على ايه
على / انت ممكن تعمل الحركتين دول على اى حد غيرى انت عمرك ما هتطلق ندى
حسام / انا مش هقدر اتحط فى الموقف ده تانى و ان كان ربنا كرمنى المرادى و رجعلى بنتى فمش كل مره تسلم الجره و لا ايه
على / و ناوى على ايه
حسام / ندى مش امينه على حبيبه
على يبتسم و يبص الناحيه التانيه و يرجع يبصله
على / عاوزها هى اللى تتحايل عليك تفضل على زمتك … عبقري
حسام / انا كنت شارط انها ما تتجوزش عشان حبيبه ما تترباش فى حضن راجل غريب بس بعد اللى حصل ندى ممكن تتجوز اللى هى عوزاه
على / بقولك ايه انا معبى مليان لحد هنا
على يشاور على مناخيره
على / فخف … و تعال نجيب لقمتين نروح ناكلهم عشان اكيد ندى و نور قاعدين على اعصابهم مستنين حبيبه
حسام / يعني مش هتطلق نور
على ينفخ
على / لا مش هطلق نور و ندى مش هتطلق و مش هتنزل معايا مصر و لا هى و لا ابوها و بطريقه او بالتانيه هتتراضوا فوفر تمثيلك ده لما نروح البيت انت معاك الورق الكسبان كله
على يفتح باب العربيه و يركب و يقفل الباب و حسام يلف الناحيه التانيه و هو مش قادر يدارى ضحكه الإنتصار على وشه
………………………..
فى شقه عمر
أية / ليه اسافر النهرده مستعجل على ايه اوى كدا
عمر / هتقعدى ليه
أية / هو فى كدا فى الدنيا فى حد بيسيب الشقه بين يوم و ليله
عمر / اكيد لا بس عاوز اسافر بيكي فى النهار عشان اشوف المطبات
أية / بكره الصبح
عمر / هتفرق فى ايه ما احنا لمينا كل حاجه هوصلك و هرجع اسلم الراجل الشقه و اظبط شويه حاجات فى المحل و هرجعلك
أية / و دا اسمه كلام ده
عمر / ما تريحيني مره فى نفسك و تسمعى الكلام و تقولى حاضر
أية / مالك يا عمر متنرفز عليا ليه
عمر / عشان حبيبه اتخطفت
أية تصرخ و تكتمها بايديها
عمر / فى حاجات حصلت الفتره اللى فاتت كنت بحاول اخبيها عليكي عشان نفسيتك بس لازم ننزل مصر لو سمحتى
أية / طب انا حتى ما سلمتش على اسماء و مش راضيه ترد عليا كل ما اطلبها تكنسل و كنت ناويه اطلعلها اشوف مالها
عمر / وقت اسماء دلوقت يعني ما يلا يا أية انا نزلت الحاجه فى العربيه اتفضلي اللبسي عشان نمشي
أية / اللبس ايه
عمر/ عبايتك و حجابك اللبسيها فوق بجامتك كدا انا سبتهملك على السرير جوه اتفضلي
أية / امرى لله جيب العواقب سليمه يارب
أية تدخل جوه عمر يقعد على اقرب كرسي و يبص عليها بحزن
………………………
فى شقه ندى
حسام يفتح الباب شايل حبيبه و على وراه شايل اكياس اكل
نور / جم جم
نور تجرى على حسام و تلاعب حبيبه
نور / احمدك واشكر فضلك يارب فضلنا طول الليل نصلى و ندعى ترجع
نور تعيط حسام يمسح على راسها
حسام / بس للاسف محتاجه تستحمى زى ما انتى شايفه اللى خدوها ما هانش عليهم يغيرولها البامبرز
ندى تخرج من الاوضه بتتسند على ايدها السليمه حسام يبصلها ياخد حبيبه و يروح يقف قدامها
حسام / عارفه لقوها ازاى
ندى تبص لحسام و هى بتعيط
حسام / اللى خدها رماها و مشي راح يشوف حياته الناس سمعوا صريخ متواصل لمده ساعتين من شقه شاب عازب و الشقه فاضيه سابها جعانه لوحدها و خرج و فضلت تعيط ساعتين من الجوع
ندى تقعد فى الارض و هى منهاره من العياط على يغمز نور
نور / انا هجبلها غيار
نور تعدى تبعد حسام وتبصله برجاء حسام يبص الناحيه التانيه نور تدخل الاوضه
حسام / البامبرز سرب و فضلت ببلها لحد ما انا روحت كان نشف عليها كتر خيرهم ادوها رضعه نيمتها من تعبها … كانت فى شقه زياد
ندى تبص لحسام
……………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سلف ودين)
