رواية سكن بالروح الفصل الثالث 3 بقلم زهرة الربيع
رواية سكن بالروح الجزء الثالث
رواية سكن بالروح البارت الثالث
رواية سكن بالروح الحلقة الثالثة
روح التفتتلو حاوطت رقبتو باديها وقالت بدلال..و الحما،ر شكالي منك وزعلان.. بيقول كترو الحمير حواليا
نصار اتسعت عنيه بزهول وفضل باصص لها بيحاول بيستوعب الي قالته ..وقال تصدقي وتامني بالله انا حما،ر صوح لاني بكلم بقره زيك.. غوري اتخمدي يلا
روح ضحكت جامد وراحت نامت على السرير
نصار اتنهد وبصلها وقال..بامانه كده ايه الي كان بينك وبين ولد عمك ليه ما عايزانيش اقرب لك
روح قالت بضيق شديد منه …ولد عمي ده متجيبش سيرته على لسانك… ليه بقى عشان اقدر استحمل اشوف خلقتك لاني كل ما بفتكر الموضوع ببقى مش طايقه اسمع صوتك حتى
بقلم….زهرة الربيع
نصار بصلها بغضب شديد وقال.. ليه بقى ان شاء الله وابن عمك ده لولا انه قتل خالي ما كنتش قتلته
روح قعدت بغضب وقالت.. وهو قتل خالك ليه مش لما خالك قتل عمي
نصار قال بسرعه..مهو عمك هو الي قتل جدي
روح قالت بغضب اكبر..مش جدك ده هو نفسه اللي قتل جدي
نصار اتنهد بزهق وقال.. خلاص خلاص.. احنا هنقعد للصبح ولا ايه كده مهنخلصش.. لازم تعرفي ان ده تار وكل واحد بياخد حقو من التاني يعني انا ما استقصدتش ولد عمك بالذات
روح اتنهدت بحزن وقالت اهي عوايد هبله قتلت نص الناس من غير سبب
نصار اتنهد بغضب بيحاول يداريه وقال..احم..كنتي..كنتي ريداه
روح بصتلو شويه قالت بتوتر..ايوه..ايوه طبعا مش ولد عمي
نصار بصلها بغضب وقال… خلاص كان ولد عمك دلوقتي هو مات وانتي على ذمه راجل ومقبلش انك تفكري فيه حتى لو في خيالك سامعه
روح قالت بعصبيه.. وانت مالك ومال تفكيري هتدخل في دي كمان ربنا يعيني عليك.. تصبح على خير ولا ما تصبحش احسن
نصار اتنهد ونام هو كمان جنبها وهما مش باصين لبعض خالص
في صباح يوم جديد قام من النوم لقاها نايمه كان شكلها قمر جدا قرب منها وهو بيبصلها باعجاب شديد وقرب منها وباسها بحنيه في لحظه جميله سرقت قلبو
روح حست بيه وقامت بسرعه ودفعتو
روح بقت تتنفس بقوه وهيه بتبصلو بزهول ونصار قال بهمس.. اه لو تحن قبل ما اجن
روح قالت بغضب ..انت اتجنيت ايه اللي بتهببو ده ..يعني كمان مهعرفش انام و ايه..احنا مش اتفقنا مهتلمسنيش
نصار قال..ملمسكش كيف بس انتي ما شايفاش نفسك ازاي..ده السرير تعب يابت من حلاوة اهلك دي .. بقول لك ايه خلينا نتفاهموا لان الموضوع مش هينفع يطول مش هقدر اصبر عليكي اكتر من كده
روح قالت بغصب…متتعبش نفسك لا دلوك ولا بعدين
نصار اتنهد وقال..براحتك انا اقول لاهلك بقى وهما يشفولهم صرفه معاكي
روح وقفت وقالت بارتباك شديد.. ليه بس كده احنا بنتفاهم اهو يعني ما فيش داعي تقول لابوي
نصار ابتسم وقال.. هو ما فيش داعي صوح ده لو عايز تسمعي الكلام
روح قربت عليه وقالت بابتسامه جميله..هو انا..انا خايفه شويه بس ممكن تستنى عليا شويه علشان خاطري كانت بتتكلم برقه شديده لان كلها شويه واهلها يدخلوا للصباحيه ومكانتش عايزاه يتكلم قدامهم
نصار شدها عليه وقال .. انا استنى قد ما عايزه بس يعني ايه ما تطوليش لاني ما قدرش ها..مقادرش واصل
روح ارتبكت من قربو وابتسمت برقه وقالت ربنا يسهل
نصار بقى يقربها عليه قوي وقال.. يسهل بسرعه..لو يسهل دلوك ياريت
روح بلعت ريقها بخوف ولسه هتبعد باسها تاني بكل قوتو وسابها لما سمعو خبط جامد على الباب واصوات الزغاريد
نصار ابتسم وقال بغمز.. المفروض ان دي صباحيتك عقبال ما يجوا يباركولك في اسبوع ولدك
روح كانت بتبصلو بغيظ بسبب الي عملو وقالت عقبال ما يجوا يهنوني في خرجتك
نصار ضحك جامد وراح فتح وكانت والدتها ووالدة نصار وستات قرايبهم
نصار سابها مع الستات ونزل مع الرجاله وسلم على الجميع وقعد شويه معاهم
ابوه ميل عليه وقال ابشر اسبوع كده ولا حاجه خلي الناس تنسى موضوع الفرح واجوزك طوالي
نصار استغراب وقال تجوزني
ابوه قال ..ايوه مش انا قولتلك مشي الجوازه دلوك وهجوزك واحده تانيه
نصار قال بارتباك.. اه ايوه صوح افتكرت
ابوه ضحك وقال …لا ما تنساش لقينا لك عروسه زي القمر فوزيه بت خالك ما انت عارفها
نصار وقف وقال باندفاع وصوت عالي … فوزيه زي القمر
الكل بقم يبصولو باستغراب
و هو حمحم وقعد تاني وقال.. لا مموافقش طبعا دي هبله يا ابوي
ابوه قال ..دي بنت خالك وبعدين البنت زينه وحلوه مالها يعني
نصار قال بهمس ..حقك تقول حلوه ما انت معذور مشوفتش الي عندي فوق
ابوه قال… بتقول ايه بتحدت روحك
نصار قال …ابدا ابدا يا ابويا هبقى اشوف الموضوع ده ربنا يسهل
وطلع على اوضته بعد ما مشيت الناس ودخل بس كانت روح مش موجوده بقى يبص عليها بس سمع صوت ميه في الحمام اتنهد وقعد على السرير
بعد شويه خرجت وكانت قمر زي العاده بلبس بيتي خفيف
نصار اول ما شافها اتنهد وقال بصوت واطي ..انتي مهتتهديش غير لما ابيتك في المستشفى انا عارف
روح قالت.. بتقول ايه
نصار اتنهد وقال.. ابدا ما بقولش وقرب منها وقال بقول ايه يا بنت الناس بدل ما احنا متجوزين كده اي كلام وانتي الأسم متجوزه وانا هضطر اشوف لي سكه تانيه خلينا نستهدو بالله وعفى الله عما سلف
روح بصتلو باستغراب وقالت.. يعني ايه هتشوفلك سكه تانيه هو انت من بتوع السكك التانيه
نصار قال بسرعه..انتي فهمتي ايه.. استغفر الله العظيم حد الله بيني وبين الحرام.. واتنهد وبعد شويه وقال..بصي يا بت الناس ..ابويا عايز يجوزني واحده تجيب له حفيد وانتي حقك تعرفي
روح اتسعت عنيها بذهول وووووووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سكن بالروح)
