رواية سكنت قلبي الفصل الثالث 3 بقلم إيمان شلبي
رواية سكنت قلبي الجزء الثالث
رواية سكنت قلبي البارت الثالث
رواية سكنت قلبي الحلقة الثالثة
بعد مرور يومين
-رايحه فين يا هانم؟
غمضت عيوني واخدت نفس عميق في محاوله للسيطره علي اعصابي بعدها لفيت ورديت بهدوء :
-رايحه الشغل
قام وقف وجه نحيتي ورد بحده :
-شغل ايه انتي ناسيه انك لسه متجوزه من تلت ايام
الناس تقول علينا ايه!
-طز في الناس
-مفيش نزول يا زينب
بصتله ورديت بتحدي :
-لا هنزل وانت مش من حقك تمنعني
قرب مني خطوه وبص بعمق جوا عيوني :
-لا من حقي لو ناسيه افكرك يا هانم
قرب مني ودني وهمس ببطئ:
انا جوزك
اترعشت وقلبي اتنفض وانا برد بنبره مهزوزه:
-ولو ناسي افكرك يا جوزي احنا المفروض نتطلق
بعد عني ولف بجسمه وهو بيرد ببرود :
-ولحد ما نتطلق فأنا من حقي امنعك وانتي واجب عليكي طاعتي
رديت بغيظ وعيوني بتلمع بالدموع :
-بس انا مش جاريه عندك
-وهي كل واحده بتطيع جوزها تبقي جاريه!
-انت بتعمل معايا كده ليه وكأنك بتعاقبني علي حاجه انا مليش ذنب فيها ، كان ممكن تبقى مكاني علي فكره ،هو ليه شرط أن لما حد يحب حد يبقي هو كمان لازم يبادله نفس شعوره ،ليه منحطش احتمالات أن الشخص اللي بنحبه ممكن ووارد جدا ميكونش بيحبنا او متقبل وجودنا ليه بناخدها علي كرامتنا ونشوف الطرف التاني ظ*الم ومعندهوش قلب!
رد بضيق
-بقولك ايه بلاش جو الحِكم والمواعظ ده
وعموما ده مش موضوعنا
نزول لشغلك يا زينب ممنوع
نتطلق واعملي كل اللي انتي عايزاه
ربعت ايدي وانا بهز رجلي بع*صبيه:
-وحضرتك هتطلقني أمتي!
هز أكتافه ببرود ولا مبالاه:
-والله علي حسب مزاجي وقت ما احب اطلقك فوراً هنتطلق
-ايوه بس….
قاطعني بحزم:
-مبسش ويالا اتفضلي من قدامي
بصتله بغل وحقد ودخلت اوضتي ورزعت الباب بع*صبيه!
*******************************
كنت قاعده فى الأوضه
بقلب في الفون بملل
الباب خبط
رميت الفون وروحت فتحت
لاقيته واقف وحاطط أيده في جيوبه
كان لابس قميص ابيض يبرز عضلاته
بنطلون اسود
وكوتشي ابيض
اما عن ريحه البرفيوم بتاعته دخلت جوا قلبي مباشره!
كان شكله وسيم ولطيف
يخطف القلب والعقل في الحقيقه
-افندم؟
-انا نازل
رديت ببرود :
-وده يخصني في ايه
جز علي اسنانه بغيظ ومسح علي وشه وهو بيستغفر بصوت واطي بعدها بصلي وقالي :
-طلبتلك اكل شويه وهيوصل
وسيبتلك فلوس علي الطربيزه
وكتبتلك رقمي في ورقه
لو احتاجتي حاجه كلميني
عن اذنك
-هتتأخر!
قولتها بتلقائية
لف وبصلي بابتسامه حاول يداريها لكن مقدرش
-معرفش علي حسب الظروف
-ممكن اروح لماما شويه ولا ده كمان ممنوع!
رد ببرود :
-لا مش ممنوع بس مينفعش تروحي بعد جوازك بأربع ايام استني يفوت علي الاقل اسبوع وهاخدك بنفسي لحد عندها
رديت بضيق :
-ماشي
**************************
الساعه ١٢ بليل
كنت واقفه قدام المرايه
لابسه فستان قصير
فارده شعري علي كتفي
وحاطه ميك اب خفيف
كان شكلي جميل ورقيق
واثقه اني هعجبه واخليه يدوب في حُبي
قررت اعمل بنصيحه ماما اللي كلمتها وحكيتلها كل اللي حصل!
“انسي يا زينب انسي فهد لانه مبيحبكيش لو بيحبك كان حارب الكل علشانك بس هو مع اول مشكله استسلم وانتي مكانش ليكي اي ذنب!”
حاولي تفتحي قلبك لسالم
سالم راجل محترم وقد المسؤوليه
وبيحبك وشاريكي
اخدت نفس عميق وانا برد بحزن:
-كان ياماما انما بعد اللي حصل مبقاش يحبني!
-ده كلام يابنتي اللي حصل برضو مش شويه
اي راجل مكانه هيعمل كده
هو بني آدم وعنده كرامه
وانتي جيتي علي كرامته يا كارمن
بس بأيدك تحافظي عليه وتخليه يرجع يتطمنلك
متضيعيش سالم من ايدك صعب تلاقي حد زيه
سيف شخص مثالي واي بنت تتمناه
لكن هو قلبه كان رايدك انتي
-طب اعمل ايه ياماما قوليلي؟
-هقولك
قفلت معاها وفضلت في مكاني افكر في كلامها
كان معاها حق
صحيح “سالم” شخص مثالي
ولو ضيعته ابقي مج*نونه رسمي!
فوقت من شرودي علي صوت تكه المفتاح في الباب
اخدت نفس عميق وحاولت اكون هاديه ومتوترش
فتحت الباب وخرجت
اول ما شافني وقف متسمر في مكانه وتنح شويه!
فركت صوابعي في بعض
وفوراً وشي قلب زي الفراولايه
قربت منه
رفعت راسي وبصيت جوا عيونه :
-حمدلله علي السلامه
كشر ورجع خطوه لورا ورد بنبره كلها حده :
-ايه المسخره اللي انتي لبساها دي!
-مسخره!
قولتها بغيظ وانا بجز علي اسناني وببصله بعيون كلها شرا*سه
ابتسم بسخرية وقرب مني ببطئ فرجعت خطوه لورا بخ*وف
فضل يقرب مني لحد ما لزقت في الحيطه
بص في عيوني بابتسامه كلها سخريه وسكت شويه
بعدها
مال وهمس جنب ودني بق*سوه:
-لو فاكره أن اللي بتعمليه ده ممكن يخليني ارجع عن قراري في موضوع طلاقنا تبقي غلطانه انا مبقتش طايقك صدقيني وفري مجهودك للشخص اللي بعدي
زقيته بكل قوتي وانا ب”صر*خ بعصبيه والدموع بتلمع في عيني :
-بكر*هك بكر*هك يا سالم ة وبك*رهكم كلكم!
دخلت الأوضه ورزعت الباب ورايا بكل قوتي
اترميت علي السرير وفضلت اعيط بصوت مكتوم
كان صعبان عليا نفسي اوي
صعبان عليا كل اللي بيحصل فيا
انا مأذتش حد في حياتي يارب
انا عمري ما كرهت لحد ال*شر
ليه بيحصل معايا كده
ليه كل حاجه ضدي
ليه الدنيا بتعاند فيا وكأني عدوتها
غمضت عيوني ونمت للصبح
او بمعني اصح هربت من الواقع اللي منصفنيش ولا مره علي الاطلاق!
**************************************
تاني يوم الصبح
صحيت من النوم وخرجت برا الأوضه
كان نايم هو علي الكنبه
سمعت صوته لكن كان مكتوم
قربت منه باستغراب
قعدت علي طرف الكنبه
كان مغمض عيونه بألم وبيتوجع
-سالم
رد بتوهان :
-زينب لا متسبنيش انا بحبك
مسكت أيده وانا بضغ*ط عليها بقوه :
-مش هسيبك متخافش
شدني واخدني في حُضنه وهو بيتنهد وبيغمض عيونه
كنت عارفه أنه بيهلوس ومش حاسس باللي بيعمله
حاولت ابعد لكن مسابنيش
شدني اكتر وهو بيهمس :
-خليكي
ضميت نفسي لحضنه وغمضت عيوني براحه
لحظات مسروقه
مش ممكن تتعوض
قررت استمتع بيها
قررت مفكرش في اللي ممكن يحصل
لما يفوق ويلاقيني جوا حضنه
بعد شويه بفتح عيوني كان صاحي
بصتله بخجل وسكت
حاولت ابعد لكن هو هز رأسه بنفي
-سالم!
-انا اسف
-هه
-انا اسف علي اللي قولته امبارح
رديت والدموع بتلمع في عيوني :
-انا نفسي تصدقني بس
نفسي تصدق اني مش خاينه
مسح دموعي بطرف صوابعه بكل رقه :
-مصدقك
-بجد؟
باس عيوني الاتنين بكل حنان ورقه:
-وبحبك
ضميت نفسي لقلبه وانا بغمض عيوني :
-وانا هحاول اخليك اسعد راجل في الدنيا
هحاول في اقرب وقت اتخلص من مشاعري
وافضي قلبي علشان يساع قلبك!
-وجودك كافي اني اكون سعيد يا زينب
بصتله وانا بسأل بفضول :
-بس مقولتليش ايه اللي غيرك فجأه بالشكل ده
حط ايدي نحيه قلبه وهو بيتنهد :
-ده مقدرش يقسي عليكي اكتر من كده
طول الليل بفتكر دموعك وبتع*ذب
لا قدرت انام ولا قدرت اسامح نفسي
حاولت ادخل امبارح واضمك لقلبي
لكن كنتي قافله الباب
انا اسف
غمضت لمعت بالدموع وانا ببص جوا عيونه :
-ياريتني قابلتك من البدايه
ياريتني ما حبيت فهد ولا شوفته أبداً
مسح دموعي بابتسامه حزينه :
-خلينا ننسي اللي فات ونبدأ من اول وجديد
هزيت راسي وانا بغمض عيوني وبسند راسي علي صدره
*******************************
بعد مرور أسبوع
كنت واقفه في المطبخ بحاول اعمل اكل
لكن للاسف ف*شلت!
بصيت علي المكرونه لاقيتها معجنه
وصينيه البطاطس كانت محر*وقه
اما عن الفرخه المشويه
كانت بتبكي في الزاويه
كانت متفحمه علي الآخر!
قعدت علي الكُرسي وانا ببص علي الاكل بحس*ره وبدأت اعيط
وصل “سالم” من الشغل
فتح الباب ودخل يدور عليا
-زينب حبيبتي انتي فين
رديت بصوت مبحوح :
-انا هنا في المطبخ
دخل المطبخ وهو بيقول بهزار :
-ايه ده بتو*لعي في البيت ولا ايه
اول ما شافني بعيط جري عليا بلهفه
-مالك ياحبيبتي بتعيطي ليه حصل حاجه
شاورتله علي الاكل وانا بعيط:
-حاولت اعملك اكل بس كله باظ!
اتنهد براحه :
-ياشيخه خضتيني
سحب كُرسي وقعد جنبي وهو بيمسك ايدي وبيبوسها برقه:
-ولا يهمك ياقلبي فداكي
-ايوه بس انا كان نفسي افرحك واعملك الاكل اللي بتحبه
-مجرد المُحاوله فرحتني وبعدين ياستي عادي باظ النهارده المره اللي جايه يتظبط مره علي مره وهتبقي اشطر طباخه انا واثق
حطيت وشي في الأرض بأحراج :
-انا اسفه بجد انا عارفه انك اكيد جاي من الشغل جعان
-ولا يهمك ياحبيبتي انتي حاولتي مأثرتيش!
ها تحبي نطلب اكل ايه من برا
رديت بحماس وانا بفرك ايدي زي الاطفال :
-بيتزا
-احلي بيتزا لأحلي زوزو في الدنيا
اترميت في حضنه بتلقائية :
-ربنا يخليك ليا ياحبيبي
باس راسي وهو بيضمني بحب :
-ويخليكي ليا
************************
بعد مرور شهرين
في يوم كُنا قاعدين بليل جه علي بالي سؤال
كنت نايمه علي رجله
قومت اتنفضت وسألته بكل تلقائيه
-سالم هو انت عمرك ما حبيت قبل كده؟
ضم حواجبه في بعض باستغراب وهو بيضحك:
-ايه يابنتي في حد يخض حد كده
رديت بجديه:
-سالم لو سمحت جاوبني انت حبيت قبل كده
-مكانش حُب كان مجرد اعجاب
رفعت حاجبي بتساؤل:
-شوفتها فين وامتي
-كانت معايا في الكليه في سنه أولي!
-وبعدين
هز أكتافه بلا مبالاه :
-ولا قبلين فضلت تلت شهور معجب بيها وفي الاخر اكتشفت انها بتحب واحد معانا في الدفعه
-اصلاً!!!
-اصلاً
-طب ومزعلتش
-زعلت شويه وبعدين عجبتني واحده غيرها
-ااااه انت قلبك قلب رمانه بقي!
غمزلي بمشاكسه:
-بس دلوقتي بقي قلب منجايه
مفيش جواه غير واحده بس
رجعت سندت راسي علي رجله وانا ببتسم بخجل وبسكت
الفون بتاعي رن
كان رقم غريب
رديت باستغراب
-الو
-سنه حلوه ياجميل سنه حلوه ياجميل
ضميت حواجبي في بعض بأستغراب :
-مين معايا
-معقوله مش عارفه صوتي نسيتي الحُب اللي كان!
رديت بعصبيه:
-هتقول انت مين ولا اقفل السكه
لاقيت “سالم” بيشاورلي اني اسلمه الفون
اخده من ايدي ورد بجمود :
-الو
-ازيك يا سالم بيه
جز علي اسنانه وهو بيبصلي :
-عايز ايه يافهد
رد بأستفزاز :
-ولا حاجه عيد ميلاد حبيبتي بكره قولت ابقي اول واحد يعيد عليها!
رد بهدوء :
-انت مش مكفيك الشهر اللي اتسجنته شكلك محتاج شهر كمان
رد بتوتر وهو بيبلع ريقه :
-ولا شهر ولا غيره انا معملتش حاجه
انا متعود كل سنه اكلمها في نفس المعاد
-طب مشوفش رقم اهلك هنا تاني وإلا هتزعل مني
متشكرين علي المعايده اللطيفه دي نردهالك في الاحزان باذن الله
قفل في وشه وبصلي
كانت ملامحي متوتره وباين عليا الخوف
حط الفون علي التربيزه وبصلي وسكت لحظه
-ف في ايه ا انا معملتش حاجه والله انا عرفت أن هو من نبره صوته بس حبيت اوضحله انه مش فارق وان صوته حتي نسيته!
ابتسم وهو بيمسك ايدي وبيبوسها برقه :
-انا عارف انك معملتيش حاجه ومبسوط من رد فعلك
اخدت نفس عميق وانا بسند ظهري علي الكنبه:
-طب الحمد لله
-ليه مقولتليش؟
-علي ايه ؟
-ان عيد ميلادك بكره
هزيت اكتافي بابتسامه باهته :
-عشان مش بحب اليوم ده
-ليه ياحبيبتي
قالها وهو بيمسك ايدي وبيضغط عليها
اترميت في حُضنه وسندت راسي علي صدره وانا بغمض عيوني
-محدش كان بيفتكره ولا حد كان بيقولي كل سنه وانتي طيبه مكانش عندي أصحاب ،اهلي دايماً كانوا كارهين وجودي ،حتي ماما مكانتش بتفكر اليوم ده ،اكتر يوم كنت بحس فيه اني لوحدي علشان كده مش بحبه ولا بحب احتفل بيه!
-بس فهد قالي أنه متعود كل سنه يكلمك في نفس المعاد يقولك كل سنه وانتي طيبه
بعدت عنه وانا برد بعصبيه:
-كذاب هو عمره ما افتكر عيد ميلادي
-بس هو فاكره اهو!
-ببساطه لاني حطيت التاريخ علي الاكونت من حوالي شهر مش اكتر هو اتصل علشان يعكر مزاجنا
-لكن فشل ولا عاش ولا كان اللي يعكر مزاجنا!
قالها وهو بيضمني مره تانيه
حاوطت وسطه وانا بتنهد بحزن
باس راسي برقه وهو بيهمس جنب ودني :
-كل سنه واجمل بنوته طيبه وبخير
رديت بابتسامه رقيقه :
-وانت بخير ومعايا
*************************************
تاني يوم
كلمني قالي اجهزي
مكنتش فاهمه ليه
حاولت افهم منه لكن رفض يقولي اي تفاصيل
لبست اسكيرت تايجر
بلوزه سوداء
طرحه سوداء
وهيلز
نزلت كان في عربيه سودا قالي اركبها علشان توصلني عنده
ركبت وشويه ووقفنا قدام كافيه
نزل السواق فتحلي الباب
شاورلي ادخل الكافيه
بدأت اتوتر
دخلت ورُكبي بتخبط في بعض
الناس اللي شغالين في الكافيه اول ما شافوني شاورولي اطلع الدور الاول!
بلعت ريقي وطلعت وقلبي مع كل خطوه بيدق بخوف
اول ما وصلت وقفت مكاني بصدمه
كان سالم واهلي وأهله
كلهم واقفين حوالين ترابيزه عليها تورته كبيره بصورتي
وحلاويات ومشروبات وهدايا كتير وصوري متعلقه في كل مكان في الكافيه!
في البدايه مستوعبتش
فركت عيوني اكتر من مره
يمكن تكون اوهام
قرب مني
مسك ايدي وباسها برقه :
-كل سنه وانتي طيبه يانور عيني
بصيت حوليا وعيوني بتلمع بالدموع :
-س سالم ا انت ا انت….
-انا بحبك
اتعلقت في رقبته وانا بدفن راسي في كتفه وبرد بفرحه:
-انا كمان بحبك اوي يا سالم اوي
ضمني وشالني وفضل يلف بيا
اشتغلت اغنيه
نزلني
حط أيده علي وسطي وأيدي علي اكتافه وبدأنا نرقص
كنت بتحرك بين ايديه بخفه ودلال وسعاده ملهاش مثيل!
سندت راسي علي صدره وانا بغمض عيوني وبهمس برقه:
-سالم
سند رأسه علي راسي ورد بهمس :
-عيون سالم
-شكراً
-علي ايه انا معملتش حاجه
-لا عملت
رفعت عيوني في عيونه بابتسامه :
-انت قدرت تحول أتعس يوم في حياتي لأحلي يوم
-عايزك تتاكدي اني موجود علشان سعادتك وبس
-انا بحبك اوي
بقى انتي يانجمة يا نقيه يا عاليه ياصعبه ياعصية
بقا انتي تفكري فيا؟
بقى انتي تطيبي خاطري وتيجي طريقي وتخاطري
وقلمك يمشي على سطري ويكتب أيوه قلبي معاك!♥️
لقراءة الرواية كاملة اضغط على : (رواية سكنت قلبي)
