رواية سرقت قلبي بالرماديتين الفصل الحادي والعشرون 21 بقلم هدى محمد

رواية سرقت قلبي بالرماديتين الجزء الحادي والعشرون

رواية سرقت قلبي بالرماديتين البارت الحادي والعشرون

رواية سرقت قلبي بالرماديتين الحلقة الحادية والعشرون

هاااالوززز سوري على التأخير جداً يا شباب صلو على النبي وبينا نبدأ
بس اتفاجئت لما لقت امها داخلة مع مالك ونسيت قلقها وحضنت امها وسلمت عليها
تلين:ماما ..خرجتي دلوقتي ازاي المفروض بكرة
الام:أنا عاوزة افهم دلوقتي انا هنا ليه وانتي بتعملي ايه هنا واي خرجني مدام وقت خروجي بكرا ومين دا وعلى أي اساس دفعلي فلوس عمليتي تلييين في حاجات كتير المفروض تجاوبيني عليها
تلين:ممكن تهدي طيب انتي تعبانة ومحتاجة ترتاحي
الام:مش هرتاح غير لما افهم إيه مقابل انو يدفعلي فلوس العمليه ويقعدك معاه هنا انتي اصلا ازاي تعيشي مع واحد غريب في البيت يا هانم يا محترمة أنا شكلي معرفتش اربيكي
تلين بصدمة:ماما ايه البتقوليه ده
الام:اتفضلي قوليلي يبقالك ايه عشان تعيشي ف بيتو
تلين بهدوء: مالك يبقا جوزي يا ماما
دور الأم في الصدمة:يعني ايه جوزك ؟! امتى وازاي متقوليليش حاجة زي دي !! عشان كدا دفعلي الفلوس؟ هو دا التمن بعتي حياتك مقابل انك تعمليلي العملية!!ياريتني مو’ت ومشوفتش اليوم دا
تلين:ماما بعد اذنك افهمي ابنك طردنا من الشقة وملك حضرتك عارفة ظروفها هي شخصيآ مش عارفه تعيش في بيت ابوها بسبب مرات ابوها وبعدين أنا ومالك بنحب بعض وهو كتب عليا عشان نعرف نعيش مع بعض منغير ما حد يقول عني حاجة
الام:مين المش هيقول عنك حاجة يا بنتي دا انا امك ومعرفش انكو متجوزين زمان الدنيا كلها بتتكلم عنك دلوقتي
تلين:ممكن تهدي طيب وترتاحي وبكرة نتكلم براحتنا
الام:تمام
تلين دخلتها اوضتها ومالك كان سايبهم براحتهم ودخل اوضة النوم ودخلتلو تلين لقتو سرحان
تلين:انت كويس
مالك وهو بيبصلها بنظرة معرفتش تفسيرها: الحمدلله
تلين:ليه خرجت ماما
مالك :تعالي وقعدها على رجلو وبدأ يحكي كل الحصل
تلين:يعني ملك دلوقتي اتجوزت مراد
مالك:أيوة
تلين:انت بتبصلي كدا ليه
مالك:لا مفيش حاجه……هو انتي قايلة لمامتك أن جوازنا عادي ولا كتب كتاب بس …..لو عوزاني امشي عشان تاخد راحتها معنديش مانع
تلين:لا انا قولتلها أننا بنحب بعض وعايشين مع بعض عادي
مالك:ماشي
تلين:بردو مقولتليش بتبص كدا ليه
مالك قرب منها وباسها بهدووووء اتحول لرغبة وحب بس بعد بصعوبة وهو بيقول: كدا مش هنمشي بالاتفاق قومي ننام
تلين بكسوف: ماشي تصبح على خير
……………………………….عند مراد وملك
دخلو الفيلا
ملك جت تطلع اوضتها مراد وقفها
مراد:اعملي حسابك هتنامي معايا في نفس الاوضة
ملك:لا عاوزة انام لوحدي
مراد:بس انا مش باخد رأيك … أنا بعرفك الهيحصل
ملك طلعت ودخلت الاوضة الكانت نايمة فيها قبل كدا وقفلت بالمفتاح
ملك بابتسامة نصر:وريني بقا هتعمل ايه
بعد شوية كان مراد بيدور على ملك لحد ما لقى باب الاوضة مقفول بالمفتاح
مراد بخبط جامد على الباب:افتحي يا ملك
ملك بعند:مش فاتحة
مراد:هكسر الباب
ملك: اياك
مراد جاب مفتاح وفتح الباب ودخل
ملك:انت دخلت ازاي
مراد: حبيبتي دا بيتي معايا مفاتيح لكل الاوض
ملك سكتت ومراد قرب منها بهدوء ولف ايدو على خصرها وشدها عليه
ملك:ابعد عنيي
مراد :بصيلي
ملك بصتلو بهدوء
مراد وهو عينو ف عينها:عوزاني ابعد ليه؟
ملك: على الأقل دلوقتي…أنا لسة مش عرفاك كويس
مراد بهدوء:تمام خدي وقتك وسابها ودخل اوضة تانية خد شاور ونام وملك نامت
…………………………………….تاني يوم
صحيت تلين لقت مالك نايم جنبها بصتلو كتييير وفضلت تفكر هو ليه بيعمل معاها كل دا معقول بيحبها؟!
قامت اتوضت وصلت ودخلت حضرت فطار ودخلت لمامتها
تلين: صباح الخير
الام:صباح النور
تلين:أنا حضرت فطار يلا ناكل
الام:مش جعانة كلي انتي وجوزك
تلين:يلا بقا عشان العلاج مش عشاني مدام مبقاش ليا خاطر عندك
الام: انتي مبسوطة معاه ؟ مرتاحة؟ حبيبتي انتي كويسة؟
تلين: الحمدلله يا قلبي مالك كويس وبيحبني وبيحاول يعمل كل حاجة عشان ميزعلنيش متقلقيش عليا كل دا مالك سامعهم بيتكلمو وخبط على الباب واذنوله يدخل
مالك: صباح الخير
تلين ومامتها: صباح النور
مالك:انا نازل محتاجين حاجة ابعتهالكم
تلين:كنت عاوزة اروح لملك
مالك:اخر النهار أنا رايح لمراد هاخدك معايا عندها
تلين:ماشي
مالك باس راسها وخرج……………………………….
عند ملك
قامت وخرجت البلكونة بس اتخضت لما لقت حد حاطت سكينة ف جنبها ومنديل على بقها وشدها جوة الاوضة
مجهول:لو سمعت صوتك هقتلك……………