رواية سراب الفصل الثاني 2 بقلم ريم محمد
رواية سراب الجزء الثاني
رواية سراب البارت الثاني
رواية سراب الحلقة الثانية
*كُنت مصدومة من اللى شوفته معقولة يوصل لكدا!!*
*اتصرفت طبيعي وأنا من جوايا عكس كدا ونزلت أقعد معاهم وأنا بحاول أخبي توتري*
_أم تاليا:أخبار شغلك إيه يا آسر
_آسر:كويسة الحمدلله يا طنط
_أم تاليا:ربنا يوفقك ويسهلك الصعب
*فجأة الباب خبط رُحت فتحت لاقيت واحد جايب بوكيه ورد ومش مكتوب اسم، استغربت أخدته وطلعت على أوضتي وسمعت صوت ماما وآسر بيتكلموا*
_آسر:طالما عندها شخص بيحبّها كنتوا هتدبسونا فى بعض!!
_أم تاليا:يعني مبتحبّهاش!!
_آسر:لأ، وياريت متفتحوش الموضوع دا تاني
_أم تاليا:بس أنتوا مش أخوات يا آسر
_آسر:مش فارقة كتير، سلام يا طنط
^^^^^^^^^^^^^^^^^^^^^^^^^^^^^
_عُدي بصدمة:إيه!!، يعني طيب كويس
_عُدي يحادث نفسه:كويس إننا عرفت، والسرّ اتكشف
^^^^^^^^^^^^^^^^^^^^^^^^^
*رُحت الكُلية، واتقابلت مع بسمة واتكلمنا*
_بسمة بهيام:أنا مش مصدقة بجد أنه بيحبّني
_تاليا:اه، هو أثبتلك ازاى حُبّه ليكِ؟
_بسمة:هدايا، وكلام حلو
_تاليا:عمركم خرجتوا؟
_بسمة:لأ
_تاليا:وأساسًا، تكلميه ازاى وهو مش خطيبك
_بسمة بتوتر:ما أكيد هيوعدني بالجواز
_تاليا:أكيد إيه، يوعدك!!، يعني ميتقدمش، أولًا حرام تكلمي راجل مش من محارمك وكمان مش قريبك ولا أخوكِ ولا خطيبك أو جوزك ما ربنا منع الاختلاط دا لحكمة عشان النّاس لمَّا تسيب بعض مشاعرها متتكسرش، وكمان مبيقاش فى تجاوزات أنتِ غالية تستحقين من يتعب لأجل الوصول إليكِ
_بسمة:بس أنا بحبّه، أعمل إيه
_تاليا:حُبّ الله أعظم، وبعدين الحياة قدامك تتعرفي على شخص مناسب ليكِ
_بسمة:يعني آسر بيضحك عليّ؟
_تاليا:معرفش، بس طالما مفيش حاجه رسمية بينكم يبقى الأحسن تبعدي
*كنت بحاول أقنع بسمة بكدا لحد ما جه آسر واستغربت وجوده فى الجامعة، بس عملت كأني مش واخدة بالي منه*
_آسر:يلا عشان أوّصلك
_بسمة بإبتسامة:جيت توّصلني؟
_آسر بإندهاش:وأنا هوّصلك ليه؟
_بسمة بإندهاش مماثل:مش أحنا
_تاليا:لحقتي نسيتِ اللى قولته راجعي نفسك يا بسمة، عشان ربك ودينك ونفسك
_آسر:مستنية إيه يلا
_تاليا بهدوء:أنا هروح لوحدي غريبة يعني تيجي توّصلني وعمرها ما حصلت
_آسر بهدوء:يلا يا تاليا
_تاليا:يااه ما اسمي حلو اهو أمال كان ممنوع ليه
_آسر:يلا يا تاليا متضغطيش على أعصابي أكتر من كدا
_تاليا:أكيد مش موصلني لله كدا
_آسر:قررت أوّصلك من الوقت دا
_تاليا:بصفتك مين؟
_آسر:مش أحنا أخوات فى الرضاعة
_تاليا:اه، صح نسيت
*ركبنا العربية وطول الطريق ساكتين وواضح أوى إن كلامي حجة عشان منتجوزش، بس كنت متوترة وحاسة هيغمى عليّ وأنا راكبة جمبه
لحد ما سمعت صوت أنفاسه، وبعدها قال*
_آسر:مين بعتلك بوكيه الورد دا؟
_تاليا:معرفش مفيش اسم
_آسر:متعرفيش ولا خايفه تقولي
_تاليا بحدة:قولت معرفش
_آسر:عمومًا سايبك براحتك يا تاليا لحد ما تهدي خالص
_تاليا:لأ عيزاك تحلّ عنّي
_آسر بغموض طفيف:عمومًا أعملي اللى أنتِ عيزاه بس هيجي الوقت
_تاليا:وساعتها مش هكون موجودة
_آسر بتأكيد:أنتِ فى حياتي وأنا فى حياتك، فاهمة
_تاليا:اه، بس أنا هتسحب بهدوء
*وقف العربية فجأة وفتح الباب وقال*
_آسر:وصلنا يا تاليا وساعتها هتكوني موجودة وممنوع الانسحاب مش هسمحلك
^^^^^^^^^^^^^^^^^^^^^^^^^^
*دخلت البيت وأنا جوايا مشاعر متلخبطة مش حابة المواجهة إطلاقًا واللى لفت انتباهي كمان إن تصرفاته مع بسمة تدل على أنه ميعرفش حاجة عن كلامه معها، يعني لبسمة بتكدب لحد مُنتحل شخصية آسر!!*
^^^^^^^^^^^^^^^^^^^^^^^^^^^
_عُدي:عايز أكلمك فى موضوع مُهم يا آسر
_آسر:اتكلم
_عُدي:عرفت إن تاليا مش أختنا وخناقنا على الموضوع دا ملوش لازمة وأحنا أخوات المفروض نتصالح بسرعة
_آسر بإبتسامة:أنا مزعلتش منك يا عُدي وهنمحي الخناق دا
_عُدي:عايز أتجوز تاليا
_آسر:اممم، ليه؟
_عُدي:عشان بحبّها هيكون ليه يعني
_آسر:أنت كويس؟
_عُدي بتوتر:كويس أزاى يعني
_آسر:يعني متأكد من حبّك ليها؟
_عُدي بإطمئنان:أه
_آسر:طيب أعرف رأيها الأول
_عُدي بثقة:أكيد بتحبّني
_آسر:نديها فرصتها
_عُدي:تمام
^^^^^^^^^^^^^^^^^^^^^^^^^^^^^^
“فى مكان تاني”
_هضربهم كُلهم من نقطة ضعفهم
^^^^^^^^^^^^^^^^^^^^^^^^^^^
*كنت فاتحة؛بشوف الأخبار إيه لحد ما قابلني “fbi” استغربت دخلت على الصفحة واتصدمت من اللى قرأته رغم أنه بعيد كُلّ البُعد عنّي بس خوفت*
^^^^^^^^^^^^^^^^^^^^^^^^^^^^
_آسر:يعني مش مُستقر
_لؤي:للأسف اه
_آسر بإرهاق:تعبت من الدور دا بجد
_لؤي:أنت فى معركة ولازم تكمل للأخر
_آسر:تخيل انتشرت الأخبار بسُرعة
وبقى مصطلح “fbi” عادي
_لؤي:بس دا مش فى مصر
_آسر:بس مصريين كتير بدأوا يتابعوا الأخبار دي
_لؤي:والأنسة تاليا؟
_آسر:دي بقى أكتر وحدة تعباني وموتّرة أعصابي حقيقي
_لؤي:معرفتش حاجة؟
_آسر:لأ، خايفة من المواجهة
_لؤي:ربنا يفرجها ويسهلك
_آسر:يارب
^^^^^^^^^^^^^^^^^^^^^^^^^^^^
_عُدي:ما أكيد مش هترفضيني يا تاليا ما أحنا مش أخوات، وبعدين أنا بحبّك ومن أحنا صغيرين وآسر طلع مبيحبّكيش يبقى أنا أستحقك وكدا كدا أنتِ مبتحبّيش آسر
_عُدي:ياريت كان سهل أقولك الكلام دا قاعد ساعة بدرب عشان أقولك الكلمتين دول
^^^^^^^^^^^^^^^^^^^^^^^^^^
_أم آسر:طالما مبتحبّش تاليا مبتتجوزش بنت تانية ليه يا آسر؟
_آسر:مفيش بنت عجباني
_أم آسر بإستغراب:يعني إيه كلامك دا؟
_آسر:يعني نعنس أنا وتاليا
_أم آسر:طيب متتقدملها
_آسر:مش رفضتني أتقدم ليه
^^^^^^^^^^^^^^^^^^^^^^^^^^
*آسر، جه عندنا وقال عايز يقابلني نتكلم سوا طبعًا رفضت، أنا مش طايقة أشوفه ولا أتكلم معاه، أساسًا*
_آسر بحزم:مش حابة تتكلم أطلعلها أنا
_أم تاليا:هى هتنزل يا آسر
*سمعت كلامه وعرفاه متهور وهيطلع، نزلت وطلعنا برا فى الجنينة*
^^^^^^^^^^^^^^^^^^^^^^^^^
_آسر:للمرة المليون بتتهربي منّي
_تاليا:عايز إيه
_آسر:لو عُدي اتقدملك تتجوزيه؟
_تاليا بإستغراب:عُدي؟!
_آسر:اه، بيحبّك وعايز يتقدم بس عايز يعرف رأيك الأول
_تاليا:أنا بعتبره زي أخويا عُمري ما فكرت فيه كحاجة تانية
_آسر:يعني مرفوض
_تاليا:اه
_آسر بحدة:لو كُنتِ وافقتِ؛كُنت هتصرف تصرفات تانية مش هتعجبك
_تاليا:قصدك إيه بكلامك دا؟
_آسر:يعني هتعنسي
_تاليا:عَنس مع نفسك بقى لأنّي حابة أكوّن أسرة
_آسر بحدة:إن شاء الله تكوّني فى الأحلام، أنا قولتلك اعملي كُلّ اللى نفسك فيه بس أنا مراقبك علفكرة
_تاليا بحزم:ياريت منتكلمش تاني أنا تعبت منكم كُلّكم واقطعوا علاقتكم بيا
*بصلي بنظرات معرفتش أفسرها وبعدها مشي أنا حقيقي عايزة أبعد عنه وعن أخوه مبقتش مستحملة أى تعامل علطول بيعاملني بحدة بس عُدي كويس معايا مشكلته أنه حبّني وهيتوجع بسببي*
^^^^^^^^^^^^^^^^^^^^^^^^^^^^^
*جميعهم مجانين؛أنا العاقل فقط*
*صحيت بدري عشان ألحق الكُلية وكنت ماشية رايحة لجنينة لحد ما سمعت!!!*
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سراب)
