رواية سحر العيون الفصل الثاني 2 بقلم مروة حسن
رواية سحر العيون الجزء الثاني
رواية سحر العيون البارت الثاني
رواية سحر العيون الحلقة الثانية
وقفنا لما هشام كان بيدايق روح و روح مشيت براحه علشان ميحسش بعجزها لحد ما خبطت في حد واتخضت وغمضت عينيها احساس وحش لما تلقي نفسك مش شايف اي حاجه ومع ذلك مشيت
سليم : مش تحاسبي ولا انتي مش بتشوفي
روح : انا آسفه أنا آسفه مكنش قصدي والله وهيه منزله راسها في الأرض
هشام كان متابع من بعيد و مرضاش يدخل علشان عارف ان سليم هيطلعه غلطان
سليم : كلكم بتعملوا الحركات دي انا حافظها
روح : انا آسفه والله مكنش قصدي أصل أن… ولسه مكملتش كلامها
سليم : بلا أصل بلا فصل وسابها ومشي
وهيه مش عارفه تروح فين وبتعيط علشان حست بعجزها خايفه تتحرك تاني تخبط في حد ويجرحها زي سليم قعدت تحرك ايديها يمكن تلاقي حيطه تسند نفسها وشافها هشام واتصدم..
هشام في نفسه : اي ده دي طلعت مش بتشوف ازاي انا عملت كدا ازاي ماخدتش بالي ، ايه ده انت هتحن ولا ايه ي هشام انت نسيت اللي عملته فيك لاميس زمان كلهم زيي بعض هم للتسليه وبس……
اسيل جريت على روح
اسيل : روح روح مالك ي حبيبتي بتعيطي ليه وسيبتي و اتحركتي ليه من مكانك
روح ساكته و مش عارفه تتكلم من العياط
اسيل : طب اهدي تعالي نروح نقعد نشرب حاجه الدكتور بتاع المحاضره الاولي مش جاي النهارده
روح مشيت مع اسيل وبتحاول تهدى …….
##############@#
نروح لنهى اخت روح لبست ونزلت راحت الشركه اللي هتستلم فيها الشغل الجديد علشان تعرف تصرف عليها هيه واختها
نهى عندها ٢٦سنه تتميز ببشره بيضاء وعيون عسليه وجميله ولاكن ليس بجمال اختها متخرجه من كليه اداب وهيه شالت مسئوليه البيت بعد ما مات ابوهم وامهم ماتت و روح كان عندها 10 سنين وهم ملهومش غير بعض.
نهى اتقدملها كتير من بعد موت ابوها بس كل واحد فيهم مكنش عايز. يتحمل مسئوليه اختها الكفيفه فكانت بترفض اهم حاجه عندها اختها
نهى وصلت الشركه
نهى : لو سمحتي انا جايه استلم الشغل الجديد
ناديه السكرتيرة : اسمك ايه؟
نهى : اسمي نهى عبدالله
ناديه : طب استني هنا خمس دقايق
نهى : تمام.
ناديه خبطت و دخلت المكتب
ناديه : ادم بيه جلال بيه لسه موصلش والسكرتيره الجديده جت
ادم : دخليها وانا هشوفها وبعدين ابقي خديها فهميها الشغل
ناديه : تمام ي فندم
ناديه خرجت من المكتب
ناديه لنهى : ادخلي لادم بيه
نهى : حاضر
نهى خبطت ودخلت : السلام عليكم
ادم بيبص للورق الي قدامه : اتفضلي اقعدي
نهى وهيه بتقعد : شكرا ي فندم
ادم رفع عينه و انسحر بعيونها العسليه والبراءة اللي في وشها وقعد متنح فجمالها لدرجه خالها تدايق وتتكسف في نفس الوقت
نهى : ادم بيه ادم بيه
ادم : هااا اسمك ايه
نهى : نهى
ادم : بصي ي نهى جلال بيه اللي هتبقي السكرتيرة بتاعته لسه مجاش وهو عاده مش بيجي كتير علشان ابنه سليم هو الي ماسك الشغل بس هو دلوقتي في كليته
نهى : طب وانا هعمل ايه دلوقتي
ادم : هتروحي مع ناديه اللي بره وهيه هتفهمك الشغل ماشي ازاي لحد ما يجي جلال بيه أو سليم
نهى : تمام ي فندم
ادم وهو بيبص في عيونها : اتفضلي
نهى : شكرا لحضرتك وخرجت
ادم في نفسه : مالك ي ادم اول مره تشوف عيون عسلي بس غريبه عينيها فيهم سحر زي القمر بنت الايه
ونهى راحت مع ناديه علشان تفهمها الشغل ……
###############
في الكليه
اسيل قاعده مع روح بيتكلموا
اسيل : و الحيوان دا مش عارف ظروفك
روح : هيعرف منين ي اسيل وبعدين دا قال عليا مش بشوف وهو عنده حق
اسيل : ي حبيبتي دا شكله مغرور وفاكر انك بترمي نفسك عليه وهو مش عارف انك كفيفه
روح : خلاص ي اسيل انا كنت متوقعه انو هيحصل معايا كدا
اسيل : معلش ي حبيبتي طنشي كلي انتي مكلتيش حاجه
روح : مليش نفس
اسيل : علشان خاطري كلي انتي وعدتي اختك تأكلي
روح : حاضر
على تربيزه تانيه
محمود : مالك متعصب ليه
سليم : واحده خبطت فيا
محمود : وشكلها ايه ي معلم
سليم : أناا في ايه وانت في ايه وبعدين هيه كانت حاطه وشها في الأرض عملالي مكسوفه
محمود : ما يمكن فعلا تكون اتكسفت
سليم : سيبك منها دلوقتي علشان مش طايق اني اجيب سيره واحده أصلا
هشام : يعني انت مش عارف هيه مين
سليم : لأ شكلها سنه أولي ولسه بيتكلم راح شاف روح عرفها من فستانها
سليم : اهي اللي هناك دي
محمود : مش دي ي هشام اللي كنت بتعاكسها
سليم : انت عاكست البت دي ي هشام
هشام : اه عجبتني ملكش فيه
سليم : انا قولت برضوا البت دي رايحه ترمي نفسها على الناس
هشام : حرام عليك ي اخي مرديتش عليا ، هشام معرفش ليه بيدافع عليها مع انو عايز ينتقم من كل بنت شافها
سليم : دول حبتين ب…. لسه هيكمل شاف روح وهيه بتسند على اسيل علشان تمشي وعرف أنها عاميه وكانت الصدمه وافتكر لما قالها انها مش بتشوف وقد ايه جرحها وظلمها
هشام : سكت ليه انصدمت أنها عاميه مش كدا
محمود : أوبااا هيه طلعت عاميه صحيح الحلو ميكملش
هشام : فعلاااا
سليم قام وقعد يدور عليها وملقهاش وعرف أن سنه أولي عندهم محاضره و عاهد نفسه انو لازم يعتزرلها
روح واسيل خلصوا محاضرات
روح : يلااا نمشي انا مش طايقه الكليه
اسيل : حاضر ي حبيبتي
خرجوا واخدوا تاكسي
سليم خرج من محاضرته وقعد يدور عليها بس ملقهاش
هشام : مدورش مش موجوده مشيت هيه وصحبتها
سليم : عايز اعتزرلها انا غبي جرحتها
هشام : بكره بقى ابقى اعتزرلها
سليم : تمام انا رايح الشركه، سلام
هشام : سلام
##############
اسيل وصلت هيه و روح دخلتها البيت
روح : شكلها نهى لسه مجاتش من الشغل اه صحيح دي قالت هترجع بالليل
اسيل : اقعد معاكي لحد ما تيجي؟
روح : لأ ي حبيبتي انا هدخل انام
اسيل : لأ استني انا هحضرلك الغدا واكلك واتاكد انك نمتي وهنزل علشان متقعديش لوحدك وتخافي ومتعرفيش تنامي
روح بابتسامه : تسلميلي ي حبيبتي ربنا يخليكي ليا
اسيل : ويخليكي ليا ي قلبي
اسيل حضرت الاكل للروح واتاكدت أنها نامت ونزلت علشان ترجع البيت
################
وصل سليم الشركه واول ما دخل كانت كل العيون عليه منها خوف ومنها غيره ومنها هيام ومنها حب
اول ما دخل ناديه راحت وقفت وكذلك نهى مع أن نهى متعرفش مين بس قالت شكله حد مهم
سليم : ناديه ابعتيلي قهوه و جدول اجتماعات النهاردة
ناديه : حاضر ي فندم
سليم وهو بيبص على نهى
سليم : مين دي؟
ناديه : دي السكرتيرة الجديده بتاعت حضرتك
سليم : فهمتيها الشغل ماشي ازاي
ناديه : ايوه ي فندم
سليم : اللي سمعتيه بقوله لناديه اعمليه انتي مفهوم
نهى : مفهوم ي فندم
سليم سابهم ودخل المكتب
نهى : دا يخوف اوووي
ناديه : انتي لسه شوفتي حاجه
نهى : ربنا يسترها
ومشيت نهى علشان تنفذ الحاجات اللي أطلبت منها ودخلت مكتب سليم
نهى : اتفضل ي فندم القهوه و الملف
سليم : اتفضلي انتي وجهزي ملفات شركه ادهم للدخان علشان عندنا الاجتماع
نهى : حاضر ي فندم
ادم بيسال نهى
ادم : سليم جه
نهى : ايوه ي فندم
ادم قعد يبص عليها وهيه لاحظت كدا اتكسفت ونزلت راسها في الورق
ادم اتحرج ودخل لسليم
ادم : اذيك ي سليم
سليم : اهلا ادم عامل ايه
ادم : تمام طول مانتا بتجيب بنات حلوه كدا
سليم باستغراب : انت بتقول ايه بنات مين
ادم : انا قصدي السكرتيرة بره البت قمر
سليم : ادم اتلم وملكش دعوه بيها
ادم بتفكير : هحاول
سليم سكت
نهى بره كانت قاعده بتجهز الورق بتاع الاجتماع بيدخل عليها واحد وبيبص عليها جامد وهيه مش واخده بالها
ادهم : ازيك ي قمر
نهى ادايقت : نعم !!!!!
ادهم : ايه ي حلوه بقولك ازيك شكلك جديده هنا
نهى : حضرتك انت في شركه محترمه ياريت تحترم نفسك
ادهم بضيق : انتي قصدك ان انا مش محترم انتي شكلك عايزه تتربي وقرب عليها وهيه خافت وبص في عينيها وحس بحاجه غريبه
ادهم بدون وعي : انتي ازاي حلوه كدا
نهى بخوف : لو سمحت ابعد ميصحش كدا
بس بيخرج ادم وسليم من اوضه المكتب فجاه وادم بيتفاجأ بالي بيشوفه وبيدايق وهو مش عارف السبب
ادم : ايه دا انت مقرب عليها كدا ليه ي ادهم وانتي ازاي سمحاله بكدا
نهى : والله ي فند….. لسه هتكلم راح قاطعها ادهم
ادهم : ايه يعني مش لازم نتعرف على السكرتيره الجديده بس ايه ي سليم زوقك المرادي في الجون وقعد يبص ل نهى من فوق لتحت
ادم اتعصب: اتلم ي ادهم وملكش دعوه بيها فاهم
ادهم باستفزاز : هيه لحقت علقتك ولا ايه ي ادم
ادم مقدرش يستحمل كلامه راح ضربه بونيه في وشه ……
###################
في مكان تاني واحد بيتكلم في الفون مع حد هنعرف هو مين بعدين
الشخص ١: هاا ايه الاخبار
الشخص ٢: تمام هيه لوحدها في البيت
الشخص ١: واختها ؟
الشخص ٢ :في الشغل
الشخص ١ بابتسامه شر : تمام وقفل معاه
الشخص يكلم نفسه: اخيرا هتبقي ليا ي روح واختك اللي منعاني عنك مش موجوده وانتي لا حول لكي ولا قوه وقعد يضحك …………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سحر العيون)
