رواية سجينتي فتاة الفصل الثامن والعشرون 28 بقلم أميرة مراد

رواية سجينتي فتاة الجزء الثامن والعشرون

رواية سجينتي فتاة البارت الثامن والعشرون

رواية سجينتي فتاة الحلقة الثامنة والعشرون

فتحت نور الباب
لارا :مش ده بيت كريم
نور بإستغراب:اه
لارا:هو كريم هنا
نور بإستغراب :اه
لارا بتكبر:طب ابعد من طريقي ايه دا
ودخلت .
تمتمت نور بصوت منخفض وهي تغلق الباب :هو كريم كل اصحابه كدا بنات
عندما وجد كريم لارا امامه عرفه انه الان في مصيبة كبيرة جدا
لارا :كريم الف سلامة عليك يا قطة ، كده خوفتني عليك
اه بالمناسبة مين الاخ ده ، ده صديق السكن ؟؛
كريم:ده ….ابتلع لعابة الذي علق في حلقه
جومانه بإستغراب:انتي جيتي ليه ؟!
لارا :مش بطمن علي كريم ، في مشكله
جومانه بغيره فهي قد تنفجر غيره من نور ولارا فهي تعشق كريم ،لكن كريم لا يبادرها نفس الشعور :لا
ونظروا الاثنتان الي كريم لينتظرو اجابة منه علي اسئلته
نظر كريم لهم بتوتر ولكن اكتفي بالصراخ لينسوا الامر
كريم :ااااااه يا ايدي ااااه بتوجع
سارعا الاثنتان عليه ليروا ما به
جومانه ولارا :كريم مالك
نظرا الاثنتان لبعضهم بغيره
كريم :ايدي وجعاني اوي ، معلش ممكن تسبوني لوحدى النهاردة .
جومانة وهي تحاول كبح حزنها :زي ما تحب انا كنت جاية اطمن عليك ، هجيلك بكره ، مش يلا يالارا
لارا :انا لسة جاية ،امشي انتي
جومانه:بيقولك تعبان ايه مفيش دم
لارا:خلاص جاية اهو ، سلام يا كيمو هجيلك بكره بقا ان شاءالله
وتوجهتا الي باب المنزل ، خرجت لارا في البداية لكن جومانه وقفت امام نور وقالت لها :مش يلا انتي كمان ولا ايه ؟!
نور بتوتر :انا ….انا
وضعت جومانه يدها علي خصرها وقالت:انتي ايه
رد كريم مسرعا :هي كمان هتمشي دلوقتي
جومانه :خلاص هستناها
بدأ كريم بالتعرق من كتر التوتر ان فضح سر نور وانه ولد وان كريم هو من قام بالخطة يمكن ان يخسر عمله الوحيد مصدر رزقه ،او الاسوأ وان جومانه ستبدا بملاحقته مرة اخري ، يا لهذه المصيبة لا وقت لهذه الافكار الغبية الان
كريم وهو يبتلع لعابه :هي قاعده مستنية اخوها جاي في الطريق
جومانه :نظرت الي كريم بشك ثم قالت :تمام
سلام .

بعدما اغلقت نور الباب تنهد كريم واردف قائلا الحمدلله عدت علي خير
نور :انا مش عارفة انت عملت كده ليه يا كريم دي شكلها بتحبك
كريم :عارف
نور:طب ايه المشكله
كريم :مش عارفه قلبي رافض يحبها ، شوف هي فين وانا فين .
نور :فرق الاجتماعي مش مهم
كريم :لا مهم ، وبعدين مش حاسس ان دي ال ربنا خلقها ليا .
نور :طب والبت التانية
كريم :يا ساتر يارب افتكر حاجة عدله ، انا عايز انا مش فاضي لوجع الدماغ ده
نور :خلاص متتعصبش ، تصبح على خير
كريم :وانت من اهل الخير
……… ……….. ………….
تقف فتاه جميلة في شرفة منزلها تبكي وتتوسل الله ان يحمي اختها في هذه العالم الظالم
ملك والحزن يملأ قلبها :يا تري روحتي فين يا نور ، وعاملة ايه دلوقتي ، وعايشة ازاي ، انا قلبي وجعني اوي عليكي ، مش عارفه ليه مش مطمنة .
داخل الڤلا ~
ولاء :ها يا هشام عدي اربع شهور والبت مختفية ، هنعمل ايه
هشام :منا بدور عليها ،كأنها فص ملح وداب ،اختفت
ولاء :والحل ،دي ممكن تضيع علينا كل ال بنعمله
هشام :مفيش غير حل واحد هو ال اتبقي
ولاء:ايه هو
هشام:نبلغ الشرطة
ولاء وعلامات الصدمة اعتلت ملامحها :الشرطة
هشام :اه ،الشرطة عندك حل غيره
ولاء :وافرض اتفضحنا ، هنعمل ايه
هشام :متخافيش ، انا مش محامي صغير
ولاء:هتعمل ايه
هشام :اسمعي………
نترك الاثنان في التخطيط وننتقل الي نور وعذابها مع كريم وذراعه المكسور
سمع كريم صوت جرس الباب
كريم بتوتر :نور قوم ..قوم بسرعة
نور بفزع :ايه في ايه
امسك كريم بذراع نور بيده السليمه وجذبه ناحيته وقال :انت لسة هتقول ايه ..قوم بسرعة اخلص
نور :براحة هقع من علي السرير
كريم :اخلص
اخذ كريم نور وحبسه في المرحاض وقال :خليك جوه ،متطلعش غير لما افتحلك انا الباب
انصت نور الي كلام كريم وهو لا يفهم شيء مما قاله :طيب
ذهب كريم ليفتح الباب ووجد امامه جومانه
كريم :ازيك يا جومانة
دخلت جومانه واخذت تتفحص المنزل بعينيها : الحمدلله
اومال فين نور
كريم وهو يحاول اخفاء توتره :نور؟! هتيجي ليه في الوقت دا …ق …قصدي هتيجي ليه دلوقتي ؟!
جومانه:يعني تزورك
كريم :بس مش بدري كده ، ….تعالي اقعدي
جومانه :المهم انت عامل ايه دلوقتي
كريم :الحمدلله بخير، احسن من الاول
جومانه وهي تتلفت في الشقة :اول مرة اعرف ان الولاد لما بيقعدوا لوحدهم شقتهم بتبقي نظيفة كدا
كريم وهو مستغرب من كلامها : ليه حد قالك ان احنا معفنين
جومانه وهي تزال تفتش بشقة كريم :لا هي معروفة اصلا
كريم :نعم ؟!
انتبهت جومانه الي كلامها :لا لا مش قصدي وضحكت ضحكة بلهاء
استغرب كريم من جومانه لماذا تفتش في الشقة هكذا ؟!
كريم :انتي بدوري علي حاجة
جومانه بتوتر :لا لا بدور علي ايه يعني
ولكن في بالحقيقة تبحث عن نور او اي شيء يخصها ، لانها تشك بأنها تعيش مع كريم بعدما وجدتها بالامس مرتدية ملابسه
في المرحاض~
تجلس نور علي طرف البانيو :اوف بقي انا بقالي فترة في الحمام ،وهو مستمتع بره ، انا كده ممكن اتلبس
نفضت نور هذه الافكار من رأسها :لا لا انا بقول ايه ، متفكريش يا دماغي متفكريش ، انا في بيت العفريت اصلا
وبدا ملامح الخوف تظهر علي وجهها
نور :لا لا انا هفكر بحاجة تانية احس ليا ، ٱاه الاعدة هنا مش مريحة خالص
كادت نور ان تظبط جلستها واذ بها تسقط داخل البانيو وينصدم رأسها بالحائط
وضعت نور يداها علي فمها كي لا تصدر صوت لكنها تألمت بشدة
انتبه كريم وجومانه الي الصوت
جومانه :ايه الصوت دا
كريم بتوتر :دا تلاقيه حاجة وقت عادي ،ممكن اكون مش حطتها كويس فوقعت عادي بتحصل
جومانه وهي تنظر ناحية المرحاض:لا الصوت كان قوي مش ممكن تكون حاجة وقعت
نهضت جومانه ناحية المرحاض وامسكت بذراع الباب
كريم والدماء هربت منه :لا….مش مهم
لكن جومانه لم تستمع ليه
وفي الناحية الاخري نور تصرخ في داخلها من كتر الالم فالوقعة لم تكن هينة البته
فتحت جومانه الباب فتحة صغيره واذ بالهاتف يرن فجأه
لتترك جومانه الباب وتتجه نحو الهاتف لتجيب عليه
تنفس كريم بصعوبه فقد كان يموت رعبًا ونهض مسرعًا يغلق الباب مره اخري
جومانه بعد ان انتهت من مكالمتها :سلام يا كريم انا لازم امشي دلوقتي
كريم والسعادة تغمره ولكنه حاول عدم اظهارها :سلام
غادت جومانه وفور اغلاق الباب توجه كريم مسرعا الي باب المرحاض وفتحه
كريم بغضب :مش قولتلك متعملش صوت
نهض نور من مكانه وهو ممسكا بظهره وباليد الاخري ممسكا بها رأسه
استغرب كريم من منظر نور :مالك في ايه
نور وهي تحاول منع دموعها من النزول :وقعت حته دين واقعه
كريم :هو الصوت دا كان صوت وقعتك هههههه خلاص معلش تعالي
نور وهي تنظر الي كريم بغيظ :اضحك ، اضحك
كريم :خلاص معلش
وبعد مرور ساعة اذ بجرس الباب يرن مرة اخري
ذهبت نور ناحية الباب لتفتح ولكن اوقفها كريم
كريم :استني
هبت به نور مره واحده :لا لا مش هروح في حته كفاية ال حصلي من وراك ، دماغي وظهري لسة وجعني ،اسكت بقا وانا ال هفتح
انصدم كريم منها فهي هبت به دون سابق انذار تراجع كريم وقال:م..ماشي متزعقش
فتحت نور لتجد امامها لارا
دخلت لارا دون القاء اي تحية علي نور
وتوجهت فورا ناحية كريم
لارا:كيمو عامل ايه دلوقتي ؟!
كريم: الحمدلله احسن
لارا: الحمدلله
ولا حظت نظرات نور اليها فهي فكرت ان نور معجب بها
ولكن في الحقيقة كانت نور تسُبها داخل عقلها
لارا :في حاجه
انتبهت نور انها تنظر اليها :لا مفيش
لارا:بحسب
………. …………..
هشام :فهتي
ولاء:طب والتزويل ده هياخد وقت طويل
هشام :عبال لما اخلص كل الورق ممكن يكون شهر كده
ولاء:تمام
…….. ………………
في اليوم التالي ~
كريم وهو يحدث جومانه:مش قادر خالص ، زائد الشغل في شيل كتير وانتي عارفة دراعي مكسور
جومانه:طب والحل
كريم :مش عارف
كانت نور جالستًا معهم وتدخلت في الحديث وقالت :انا ممكن اشتغل مكانك
نظرا الاثنان اليها
وقال كريم :فكره حلوة
ردت جومانه :لا فكره وحشه
نظرا اليها كريم :ليه بس
جومانه :كدا ، شكلها اصلا معندهاش خبره في الشغل
ردت نور :لا علفكره انا خدت خبره لما اشتغلت مع حداد
جومانه بصدمه :ايه؟!
صُعِق كريم من رد نور ولكن حاول تصليح الامر :ههههه
دمكِ خفيف يا نور ، هي مش قصدها كده ، هي كانت بتساعد اخوها بس في حجات بسيطه صح يا نور ونغزها في جانبها
نور بتوتر :ٱه ٱه دا قصدي
كريم :خليها تشتغل عبال لما اخف واخد مكانها
جومانه بإستسلام :خلاص بس لفتره صغيره
فرحت نور كثيرا لانها ستعمل من جديد .
جومانه :يلا البسي عشان هتبدأي النهاردة
نظرت نور الي ملابسها وقالت:ما انا لابسه اهو
فتحت جومانه فمها ونظرت الي نور من الاعلي الي الاسفل وقالت لها :انتي هتمشي كده
نور:اه ايه يعني
نظرت جومانه بغضب الي كريم
حاول كريم ان تلطيف الوضع
كريم :معلش هو استايل لبسها كده ، بتحب تلبس واسع
جومانه :يارب صبرك
قدامي
نور بسعادة مع السلامة يا كريم
ابتسم لها كريم ولوح بيداه