رواية سجينة ولكن الفصل الثاني 2 بقلم ندا

رواية سجينة ولكن الجزء الثاني

رواية سجينة ولكن البارت الثاني

رواية سجينة ولكن الحلقة الثانية

دخلت الحجز وهي بتبص حواليها وخافت لما شافت بنات كتير اوي بس شكلهم ميدلش انهم ممكن يكونوا مظلومين قعدت في مكان لوحدها بعيد عن الكل وهما كانوا بيبصلها باستغراب وهي كانت بتبادلهم نظرات خوف وحدة منهم اتكلمت معاها وقالت :هو في اي ي حلوة مالك خايفة كدة ليه هو هنعضك
ردت بخوف :لو سمحتي ابعدي عني
المرأة :ابعد عنك هو انا بتلزق فيكي ي حبيبتي ما تتكلمي عدل احسنلك
البنت :انا مقولتش حاجة
اتكلمت وحدة تانية وهي بتقرب منها والبنت كانت بتبعد اكتر لحد ما وصلت للحيطة
اتكلمت المرأة بضحك :القمر خايف ليه انا مش باكل بني ادمين انتي جاية هنا ليه
مردتش عليها ودا خلي اللي قدامها تحس بغضب منها وهي مكنش في دماغها الا حاجة وحدة هي هتقدر تقعد معاهم ازاي هنا
المرأة :هو انا هسحب الكلام منك ي حلوة ما تنطقي وتقولي انتي جاية هنا ليه
البنت :جريمة قتل
المرأة :دا انتي طلعتي شرسة بقي ويتخاف منك جريمة قتل مرة وحدة
البنت :مظلومه والله انا معملتش حاجه ولا قتلت حد
ردت واحده تالته عليها وقالت :هو احنا يعني اللي كنا قتالين قتله ولا حراميه ما احنا كلنا مظلومين
سمعوا كلهم صوت من ورا خالص كانت واحده وهي بتزعق وبتقول :جرا ايه ي مره منك ليها انتم كلكم اتلميتوا على البت محدش معاها كلكم عليها ما تبعدوا عنها كده وتسيبوها ترتاحلها شويه
المراه :ده احنا بس كنا بنشوف هي جايه هنا ليه يا معلمه
قربت المعلمة منها ونزلت لمستواها وقالت : عيني عليكي يا ضنايا ده انتي باين عليكي لسه بكرتونتك
بصت لهم كلهم وقالت بصوت عالي :يلا كل وحدة فيكم تنجر وتشوف هي كانت بتعمل ايه بسرعه
بعد كل اللي كانوا موجودين بخوف منها وكل واحده انشغلت في حاجه اما هي قربت منها وقالت :متخافيش ي حبيبتي قوليلي بقى انت بتقولي انت جايه في ايه
البنت :اتهموني بجريمه قتل
المعلمه :ده انتي باين عليكي متقدريش تموتي صورصار هتقتلي بني ادم ازاي
البنت :مظلومه والله انا مقتلتش حد هما اللي اتهموني وقالوا اني موته بس انا مستحيل اعمل كده
المعلمه :باين عليكي فعلا انك مظلومه
البنت :بس هما مش مصدقني كلهم بقوا عليا ومفيش حد واقف معايا
المعلمه :بدال انا معاكي متخافيش انا هعرف اتصرف
البنت :بس انا خايفه ليحبسوني
المعلمه :متقلقيش سيبي الموضوع ده عليا وانا هعرف اجيبلك نهايته وهعرف اثبت براءتك
البنت :بس انا مش هقدر اثبت براءتي طول ما انا جوه هنا
المعلمه ةانا اقدر اخرجك من هنا بس تقوليلي الحكايه من الاول وتفهميني كل حاجه واكون راسية على الموضوع من الاول
البنت ىبجد هتقدري تخرجيني من هنا
المعلمه :قلتلك سيبي كل حاجه عليا وانا هتصرف
ياتري هتقدر تخرج!?
وهتثبت براءتها وللا لا!?
وهتخرج من السجن ازاي!