رواية سجينة ولكن الفصل الثالث 3 بقلم ندا
رواية سجينة ولكن الجزء الثالث
رواية سجينة ولكن البارت الثالث
رواية سجينة ولكن الحلقة الثالثة
كانت البنت قاعدة مع المعلمة وبتفهم منها هتخرجها ازاي من غير ما حد يعرف خافت اول ما سمعتها بتقول انها هتهربها
البنت :اهرب لا انا اخاف لو مسكوني كدة هتثبت عليا التهمة اكتر
المعلمة :متكبريش دماغك انا ههربك ومتظهريش وحذاري انك تتمسكي لوقت ما تلاقي دليل يخرجك من هنا والا انتي حابة تشرفي في السجن علي طول
البنت :لا انا عاوزة اخرج
المعلمة :يبقي كلامي يتسمع انا هظبطلك الامور وانتي لما تهربي هيكون في حد تبعي معاكي دايما تفضلي معاه هو هيقدر يحميكي
المعلمة :طب وانتي
المعلمة :انا اي انا لو حابة اخرج من هنا دلوقتي هخرج بس انا كدة كدة ضامنة البراءة وهطلع عن قريب كلها ايام خليكي انتي مع الشخص دا وانا اول ما هطلع هجيلك ووقتها انا وانتي هنقدر نظهر براءتك
البنت :بس انا
المعلمة :انتي اي اسمعي الكلام وبس
البنت :بس انتي بتعملي معايا كدة ليه مش ممكن اكون بضحك عليكي ودا كله تمثيل
المعلمة :محدش يقدر يضحك علي المعلمة انا اعرف الواحد من بصة وانتي باين عليكي انك بريئة وعشان كدة هساعدك
البنت :شكرا ليكي بجد
المعلمة :انتي اسمك اي من الحق
البنت :دهب اسمي دهب
المعلمة :اسمك حلو ي بت وطول ما انتي معايا حياتك هتحلو متخافيش
دهب :انا خايفة بجد بس هحط ثقتي فيكي وفي ربنا اللي عالم اني مظلومة
**************************************
عدي كذا يوم وجه يوم عرضها علي النيابة وهو اليوم المخطط فيه انها تهرب كانت متوترة وخايفة انها تتمسك وقتها هتثبت التهمة علي نفسها بس افتكرت كلام المعلمة وشجعت نفسها
حدث كل ما هو مخطط له وقدرت تهرب وكان معاها شاب عرفت انه اللي قالت عليه المعلمة اخدها وراحوا لمكان خافت لان المكان كان مهجور وكانت بتبص حواليها بخوف شديد ظهر علي ملامحها
الشاب :مالك خايفة ليه ما طبيعي انك تيجي في مكان زي دا انتي ناسية انك هربانة من البوليس لازم تقعدي في مكان محدش يلاقيكي فيه
اقتنعت دهب بكلامه وحست بارتياح شوية والخوف بدأ يزول من قلبها
دهب :طب والمعلمة هتخرج امتي هي قالت انها هتخرج
الشاب :المعلمة ميتخافش عليها يتخاف منها بس وهي كلها يوم وهتلاقيها خارجة خليكي انتي هنا واسمعي الكلام
************************************
وصل الخبر لقسم الشرطة اللي اتقلب تماما عشان يلاقوا المسجونة اللي هربت وكان الظابط المسؤول عنها حاسس بغضب شديد
الظابط :انتوا كنتم فين لما هربت ازاي تقدر تهرب منكم
العسكري :ي باشا احنا
الظابط :متتكلمش خليني اشوف حل للمصيبة دي والله انا اول ما شوفتها حسيت ان رفدي علي ايدها
*************************************
جوة في الحبس كانت المعلمة قاعدة وهي مبتسمة لانها عرفت انها نجحت في هروبها اول ما شافت الدنيا اللي اتقلبت دي
المعلمة :لا جدعة ي بت قدرتي تعمليها اهو كدة نبتدي الشغل علي نظافة
ياتري اي اللي هيحصل لدهب!?
والشرطة هتلاقيها واللا لا!?
وهتعمل اي بعد ما قدرت تهرب!?
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية سجينة ولكن)
