رواية سجينة مع وقف التنفيذ الفصل السادس عشر 16 بقلم أميرة أسامة
رواية سجينة مع وقف التنفيذ الجزء السادس عشر
رواية سجينة مع وقف التنفيذ البارت السادس عشر
رواية سجينة مع وقف التنفيذ الحلقة السادسة عشر
طلعت عاليا وناصر بعد ما ركنت العربيه كانت شايله الشنط هي وهو
خبطت عاليا عالباب.
سيف….يا ختييييي دول باينهم جم بقول ايه في اي ريحه باينه.
ريم…بضحك هي متحرقتش هتيجي الريحه منين.
سيف….ما المصيبه انها متحرقتش لو كانت أتحرقت كانت هتبقي حجه اقول نستها وانا بتكلم معاكم 😭🙆♀️
ريم…بضحك روح افتح بدل ما يقلقوا.
راح سيف فتح وهو بيحك مقدمه انفه بارتباك
فتح وهو مبتسم….ايه ده انتوا جيتوا🙄
عاليا….لا لسه شويه 😂 ايه الروايح الحلوه دي شكلك بدعت في المطبخ انهارده.
كتمت ريم ومرعي ضحكهم وهما بيبصوا لبعض.
سيف…في سره يا ختيييييي🤦
ناصر….وسع شويه مش قادر اقف.
سيف….شكلك تعبان اوي حاسس انك ثانيه بالظبط وهتنام في وسط الصاله.
ناصر…..سيف والنبي فنجان قهوه بسرعه.
مرعي….مابلاش سيف تعب كتير في المطبخ😂
سيف…😒😒😒تعبه راحه ياعم مرعي واهدي شويه هاا اهدي😒
عاليا….ريم حبيبتي انتي كويسه.
ريم…بأبتسامه الحمد لله يا حبيبتي
عاليا…اتأخرت عليكي؟
ريم…لا خالص انتوا مخدتوش وقت.
عاليا….جبتلك كل حاجه نقصاكي
ريم….تسلم ايدك يا حبيبتي شكراً يا استاذ ناصر تعبتك والله.
ناصر…بأبتسامه تعبك راحه يا ريم راجعي الحاجه مع عاليا لو ناقصك حاجه تاني نجبها بكره.
ريم….تسلم ايدكم واضح ان عاليا منستش اي حاجه.
عاليا….ساعدتي سيف.
سيف…..احممممم ما تدخلي الشنط جوه يا عاليا عشان تفرجي ريم وتشوف لو حاجه نقصاها🙄
ضحكت ريم غصب عنها لما حست انه بيتوه عشان ينسوا حوار الكنافه.
ناصر….يا ابني بطل رغي شويه وروح اعمل القهوه دماغي هتنفجر.
سيف….طبعا طبعا
عاليا….بضحك فين الكنافه يا سيف وريني كده ابداعك😂
سيف…..كان نفسي والله يا عاليا بس للأسف ريم وعم مرعي كلوها كلها كان نفسي أدوقك انتي وناصر عشان أعرفكم اني علمت عليكم بس كان ناقص يلحسوا الصنيه من جمالها وبعدين بسم الله ماشاء الله ريم كان شكلها مكلتش كنافه قبل كده نسفت الصنيه🙄
بصتله ريم وهي مبرقه😳
بصلها سيف برجاء متفضحهوش كتمت ضحكها وسكتت.
عاليا….ريم كلت صنيه الكنافه😳
دي ريم ملهاش في الحلو اوي حتي.
سيف…هو اي حد يعمل حلو ولا ايه وبعدين شكلكم كنتوا مجوعنها
ريم….🙈🙈
ناصر…وهو نايم علي نفسه😴 أقطع دراعي ان مكانت طلعت شكل وشه.
سيف….اهو ده بقي ياعم مرعي من بتوع أعداء النجاح متغلظ طبعاً شايف اني علمت عليه.
ناصر….روح اعمل القهوه يلا يا بني ادم .
عاليا…بضحك انا هعملها عمو مرعي تشرب حاجه حضرتك او سيف.
سيف…لا احنا يادوب ننزل نروح نشوف حوار السفر ده هغير بس التيشرت واجيلك يا عم مرعي
مرعي….ماشي يا ولدي.
دخلت عاليا تعمل القهوه ولمحت آثار فتافيت للكنافه عالباسكت
راحت تنضفها عشان متلمش نمل واتفاجئت بالكنافه جوه الباسكت
خرج سيف في الوقت ده انا جاهز يا عم مرعي.
عاليا….بضحك ايه اللي جاب الكنافه دي في الباسكت يا سيف
ضحكت ريم ومرعي اما سيف كان باصصلهم بغيظ
ناصر….مش انا قولت أقطع دراعي ان مكانت شكل وشه.
سيف…علي فكره بقي عينك شرقت وباظت مني.
عاليا….بضحك طيب رمتها ليه بس والله واضح ان لونها كان حلو وريحتها كنان جميله
سيف….هي لونها حلو فعلا🥴
وريحتها حلوه بس البقسماط بالنسبالها أطري من حياتي🙈
عاليا….😂تقصد طلعت ناشفه.
مرعي….ناشفه بس دي الصنيه كانت أطري منيها😂
ضحك اوكلهم علي مرعي اما سيف فا بصلهم بغيظ علي فكره بقي شرف التجربه يكفيني
عاليا….طيب هي ايه اللي نشفها كده.
سيف….وربنا ما أعرف المشكله اني حبيت ارميها عشان متكتشفوش الجريمه بس الكنافه مكانتش موافقه تترمي 😂🙈
حجمها اكبر من الباسكت ومش راضيه تترمي😂ولا تتكسر
ضحكوا عليه كلهم.
عاليا….خلاص متزعلش نفسك كفايه انك حاولت فعلا المره الجايه هخليك تقف جمبي وانا بعملها.
سيف…اهو ده الكلام
وقف ناصر بإرهاق مرعي تعالي ورايا عايزك في كلمتين.
مرعي….عيني.
راح مرعي وراه وبصت عاليا وسيف لبعض بقلق.
سيف….في ايه هو عايز مرعي ليه؟
عاليا…..والله ما عارفه يا سيف خايفه يكون بيفكر في حاجه او عرف حاجه.
سيف…هيكون عرف ايه بس هو جاله تليفون وهو معاكي.
عاليا….لا خالص.
سيف….ممكن يكون هيقوله علي اللي هو عايزه.
عاليا….مش عارفه؟
بصوا علي ريم لقوها نايمه وهي قاعده راحت عليها عاليا صحتها بهدوء ودخلتها أوضتها.
…………
دخل ناصر الاوضه ودخل وراه مرعي وقفل الباب.
مرعي….خير يا ولدي.
ناصر….أجعد يا مرعي.
مرعي….أديني جعدت خير في ايه
ناصر….مرعي ان شاء الله سيف يلاجيلك تذكره وتسافر عايزك يا مرعي اول حاچه تشوف الارض وتشرف بروحك علي تسليم الزرعه المفروض معادها بكره
مرعي….ماشي من عيني.
ناصر…..تشوفلي البلد فيها حاچه ولا لاه اطمن بروحك يا مرعي ان مفيش أي جلج وكل حاچه كيف ما سبتها وعموما خليل بيه موصي ناس هناك يطمنوا بروحهم أول بأول علي كل حاچه بس اني رايدك بنفسك تطمن وزتطمني.
مرعي…ماشي ياولدي بس سيبك من كل ده أني مستني اللي في چوفك يا ناصر بتفكر في ايه
بصله ناصر بهدوء اني خابر أنك هتتعب شويه في السفريه دي يا مرعي عشان عايزك اول ما توصل تعمل كل اللي جولتلك عليه وترچع تاخد عربيه علي وتاچي طوالي متجعدش في البلد بعد ما تطمن بس وانت راچع يا مرعي متچايش لحالك
بصله مرعي بأستفسار؟؟
مرعي….تجصد ايه بمتاچيش لحالك؟
ناصر….من غير ما تعارضني يا مرعي ولا تجول جدام سيف عايزك تچيب معاك اربع رچاله من رچالتنا وعايز سلاح لما تعاود بيهم إهنه هتكلمني طوالي هجابلك وهكون مچهزلهم مكان يجعدوا فيه.
مرعي…بقلق ناوي علي ايه ياولدي
ناصر….هچيب حج أخوي يا مرعي هجلب الدنيا علي الكلب اللي غدر بأخوي بس كمان لازم اكون مطمن ولازماً واحد من الرچاله يكون إهنه ما يفارجش البيت عشان ابجي مطمن علي البنات.
مرعي…بلاش يا ناصر ياولدي طول عمري بطاوعك في اي حاچه إلا انك تآذي حالك يا ابني كفايه علي راح منينا يا ناصر عايز انت كمان تروح و تهملنا انت مخابرش كام نفر متعلج في رجبتك وعلي كتفك مخابرش انت ايه عند ناس كتير.
ناصر….رايدني أهمل حج اخوي يا مرعي.؟ حج علي؟ هيهون عليك يا مرعي؟
مرعي…بغضب بسيط ولأول مره يلمح ناصر عيونه تدمع لاه مهاينش عليا يا ناصر علي جسم ضهرنا كلنا بس كمان اني ممستغنيش عنيك ليه تضيع روحك يا ولدي والدليل معاك ليه منشف راسك إكده اني كبرت يا ناصر ومبجيتش متحمل أي وچع مههملكش تآذي حالك طول عمري ما بتنيلكش كلمه بس المرادي لاه
حتي لو اضطريت اني اخد حج علي بروحي بس انت ميصيبكش مكروه يا ولدي.
ناصر….متخافش يا مرعي صدجني اني خابر زين اللي هعمله حج علي هيرچع واني مهيحصليش حاچه وكمل بنبره حزن ريحني يامرعي ده انت اكتر حد خابر وچعي.💔
مرعي…بحزن هريحك يا ولدي وهعمل اللي جولتلي عليه بس أعمل حسابك وجت الچد مهسيبكش تآذي حالك فاهم يا ناصر انت وسيف اللي باجينلي انتوا راس مالي في الدنيا وهحافظ عليكم لاخر نفس.
طبطب ناصر علي كتفه وباس راسه. ربنا يخليك لينا يا مرعي.
يلا جوم عشان متعوجش هتوصل بإذن الله علي طلعه الصبح تخلص كل حاچه وبليل تتحرك من البلد وهتوصل بعد بكره و هجول لستي تحضرلك حاچه عاليا تچيبها معاك وانت چاي.
مرعي….ماشي يا ولدي أشوفك بخير اوعدني يا ناصر متعملش اي حاچه لحد ما أچيلك يا ولدي.
ناصر…اوعدك يا مرعي.
مرعي….اشوفك بخير يا ولدي سلام عليكم.
ناصر…عليكم السلام.
بمجرد ما خرج مرعي فرد ناصر جسمه بتعب عالسرير وهو بلبسه وراح في النوم بسرعه.
……….
خرج مرعي لسيف.
مرعي…يلا ياولدي اني چاهز
سيف…كان عايز ايه؟
عاليا….قالك ايه يا عمو مرعي.
مرعي….ولا حاچه يا ولاد بيفهمني اعمل ايه في تسليم الزرعه وعايزني اطمن بروحي عالبلد اطمنوا مفيش حاچه عفشه.
عاليا….الحمد لله.
سيف ….طيب يلا عشان منتأخرش عاليا اقفلوا ورانا علي طول خدوا بالكم من نفسكم هوصل مرعي ده لو لقينا في سفر فعلا وهروح علي المكتب بتاعي شويه وهرجع تاني لو احتجتي اي حاجه كلميني.
عاليا….ماشي يا سيف توصل بالسلامه يا عمو مرعي خلي بالك من نفسك.
مرعي…ربنا يسترها يا بتي يلا بالإذن سلام عليكم
عاليا….عليكم السلام.
…………..
دخلت عاليا لقت فنجان القهوه نسيت تديه لناصر راحت علي طول خبطت علي الاوضه براحه كذا مره لما مردش فتحت الباب بهدوء إتفاجئت بيه رايح في النوم
خرجت وقفلت وراها تاني و سابته نايم
…………
وصل سيف ومرعي لمحطه القطار
دخل سيف وعرف ان في قطر لقنا كمان ساعه حجز لمرعي وفضل معاه لحد ما جه القطر.
مرعي….اشوفك بخير يا ولدي.
سيف…توصل بالسلامه يا عم مرعي هبقي اطمن عليك كل شويه لحد ما توصل السلام امامه لستي
مرعي…يوصل ان شاء الله ماهعوجش عليكم.
سيف….ان شاء الله تيجي بالسلامه يارب.
ركب مرعي القطر و سابه سيف ومشي راح علي المكتب بتاع الصرافه يشوف شغله.
عدت الساعات ورجع سيف حضرت عاليا السحور وبدأت في تولي مسؤوليه الجميع.
ناصر…مرضيش يصحي ابدا كان فاصل ومش دريان بأي حاجه
سابوه ينام ويرتاح و اتسحروا هما وبعد شويه دخل الجميع ينام.
في صباح يوم جديد صحيت عاليا فطرت ريم وادتها العلاج
فضل سيف وناصر نايمين.
وهي واقفه في المطبخ بتجهز الفطار قررت ميجيبوش اكل جاهز وتتصرف هي من الحاجه اللي جابها سيف.
علي العصر صحي سيف وخرج من الاوضه بتاعته راح غسل وشه وأتوضي عشان يصلي راح علي المطبخ لما سمع صوت.
سيف…..الله الله ايه النشاط ده كله بس و الروايح الحلوه دي.
عاليا…بأبتسامه هاديه صباح الخير
سيف….صباح النور انتي بتعملي ايه.
عاليا…مفيش صحيت من بدري و لقيتكم كلكم نايمين فطرت ريم و ادتها العلاج ورجعت نامت تاني لقيت نفسي بدخل المطبخ اسلي نفسي وعملت الفطار قبل ما دكتور عمر يجي.
سيف….طيب تعبتي نفسك ليه بس انا صحيت عشان انزل اجيب الفطار
عاليا….تعب ايه بس انا اصلا بحب المطبخ واديني بسلي صيامي وبعدين انت مزهقتش من اكل الشارع كمان انت قولت ناصر مش بيحب اكل الشارع فا تعملوا حسابكم بقي طول ما انا موجوده معاكم الفتره دي انا اللي هعمل الاكل وهتولي مسؤوليتكم كمان😂
سيف…والله انا عن نفسي مبسوط وجداً كمان لاني جربت اكلك بنفسي وشكلي كده أدمنته من الاخر انا سلمتك مستقبلي ومعدتي😂😂
عاليا…بأبتسامه بألف هنا يارب
سيف… تسلم ايدك يا عاليا
عاليا….الله يسلمك يا سيف.
سيف…هروح بقي اصلي العصر وهاجي اساعدك في اي حاجه عيزاها ادام مش هنزل.
عاليا…ماشي تقبل الله.
دخل سيف صلي العصر ورجعلها تاني.
سيف…ها يا ستي أساعدك في ايه.
عاليا…. بص بقي هتروح ترتب السفره و تشيل الشنط اللي عليها دي من الاخر روقها كده و ظبط المكان وتعالي اعمل العصير
سيف…بس كده من عيوني.
بعد شويه صحي ناصر عشان يجهز قبل ما دكتور عمر يجي
لكن كان مش في المود خالص و متغير دخل خد حمام عشان يفوق
وخرج صلي العصر.
ناصر….صباح الخير
عاليا…بأبتسامه صباح النور
سيف….صباح الخير يا ناصر نمت كويس.
ناصر…الحمد لله.
سيف …مالك كده في ايه؟ شكلك مش تمام.
ناصر…ابداً بس مصدع شويه.
سيف….عشان مرضتش تقوم تتسحر بليل.
ناصر….كنت محتاج انام. بص لعاليا وقرب منها بتعملي ايه ياعاليا.
عاليا…بعمل الغطار.
ناصر…منزلتش ليه ياسيف تشتري انت الاكل.
سيف….انا صحيت لقيتها بتعمل والله.
عاليا….عادي مش ورايا اي حاجه وبعدين انت مش بتتعب من اكل الشارع.
ناصر…بأبتسامه بسيطه تسلم ايدك انا هروح اقرأ قرآن شويه.
عاليا…طيب تمام.
دخل ناصر اوضته وقفل عليه.
عاليا….هو ماله؟
سيف…مش عارف صاحي شكله مش مظبوط.
عاليا….خير ان شاء الله كلمت عمو مرعي؟
سيف….اه كلمته وصل الحمد لله.
عاليا…الحمد لله.
فضل سيف يساعدها وهي تخلص اللي وراها وناصر في اوضته مخرجش.
لحد قبل الفطار بحوالي ساعه إلا ربع.
سيف….كده كله تمام وكل حاجه في الفرن روحي بقي انتي اجهزي.
عاليا….تمام هجهز واصحي ريم أجهزها بس متنساش يا سيف لو دكتور عمر جه واحنا لسه جوه تفهمه وتسأله هنعمل ايه مع ريم في موضوع خالتو.
سيف…اطمني هفهمه كده في السريع عشان بكون عنده خلفيه ونعرف هنعمل ايه.
عاليا…خير ان شاء الله. بعد اذنك.
دخلت عاليا طلعت غيار ودخلت تاخد شاور وبعد حوالي ربع ساعه خرجت عاليا كانت لابسه بنطلون چينس و تيشرت ابيض فيه ورد صغير باللون الازرق الفاتح سابت شعرها سايب بعد ما نشفته كويس بالفوطه وراحت طلعت غيار لريم وصحتها وبدأت تجهزها.
عاليا….مالك مكشره ليه.
ريم….نفسي افك راسي بقي الحر تاعبني واللزق والشاش دول خنقوني جدا وحاسه شعري مضايقني.
عاليا…بحزن هتفكيه يا حبيبتي ان شاء الله انا لو اعرف اطلع شعرك من تحت الشاش ده كنت طلعته و سرحتهولك بس خايفه عشان الجرح ان شاء الله دكتور عمر لما يجي يفكلك اللزق ده وارفعهولك شويه
ريم…انا نفسي افكه خالص يا عاليا مش اغيره بس.
عاليا…هانت يا حبيبتي هو قال هيغيرلك انهارده و يشوف الجرح و هيعرفنا معاد فك السلك امته.
ريم….يارب انا حامله هم فك السلك ده اوي🥺
عاليا…ليه بس متقلقيش دي حاجه بسيطه متخافيش.
سمعوا صوت الجرس في الوقت ده.
عاليا…شكله وصل يلا نخلص بسرعه بقي عشان نخرج نسلم عليه وأبدأ اجهز الاكل فاضل ربع ساعه عالآذان.
ريم….طيب اخرجي انتي وانا هكمل
عاليا…لا يا حبيبتي انا معاكي مفاضلش كتير خلاص.
جهزتها عاليا و خلصتها خالص
عاليا….يلا يا حبيبتي.
ريم….طيب أسبقيني انتي انا بس هصلي العصر عشان لسه مصلتش
عاليا…طيب هجبلك طرحه تحطيها علي راسك وصلي وانتي قاعده عالكرسي وخمس دقايق وهاجي اخدك.
ريم…ماشي.
ادتها عاليا الطرحه وخرجت وسابتها وهي خارجه لمحت ناصر خارج من اوضته هو كمان.
بصلها ناصر بتفحص 🤨 انتي راحه فين.
عاليا…بقلق من نظرته خارجه بره اسلم علي دكتور عمر واجهز الفطار بسرعه في حاجه.
ناصر…ادخلي غيري التيشرت ده.
عاليا….ليه ماله؟
ناصر….بهدوء سمعتيني ياعاليا ولا لأ.
عاليا….سمعتك يا ناصر بس بسألك ماله؟
ناصر….ضيق يا عاليا وماسك علي جسمك روحي غيري بسرعه والبسي حاجه غامقه شويه والتيشرت ده ميتلبسش تاني.
عاليا….ده احنا لسه مشترينه امبارح.
ناصر…عارف والله وبقولك ميتلبسش تاني تقعدي بيه في البيت ولما تكوني لوحدك انتي وريم مفهوم يا عاليا ادخلي غيري.
بصتله عاليا بإحباط بس يا ناصر.
ناصر….عاليا انا دماغي هتنفجر ومبحبش اناهد او اعيد كلامي يلا ادخلي غيري بسرعه😡
عاليا….بزعل من طريقته حاضر لفت وفتحت الباب ودخلت تاني.
كانت ريم بتصلي دخلت خدت تيشرت اسود لبسته بسرعه وخرجت وراه سلمت علي عمر وراحت علي المطبخ.
ناصر….منور يا دكتور.
عمر…ده نورك والله طمني علي ريم اخبارها ايه.
سيف….اه صحيح يا دكتور بخصوص ريم كنت حابب اقولك حاجه قبل ما تخرج بسرعه
عمر…خير في ايه.
وبدا سيف يقوله علي اللي هما عايزين يعملوه.
عاليا…كانت سمعاهم وبتخلص تحضير بسرعه وهي مضايقه و مكشره ناصر كل شويه يرفع عينه عليها ويرجع يبص لعمر.
سيف….فا حضرتك ايه رأيك؟
عمر….والله لما اشوفها واشوف حالتها تسمح لحاجه زي دي ولا لا
هقرر بس انتوا ليه مستعجلين
ناصر…لأنها مش بتبطل سؤال عنها وطول الوقت مشغوله بحكايه خالتها وبتفكر كتير جداً مبقيناش عارفين نقول ايه تاني وفي نفس الوقت حضرتك قولت ان التفكير كتير والضغط الذهني غلط عليها
فا انا شايف اننا نريحها عشان تبطل تفكير شويه عارف ان الموضوع ممكن ميبقاش سهل عليها بس بردو هو ارحم من اللي هي فيه الوقت. وبعدين احنا اختارنا الوقت ده بالذات عشان لو لا قدر الله تعبت او حاجه حضرتك تكون معانا ونعرف نتصرف.
عمر…خلاص تمام ان شاء الله خير ربنا يقدرنا علي الموضوع الصعب ده.
الاذان آذن عاليا كانت بتحط بسرعه الفطار عالسفره قام سيف يساعدها في الوقت ده خرجت ريم من الاوضه لوحدها وهي بتسند علي الحيطه.
عمر…بأبتسامه اهلا اهلا بالبطله بتاعتي.
ريم…بابتسامه جميله دكتور عمر عامل ايه.
عمر…انا بخير الحمد لله ياريم انتي عامله ايه.
ناصر…بابتسامه زي الفل قدامك اهي بتسمع الكلام وملتزمه بكل حاجه والحمد لله بتتحسن.
عمر…طيب الحمد لله انا شايف انك افضل كتير فعلا.
ريم…الحمد لله انا احسن كتير والله.
عمر…يظهر صحتك جات علي القاهره لو اعرف كده كنت جبتك علي هنا فوراً
ابتسمت عاليا بإمتنان …البركه في حضرتك يا دكتور عمر طمني علي دكتوره شيماء ودكتور ياسر.
عمر…بيسلموا عليكي جدا جدا وخصوصا شيماء هتتجنن عشان تشوفك واحتمال تكون هنا اول يوم العيد عشان تزور مامتها وهنيجي معاها بامر الله.
ريم…بفرحه بجد.
عمر…اه والله بجد يعني كلها اربع ايام ان شاء الله.
سيف…ان شاء الله نقضيه مع بعض عشان ريم تكون مبسوطه.
عمر…بأذن الله. اتفضلي يا ستي بقي دي حاجه بسيطه.
قدملها عمر علبه شيكولاته وورد
ريم…بفرحه ياخبر يا دكتور كده كتير والله.
عمر…مفيش حاجه تكتر عليكي ياريم حمدالله علي سلامتك.
ريم…الله يسلمك يارب.
سيف…احمم يلا اتفضل يا دكتور الفطار جاهز.
عاليا…اتفضلوا.
راحوا كلهم علي السفره وبدأوا يفطروا مع بعض.
بعد ما خلصوا رجعوا تاني قعدوا علي الانتريه.
عاليا….تشرب شاي يا دكتور ولا قهوه.
عمر…ياريت قهوه لو مش هتعبك.
عاليا…لا ابدا تعبك راحه وانت يا سيف.
سيف…قهوه بردو يا عاليا مع ناصر ودكتور عمر.
عاليا….حاضر.
قعدوا مع بعض شويه يتكلموا في حجات مختلفه وجات عاليا بالقهوه.
عمر….ها يا ريم جاهزه نشوف الجرح.
ريم…انا خايفه🥺
عمر…خايفه من ايه بس هو احنا اول مره نغير.
ريم…لا اقصد خايفه يكون لسه مخفش انا بصراحه نفسي افك الشاش ده بقي تعبت منه في الحر ده وشعري مضايقني حاسه انه باظ وعمره ما هيتسرح تاني.
عاليا….ده شويه بلسم يا ريم هيسلكوه ويرجع احلي واجمل من الاول.
عمر….بصي يا ستي انا هشوف الجرح هو عموما المفروض يكون خلاص بقي احسن ولو تمام هنغير عليه انهارده و هخفلك الغيار شويه يادوب هتكون حاجه بسيطه ولو تمام ممكن بعد بكره نفك السلك بأمر الله وهتعيدي يا ستي من غير اي شاش ولا اي حاجه غير ايدنا بس معلش هنستني عليها شويه.
ريم….هو حضرتك هتيجي تاني هنا.
عمر…انا قاعد هنا لحد بعد بكره وهرجع اسماعيليه هنقضي الوقفه هناك وبعدين هجيب ياسر وشيماء و هنيجي عشان يطمنوا عليكي.
ريم….يارب يا دكتور
عاليا…طيب هنغير هنا ولا في الاوضه.
عمر…زي ما تحبوا انا معنديش اي مشكله.
ريم…خليني هنا احسن🥺
عمر….تمام بسم الله فتح عمر شنطته وبدأ يطلع منها الادوات اللي هيستخدمها قعدت ريم علي كرسي و ضهرها لعمر وهما جمبه مركزين علي الجرح
بدأ عمر يفك الشاش بمهنيه وتركيز شديد واول ما ظهر الجرح
حطت عاليا ايدها علي بوئها وعينها بقت كلها دموع🥺🙊
بصلها ناصر بتحذير عشان ريم متتخضش ششششش.
سيف….😳😳
كان في جزء من شعرها مقصوص عشان العمليه.
عمر…جميل اوي الحمد لله الجرح يعتبر لم خالص زي ما توقعت
ناصر…الحمد لله يعني كده ممكن تفكه فعلا بعد بكره.
عمر…طبعا خلاص هنودع بقي الشاش والغيار و نرجع احسن من الاول صح يا ريم.
ريم….بخوف ايوه صح.
سيف …انتي خايفه كده ليه خلاص قرب يخلص.
عمر…متقلقيش انا خلاص خلصت رفع عمر شعرها بأيدها وبدأ يلف الشاش و يمرره من تحت شعرها وساعدته عاليا مسكت هي شعرها
لحد ما خلص.
عمر….بس كده ايه رأيك خففنا الغيار خالص مبسوطه ياستي
ريم…بأبتسامه راحه اه الحمد لله كده احسن كتير.
ناصر…عقبال ما تفكيه خالص يارب.
ريم ..يارب.
بصوا كلهم لعمر عشان يتكلم ويبدأ كلامه حس عمر بتوتر مش قادر ينطق و حاسس بمسؤوليه كبيره مش هاين عليه انه يبلغها بحاجه زي دي وفي نفس الوقت شايف انها فعلا لازم تعرف عشان ترتاح.
عمر…احمممم ممكن بس نقعد عشان عندي كلام محتاج اقوله.
ناصر…طبعا.
قعدوا كلهم وعلامات القلق والترقب باينه علي ملامحهم.
بص عمر لريم وملامحه كلها إشفاق ريم محتاج اتكلم معاكي ممكن.
ريم…بابتسامه طبعاً يا دكتور عمر اتفضل.
عمر….طيب أوعديني الاول ياريم ان اللي هقوله ده تحاولي تفهميه وميآثرش عليكي ولازم تعرفي ان اي انفعال هيآخر فك السلك و هنفضل زي ما احنا مش هنتقدم خطوه.
بصتله ريم بقلق ووزعت نظراتها عليهم كلهم لقتهم منزلين عينهم في الارض. خير يا دكتور قلقتني.
عمر….أوعديني الاول.
ريم….اوعدك.
سكت عمر ثواني وهو بيلعب في ايده مش عارف يبدأ ازاي حاسس ان الكلام تقيل عليه.
رفع عمر راسه وبصلها وهي بصاله بخوف واضح حاسه من توتره و نظراتهم كلهم ان في حاجه كبيره.
عمر….ريم انا عارف قويه ويمكن تكوني استحملتي و مريتي بحجات كتير اوي صعبه محدش فينا ممكن يتحملها ولازم تعرفي ان ربنا عمري ما بيآذي عبد ولا بيعمل فيه حاجه وحشه كل حاجه في الدنيا بتحصلنا ليها حكمه وسبب واحد ربنا واحده هو اللي يعرفه احنا مؤمنين و موحدين بالله تعالي و ملناش في نفسنا اي حاجه و مينفعش نعترض علي حاجه ربنا كاتبها.
بدأ الادرينالين يعلي والخوف يزيد بصت ريم علي عاليا لقت دموعها نازله من غير ما تقف و باصلها بشفقه وحزن.
ريم….بصوت مهزوز في ايه يا دكتور عمر 🥺 اتكلم علي طول من فضلك.
خد نفس طويل حاسس انه تقيل علي صدره وبصلها بحزن
عمر…..البقاء لله يا ريم
سكت عمر ومقدرش بتكلم بصتله ريم بصدمه وقلبها بدا يدق بسرعه ودموعها غطت عيونها. و نطقت بهمس مسموع و نبره كلها وجع
ريم….خالتو هدي🥺
عاليا…بدموع ريم سامحيني مقدرتش اقولك والله العظيم كان صعب عليا و خوفت عليكي خوفت تروحي مني ياريم زي ضحي و خالتو خوفت عليكي متتحمليش وتسبيني بعد ما صدقت انك رجعتيلي🥺💔
ريم كانت مصدومه دموعها نازله من غير ولا كلمه.
عاليا….اتكلمي ياريم قولي اي حاجه متسكتيش كده والله خوفت عليكي ياريم انا مبقاليش غيرك يا حبيبتي كنت محتجاكي تكوني معايا وقتها كنت محتاجه اعيط في حضنك و أشتكيلك من اللي الوجع اللي جوايا بس لما عرفت انك عايشه وشوفتك مقدرتش اقولك اي حاجه سامحيني ياريم.
ناصر….ريم قولي اي حاجه ياريم حتي لو هتعابينا اننا خبينا عليكي بس اتكلمي متسكتيش كده انا عارف ان اللي انتي فيه ده كتير عليكي اوي بس فكري فيها ياريم هي كان ممكن تتحمل تعرف اللي حصل لبنتها هي اتصدمت لما شافتها لكن كانت هتعيش طول عمرها بوجع كبير اوي وهي عارفه حصل ايه في ضحي.
سيف…بحزن ادعيلها ياريم وصدقيني ربنا هيجيب حقها قريب اوي وكلنا هنرتاح.
عمر….ريم انا عارف انك قويه وهتقدري تتحملي ربنا مش بيدي حد اكتر من طاقته وده اختبار يمكن يكون صعب وقاسي بس ربنا هيعوضك عوض كبير اوي ادعيلها ياريم.
ريم كانت بتسمعهم لكن عقلها كان في مكان تاني وصوت خالتها بيرن في ودنها وأفتكرت اخر مره سمعت فيها صوتها لما وصلوا اسماعيليه.
فلاش باك..
هدي….الووو
ريم…ايوه ياخالتو يا حبيبتي
هدي…وصلتوا يا نور عيني ولا لسه
ريم…ايوه وصلنا يا حبيبتي
هدي…امال البت دي قافله تليفونها ليه بس قلقتني عليكم
ريم….قافله تليفونك ليه ياضحي.
ضحي…من بعيد مش قفلاه يا ماما والله ده اكيد شبكه اطمني يا حبيبتي احنا وصلنا خلاص.
هدي….الحمد لله يا حبايبي بت ياريم خدوا بالكم من بعض
ريم…متخافيش يا خالتوا احنا معانا مستر علي مش سايبنا
هدي…الواد الحليوه
ريم…بضحك ابوه هو يا خالتو😂 اسكتي بقي متفضحيناش
هدي…بت ياريم بقولك ايه
ريم…قولي يا خالتو
هدي…ماتجيبولنا قفص مانجه كده بما انكم في اسماعيليه عشان رمضان.
ريم…بضحك نهار اسود قفص مانجه ايه ياخالتو اللي عيزانا نجيبه ما المانجه عندنا في القاهره نزلت خلاص
هدي…وايش فهمك انتي يابت هو في زي مانجه اسماعيليه هاتي بس قفص ولا اتنين عشان اعملكم عصير في رمضان وكنافه بالمانجه وهظبطكم♥️
ريم…بضحك بت يا ضحي امك عيزانا نجيبلها قفصين مانجه😂
ضحي…رفدنا علي ايدك يا هدهود
ريم….تخيلي كده بنقول لمستر علي عايزين نحط قفصين مانجه في عربيته😂😂
ضحي….ده كان يحدفنا في نص الطريق😂😂
هدي…والنبي ده هيقعد ياكل ويتسلي عموما لو عرفتوا هاتوا معرفتزش مش عابزه من وشكم حاجه ديتها مشوار لسوق العبور
وعاليا حبيبتي تيجي معايا بكره بعربيتها.
ريم…بضحك خلي عاليا تنفعك يا ست هدي😂
هدي….طبعا بتنفعني حبيبتي اللي متشحططه معايا في كل حته انتوا فالحين غير في الاكل وبس
ريم…بقي كده يا خالتو
هدي….خلوا بالكم من بعض يا ريم ماشي يا حبيبتي متغفلوش عن بعض يلا ربنا يسترها معاكم يا بنتي
ريم….ويخليكي لينا يا احلي هدي في الدنيا.
هدي….بت ياريم انتي وحشتيني اوي انتي وضحي البيت من غيركم وحش
ريم….ايه ده بجد عرفتي قيمت دوشتنا يعني😂
هدي….ربنا ما يقطع حسكم من الدنيا يارب واعيش واحس بدوشتكم في حياتي يارب.
ريم…ويخليكي لينا يا حبيبتي سلام يا خالتو.
هدي….اشوفكم علي خير يارب سلام يا ريم.
فاقت ريم وهي دموعها بتنزل بغزاره بوجع.
ريم…خالتوووو ليه يا خالتو ليه يا حبيبتي ليه كده يارب كفايه بقي كفايه انا تعبت والله تعبت قلبي كان حاسس والله وكنت بكدب نفسي قلبي كان حاسس انكم مخبين عليا كنت حاسه ان لسه في حاجه ناقصه وان الوجع لسه مكملش
قرت منها عاليا خدتها في حضنها وهي بتعيط معاها
ريم….اااه يارب مقولتليش ليه ياعاليا مقولتليش ليه ليه يارب سبتني عايشه ليه مخدتنيش معاهم ليه عايزني اعيش بوجعهم طول عمري اااااااه خالتوو يا خالتووو💔🥺
حاله من الصمت و الحزن كانت مسيطره علي الجميع الكل حاسس بالشفقه علي ريم اللي خدت نصيبها الكبير من الوجع
عد حوالي نص ساعه سكتت ريم خالص دموعها نازله لكن في حاله صمت وحزن كبيره.
ناصر…ريم ورحمه علي هرجعلك حقها هي وضحي انتي اتوجعتي كتير وحيات كل لحظه اتوجعتي فيها هجيبلك حقك وهريح قلبك.
ريم…بحزن بصتله ارجوك سلم الڤديو انا خلاص بقيت كويسه و هقدر اتكلم لازم حقهم يرجع بقي
لازم روحهم ترتاح عشان خاطري سلم الڤديو وبلغ النيابه.
بصلها ناصر بحزن وهز راسه…ان شاء الله.
بصت ريم لعاليا…دخليني الاوضه يا عاليا عايزه انام.
عاليا…حاضر يا حبيبتي تعالي
قام سيف معاها سندها مكانتش قادره تقف ودوها لحد الاوضه نيمتها عاليا عالسرير وغطتها وبسرعه هربت ريم من العالم و غمضت عينها بألم كبير💔
رجعت عاليا وسيف لعمر وناصر.
ناصر….يعني مفيش اي قلق عليها
عمر…ان شاء الله خير انتوا بس تابعوها عينكم عليها علي طول حاولوا تغيروا الكلام ألهوها في اي حاجه علي قد ما تقدروا.
عاليا…بدموع انا خايفه عليها
عمر…اطمني ان شاء الله خير انا موجود في القاهره زي ما انتوا عارفين اي حاجه وفي اي وقت كلموني هكون عندكم فوراً
وبص لناصر وانت يا استاذ ناصر خلاص كده جه الوقت اللي لازم الڤديو يتسلم ارجوك شيل حكايه التار دي من راسك بقي فكر في وجعكم اكتر انتوا محتاجين ترتاحو كفايه كده.
بصله ناصر وسكت وبدأ يحس بخنقه وضغط حاول يتخطاهم هز راسه بهدوء وسكت
عمر…هستأذن انا بقي ولو في اي حاجه هكون عندكم في اي وقت
سيف….احنا اسفين يا دكتور عالموقف ده بس كان صعب علينا كلنا و بيتهيألي كلامك معاها كان افضل قرار.
عمر…انا معملتش حاجه ده واجبي الحمد لله عدت علي خير انتوا بس خليكم معاها ديماً
عاليا…ان شاء الله
مشي عمر ودخلت عاليا تطمن تاني علي اختها فضل ناصر وسيف ساكتين.
رن تليفون ناصر في الوقت ده كانت فكريه جدته.
ناصر..احممم ايوه يا ستي كيفك يا غاليه
فكريه…بخير يا ولدي انتوا كيفكم طمني عليك
ناصر….كلنا بخير يا ستي اطمني الدنيا عنديكي كيفها.
فكريه….كله بخير يا حبيبي عاليا واختها بخير
ناصر…لساتها اختها عارفه بخبر وفاه خالتها
فكريه…بحزن جلبي معاها يا ولدي اكيد تعبانه ربنا يكون في عونها ويطبطب علي جلبها
ناصر…امين يارب يا ستي
خرجت عاليا في الوقت ده.
عاليا…ممكن اكلمها.
ناصر….عاليا رايده تتحدت معاكي يا ستي.
فكريه…حبيبتي هاتها ياولدي.
خدت عاليا التليفون و بعدت شويه لحد البلكونه.
عاليا…بدموع ازيك يا تيته فكريه
فكريه….الحمد لله يابتي أتوحشتك جوي
عاليا….حضرتك اللي وحشتيني اكتر ادعيلنا والنبي يا تيته🥺 انا تعبانه وقلبي واجعني علي ريم اوي
فكريه…بحزن بدعيلكم كلكم في كل صلاه وطول ما اني جاعده يا بتي ربنا يريح جلوبكم چميعاً امسكي حالك ياعاليا خيتك الوجت محتچاكي
عاليا…بس انا تعبانه اوي🥺
فكريه….خابره يا ضنايه وحاسه بيكي والله بس صدجيني ربنا هيريحكم جريب جوي
عاليا….اول مره احس اني محتاجه حصنك اوي.
فكريه…علي عيني يابتي أچيلك وأضمك في صدري والله جريب جوي هشوفك يا عاليا وهاخدك في حضني.
عاليا….انا ليا عندك طلل ممكن؟
فكريه…جولي يابتي
عاليا…عشان خاطري كلمي ناصر هو بيحبك و بيسمع كلامك خليه يبعد عن فكره التار خليه يسلم الڤديو ناصر راكب دماغه وانا عارفه انه مش هيرتاح غير لو موت عز بأيده بس وقتها هيضيع نفسه عشان خاطري يا تيته فكريه كلميه و اضغطي عليه.
أبتسمت فكريه بحب وراحه كبيره
فكريه…متخافيش يا بتي ماهيچرالوش حاچه هتحدتت وياه وهجنعه انتي بس بطلي بكي عاد.
عاليا….حاضر يا حبيبتي
فكريه….يلا هاتي ناصر واهدي شويه.
عاليا…حاضر يا حبيبتي لحظه هديهولك.
خرجت عاليا ادتله التليفون
ناصر….ايوه يا حاچه.
فكريه….ايوه ياولدي خلي بالك منيهم يا ولدي.
ناصر…متخافيش في عيني يا ستي
فكريه…جولي يا ناصر ميته هتروح تبلغ و تجدم الدليل اللي في يدك.
ناصر…بص لعاليا وسيف و نفس بعدين يا ستي مش وجت اليت ده الوجت.
فكريه…بحزم لاه وجته يا ناصر
اني مش مستغنيه عنيك شيل اللي فراسك ده يا ناصر عايز تموتني بالحياه يا ولدي
ناصر….يا ستي الله يرضي عنيكي اني ممستحملش الوجت هحدتك تاني صدجيني.
فكريه…اوعاك يا ناصر تنفذ اللي في راسك عشان خاطري ياولدي.
ناصر…حاضر يا ستي اطمني المهم الوجت اديتي لمرعي الحاچه اللي جولتلك عليها
فكريه….ايوه ياولدي اطمن هو لساته متحرك الوجت حالا جبل ما أحدتك
ناصر….ماشي يا ستي اني هشوفه الوجت خلي بالك علي حالك
فكريه…في امان الله يا ولدي.
قفل ناصر معاها وفضل ساكت و باصص للارض وبيهز رجله بغضب.
سيف….ناصر انا هنزل شويه اعدي عالمكتب وهرجع
ناصر…ماشي يا سيف متعوجش
سيف…ناصر لازم نبدأ نتحرك بقي ونروح النيابه.
ناصر…بغضب مش وجته ياسيييييف يلا روح علي شغلك.
سيف….ماشي يا ناصر سلام عليكم.
نزل سيف وفضلت عاليا واقفه قدامه.
عاليا…بخوف ودموع ناصر..
بصلها ناصر وسكت.
عاليا….لازم تسمعلنا يا ناصر مينفعش ابداً….. وقبل ما تكمل كلامها وقف ناصر بغضب.
ناصر…جولت مش وجته حديت فااااهمه.
اتنفض جسم عاليا من صوته برعب ودموعها نزلت اكتر
مشي من قدامها راح علي اوضته ورزع الباب بغضب
قعدت عاليا عالكرسي وهي بتعيط والرعب ماليها.
مر الوقت بسرعه رجع سيف الكل اتسحر في صمت لكن من غير اي نفس ناصر عينه في طبقه مش بيرفعها ورافض الكلام سيف وعاليا باصين لبعض بقلق ريم خرجت بصعوبه تاكل لكن كانت حزينه وفي دنيا تانيه
ومر اليوم عليهم.
وصل مرعي الصبح القاهره ومعاه الرجاله كلم ناصر نزل بهدوء وهما نايمين قابل مرعي و قعدهم في بانسيون صغير قريب من البيت.
واتكلم معاهم شويه ورجع تاني عالبيت ومعاه مرعي.
……..
اليوم عدي بسرعه من غير اي جديد إلا من مكالمه سيف لخليل.
خليل…متقلقش يا سيف انا عيني علي ناصر اصلا مش سايبه لاني عارف انه مش هيرتاح غير لو عملها بنفسه.
سيف….خليل باشا ناصر اليومين دول غريب مبيتكلمش وديما عصبي بيتكلم في الموبايل كتير انهارده نزل قبل الفطار وبعد الفطار ومش عايز حد يكلمه خايف يكون وصل لمكان عز انا عارف ان ناصر ليه ناس كتير هنا ممكن يساعدوه وهو مش هيقولي حاجه عشان ميقلقنيش عليه بس انا بجد قلقان عليه.
خليل…قولتلك اطمن يا سيف ناصر تحت عيني وكل تحركاته تحت عيني انا سايبه عشان يرتاح مش اكتر ويحس انها قفلت ويبلغ بس انا هجيلكم ان شاء الله وهتكلم معاه بنفسي.
سيف…طيب ما تيجي بكره انا عارف انك وراك حجات كتير بس ناصر بيحبك وعارف انك هتقدر تآثر عليه
خليل….خلاص هجيلكم بكره بعد الفطار انا والجماعه علي اننا بنزور اخت عاليا ونطمن علي عاليا نفسها وكأني بلغتك انت عشان لو كلمته ميعتذرش او يآجل المعاد ويضطر يقعد.
سيف….تمام ربنا يخليك لينا
خليل…ويخليكم ليا ويحفظكم انتوا ولادي وولادي الغاليين يا سيف
سيف…ربنا ما يحرمنا منك يارب يلا مش هطول عليك سلام عليكم.
……..
في مكان تاني خااااااااالص.
عز بغضب بقولك اختفوا يا حيوااااان لو قدر يوصلكم هيوصلي اخوه مش ساكت بيدور في كل مكان وجاب رجاله من الصعيد قالبين عليا الدنيا انا حاسس انه قريب مني اوي.
………..
عز…اختفي في اي داهيه انتوا وهما واخلص من القرف ده وهديكم اللي انتوا عايزينه انا مش عارف اتحرك الوقت ومش هقدر اطلع بره البلد هو عينه عليا في كل حته.
………
عز….ماشي يبقي تختفوا ومحدش فيكم يسيب مكانه ابداً يلا سلام الوقت😡
…………
يوم جديد مليان احداث
وصل خليل بعد الفطار مع اسرته
…..وفجأه🤫🤫🤫🤫🤫
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سجينة مع وقف التنفيذ)
