رواية ستات للبيع الفصل الخامس 5 بقلم مي علي

رواية ستات للبيع البارت الخامس

رواية ستات للبيع الجزء الخامس

رواية ستات للبيع الحلقة الخامسة

…..ولسه خارج من العماره لقيت … عم محمد ف وشي …قال
انت مين يابيه
وطلعت هنا امتي
اتلبكت مبقتش عارفه اقولو اي كنت عند مين فوق
استجمعت نفسي ورديت عليه.. انا كنت طالع للحجه الي ف الخامس وبعدين انت مالك بتلكلك كتير ليه
رد وقال…. لا يابيه مبلكش ولا حاجه بس اصلي مشفتكش
قلت … هتشوفني ازاي وانا لما جيت مكنتش انت قاعد … ولا المفروض اخد الامر منك
بصلي بصه من فوق لتحت وقالي… خلاص يابيه محلصش حاجه حقك عليا
رديت.. طب وسع كده بقي عديني وغمزت لنادر اللي كان شايف كل حاجه من بعيد … مرحتلوش كملت لاخر الشارع للاخر عشان ميشكش ف حاجه كان نادر ماشي ورايا بالعربيه فضلت ماشي لحد مابعدت عن نظره خالص …. ركبت العربيه قولت لنادر .. بص ياسيدي انا لقيت الفلاشه دي عاوزين نشوف فيها اي …. بص انت وصلني البيت هطلع اجيب اللاب توب بتأعي واجيلك بس اركن ف حته بعيد شويه ….
وفعلا طلعت وجبتو ونزلت قعدت انا وهو ف العربيه فتحت اللاب حطيت الفلاشه فيه …. في فولدرات كتير اوي علي الفلاشه كلها فيديوهات وكل فولدر مكتوب عليه التاريخ واسم شخص ومن ضمن الفولدرات لقيت فولدر لابو نادر قالي افتحه … فتحته وإذا المفاجئه
ابو نادر ف علاقه مع مرات ابويا او الست اللي ف الشقه دي … متصورين صوت وصوره نادر كان مصدوم انا فكرت ابويا كانو مقرطسينو ومراتو بتخونو مكنتش اعرف ان المفأجاه الاكبر ف اخر الفيديو … لقيت ابويا انا…. الست خرجت والراجل قام لبس هدومه بسرعه وابوكي دخل عليه
قاله… مراتك تجنن الحقيقه ذوقك ف الستات يهبل
انا مبقتش مصدق نفسي ابويا انا كده لا مستحيل
رد ابوكي وهو بيضحك بكل برود …. مش مهم زوقي المهم انك اتبسطت
قاله اه اوي
قاله… طب حيث كده بقي نكمل الشغل
رد الراجل …. طب هقوم اخد دوش واجي
قاله طيب انا مستنيك ومن ضمن الفيديوهات الصفقه اللي كان عاوز يتمها بتاعت الارض اللي حكتلك عليها ف الاول …. ابو نادر بيخلصهالو وبيقولو بص في واحد معايا هيكملك بقيت الشغل انا كده عملت اللي عليا بس التوثيق عليه
رد ابوكي… مش مهم بس الراجل ده امان
قاله… اه امان اوي
قال…. طب ونظامه اي ده اي سكته
رد ابو نادر… بص هو ده حراق شويه ف الفلوس بس ممكن بقعده واحده مع المدام يخفضلك الفلوس شويه
ابوكي قال…. مفيش مشكله المهم المصلحه تقضي
قاله… خلاص هديك خبر بكره
قال…. وانا ف انتظارك …. انت قاعد ولا نازل انا لو مكانك مخرجش من البيت واسيب القمر ده
قالو .. لا انا نازل معاك بس ثواني هعمل حاجه ودخل عمل حاجه ف الموبايل والكاميرا وقفت … كان موصل الكاميرا بالموبايل …. وخدي عندك فيديوهات كتير زي كده كلها بنفس الطريقه كل شركات ابوكي وفلوسه واراضيه جايه بالطريقه دي وبطرق تانيه رشوه وتحريض وكلو بس دي اكتر حاجه كان بيستخدمها عشان تتم الصفقه
لدرجه واحد منهم مكنش ليه ف الحريم ….. وطلب منه حاجه تانيه ابوكي قاله هتصرفلك وجابلو حمدي السكيورتي واداله فلوس طبعا كل ده متصور وناس كتير بالفلوس إظاهر الصفقه كانت مطوله..
زياد خلص كلام انا كنت مذهوله مش عارفه اعمل اي غير اني منهاره من العياط وفضلت اصرخ واقوله انت كداب لا يمكن مستحيل…
قال… لو مش مصدقاني انا اوريكي بعينك الحاجات معايا انا كنت ناوي افضحه واروحلو الشقه وهو فيها وافضحه بس للاسف…..ف يوم روحت اراقب تاني واشوف اي النظام البواب حفظ شكلي وشافني وانا براقب وكنت لوحدي علي ماجيت امشي لقيت تلت رجاله هجمين علي العربيه ونزلوني وغيبوني فوقت قدرت افتح عيني شويه لقتني فوق وابوكي قدامي مشوفتش غير المنظر ده ومعرفتش اي حصل بعد كده وجابني هنا ونزل فيا ضرب زي ما شوفتي …. تاني يوم اما نزلت روحت لقيت الشقه فضاها ومفيش اثر لحد حتا البواب مشاه سالت احمد قالي انا معرفش حاجه فجأه صحيت ملقتش حس ولا خبر لحد سألت عم رجب عند محمد البواب قالي انو سافر معرفش فين وربنا تاب عليه من الشغلانه دي فقلت لاحمد يعزل هو كمان ومحدش يعرف عنو حاجه ….. بس
انا فضلت اعيط وبصيت علي ماما كانت واقفه مكانها بس مش مصدومه ولا حتي اتهزت
راح زياد لبابا وقالو ….. انا هخليك تندم علي كل اللي احنا فيه ده علي كل قرش حرام دخلتو ف بتنا بالقرف اللي عملتو وسابه وخرج….
انا وقعت ع الارض مش قادره اقف واقوله…. لي يابابا ليه حرام عليك ….كده …ليه تعمل فينا كده.. كل ده عشان الفلوس …. مش عاوزينهاااا مش عوزينهاااا
ماما جت قومتني وطلعتني قوضتي وقالتلي اهدي انا شويه وجايه
ونزلت… عدي ساعه وانا ف الحاله دي مرعوبه وبعيط … انا خايفه مش عارفه ليه ….فتحت باب قوضتي ونزلت اشوف اي اللي حصل …. لقيت ماما فكته والحبل والبلاستر ع الارض …دورت عليهم ف البيت مش لقيتهم طلعت عند قوضتهم مسمعتش صوت وانا معديه قدام قوضه المكتب …. سمعت صوت ماما بتتكلم وشكلها بتعيط وقفت جمب الباب …. عشان اسمع وياريتني مسمعت …..ال