رواية ساعة حظ الفصل الثاني 2 بقلم ريهام زيدان
رواية ساعة حظ الجزء الثاني
رواية ساعة حظ البارت الثاني
رواية ساعة حظ الحلقة الثانية
الساعه عملت صوت حاولت اخلعها بس معرفتش
فوقت من تفكيري ع صوته
=نورتي المكان ي آنسه الاء أنسه صح ؟
*ايوا بعد اذنك هروح مكتبي
خرجت من مكتب المدير وروحت لمكتبي اللي انبهرت باثاثه وترتيبه شيك جدا قعدت ع الكرسي وانا بكتشفه بس عاوزه الاقي تفسير لكل دااا!! لمعت ف ايدي الساعه اللي اخدتها من الست العجوزه انا اذاى مخدتش بالي من وقت ما لبستها واموري اتصلحت حاولت اخلعها تاني بس مكنتش بتتخلع قلبي اتقبض وقتها بس تجاهلت وابتسمت أن معايا ساعة الحظ وحضنت ايدي واستمتعت بالمنصب الجديد
بدأت شغل وكنت مبسوطه اوى وحياتي كل يوم بحبها اكتر وكل شئ بحلم بيه بيكون بين ايديا كان في صفقه كبيره للشركه وانا اشتغلت فيها كويس وخلصت الاوراق المطلوبه وجهزت الاوردر بس وقتها جالي رساله من شركة تانيه منافسه بتطلب مني إسلامها اوراق الصفقه مقابل فلوس كتير عقلي رفض طبعا بس لقتني بوافق وبعتلهم صورة الاوراق واتساب بصيت ع ايدي بتوتر انا مكنتش عايزه اعمل كدا ولا اخون حسيت بصداع جامد وقتها سمعت خبط ع باب مكتبي اتوترت وبصيت حواليا بخوف
فرديت بتوتر*أادخل
دخل المدير ف بصيت ف ورق الشغل كأني مندمجه
= أنسه الاء انا كنت عاوز اكلمك ف موضوع
سيبت الورق وبصيتله و بخوف رديت
*اتفضل ي فندم
=بصي انا معجب بيكي وعاوز اتقدملك
قلبي كان بيرقص من الفرحه وانا بسمعه بس فجأه مشهد أنه يعرف اني خونت ثقته فيا وبعته لشركه تانيه جه ف دماغي غمضت عيني ودموعي بتنزل
=أنسه الاء انا قولت حاجه ضايقتك انا بكن ليكي مشاعر من اول يوم اشتغلتي فيه هنا
حاولت أظهر أبتسامه بين دموعي *هو هو انا
قاطعني ببتسامته اللي توقع بلد = فكري براحتك وهكون مبسوط جدا لو قبلتي تكوني شريكة حياتي
قام وسابني وانا حاولت اهدي وقررت مش هبعت ورق الصفقه للشركه وكدا خلاص مفيش حاجه مسحت دموعي وانا بتخيل اني اتجوزته
بقا القمردا عاوزني شريكة حياته دا ي فرحة قلبي والله كنت مبسوطه وبدندن مع اغنيه:: والله وبقيت معاه نادا الفرح جمعنا بالحب نادا انا وحبيبي وتالتنا السعاده ::
وقتها جاتلي رساله ع الموب بتحويل مبلغ كبير لحسابي مسكت الفون عشان ابلغهم برفضي بس انا مقولتش كدا اتفقت معاهم ع مكان اقابلهم واعطيهم الورق عقلي واقف حرفيا وكل اللي بيحصل خارج عن إرادتي مشيت من الشركه وانا متوتره وبعيط ،روحت لقيت ماما بتصلي كشرت أما افتكرت اني بدل ماكنت متقطعه ف الصلاه مبقتش بصلي خالص ،خلصت صلاه وبصتلي
^اتوضي ي الاء وتعالي نصلي جماعه
اتوترت* اي ها ما مانتي صليتي ي ماما
^وماله اصلي معاكي تاني واخد ثواب
لسا هقولها حاضربصيت ف الساعه و حسيت بصداع جامد ودوخه
اتنرفزت *لا ي ماما
قربت مني وجت تبطبطب عليا زقتها بعدها استوعبت انا عمري ما اعمل كدا بس جيت اعتذرلها لقيتني بزعقلها وكسرت الفازه الساعه بقت تتحكم في تصرفاتي خرجت من البيت جري دماغي كان بتلف ومش فاهمه حاجه لقيت نفسي بروح لمحل المجوهرات اللي جمبنا بدون سبب صاحب المحل شافني و ابتسملي وبدأ يفرجني وقتها انا كنت دايخه جدا وحاسه اني الرؤيه مشوشه بصلي وراح يجيبلي كوباية ميه اخدت الخواتم اللي كانت ف العلبه ومشيت الدنيا بتلف بيا ودموعي مغرقه وشي وبجري مش عارفه بجري من مين لقيتني ف نفس الجنينه اللي اخدت منها الساعه بصيت ع ايدي اللي زقت امي وسرقت وكسرت فضلت اخبط فيها واحاول اخلع الساعه لكنها مكنتش بتتشال من ايدي ايدي انجرحت وبرضه الساعه ثابته ف ايدي وقتها الست اللي عطتني الساعه لقيتها قاعده لوحدها جريت ناحيتها ودموعي بتنزل وأيدي بتنزف
*لوسمحتي خدي ساعتك انا مش عايزاه
ضحكت بشر¥ بعد اي هي عجبتك واتبسطتي بيه وأخدتي كل اللي حلمتي بيه
بصتلها باستعطاف ودموعي بتنزل وصوت شهقاتي عالي يمكن اصعب عليها بس ضحكت اكتر وهي بتكمل ¥الدور عليكي تنفذى اللي يتطلب منك
صرخت وصوتي مش طالع وقتها جه ف بالي آيه من اللي كنت حفظاها زمان
(قُلنا لاتخف إنك أنت الأعلى (٦٨)والقِ مافي يمينك تلقف ماصنعوا إنما صنعوا كيد ساحر ولا يفلح الساحر حيث أتى) سورةطه ”
فضلت اكرر فيها ودموعي تنزل وباعلي صوت عندي يارب اعفو عني
“الصلاة خير من النوم ”
قومت مفزوعه من النوم ع صوت اذان الفجر ودموعي مغرقه وشي فضلت اتاكد وابص ع أوضتي وع ايدي مفيهاش ساعه جريت ع ماما لقيتها نايمه روحت صحيتها
بشويش *ماما اصحي
فتحت عينها وهي بتبصلي وبتتاوب
*ماما حقك عليا اني زقيتك والله انا
نامت تاني ^زقيتني أمتي ي الاء انتي لسا نايمه ولا اي
*بجد!يعني انا مضربتكيش
اتعدلت وقامت ^تضربي مين ي بت هو انت تقدري دا كان زمان ابو ورده معلم ع قفاكي
*احم ربنا يخليكي ي ماما
^هو الفجر أذن ؟
*ايوا
^طب يالا نقوم نصلي هتصلي ؟
ابتسمت وانا بحرك راسي ب اها *ايوا
..ورجعت وانا قلبي راضي وعرفت من الساعه دي أن رزقي جايلي جايلي ف آوانه ..
بصيت لماما * انا حاسه اني وحشه اوى ي ماما
^ انك تعرفي خطئك هو بداية الطريق الصح
عيطت * طب اعمل اي
^عليكي بقيام الليل بيحقق المعجزات وهيصلح حياتك كلها من غير ساعه
طبطبت عليا
ابتسمت ومسحت دموعي
من وقتها مفوتش فرض وبقيت بصلي قيام استغليت الفتره اللي موجوده فيها ف البيت حاولت اخد كورس واشتغل ع نفسي عملت سي ڤي محترم واتقبلت ف شركة كويسه مع اول مكأفاه اخدتها عرفت وقتها قيمة النجاح وثمرة التعب وانت ف كنف ربنا مش بعيد عنه بعدها اتقدم لي شخص مناسب واتخطبنا
~حابب اجبلك شبكه كبيره ونعمل فرح كبير اوى
ابتسمت * طب واي رايك لو بفلوس الشبكه الكبيره والفرح نعمل عمره نبدا حياتنا بيها
اقتنع وفرح جدا بقراري
لو كان حد قالي من سنه بس اني هقول كدا وانا مقتنعه كنت قولت عليه مجنون بس ربنا سبحانه بيقلب القلوب والاحوال
كنا بنشرب شاي ف بلكونة بيتنا
~انا فخور بيكي اوى ي الاء
والله انا اتفاجأت بنفسي اكتر منك ربنا عطاني قدرات وشطاره فوق تخيلي
ابتسمت له بامتنان *وماتوفيقي الا بالله
بصلي ~ وبحب كلامك عن ربنا وثقتك فيه انا ربنا بيحبني أنه رزقني بيكي والله
ضحكت* ولسا ولسا طول مانا معاك ربنا هيعطيك من كرمه
ضيق بين حواجبه ~اي
بصتله وانا بقلد بيومي فؤاد * انا حامل ي كبير
مسك ايدي وهو بيضحك ~بجد بجد؟؟
*الشاي لو وقع هتبات ع الكنبه ي ليل
ضمني ليه وهو بيضحك ~ ياما انت كريم يارب
وقتها الساعه دقت 12
*يالا ي حبيبي نصلي ولا هنكسل من اول بيبي
~لا طبعا أدامي اتفضلي
مع اول سجده فضلت اقول الحمدلله انا ممتنه لربنا أنه دايما معانا واي وقت بتوب بيتقبلني و الساعه اللي خبطت فيها باب ربنا مسابنيش ولا ردني وبعدها الساعه اللي رزقني فيها بليل والبيبي اللهم لك الحمد حتي ترضى ولك الحمد اذا رضيت ولك الحمد دائمًا أبدًايارب
تمت..
لقراءة الرواية كاملة اضغط على : (رواية ساعة حظ)
