رواية ساعة حظ الفصل الأول 1 بقلم ريهام زيدان
رواية ساعة حظ الجزء الأول
رواية ساعة حظ البارت الأول
رواية ساعة حظ الحلقة الأولى
_الهانم اللي متاخره ساعتين عن معاد الشغل انتي ماشيه بتوقيت اي انا عايز افهم
*انا ماشيه بتوقيت ربنا ي فندم اي هنكفر ولا اي المعاد اللي ربنا كتبهولي باجي فيه
بسخريه _ي سلام ع الايمان والتقوى ,خدي بالك دا اخر تحذير ليكي ي الاء المره الجايه رفد
*طبعا ي فندم اللي تشوفه بعد اذنك
بعدنص ساعه
*بس ي ستي وراحت المهندسه مي ضربت جوزها بغطا الحله
ضحكت’ ي نهار دانتي فظيعه ي الاء
لقيت واحد من الموظفين مركز معانا
بصتله بقرف *جرا اي ي استاذ سامح ماتلم اطباق الدش دي ف جمب
بصوت هادي’ المدير جاي ي الاء هخلع انا بقا
*اهربي اهربي ي جبانه
التفتت وانا ببتسم *منور ي سيادة المدير
شاور بايده _ع مكتبك
بعد ساعتين
_انتي ي استاذه بتعملي اي ؟
شورتله بايدي يستني عشان متلغبطش ف عدّ الفلوس
برق عينيه _انني بتتجاهليني !!
اتوترت *ها لا والله ي ريس أما حد بيكلمني وانا بعد الفلوس بتلغبط
بصلي بسخريه _والله ! فلوس اي اللي بتعديها وسايبه شغلك
• دي فلوس عم محمد
_والله بقا الفلوس بتاعت عم محمد كمان وبتعديهم ليه بقا إن شاء الله
ابتسمت *اصل هو هيجوز بنته وانا اقترحت ع زمايلي نلم من بعض ونساعده وكنت جيالك حالا ي ريس اخد منك مساهمه معانا
_انا رائى توفري مجهودك ف لم الفلوس وتستغليه ف انك تدوري ع شغل جديد
ابتسمت *وليه ادور مانا ف شغلي مع حضر..
سكت اما استوعبت الكلام وبصتله *هو هو حضرتك قصدك اني
هز رأسه باها واتكلم ببتسامه _ايوا بالظبط مجلس الاداره قرر الاستغناء عنك بسبب سوء التارجت بتاعت وتأخيرك ع المواعيد وعدم التزامك بضوابط الشركه
بصتله بقرف *واي السعاده اللي حضرتك فيها دي مفيش اي تقدير لخفة دمي ولا إني كنت بلم ليكو فلوس الفطار أخص عليكم كلكم طب عاوزه باقي حسابي
ضحك_ دا انا لو حاسبتك خَسرتي الشركه أد اي هتطلعي مديونه لينا
*وعلى اي بقا سلام عليكم
روحت ع مكتبي لميت حاجتي وسلمت ع زمايلي وانا بضحك اصلا ولا فارق هما اللي خسروني يدوب خرجت ودموعي نزلت روحت البيت وماما فتحتلي الباب
^هو انتي لحقتي ي الاء دانتي رايحه من ساعتين
ضحكت *مهو هما لقوني شاطره اوى فمشوني
^ مشوكي بدري يعني ؟
*لا مشوني خالص
^ انا قولت من الاول انتي متنفعيش ف شغل اقعدي بقا واتجوزي حسن ابن خالتك
بصتلها بصدمه *حسن حوكشه!! لامستحيل دا عبيط ي ماما
^ هو دا اللي هيعدلك ي الاء ويربيكي
اتاوبت وانا بدخل اوضتي *ي ستي حد قالك اني مش معدوله انا هدخل اكمل نومي بقا صحيني ع الغدا ي ماما
^ طب صلي الضهر قبل ما تنامي
اتنهدت بزعل *ادعيلي ربنا يهديني واصلي
^هوحسن اللي هيخليكي تلتزمي بالصلاه
برقت عيني *حسن !!! حسن دا مش بيركعها اصلا سبيني أنام ي ماما الله يهديكِ.
قعدت ع سريري بزهق ومعرفتش انام هل انا فعلا مهمله ؟ولا العيب ف مين بس؟،فضلت ادور ع وظيفه ع النت بس كل المحاولات للاسف كانت فاشله بس افتكرت وقتها إيمان صحبتي فاتصلت بيها وفضلت ارغي معاها كتير
∆ي الاء هترفد بسببك مقولتليش عاوزه اي
كشرت*يعني انا ولا الشغل مش تسمعي أحزاني
∆طب اخلص شغل واكلمك نرغي براحتنا
*ماشي ي ستي شكرن
قفلت معاها وانا مخنوقه هو اين يذهب الإنسان حين لايتقبله أحد وقتها انتبهت حواسي كلها وصوت الشيخ بيقول( وَإِذَا سَأَلَكَ عِبَادِى عَنِّى فَإِنِّى قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ) عيوني دمعت إني مش قادره اخد خطوه واقرب من ربنا عماله اخبط الف باب ومش راضيه اخبط الباب الوحيد اللي مش هيردني نمت مكاني بهدومي وهمومي صحيت تاني يوم علي صوت الحجه
^يالا نرتب البيت عشان خالتك جايه عندنا
شديت المخده ع راسي * ي ماما ترويق اي اللي الساعه سبعه الصبح
^ مهو بصي بقا انا مش عاوزه حد يقعد ف ارابيزي وهتتجوزي ياللي مش نافعه انتي
شيلت المخده وقومت * وعلى هقوم اشوف شغل
فتحت فيس بوك لقيت اعلان لشغل نزلت اقدم بس اترفضت قعدت ع كرسي ف جنينه صغيره وانابشتم ف الشركات اللي مش مقدره قيمتي اي يعني معيش لغات ولا خبرة ستين سنه هل دا مبرر !! فضلت اكلم نفسي وقتها جت قعدت جمبي ست كبيره في السن طبطب ع ايدي
¥ زعلانه ليه
اتنهدت و عشان انا رغايه حكتلها قصة حياتي وحياة اجدادي انا ربنا يسامحني
ابتسمت ¥ حظك قليل ي بنتي
عيطت *خلاص بقا ي حجه متزوديش المواجع بقا
فتحت ايدي وحطت فيها ساعه
¥خليها معاكي هتحققلك كل حاجه بتتمنيها
حاولت اعترضت بس هي أصرت فلبستها وروحت لقيت ماما قاعده تتفرج ع الtv
بصيتلها بحذر
* السلام عليكم ي ماما
ابتسمت لي ^ حمدالله ع السلامه ي حبيبتي غيري هدومك عشان نتغدي
برقت عيني * اي هتغديني كمان انتي مش لسا شتماني الصبح وقولتلي اني مش نافعه ف حاجه
¥ لا ي عيون ماما دا انتي زينة البنات يالا غيري هدومك ع ما احط المحشي
*عيون ماما !!
جريت بدلت هدومي وطلعت الصاله لقيت محشي فعلا ست الكل صادقه
*ي ماما انتي متاكده أن الاكل دا ليا
¥ايوا ي حبيبتي بالف هنا
اكلت انا وهي قلبي مش مطمن
*يبقي انتي عامله الاكل دا عشان اوافق ع حسن حوكشه صح
¥حسن اي وقر’ف اي دا انتي تتجوزي باشا ابن باشا ي لولو
لولو !!ضيقت عنيا كدا هو في اي هي الحجه ناويه علي اي؟
دخلت اوضتي لقيت الفون بيرن برقم غريب طنشته مره والتانيه رديت لقيت شركه كبيره طالباني اروح بكرا لانترڤيو اتنطتت ع السرير من الفرحه وانا مش مصدقه اللي بيحصل تاني يوم روحت واتعينت ف الشركه بمرتب عالي جدا كنت ببص لكل حاجه بذهول الموظفين والمدير زي الجمر شبه الافلام
بصلي ببتسامه =ال سي ڤي بتاعك ممتاز تقدري تسلمي الشغل انهارده لو معندكيش مانع
كنت ابغي اقوله أنهم كانوا مبهورين بغبائي وبيحطوا ع السي في بتاعي الفطار لكن استحي
الساعه عملت صوت وقتها بصيتلها ف ايدي وحاولت اخلعها بس معرفتش
ي ترا اي اللي هيحصل والساعه هتكون فعلا ساعة حظ ولا ؟!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ساعة حظ)
