رواية سابني يوم الفرح عشان قلتله نكته الفصل الثالث 3 بقلم رحاب القاضي
رواية سابني يوم الفرح عشان قلتله نكته الجزء الثالث
رواية سابني يوم الفرح عشان قلتله نكته البارت الثالث
رواية سابني يوم الفرح عشان قلتله نكته الحلقة الثالثة
ـــــــــــــــــــــــ
عمار ببرود ـ
طفش من وشك ومن عمايلك..
انجي بعصبيه ـ
يعني اي، مستحملني كل ده وجاي يطفش يوم فرحي وشكلي قدام الناس هيبقي اي..
عمار بسخريه ـ
امم الناس، هو طفش منك عشان كده ي حبيبتي انتي كل همك الناس جابت الناس عملت الناس هتقول الناس بتلبس كذا الناس بتاكل كذا الناس بتفسح مش عارف فين، عمر اللي كانت عينه ع الناس وبيبص للمظاهر ما هيكون مرتاح وحسن اختار راحته وانه يبعد عن التعب…
انجي بدموع ـ
انت واحد معقد وحسن مش زيك، حسن بيحبني وبيحب يريحني ويعملي اللي عايزاه هو هيرجعلي..
مسكت ايد باباها وقالت بدموع ـ
بابا قوله ان حسن هيرجعلي، انا مش وحشه وحسن مش هيسيبني عشان العُقد اللي بيقول عليها عمار دي،انا قولتله نكته بايخها هو اكيد سابني عشانها…
ابو انجي ـ
اهدي ي بنتي هيرجع تلاقي حاجه بس اجبرته يمشي..
عمار بحده ـ
لا مش هيرجع عشان هو عايز يتجوز واحده تكون شايله همه هو وبتهتم بيه هو مش بتهتم بمنظرها ولبسها وشعرها ورأي الناس فيها.انها لازم تكون اكتر بني ادمه تنكه ومغروره عليهم..
ـ جات ترد عليه بس جات رندا وهي بتعيط وقالتلها…
رندا ـ
انجي حسن بعتلك رساله..
انجي بلهفه ـ
فينه وريني بيقول انه جاي صح، بيقول انه مش هيسيبني…
رندا وهي بتديها الفون ـ
خدي اقرأيها بنفسك..
ـ مسكت انجي الفون وقرات الرساله ودموعها نزلت وهو كان كاتبلها..
حسن ـ
انا اسف ي انجي بس انا مش هقدر اكمل..
ابو انجي ـ
بعتلك اي ي بنتي طمنيني..
انجي بعصبيه وانهيار ـ
الحيوان سابني..
عمار بقلق ـ
صوتك الناس هتتفرج علينا..
انجي بغيظ ـ
بقيت فارقه معاك الناس دلوقتي، صاحبك الانتيم بتاعك ساب اختك وهي في الكوشه، وحياة امه م هرحمه والله ليتنفخ مني، قال انا اتساب كده..
رندا بخوف ـ
اهدي ي انجي وشك بقي صفر اووي…
انجي بعصبيه ـ
محدش يقولي اهدي انا اتفضحت، الحيوان سابني عشان يريح دماغه مني معملش حساب اني بحبه ومقدرش اعيش من غيره…
عمار ـ
عندك واخيرا قولتيها، ايوه كده ازعلي عشان هو سابك وانتي بتحبيه مش عشان بوظ شكلك قدام الناس…
انجي بعصبيه ـ
واكيد طبعا عشان شكلي قدام الناس..
عمار بضيق ـ
مفيش فايده اختي مستحيل تتغير…
ـ بصت انجي للناس اللي بتتفرج عليها وبعدين افتكرت ان حسن حب طفولتها سابها ومشي في احلي يوم في حياتها، فـ راحت وقفت في نص القاعه وقال بصوت عالي وهي بتعيط…
انجي ـ
معلش ي جماعه عطلناكم ع الفاضي، مفيش فرح ولا حاجه عارفين لي عشان انا حبيت ووثقت في واحد واطي..
ـ فضلت الناس تتكلم عليها واللي شمتان فيها واللي بيبصلها بحزن، وهي متحملتش كل ده ووقعت فاقده وعيها…
ــــــــــــــــــــــــــــــــــــــــ
ـ ناقلوها بعد شويه المستشفي وكانت انجي جوه مع الدكتور و باقي العيلتين بره.. جه حسن بسرعه وهو خايف وقال..
حسن ـ
فين انجي حصلها اي؟..
قرب منه ابو انجي وقاله بعصبيه ـ
انت كمان ليك عين تسال عنها، بقي تسيبها في الكوشه وتجرحها كده..
حسن بحزن ـ
انا مش هتكلم في اي حاجه غير لما اطمن عليها، ومتنساش ي عمي انها مراتي..
ابو انجي بعصبيه ـ
هطلقها منك ي حسن..
حسن ـ
مش هيحصل انا مش هسيب انجي طول مانا عايش،متتكلم ي عمار…
عمار بضيق ـ
ي جماعه مش وقت الكلام ده نطمن ع انجي الاول بس…
ابو انجي بحده
طبعا مهو صاحبك ولازم تطيبله..
ادايق عمار، فـ قربت منه رندا وقالتله..
رندا بحزن ـ
متزعلش ي عمار متشغلش بالك هكا وحشين والله ومش عارفين قيمتك..
عمار بغيظ ـ
روحي رندا والنبي اقعدي ع جنب كده،وبعدين ما اهلك مشيو ما غورتيش ليه معاهم…
رندا ـ
طيب متزعلش، مش اختك صحبتي بس في داهيه المهم انت متزعلش…
عمار بغيظ ـ
روحي اقعدي جنب امي ي عديمة الكرامه، روووحي…
رندا ـ
مش مهم، المهم تحبني..
عمار بحده ـ
اموت واعرف مين الحيوان اللي لما كان بيوزع الكرامه مداكيش منها…
رندا بهدوء ـ
لا اداني..
عمار ـ
ي ستي لا مش باين..
رندا بحماس ـ
والله اداااني بس رميتها في وشه تاني يوم ما حبيتك…
عمار بغيظ ـ
غوري اترزعي ي رندا بدل ما انيمك جنب صاحبتك جوه…
رندا ـ
مش مهم هيبقي بالنسبالي زبيب ي حبيب…
زعق عمار فيها ـ
غوري ي رندااا…
ـ راحت رندا قعدت جنب مامت عمار، وبعد شويه طلع الدكتور وقالهم…
ابو انجي ـ
طمني ي دكتور بنتي عامله اي؟..
الدكتور ـ
لا اطمنو هي كويسه جدا، بس اتعرضت لصدمه او حاجه خلت الضغط يوطي عندها، بس الحمد لله دلوقتي هي احسن تقدرو تطمنو عليها وتاخدوها معاكم كمان…
حسن ـ
انا هدخل اتكلم معاها…
ابو انجي ـ
انت تبعد عن بنتي خالص ي ولد انت…
حسن بغيظ ـ
دي مراتي ي عمي واللي بيني وبينها محدش ليه دعوه بيه..
وقف ابو حسن وزعق فيه ـ
بقولك اي ي ولد انا ساكت من الصبح انما بعد ما خليت رقبتي قد السمسه قدام الناس فانا اللي هقولك ابعد عن انجي…
حسن بخوف ـ
عمار اتصرف…
زعق عمار فينم ـ
جرا اي منك ليه وليه، ادخل ي حسن لـ مراتك وانتو انزلو اشربو حاجه تحت وسيبوهم يحلو مشاكلهم مع بعض…
رندا ـ
انا اتفق مع عمار..
عمار بغيظ ـ
مش وقت نحنه اترزعي انتي كمان..
رندا بدموع ـ
شايفه ي طنط ازاي كاسر بنفسي…
ام عمار ـ
معلش ي بنتي هو كده قفل ومش عارف قيمتك..
عمار بغيظ ـ
رندا هو انتي ملكيش اهل يسألو عليكي، بقالك اسبوع مبلطه عندنا..
ابو عمار بحده ـ
اتلم ي ولد وملكش دعوه بـ رندا حبيبتي مرات ابني..
عنار بغيظ ـ
ادخل ي عم حسن انت كمان لمراتك مستني اشيلك ادخلك انت كمان..
حسن بقلق ـ
متيجي معايا انا خايف…
عمار بحده ـ
ادخل ونفذ الخطه وكل حاجه هتبقي فل…
حسن وهو داخل الاوضه ـ
ربنا يستر يارب…
ـ دخل حسن الاوضه اللي فيها انجي وقفل الباب، وقعد عمار جنب اهله وبعد دقيقه واحده طلع حسن من الاوضه يجري واتخبي ورا باباه وكانت انجي بتجري وراه وهي ماسكه الفستان…
عمار بقلق ـ
في اي ي حسن، منفذتش لي؟…
حسن بخوف ـ
هو انا لحقت ده انا يدوب دخلت الاوضه اول ماشفتني نطت في وشي…
انجي بعصبيه ـ
بقي انا ي اصفر تسيبني يوم فرحي وتهرب وتخلي شكلي وحش قدام الناس…
حسن بتوتر ـ
طيب اهدي ي انجي نتفاهم، انا كنت مجبر اعمل كده..
زعقت انجي فيه ـ
اييي هتعملي فيها دور اللي قادره ع التحدي وع المواجه وتسيبني يوم الفرح وفاكرني هعيط واسكت لاااا…
حسن بخوف ـ
هتعملي اي ي مجنونه انا جوزك لسه اهو احنا كاتبين الكتاب…
_تفتكرو هيحصل ايه؟
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية سابني يوم الفرح عشان قلتله نكته)
