رواية سأنتقم الفصل الرابع 4 بقلم ميرفت السيد
رواية سأنتقم الجزء الرابع
رواية سأنتقم البارت الرابع
رواية سأنتقم الحلقة الرابعة
ايدي اتحركت على المسدس و
لكن اتمالكت اعصابي
بصيتله وانا باداري غضب الدنيا كله وابتسمت وانا جوايا نار مستترة
ًومديت ايدي بكل غرور مسك ايديا وباسها
وقعد جنبي وهو بيوجه كلامه لكل الموجودين:انا عازمكم ياجماعة
الكل شكره وبدأت احاديث مختلفة بين الجميع وضحك وهزار واندمج مع الشلة وهو اجتماعي ودمه خفيف مش هانكر رغم كرهي ليه بس هو فنان في اصطياد وجذب البنات
استغل انشغال الجميع الي بيرقص والي بيضحك وقرب مني وقالي:شايفك هادية يااما متضايقة
قلتله : فعلا لما باتضايق باكون هادية
قالي :هاتطفل لو سألتك مالك
_لا طبعا بس مش بعرف احكي شيء شخصي لحد ماعرفوش او لسة عارفاه
ضحك وقالي: ياست الكل نتعرف
زياد قرب مني وهمس لي في ودني :لو متضايقة من التافه دة نمشي واخلصك.منه
ضحكت من كلامه وحركت شعري باغراء متعمد وانا عارفة ان الحركة دي احمد بيحبها وقلت لزياد : لا مفيش حاجة
وبنظرة جانبية لقيت احمد وشه متغير
زياد مشي لحد البار
احمد قالي: تحبي ترقصي
_ اوك
استغرب من التناقض بتاعي ورقصنا وكل مايقرب مني احس بالقرف وابعد عنه
لحد ماخليته هايتجنن 😒
اتعشينا وهو مش بينزل عينه من عليا وانا متجاهلاه واول ماجاله تليفون استغليت انه قام وندهت زياد يقعد جنبي وهزرت معاه
لحد مارجع شوفت البخار من ودانه 😁
حان وقت الذهاب
وطبعا كالمتوقع هايعمل المستحيل عشان اركب معاه
وفعلا خرجت لقيت العجلة نايمة وهو قال انه ساكن معايا وفي وشي بنفس الكمباوند
وركبت معاه وانطلقنا وفي الطريق حاول يكلمني ويتعرف علياوياخد رقمي اديتهوله
وانا باقفل معاه اي كلام بذوق
لحد.ماوقف قبل الكمباوند ونزل شوية ورجع جايب لاتيه من عربية قهوة وقالي انه احلى لاتيه ممكن تشربيه
وفعلا كان لذيذ
كان بيحاول يطول الوقت على قد ما يقدر
قالي:مش هاتقوليلي بقى مالك
_من ساعة مارجعت من برة مش لاقية شغل مناسب
:بتعرفي تشتغلي بادارة الشركات
يعني عندك خلفية عن التواصل مع الشركات العالمية بالايميلات وباللغة الإنجليزية والفرنسية
تقدر تحجزي لأي ايفنت بالشركة قاعة اجتماعات ومطاعم وفنادق بأي بلد
قلتله بانبهار مفتعل:ايوة دة شغلي
قالي: وانا مديرة اعمالي والمسئولة عن كل دة هاتتجوز تعالي شوفي الشغل ونتفق
قلتله اوك
اتفقنا يتصل بيا الصبح وياخدني معاه
وصلني للبيت وهو هايتجنن من تعاملي معاه
فضل مستني لحد ماطلعت شقتي وانا شيفاه من ورا الشباك مش عاوز يمشي وطلع شقته وقف بالبلكونة ساعة بيراقبني وبيحاول يتصل بس انا قفلت فوني
وهو دة المطلوب إني اعذبه واشغل باله واكون جنبه ومش طايلني لحد مايتعلق بيا ويتجنن
انا بدأت اول خطوة وهاكمل مهما حصل
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سأنتقم)
