رواية سأنتقم الفصل الثالث عشر 13 بقلم ميرفت السيد
رواية سأنتقم الجزء الثالث عشر
رواية سأنتقم البارت الثالث عشر
رواية سأنتقم الحلقة الثالثة عشر
انطلقنا بالعربية وهو قال انه اليوم كله مفاجئة
وفعلا لفينا مصر كلها وقضينا يوم روعة كان چنتل جدا وحاسة بحبه واهتمامه وغيرته ودة المطلوب
وفي اخر اليوم واحنا مروحين جاله تليفون
فرمل عربيته ونزل وهو بيزعق وبيتعصب
ودار الحوار بالتليفون كالاتي: ازاي بنت الك…لب دي تعمل كدة؟
بترفع قضية اثبات نسب
هي عشان اتطلقت وجوزها رفع عليها قضية وبينكر نسب ابنه عاوز. تشيلهالي.
كله من افعالها انا ماغصبتهاش وواثق انه مش ابني
دي فضيحة اسمع ياكمال (محامي) انت بتاخد مني مبلغ كبير شهريا مش عشان اسمع منك اقتراحات
انا عاوز حل نهائي حتى لو كان التمن حياتها
وقفل مع المحامي
طبعا فهمت ان الكلام على سما 😀 وقلبي طار من الفرحة
قعد وهو بيضرب راسه بايده مسكت ايديه وقولتله: اهدا اكيد في حل
بصلي بصدمة وقالي : يعني مش هاتسبيني
قولتله : مستحيل
اترمى في حضني وقالي قد ايه محتاجلك
اتفاجئت وارتبكت بعدته برفق
روحنا الفيللا
ودخل يعمل مكالمات طويلة جدا
وبالاخر خرج وهو مبسوط وقعد جنبي
قولتله انت مبسوط اهو ايه حليت المشكلة ؟
:تقريبا
اوك انا هاروح
:لا باتي معايا
ماينفعش
: قصدي هاوضبلك اي اوضة تعحبك هنا
بس تكوني جنبي
هافكر
: الصبح هنروح الشركة سوا
اوك
وباس ايديا ووصلني
كنت طايرة من الي حصله بنفس الوقت خايفة على سما 🥺 مهما كان هو مخادع كبير هي غلطت بس متستاهلش تتفضح كدة
راسلت فارس ونمت
والصبح كنا في الشركة اشتغلت لوحدي بدون منى الي اتجوزت وسابت الشغل وبدأت انتهز كل فرصة عشان اكتشف اي سر يهدمه
بس هو كان حريص جدا
ماانكرش انه شاطر جدا في شغله
بس دة مايبررش انه حوت بيبلع اي منافس بلا رحمة
زي ماعمل في بابا 🥺
وقبل مااليوم يخلص
فارس بعتلي ان في واحدة اسمها سما اتقتلت وكل صحافة السوشيال منزلة خبر قتلها وخطف واختفاء ابنها
زعلت جدا اهي راحت ضحية اقعالي بس هي كمان غلطت
قلبي وجعني ولقيت كل الشركة بتتكلم حتى جالي موظفة معرفهاش وقعدت تحكيلي عن الي حصل و ان سما كانت مكروهة جدا وربنا يرحمها
وفجأة دخل امين شرطة طلب يقابل احمد استدعاء للنيابة
على قد زعلي على سما بس قلبي كان بيرقص من الفرحة على فضيحته
مجهودي بتدميره بدأ يؤتي ثماره 🤗
ولسة
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سأنتقم)
