رواية زين الصعيد الفصل الحادي والثلاثون 31 بقلم دودي
رواية زين الصعيد الجزء الحادي والثلاثون
رواية زين الصعيد البارت الحادي والثلاثون
رواية زين الصعيد الحلقة الحادية والثلاثون
شريف:الو ي نور
نور:الو ي شريف في حاجة
شريف:لا مفيش عايز بس اقابلك في الكافيه اللي بنتقابل فيه ع طول
نور:ليه في حاجة حصلت معاك
شريف:هقولك لما اقابلك ي سلام
بعد شوية نور راحت تقبل شريف
نور:خير ي شريف ايه الحاجة اللي طلبت تقبلني علشانها
شريف :عايزة اتكلم معاكي علشان حكايه السفر دي
نور:هااا وافقت صح كنت عارفة انك عمرك م هترفضلي طلب ،ايه رأيك نحدد ميعاااد الفرح ونسافر ع طول…ايه ي شريف مش بترد ليه …
شريف قاعد وبيبص لهااا واد ايه طلعت مش همهاا غير مصلحتهااا وبس عاملة تفكر وتخطط علشان السفر
نور: سرحت في ايه ي شريف
شريف:بس انا للاسف مش هعرف اجبلك بيت برا .انا خسرت صفقة بملايين ي نور والشركة وكل حاجة ومباني العقارات محجوز عليها من البنك ي ادفع ي كل حاجة تروح مني وحقيقي مش عارف اعمل ايه انا…انا وقعت
نور وعلي وشهاا علامات الاستغراب …ايه كل ده حصل امتاااا ،طاب هتعمل ايه
شريف:ما علشان كدا طلبت اقابلك …انا عايزاك تقفي جمبي وتقولي لعمي يحاول يساعدني ويدفع هو ضرايب البنك ومستعد أمضي علي كل الضمانات …
نور في نفسها ..ايه النحس ده ….اومال انا اتخطبت ليه علشان تيجي تقولي فلست …يخربيت كدا …
نور بتنهيدة :بص ي شريف انا مليش دعوة ،ده شغلك وانا مش هعرف اعملك حاجة وبابا مش معاه يدفعلك ،طلعه من الموضوع …
شريف :يعني ايه …
نور:يعني حل مشاكلك ي شريف انا كنت معاك في كل حاجة وانت وقعت خلاص كدا سامحني انا مش هقدر اكمل معاك
**وهنا شريف أتأكد من كلام فارس له وفارس هو اللي قاله علي الخطة دي وازي فعلا يعرف إذا كانت نور بتحبه بجد ولا بتحبه علشان فلوسه ..شريف خد صدمة كبيرة اووي من كلامهااا هي ازي تتخلي عنه كدا دي م صدقت تخلع لما لاقت مفيش منه منفعة بعد م وقع**…
#Flash_Back…
فارس :بص ي يسيدي انت هتعمل عليها خطة وانك وقع ومحتاج حد يقف جمبك ومش هتعرف تسافرهاا معاك وانك فلست ع الآخر والبنك هيحجز علي الشركات ساعاتها بقا وقفت جمبك وبقت في ضهرك ولاقيتها بتدعمك وردت فعلها عادي لما قولتلها …ولا هتخلع وهتقولك معلش اصل كدا مش هتعرف تكون من المستوي بتاعي …وانت عارف الباقي بقا ي معلم …وياارب يسيدي تطلع جدعة معاك والخطة بتاعتي تطلع ظالمها …
#Backb_Again…
نور بتمثيل:شريف انا مش عايزاك تزعل مني انا مقدرش اكمل وانت بتمر بظروف في شغلك والله اعلم هتتحل ولا لا
شريف بضحك :ياااه …م صدقتي كدا اتصدقي انا مش كنت استاهل اصلا اني اكمل معاكي احب اقولك كل كلمة قولتها ليكي مش صحيح انا مش هحصلي مشاكل في الشغل ولا البنك هيحظر علي الشركات بالعكس كل حاجة في شغلي ماشية تمام وبتقدم وفي تزايد كمان …انا عملت كل ده و
علشان اتأكد من حاجة واحدة بس وخلاص اتأكدت منهااا وهي انك بتجري ورا اللي معاه فلوس عايزة تعلي وتكبري وتتآمري عايزة كل حاجة ل حد عندك …رغم يشيخة أنه ابوكي غني يعني وعنده بدل الشركة اتنين وتلاته …ايه بتعملي كده ليه …استغليتي حبي ليكي …ونعم وحاضر …ده انا كنت
بسمع كلامك في كل حاجة …وعمري م بخلت عليكي ولا في فلوس ولا في مشاعر ولا في حب هو ده المقبل في الاخر …هو ده تعبير حبك لياااا …مصدوم فيكي وان ازي مكنتش عارف حقيقتك كدا …بس واضح كل اللي حواليا هم بس اللي كانوا يعرفوا حقيقتك وانتي ع ايه …بحمد ربنا اني فوقت قبل م كنت اكمل مع واحدة زيك …انتي اللي زيك عمره م هيحب …
نور بتمثيل :شريف انا كنت عارفة انك بتهزر …اصلا مستحيل شريف حبيبي يقع كدا …انت ظلماني وفاهم غلط …انا بحبك اووي ي شريف.
شريف بضحك :اه بتحبيني لا م هو كان واضح ،طلعتي ر*خيصة اووي وكلبة فلوس …من النهاردة كل حاجة م بينا انتهت انتي فاهمة …سلام.
نور بعد م شريف مشي …يلهوي ،انا غبية غبية ..اوووف…ماشي ي شريف غور في داهية
……………………………………………………
سليم :هااا طمني انا عملت ايه
_سقطت
سليم بحزن وبصدمة :ايه انا سقطت …وبيحزن اووي
_يعمي انا اللي سقطت …وللاسف انت نجحت
سليم :الله يخربيتك وقعت قلبي …يخي غور وانا مالي تسقط ولا تولع ألهي يحرقك ي ولد المركوب انت
وبيضربه في بطنه بهزر
_اه اه خلاص يعم سليم ،الله يسهله ي باشا
سليم كان فرحان اووي وأنه قبل في الكلية الحربية فرحته بنجحه مش تتوصف بجد ساجد و ركع ع الأرض وكانت عيونه بتدمع من الفرحة …وبيرفع أيده للسماااا…ياااه ي رب الحمد لله صبرت ونولت ي رب احمدك انك ادتني هدية معافرتي وصبري …وبيدعي ويعيط بكل الحب اللي في قلبه
“”عارفين احساس حلو اووي أن الواحد فيناا يوصل ل هدفه يوصل ل حلمه اللي هو ي رب انا هتعب وهعافر علشان اوصل وتفضل تدعي كل ليلة وكل ثانية علشان حلمك وانك توصل …وتنام وتقوم وانت بتحلم بالحلم ده كل واحد فينا عنده احلام
كتير اووي نفسه يحققهااا كل واحد فين بيعافر وبيتعب علشان يوصل بس عايزة اقول حاجة ايوه مهم انك تحلم علشان افضل تعيش انا بالنسبالي عايزة علشان انا بحلم طبعا مستغربين ده اللي هو ازي …انا هقولكم انا عايشة علشان احلم واحقق واعافر فالحلم هو اللي بيخليني اعيش ل بكرا هو اللي بيديني طاقة وروح علشان انام واصحااا وأبدا فيه الحلم هو انك قبل م تسعي للنجاح تكون مؤمن من جواك انك هتوصل حتي لو جربت وحاولت ومحصلش نصيب جرب تاني وتالت مفيش حاجة بتيجي من اول مرة صدقوني طعم النجاح والوصول مش بيكون ليه طعم غير لما تمر الاول بفشل ووقوع ويأس ساعتها بس هتحاس بالنجاح وان فعلا ربنا بيحبك هتحاس لما توصل ل حلمك انك ملكت العالم باللي فيه طعم النجاح والفرحة حلو اووي ربنا يكتبه علينا كله ي رب متيأسوش وعافروا واحلموا وحققوا واوعوا تسمعوا اي كلمة من حد تحبطكم وترجعكم الف خطوة وخطوة ل ورا انت بكل قصتك وأرسم احلامك قدامك وفي يوم هتكون حقيقة وتقول لكل اللي راهنوا ع فشلك “لقد جعلها ربي حقاً ” انت مش فاشل انت بس محتاج تقوم نفسك ب نفسك محتاج تدي ل نفسك امل وطاقة الإحباط والكسل بيجوا لما انت اللي تستسلم مش تيجي تقولي اصل الناس الناس دول ولا حاجة في مقابل انت اللي بتدور ع حلمك والحاجة دي انت اقوي من اي حاجة تهزك أو تكسرك أو تضعفك عافروا واسعوا ونفسي تصدقوا انكم هتوصلوا والله هتوصلوا بس الصبر والسعي الايمان من جزاكم أن مهما كانت النتيجة هتفضلوا أقوياء مهما حصل … “الاحلام هي اللي بيخليناا نعيش …” “المعافرة طول الحياة في الوصول هو ده الحلم …” “ده مفيش وصول من غير احلام …”
انتوا قدهااا …وتقدروا …تمسكوا …أحلامكم … بأديكم …””♥️♥️♥️♥️♥️♥️♥️♥️♥️♥️♥️♥️♥️
#ĎØĎý
…وعلي طول قرر يسافر علشان يبلغ أهله في الصعيد
راح يركب القطر …واتصل برحيم كمان يبلغه .
رحيم :الو ي ولد يعمي هااا النتيجة طلعت ولا لسه
سليم بفرحة :طلعت ي رحيم طلعت
رحيم :طمني عملت ايه
سليم والفرحة بتغمره :نجحت ي رحيم نجحت
رحيم بفرح:صح عاااد ي سليم الف مليون مبروك ي واد عمي الف مبروك ي حضرة الضابط سليم حسن الجبالي …انا هروح أبلغ عمي ومرات عمي راضية دي الفرحة مش هتسعهم جوي جوي …
سليم :ماشي ي رحيم …وانا جاااي اهااا في القطر
رحيم بفرح :تيجي بالسلامة يخوياا …انا هبلغهم وهجاي هستقبلك ع المحطة …سلام
**وصل القطر ووصل سليم واول م نزل من القطر لاقا زفة وهيصة وزغاريط وضرب نار …وأبوه حسن وعمه ورحيم ورجالة من الدوار …
ورحيم رايح يسلم ع سليم…ي مرحب ي سليم نورت البلد ي باشا مصر
سليم بحب :بنورها بيك ي رحيم
وحسن الجبالي بفرحة وبيفتح أيده ل سليم وبياخده ف حضنه …والله عشت وشوفتك ضابط في الكلية الحربية ي سليم الف مبروك ي ولدي
سليم بفرح وحب وبيبوس أيده …الله يبارك فيك ي بوي
واهل الدوار سلموا عليه ومشيوا علي الدوار
راضية بفرحة وبتزغرط :لولوييييييييي….لولوييييييييي
تعال في حضني ي ولدي تعال …تعال ي حضرة الضابط
سليم :واحشني جوي يماا انا نجحت يما الحمد لله…نجحت بدعائكي ي حبيبتي ي ست الكل وبيبوس اديهااا
راضية بحب وفرحة :ربنا يبارك فيك يحبيبي وفي اخوك واختك ي رب
ومودة نازلة تجري من فوق وبتحضن سليم …ايوه ايوه بقا عندنا ضابط كمان قد الدنيا
سليم بضحك : اه ي لميضة ايه ي بت مش عجبك الضابط ولا ايه وبيضربهاا ع كفهااا
مودة بضحك :هو انا اقدر برضوا ي باشا تحت امرك ي فندم
سليم بضحك :ايوه كدا احترميني …
وكلهم بيضحكوا
حسن :يلا ي سليم اطلع ارتاح انت ي ولدي
سليم :ماشي ي بوي
حسن :بقولك ايه ي صالح
صالح :خير ي اخويا
حسن :عايزاك تدبح عجلين ع نجح حضرة الضابط سليم العجلين كاملين يتوزعوا ع أهل البلد ي صالح مش عايز حاجة تفيض انت فاهم …وابعت اتفق مع الشيخ ياسين التهامي كمان النهاردة هنعمل ليلة ذكر وبركة ل سليم
صالح :حاضر ي اخويا كل حاجة عاوزاها هتتنفذ
حسن :يلا روح علشان تلحق
صالح :ماشي.
………………………………………….
نيجي ل زين وعاصم وهم رايحين لام يحيي
والدة يحيي :…ايوه ي بني عايز حاجة
زين :اذيك ي امي انا زين زميل يحيي الله يرحمه وده عاصم
والدة يحيي بحزن :يحيي ابني وبتعيط
زين بحزن وهو شايفهاا كدا ودموعهاا ع خدهااا …خلاص ي امي وحدي الله مش كدا ربنا يصبرك …انا جاي اطمن عليكي
والدة يحيي والدموع في عنيهاا …تطمن عليااا كتر خيرك ي بني
عاصم بحزن :مش محتاجة اي حاجة ي امي
والدة يحيي بحزن وقهر :هحتاج ايه م خلاص مش محتاجة حاجة تانية من غير أن ربنا ياخدني بقا …محتاجة اشوف ابني تاني …هتعرف تجبهولي تاني
عاصم بحزن وسكت…
والدة يحيي :شوفت سكت ازي …خلي بالك من نفسك ي بني
ربنا يحميكم ويحرصكم ل شبابكم …كفاية اللي راح
زين قلبه مع كل كلمة منها قلبه بينقبض والحزن مليه
زين بيقوم وبيبوس اديهااا وراسهااا والدموع متجمعه في عينه …خلاص ي امي حقك عليا اعتبرني مكان يحيي انا عارف محدش هيقدر يعوض مكانه عندك بس من النهاردة انا وعاصم ولادك واحنا جانا هنا علشان نطمن عليكي ونقولك أننا فاكرينك دايما من كلام يحيي عنك يحيي كان بيحبك ااوي اووي كان دايماا يحملنا عنك وعن حبك ليه انت طيبة وست الكل ربنا يديكي الصحة انتي زي امي وانا وعاصم ولادك من النهاردة …و والله حق يحيي هيرجع من الكلاب دول والله لهجبلك حقه واجاي ابشرك….
والدة يحيي بتعيط بحرقة جامد اووي …انا والله كان نفسي افرح بيه كان نفسي افرح بيه …ي وجع قلبي عليك ي بني منهم لله منهم لله الكافرة ولاد ال*كلب الهي يتحرقوا مطرح ما هم قاعدين حسبي الله ونعمة الوكيل… يحيي ابني كان حلو اووي اووي ي زين يحيي انا كنت مختارة له العروسة وقالي هينزل الإجازة الجاية علشان يشوفهااا …كان نفسي افرح بيه بس زي اي ام. ابني مكنش يستاهل أنه يموت كدا …ضنايا وحبيبي مات وراح ومش راجع تاني مش راجع خلاص
**مهما اوصف قلبها وحرقته ووجعها عمر م حد هيحاس بيه غيرهاا …ام الشهيد لا بترتاح ولا بتنام …ام الشهيد جبل شايل كتير اووي ام الشهيد عمرها م بتنام طول م حتة من قلبها راحت …ام الشهيد صخرة من برا تبان قوية ومستحملة وصامدة وهي من جوا ارض بور ملوية وجع وكسرة والف صرخة وصرخة من جوا وحزن معشش فيهاااا ي ناس هتفضل طول العمر مكويه بكتب وانا كلي جرح وحزن م بالك ام الشهيد الضحية بكتب وبكل كلام جوايا يعبر عن ام الشهيد ووجعها اللي مهما عدت الايام والشهور والسنين هتفضل فاكرة مش ناسية ….ربنا يصبر امهاتنا جميعا …ربنا يرحم كل شهيد ضحي علشان المحروسة …هم في مكان احسن من هنا في الجنة ونعيمهااا …في دار الرب و الحق …
ام الشهيد بطلة قوية والله **
زين انفطر قلبه عليها اووي وهو شايفها كدا قدامه ودموعها خانته ونزلت وبيبص ل عاصم وحزين حزين ع الست اللي قدامه دي حزين علي كل دمعة نازلة منهاا حزين ع أنها فقدت ابنها الوحيد واللي كان شايلهااا واهو سابهاا في الدنيا وحيدة
زين حقيقي مش قادر يتملك أعصابه ولا حزنه ودموعه
وبياخد ام يحيي في حضنه …وبيبوس راسهااا …ربنا يصبرك ومعاكي انا كل شوية هجاي اطمن عليكي والله مش هنساكي
سلام ي امي سلام ي ام الشهيد.
ومشي زين هو وعاصم
زين :عاصم جهز نفسك علشان هنطلع تنشيط النهاردة للصحراء
عاصم :زين انت عارف بتقول ايه انت مجهز هتعمل ايه !
زين :ايوه ي عاصم ملكش دعوة انت اجهز بس
عاصم :طاب واللواء جمال
زين :انا هطلع علي اللواء جمال حالا ،ابلغه وانت روح تمم ع الرجالة وخليهم يجهزوا كويس اووي ي عاصم انت فاهم مش عايز اي غلطة مش عايز افقد اي واحد منهم في العملية كفاية ل حد كدا
عاصم :ماشي ي زين هعمل كل حاجة عاوزهااا
زين :يلا توكلنا ع الله .
……………………………………………….
في مكان العنا*صر الإرها*بية
ابراهيم بيشرف علي الأ*سلحة والتدريب للتكا*فريين
وبيعرف كل واحد ازي يقدر يتحكم في السلا*ح وطلق النار وازي يستخدم الارباجي وكمان ازي يفكوا السلا*ح ويركبوه
ابو اليزيد :الله الله ع الحماس ي ابراهيم
ابراهيم :كله بتوجيهاتك ي اميرنا
ابو اليزيد :لا عال اووي بقيت محترف في السلا*ح
لا وكمان من افضل القنا*صين
ابراهيم :كله بفضل الله الحمد لله
ابو اليزيد :الحمد لله ،والله ربنا منور بصيرتك دايما كدا طول م انت بتسعي في سبيل الله والجهد لا وكمان بتعلم الإخوة كرمك عند ربنا كبير قوي قوي… الله قولي ي ابراهيم اتعلمت كل ده فين
ابراهيم :من علي النت وكمان في كتاب الصحابة اللي بقراؤهاا وفيديوهات ابو العزام
ابو اليزيد :م شاء الله،ربنا ينور بصيرتك
يلا كمل ي بطل مع الرجالة
الايام بتعدي والشهور ويوم ورا يوم ابراهيم بيكسب بوينت اكتر واكتر عند جما*عة الإخو*ان وبقا معروف م بينهم وبيطلع عمليات وهو رئيسها وعملية ورا التانية الشيخ ابو عبدالله بيثق فيه اكتر اكتر وجات للشيخ ابو عبدالله معلومات من برا مصر أنه اللي هيقوم بعملية الاغتيال الجاية هيكون ابراهيم لمهاراته ك كقناص محترف وان الجماعة أشارت أنه احسن واحد يقوم بالمهمة دي
……………………………………………….
ملك :الو ع البياعة اللي مش بتسال عني خالص
جنة بضحك :عيب هو انت اقدر برضوا … م انتي عارفة الشغل هو اللي بياخدني منك ي ملوكتي
ملك :ايوه ايوه اضحكي عليا ودلعيني علشان انسااا اشتمك مش كدا
جنة بضحك :الله م خلاص بقا يا بت ده انتي رخمة اووي
ملك :بقا كدا انا رخمة ..طيب خلاص مش هقولك انا بتصل بيكي ليه
جنة بضحك :ي سلام عادي مش عايزة اعرف
ملك :يووووه ع رحمتك ماشي هقولك خلاص بقا مش تزني علياا عارفة انك هتموتي و تعرفي مش تتحايلي عليا
جنة بضحك :يخربيت كدا هو انا اتكلمت …طاب قولي ي آخرة صبري
ملك بضحك :علشان تعرفي انك عايزة تعرفي اهووو …
جنة :ي حجة اخلصي في اي مش ناقصة شلل
ملك :انا خطوبتي الاسبوع الجاي
جنة :نعم نعم…وساكته كل ده اما انتي رخمة بصحيح
ملك بضحك :بشوققك بس
جنة بضحك :اه م انتي عليه اصلا ..بس سيبك بجد الكلام ده حقيقي بجد هتبقي احلي برايد في الدنيا …بس لحظة استني هو مين العريس واسمه ايه
ملك :فاكرة حسام اللي كنت حكتللك عنه
جنة :ايوه
ملك :انا بقا يستي سمعت بنصحتك وقررت ادي لنفسي واديله فرصة تانية وبس وجاه وقاعدنا سوا وأهله جم تاني يوم وقرءنا الفاتحة وحددنا ميعاد الخطوبة الاسبوع الجاي …
جنة بضحك :ايوه يعم ع الناس اللي خططت وفكرت كمان شوفتي اديكي سمعتي بنصحتي ي بنتي انا اصلا اسمي نصوحة
ملك بضحك :طيب ي نصوحة هانم اوعي متجيش وربنا انفخك انتي فاهمة
جنة بضحك :الله الله انا بتهدد بقا
ملك بضحك :اه في مانع ولا ايه
جنة بضحك :لا ي باشا هدد براحتك …هعديها بس علشان عروسة بقا وكدا.
ملك :ماشي يختي يلا عايزة حاجة انا قولت اعرفك انتي اول واحدة تعرف اصلا …جنة بجد مش عاوزه اكون لوحدي في اليوم ده انتي مش هتسبيني صح
جنة بحب :اسيبك مين ي بنتي هو حد يسيب أخته برضوا انا كدا كدا هنزل قبلها بيومين ع الله…طبعا مش لازم اكون معاكي …والله فرحانة اووي اووي ي ملوكتي حاسة انها خطوبتي انا ربنا يتمملك ع خير يروحي واشوفك اسعد واحدة وأن شاء الله كل حاجة هتمشي مضبوطة
ملك :يااارب ي جنة ي رب أنا بحبك اووي
جنة :الله هي مالها قلبت دراما كدا ليه م خلاص ي بت
ملك بضحك :عندك حق دراما دراما …يلا انا هقفل بقا علشان نازلة الصيدلية
جنة بضحك :سسسلام ع عروسة ..هااا واخدة بالك بتكه ع السين …
ملك بضحك:واخدة واخدة سسسسلام ي ابتسسسسام .
…………………………………………………
_هااا حد حاس بحاجة
هدي :لا بس اعمل حسابك دي آخر مرة انت فاهم
_الله ليه بس ي جميل ،م دام محدش خد باله خلاص آخر مرة ليه بقا
هدي:وانا هستنا لما حد ياخد باله انا مش ناقصة
_بطلي الخوف ده بس وكل حاجة هتبقااا عال والدنيا ماشية فل وانا بس وانتي بتستفادي وبيغمز لهاا
**الشخص اللي هدي بتكلمه ده بيكون ضابط في القطاع بس ضابط شمال شوية بيتفق مع هدي أنه بيجيب مخدر*ات وحاجات زي اقرا*ص مخد*ره كدا وهدي بتحطهاا عندها في الدولاب وبتوزع منهاا علي العساكر والضباط الشمال اللي بيحبوا يعملوا دماغ وهم في القطاع وكل ده من غير م حد ياخد باله وهدي بتعمل كدا مقبل الفلوس وان الضباط دول بيعملوا لها أي خدمة هي محتاجة لها
يعني مبدأ نفع واستنفع
هدي تعمل اي حاجة علشان الفلوس حتي لو هتبيع جسمها علشان فلوس ومعارف عادي جدا وده اللي بتعمله فعلا
منه لله بقا اللي قبلهااا ف قطاع الطب …ما هي كلها ماشية بلح في الزمن ده وواسطة يلا م علينا …
……………………………………………………..
زين راح للواء جمال مكتبه وبيقوله أنه هياخد قوة ويطلع علي الصحراء يعمل تنشيط في الاول اللواء جمال كان رافض بس زين إقناعه أنه المهمة دي هتكون علي مسئوليته الشخصية ووافق زين طلع من مكتب اللواء جمال
شاف جنة ماشية مع مريم
زين بصلها وبيبتسم وماشي من جنبها وبيوقف فجأة وبيقول
…طيب انا رايح دلوقتي مهمة مفيش حد يدعيلي دعوة حلوة كدا ولا بلاش لاحسن المرة اللي فات واحدة كدا دعت عليا روحت وجيت كنت واخد رصاصة الله واعلم بقا هروح و هرجع ولا لا
جنة بتبتسم كدا ع خفيف
زين :اهلا اذيك ي دكتورة مريم
مريم بإستغراب:ايه ده هو حضرتك تعرفني
زين :طبعا انا اعرف كل واحدة هنا في القطاع حتي كمان اللي لسانهم طويل وبيبص ل جنة
جنة بترفع حواحبها كدا سبعة مرة واحدة وبتتحاول وبتبص له … نعم انت تقصد مين
زين بضحك :ايه ده هو انا كلمتك ي آنسة
جنة :اول مرة اشوف ظرافة بتتكلم
مريم في سرها :احيه عليكي ي جنة يخربيتك
زين بضحك :الله الله بقا روشين اهو
جنة :زي م انت روش كدا صح
مريم واقفة وعاملة تقرص جنة علشان تسكت
جنة :إييي كفاية عاملة تقرصي فيااا
مريم فجأة :احم ايه التسييح ده … عن اذنك انا لحظة انا معرفش البت دي سلام و طلعت تجري
زين ضحك علي طريقة مريم
جنة :نادلة نادلة مفيش كلام
زين بيبص ل جنة وبيقولهاا ممكن اعرف مش عايزة تتكلمي ليه
جنة :عادي نفيس بيني وبينك ايه علشان اتكلم معاك
زين :اومال كنتي غيرانة ليه لما كنت واقف مع هدي
جنة :مين قالك اني غيرانة وانا مالي تقف مع هدي تقف مع الجن الازرق حاجة متخصنيش عن اذنك …
زين :طيب طيب لحظة استني بس ،بقولك انا طالع مهمة دلوقتي المرة اللي فاتت دعيتي عليا واديكي شوفتي النتيجة كانت ازي اتمناا بقا المرادي تدعيلي دعوة قمر كدا زيك
جنة بأبتسامة :الله انت بتعاكس بقا …بس ماشي يسيدي خلاص هدعيلك …ربنا يرجعك بألف سلامة ي رب
زين بحب :الله عليكي لما تكون الغزالة رايقة
وجنة لسه بترد لقت الممرضة جاية وبتديهاا ظرف وان حد سابهولها وقالهاا تديه لهاا
جنة بتفتح الظرف تشوف فيه ايه وصدمة كبيرة لها اول م …
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية زين الصعيد)
