رواية زين الصعيد الفصل الثاني والأربعون 42 بقلم دودي
رواية زين الصعيد الجزء الثاني والأربعون
رواية زين الصعيد البارت الثاني والأربعون
رواية زين الصعيد الحلقة الثانية والأربعون
عاصم بفرحة :بجد … يعني موافقة
جنة بضحك :يعم أهدأ بس ،بص ي عاصم كل الحكاية إني مش عارفة أو محتارة …
عاصم بإستغراب:بس انتي لسه قايلة إنك موافقة …انا بجد مش فاهم …طاب مش عارفة إيه ومحتارة ليه …جنة هو انا وحش بالنسبالك
جنة :لا لا والله ابدا الحكاية مش كدا خالص …بالعكس انت شخص كويس جدا … حتي كمان كلامك معايا ذوق وحلو وعمري م شوفت منك حاجة وحشة علشان اقول عليك اي حاجة …
عاصم :اومال ايه بقا…
جنة بتنهيدة:انا بس عندي شوية مشاكل ف البيت…ده غير إني مستغربة لحقت عرفتني وحبتني امتااا وكمان بالسرعة دي …
عاصم :عادي …الموضوع جاه كدا ،معرفش يمكن مشاعري متلخبطة ويمكن كمان استغربتي لما جيت وقولتلك بس انا حقيقي بحبك … وعاوز اتجوزك
جنة ب توتر :بص ي عاصم ممكن تسابني بس شوية وهرد عليك بس مش دلوقتي …
عاصم :ماشي اللي ترتاحي ليه …بس عايزاك تعرفي حاجة واحدة بس إنك لو وافقتي بجد …هيبقااا اسعد يوم ف حياتي وصدقيني عمري م هخليكي تندمي ابدا وانا راضي بأي قرار هتخديه …
جنة بإبتسامة:شكرا …لانك متفاهم كدا
عاصم :يمكن علشان عارف إنك هتوافقي بس مكسوفة …احم يعني المهم ايه رايك تيجي نقعد ف الكافتيريا وتحكيلي ع المشاكل اللي عندك دي
جنة :لا لا مش عاوزة اشغلك بمشاكلي انت مش ناقص …
عاصم :يستي ملكيش دعوة انا اللي بقولك .. وبعدنا حد يطول يسمع مشاكل من قمر زيك كدا
جنة بضحك :إيه ده ف ايه دي مجاملة ولا معاكسة ولا ايه بالضبط
عاصم بضحك :ولا ده ولا ده …ده حب
جنة :أحم …طاب مش يلا بينا ولا ايه …ولا انت بخيل ومش عايز تعزمني بقا
عاصم بضحك :لا ودي تيجي طبعا …يلا …
**جنة مشاعرهاا يمكن تكون متلخبطة من ناحية عاصم …محتارة هل هي موافقة وبتحبه فعلا ولا بتكابر وخلاص جنة لم قالت ل عاصم أنها موافقة فجأة اترددت واتوترت وقالت له يسبهااا شوية تفكر …
………………………………………………
ونيجي بقا هنااا
ملك قررت تروح لأحمد السجن بس من غير م ابوهاا رءؤف يعرف وراحت من وراه …راحت السجن وطلبت زيارة لاحمد بأنها عاوزة تشوفه …وكانت قاعدة ف المكتب لحد م العسكري جاب احمد وجاه
ملك قاعدة والعسكري اول م دخلت ب احمد …احمد أتصدم واستغرب من وجود ملك
العسكري سابه وطلع وقغل الباب وراه …
احمد بيبص ل ملك … بس مش بيتكلم ولا كلمة …ملك بتقوم وتقف قدامه …وبتنهيدة … طبعا انت مستغرب إني جاية هنا … إيه م ترد ولا مش قادر ترد عليااا…انا بس عاوزة اعرف انت ازي جابك قلب تعمل كدا حقيقي أنت مش انسان …والله انا مشفقة عليك للاسف …ايه يخي مش قادر تتكلم ولا مش عاوز تتكلم علشان مش لاقي حاجة تقولهااا …
احمد بيبص لها ف عنيهااا وثابت قدامهااا …لا عندي كلام كتير اووي ع أساس مش عارفة انا عملت كدا ليه … انا اقولك عملت كدا ليه …ده علشانك انت كنت بحبك و ل حد الآن لسه بحبك …كنتي عايزاني اعمل ايه وانا شايفاك بتروحي مني …اقف اتفرج ايوه كل اللي عملته ده غلط وعارف كانت ايه هتكون نهايته ف الاخر …بس ع الأقل هيبقاا ارحم من اني اشوفك مع واحد غيري
جنة بإستغراب:ارحم انك تموت وتضيع نفسك وتموت واحد ملوش ذنب كدا !! انا بجد مش مصدقة كلامك ده …
احمد :لا صدقي …حبي ليكي مكنش حب ده كان جنون معرفش انتي عملتي فيااا ايه خلاني احبك كدا السبب كان عندك انتي …
ملك :انا …يعني خلاص بقيت انا السبب دلوقتي !!؟
هو انا عمري حبيتك ولا عمرك لقيت مني اي حاجة من ناحيتي …انت اللي وهمت نفسك وخلاص تعرف انت اللي كان ف ايدك تصيح نفسك ب نفسك بس معرفتش …انت ي احمد ولا حاجة شوف نفسك فين دلوقتي شوف وصلت لإيه
احمد بضحك :ايوه يمكن يكون عندك حق …بس انا كنت بحاول أصلح من نفسي وكنت بحاول مش زي م بتقولي معرفش كنت بحاول ابعد عن كل حاجة واكون شخص كويس ايوه مكناش فيه اي مشاعر من ناحيتك ليااا… بس الحب مش بأديا الخب ده مرض لما بيدخل قلب الإنسان مش بيكون شايف اللي قدامه ده بيحبه ولا لا
“الحب ده مرض مبيخفش ”
يمكن مكنش الشخص المناسب علشان انا زي م قولتي ولا حاجة … بس ده مش ذنبي اني ملقتش حد يعلمني …مش ذنبي اني ملقتش اللي يساعدني …مش ذنبي ان ناس تانية لاقية ده وانا شايف الواحد من دول لابس ومعاه فلوس … واللي اسمه حسام ده بقا الله يرحمه …كان واحد متعلم لا وكمان مهندس وأهله كويسين لما قرنته بياا لقيت أنه يستاهل فعلا …
بس اللي كان مجنني ازي وافقتي عليه وهو كان عا*جز …اعر*ج … استكترتك عليه وانك خسارة فيه …ساعتها قولت ازي واحدة زيك كدا وحلوة ومفيهاش ولا غلطة…تقبل ب واحد زيه كدا فكان لازم يمو*ت ومش يتهنا بيكي… وايوه انا كنت بحبك و مجنون بيكي كنت عارف انك بتكر*هيني عارف اني بشرب وبتاع بنات وعملت كل حاجة حرام …
بس ع الأقل كنت اديني فرصة تانية …فرصة واحدة بس كانت ممكن تقدر تساعدني …بس خلاص الكلام مبقاش ينفع …ودلوقتي اظن عرفتي انا حبيتك ولا ايه …
وحبي ليكي ده وصلني لإيه …
ملك بصدمة :ياااه …انا مصدومة اووي من كلامك ده …عمل تبرر بكلام ملوش اي معني…طاب حسام ذنبه ايه ذنبه أنه اجتهد وبقااا انسان كويس ومحترم !.
ذنبه أنه بقا انسان له قيمة … انت رايح ترمي عليه ظروفك وتقول إنه لاقااا اللي يعمله … الظروف دي مجرد وهم وبنرميهاااا ع شماعة غيرنااا يخي بدل م كنت تبص ل حسام وتبص لإزي تخليني احبك زي م بتقول كنت بص ل نفسك واصلح من حالك …انت ي احمد كنت مستحيل تتغير ابدا مهما عملت …حتي فاكر لما كنت بتضايقني كل شوية بكلامك وأسلوبك معايا كنت مستني مني ايه…
احب واحد زيك زي م قولت كل حياته سهر وبنات وقرف …
احمد بغضب :اومال جاية هنا ليه … دلوقتي مش أنا الوحش اللي ضايع مستقبله وحياته …جاية ليه هااا …
ملك ب سخرية : جاية اشوفك وانت ب بدلة السجن اللي قريب هتبقا بدلة اعد*ام … جاية اشوفك وانت محبو*س كدا ومش قادر تعمل اي حاجة …شايف شكلك بقا عامل ازي …جيت اشوفك واشفي حزني وانت قدامي ومكسور كدا دلوقتي هترجع وتفضل قاعد بين أربع حيطان مستني حكم الاعد*ام … وبتنهيدة جاية وهمشي وهسيبك وهقزلك حاجة واحدة بس …انا برا حرة وعايشة حياتي وهعرف اتخطي مرحلة حزني أو خلاص اتخطيتهااا … وانت هنا شوفت جنون حبك وصلك لايه ف الاخر …اللي بيحب حد بجد بيتمنالك الخير مع الشخص اللي بيحبه …اللي بيحب فعلا كان يسيب اللي يحبه ف حاله ومش يأذي شخص برئ كدا …
وبتبصله بسخرية :انا مشفقة عليك اووي انت اللي زيك مجنون … وادي جزت عملك ف الاخر…شايفة الكسرة ف عنيك … وبعد كدا مشيت ع طول وسابت احمد واقف وكله حزن وكل كلمة من ملك بترن ف ودانه…
واهو جاه العسكري وخداه ل سجن الأربع حيطان من تاني …
……………………………………………….
**سليم من ساعة اللي حصل ف بيت عمه… صالح وهو مش عارف آخرة الحوار ده هيرسي ع ايه ف الاخر خلاص قروا الفاتحة والإجازة الجاية هيفتح أبوه حسن ف موضوع الخطوبة …
سليم قاعد سرحان…
بيدخل عليه منصور وسيف …
منصور : ايه يعم سليم مجتش تدريب الرماية ليه ومالك
سليم :مفيش … بس تعبان شوية …تقدر تقول كدا مليش مزاج
سيف :الله ليه بقا ،حد يعم يبقاا قرأ فتحته وزعلان كدا …
منصور :انت مش اتبسط ف الإجازة ولا ايه
سليم :إجازة منيلة اقعد بقا اقعد ساكت انت وهو
سيف بضحك :لا ده انت محطوط عليك جامد بقا
سليم :بقولك ايه انت كمان مش ناقصة …اقول امشي انت وهو من هنا
منصور :ايه ي سليم اهدا كدا يعم…احنا عاوزين نهون عليك
سيف :قوله والنبي يعم منصور …وبيضحك
منصور :خلاص بقا ي سيف علشان سليم كدا هيزعل وبيضحك …
سليم :ده انتوا عيال بردة …انا مش طايق نفسي وماسك نفسي عليكم ب العافية
منصور :يعم ولا تمسك نفسك ولا تزعل قولنا نيجي نشوفك ونقولك تجهز للتدريب علشان محمد بيه هينفخك لو مجتش المرادي
سليم ب تنهيدة :طيب …طيب … هلبس وهجاي وراكم …
……………………………………………….
هدي :ايه ي ميجو مبقاش حد بيشوفك يعني
ولا خلاص نسيت هدي حبيبتك
ماجد :ي ستي ولا نسيتك ولا حاجة كل الحكاية إني مشغول بس اليومين دول
هدي بد*لع :وياتري بقا مشغول ف ايه ي سي ماجد … ولا ميكونش حنيت للست جنة وقررت ترجع لهاا …ع العموم براحتك
ماجد :انا اقدر برضوا اسيبك ي جميل …ده أنتي الحب كله وبعدنا جنة مين دي اللي حنيت لهاا بس دي خلاص بقت بالنسبالي تمثال سيبك منها لا بقا
هدي :طيب …ايوه يخوياا اضحك عليااا وخلاص…بقولك لسه انا عاوزه منك فلوس
ماجد :فلوس …فلوس ايه م انتي كنتي لسه واخده مني
هدي بد*لع:الله م هم خلاص خلصوا واتسرفوا ي ميجو …ولا ميتخسر فيااا بقا …يعني انا مستهلش
ماجد :هو انا قولت كدا …خلاص ماشي هديكي اللي انتي عايزاه يستي …
هدي:ايوه كدا ي ميجو …ربنا يخليك لياا ي حبيبي …قولي بقا مش وحشتك ولا ايه وبتغمز له
ماجد :لا وحشتيني …انا ماسك نفسي عليكي بس علشان ف الشغل بقولك الإجازة الجاية عاوز بقا ليلة ولا الف ليلة وليلة
هدي بضحك :يعني هي أول مرة ي ميجو
ماجد :لا بقا روحي شوفي شغلك دلوقتي قبل م حد ياخد باله
هدي بضحك :حاضر يحبيبي …يلا سلام …
**هدي و ماجد بقا بيعملوا كل الز*نا والحر*م مع بعض **
بس ي تراه نهاية كل واحد فيهم هتكون ازي ف الاخر …
…………………………………………………
جنة قاعدة ف الكافتيريا بعد م اتكلمت هي وعاصم بس بعد كدا عاصم سابهاا بعد م خلصوا كلام وهي فضلت قاعدة ف الوقت ده كان زين جاي الكافتيريا أو بمعني اصح عمل نفسه مش واخد باله منها وتجانبهااا…
طلب المشروب بتاعه وقاعد ع ترابيزة قدام جنة
جنة ب تبصله ومستغربة منه …وبتسال نفسها …ماله ده كمان معرفش واخد مقلب ف نفسه كدا ليه ع الفاضي
عنده تكبر مش عند حد …فجأة زين بيرفع طرف عينه وبيبص ل جنة اللي لاقهااا مركزة معاه
وهو بيبص لهااا من تحت ل فوق ونظرات كلها استفزاز جنة أضيفت وقامت وراحت لعنده ووقفت قدامه …تعرف انك مريض نفسي بجد
زين برق اول م سمعها بتقول كدا …افندم هو الكلام ده ليااا
جنة بحدة:والله انا مش شايفة حد قصدي غيرك يبقااا الكلام ليك
زين تعبيرات وشه اتغيرت …انتي مجنونة مش كدا …و ي تراه بقا عاوزة ايه ي مجنونة …
جنة :وهعاوز ايه من واحد زيك اصلا…طول م انت قاعد وانت عامل تبصلي نظارات من تحت ل تحت وغريبة …هو في ايه مالك …ولا يكون شايف نفسك ولا حاجة
زين بعصبية وسخرية :لا مش يمكن بتحلي ف جمالك فببص عليكي من حلوتك مش كدا …
اسمعي ي بتاعه انتي احترمي نفسك والتزمي حدودك معايا انتي فاهمة ولا تحبي اوريكي الوش التاني
جنة :أتصدق كدا خوفت …انت طلع عندك وش غير ده ولا ايه ع الله ميطلعش اصفر ومكشر بقا كدا …
زين ماسك نفسه ع جنة بالعافية بس متكلمش واكتفا أنه يبص ل جنة من تحت ل فوق وبس وبيرجع ب ضهره لورا ع الكرسي وبيربع أيده وبيضحك
جنة استغربت من فعله ده …انا مشوفتش برود بالشكل ده وبتمشي وبتدبدب وهي ماشية …
زين ف نفسه وبتنهيدة:والله م انا عارف آخرة العند ده ايه ي زين …ياريته كان بأديا اتكلم بس خلاص الكلام مبقاش منه فايدة …انا مش هخسر صحبي علشان قلبي ملعو*ن ابو الحب وعشق الحب …
……………………………………………..
خالد :الو ي ماجد …هااا خلصت اللي اتفقنا عليه ابعت
ماجد:والله م انا عارف …انا واثق من الفكرة دي ولا هتسوحنا ف الاخر
خالد :يعم عيب عليك ملكش دعوة انت بس …جرب ومش هتندم …ويعني انت ولا اول ولا اخر واحد يعمل الحركة دي …الحاجة جاهزة قدامي اهي وعلي ضغطت زرار واحدة بس كله يبقا ف التمام
ماجد :اشطا خلاص …ع الله بس يجي ب نتيجة ف الاخر
……………………………………….
مريم :ايه ي بنتي فينك كل ده …الدكتور عبدالرحمن عايزاك …علشان عندنا عملية وبقالي ساعة بدور عليكي
جنة :يستي كنت ف الكافتيريا …وبعدنا عملية ايه انا بجد مش قادرة اعمل النهاردة اي حاجة …
مريم :لاوحياتك مش ناقصة دلع …يلا علشان انتي عارفاه ده راجل شراني اووي ومعندوش هزار ف الشغل …
اجهزي وانا رايحة أوضة العمليات اجهز المعدات ع بال م تحصليني
جنة :ماشي …
بعد ساعتين ع العملية وخلصت … مريم وجنة راحوا علشان يرتحوا …
مريم :ياااه ايه ده العملية كانت صعبة اووي بجد …بس الحمد لله انها عدت ع خير …وعدنا مرحلة الخطر دي
جنة بتنهيدة :الحمد لله …والله العساكر دول غلابة اووي …شوفتي يعني عملية زي دي كانت ممكن رجله تنقطع فيهااا …بس يشاء ربنا ويقوم منها ع خير …ربنا يحميهم ي رب
مريم :اه والله عندك حق …ده لولا أن الرصا*صة كانت بعيد عن مفاصل الركبة الله واعلم كان هيبقا عامل ازي دلوقتي …
كل عملية بيطلعوها …مش بيبقوا عارفين هيرجعوا تاني ولا لا …عاملين زي اللي شايل كفنه ع أيده …
جنة :حاجة تقطع القلب والله …بس هيعملوا ايه…شغلهم كدا …
مريم :طاب المهم انتي هتعملي ايه بقا دلوقتي
جنة :اممم …مفيش هروح الأوضة والله فيه رواية كدا عايزة اقراءهاا لسه جايباها ومكملتش منها غير فصلين بس. عايزة اكمل قراية الباقي …
مريم :والله م انا عارفة ايه حكاية الروايات اللي واكلة عقلك دي …انا عارفة يختي ازي بيجيلك طول بال تقري كدا …ده لو أنا امل من اول صفحة ومليش طولة بال وقال ايه اروح واشتري ف روايات واقراءهم كمان
جنة :بس ي بت انتي …الروايات دي الحاجة اللي بتهون عليااا حياتي اصلا …وبعدنا انتي متفهميش حاجة فيهااا ولا بتحاسي …متعرفيش يعني ايه رواية واحداث وابطال وتعيشي كدا ف كل حدث فيها وتتخيليه …وكل رواية زي م تكوني البطلة بتاعتها …ياااه الروايات دي احلي حاجة ف الدنيا …
مريم بضحك :م خلاص ي بطلة …ده انتي مش بتحبيها وبس …ده ادمان ي ماما …والله شكل قريب عقلك هيتلسح من ام روايتك دي
جنة :وماله ….ملكيش دعوة ي غلسة …
مسج بتوصل ل جنة بتفتح المسج بتنصدم ووشها بيتغير مريم بتلاحظ انها اتغيرت اول م شافت المسج دي …جنة ف ايه وشك ماله اتغير كدا …
رقم غريب بيرن ع جنة اول م بتفتح …
_بضحك ايه رأيك ف المفاجأة دي …
جنة =…
مريم :ي بنتي مالك ف ايه…جنة بتديهاا الفون مريم خدته وبتشوف في ايه
مريم بصدمة واندهاش من اللي شافته =ي نهار اسود هو ده بجد ….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية زين الصعيد)
