رواية زيني الفصل الأول 1 بقلم آلاء محمد
رواية زيني الجزء الأول
رواية زيني البارت الأول
رواية زيني الحلقة الأولى
-انتي اتجننتي ياريا انتي عايزه تتجوزي بتاع فول وطعميه
=انا بحبه يامريم وبعدين الشغل مش عيب
-انتي حره بس انتي اللي هتندمي بعدين مش احنا
***************************
انا ريا عندي ١٩سنه ف كليه طب شاطره جدا ف دراستي ودايما بطلع الاوله عايشه مع ماما واختي مريم توأمي بابا متوفي من ٥سنين احنا كنا عايشين عيشه مختلفه تماما كنا عايشين ف زايد بابا عنده شركه عقارات بس حصلتله مشاكل كتير ف الشغل لحد اما فلس ومات من الزعل والقهر علي حاله اهدنا شقه انا وماما واختي ف حته شعبيه عكس اللي كنا عايشين فيها تماما وطبعا لأننا مختلفين محدش كان بيتعامل معانا لأنهم بيشوفونا متكبرين لكن بالعكس احنا بس مش واخدين علي العيشه دي واللي جرب فوق اوي صعب يتعود على المتوسط بسهوله بس الحمدلله بعد فتره اتعودنا علي عيشتنا ودخلنا انا
واختي مدرسه ثانوي حكومه وطبعا كان التنمر علي قفا من يشيل لأننا هاديين ومبنكلمش غير بعض وشاطرين جدا عكس العيال اللي معانا مرت سنتين واحنا عايشين ف الحاره كان عمري ساعتها ١٦سنه كنت رايحه اجيب لينا فطار من المحل بتاع الفول والطعميه لقيت حد غريب موجود اول مره اشوفه قطعت الورقه اللي فيها الحاجات وروحت وقفت علشان اطلب الاكل
اول اما وقفت لقيته بيبصلي بعيونه الزرقه المتكحله اللي سحرتني من اول نظره
اخد مني الكوبون وقالي_اؤمري يا انسه عايزه ايه
قولت بتوتر=احم عايزه ب ٤فول وب٤طعميه
_بس كده انتي تؤمري
وانا ببص ف الأرض علشان بسرح ف عينه اول أما ببصلها =شكرا
لقيت حد بيقوله -وسع يازين
الله الله اسمه زين كمان ده ايه الحلاوه دي هو اسم علي موسمه والله
روحت البيت وهو شاغل تفكيري عيونه الزرقه المتكحله ملامحه الحاده جسمه الرياضي قمر قمر يعني روحت البيت وعملت الفطار وروقت البيت اصلي انا اللي بعمل الاكل وبغسل المواعين ومريم هي اللي بتنضف وتغسل الغسيل لأن ماما بسبب اللي حصلها بقت تعبانه ومش بتقدر تعمل حاجه انا ومريم من صغرنا واحنا شيلنا المسؤلية بجد ربنا يخليها ليا مريم دي وماما احنا بجد ملناش غير بعض
بعد مخلصت اللي ورايا بفتح الفيس لقيت ………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية زيني)
