رواية زينب وكريم الفصل الأول 1 بقلم روان حسن

رواية زينب وكريم البارت الأول

رواية زينب وكريم الجزء الأول

رواية زينب وكريم الحلقة الأولى

خالتو سماح*أربع سنين فرق بينكم
_حلو ده انا اصلا هتم التلاتين قريب و لمه يكون اربعة و تلاتين يبقي تحفة سن النصج الجميل
*احم لا انتي الأكبر
_مش فاهمة
*العريس عنده ستة و عشرين
_طيب يا خالتو يعني اظن الجواب باين ولا ابيّنه أكتر
*بس احنا متفقين اننا بنقعد مع العريس الأول و نديله فرصة صح مش انتي وعدتيني
اتنهدت بحزن_أنتي زهقتي مني يا خالتو
*زينب انتي لو قلتي كده تاني لا انتي بنتي ولا اعرفك
_طيب اومال في ايه
*في انه شاب كويس و ساكن قريب ولمه سئلنا عنه لاقيناه زي الفل
_فِكرك يعني لو حصل نصيب هيبقي شكلي عامل ازاي وانا أكبر
*اقعدي معاه وبعدين اتكلمي
جم و والدته قاعدة بتبصلي نظرات غريبة من غير ما حد ياخد باله يعني مش طايقاني
طب يا جماعة نسيبهم لوحدهم شوية
=علي فكرة عادي لو بصيتيلي احنا في رؤية شرعية وكده
رفعت نظري
_انت عامل شعرك كيرلي!
=هو الشعر الكيرلي خرج من التأهيل ولا ايه
_شعرك كيرلي يعني انت انسان عايش حياتك و مش شايل مسئولية
=شعري اللي قالك كده، سبحااااانه
مبتسمتش_المهم شوف عايز تسئل ايه خلينا نخلص
=علي فكرة دي إهانة وأنا لا أقبل
بصيتله بملل
=أنا أول مرة أحس بالرفض من أول قعدة طلع شعور مش لطيف
مردتش
=هو انا مش عاجبك خالص
_نهائي
=هذا هو ذوقي، انتي دخلتي قلبي خلاص
_بس يا بابا كده كخ
=آه هي بقت كده لا ميغركيش الوش الكيوت اللي كنت راسمه ده لأن عشان خاطر خالتك اللي قاعده جوه دي لا انتي موافقة عليا ومن غير ما احلف
_انا اكبر منك يا حبيبي اتكلم علي قدك
=ما انتي حلوة اهو اومال في ايه
_حبيبي دي تريقة مش حبيبي اللي هي حبيبي
=ششش هنسمي ولادنا ايه
_ولا ولا انا واحدة ماشية بعلاج امشي من هنا و قولهم انك مش موافق
=اكذبي انتي انا مالي
_انا مش هكذب انا فعلا مش موافقه
=روحي قوليلهم كده يا شاطرة بس مش عايز اصدمك اني لُقطة و متسابش
_بس عندك ستة و عشرين
=هم ستة وعشرين عفريت في ايه مالك
_في انك اصغر مني بأربع سنين بحالهم وانا مستنتش الشخص المناسب كل ده عشان في الآخر أقبل أي حد وخلاص
=كلامك جارح بس هعديها قوليلي بقي اي هي مواصفات “الشخص المناسب” في رأيك
_أبسط حاجة انه يكون ناضج أنت تعرف انه علمياً الستات بيكبروا أسرع من الرجالة في العقل و التفكير وأن الدراسات أثبتت ان فرق العمر المناسب هو ان الراجل اللي يكون أكبر بأربع سنين عشان يقدروا يتوافقوا
=كل الدراسات دي حطي عليها طحينة، عشان في ظروف و في مواصفات و في حاجات كتير بتختلف من شخص للتاني
_المهم رأيي أنا و انا عايزة واحد أكبر مني
=ومين قالك اني مش الأكبر انتي مش شايفة نفسك عمالة تجادلي من الصبح ازاي شبه الأطفال
_اغلط كمان عشان امسك عليك ذِلّة قدام خالتي
=هه اثبِتي أني قلت حاجه يا حِلوة
_انا مش حِلوة و اتكلم كويس
=عندك حق أنتي مُرّة
_لا بقولك ايه بُص
=بصيت وبعدين
والدته”ايه يا عرسان مش كفاية كلام لحد كده احنا خلصنا الكلام لحد الجو حلو انهاردة
كله ضحك وانا عملت نفسي مكسوفة و دخلت الأوضة
خالتو سماح*ها اظن ملكيش حِجة الولا يتاكل من حلاوته
_مش عارفة يا خالتو أنا….
*بس انا عارفة ده أنتي أول مرة تاخدي و تدي في الكلام كده كل اللي قبله كنتي بتبوزي و مبتتكلميش المرادي صوتك كان واصلّي جوه
_ده عشان هو مستفز و عصبني
*يا بت يا عبيطة ده مفيش محبة إلا بعد عداوة
_ألا هو اسمه ايه صحيح
*كريم، لا و بصي لايقين علي بعض ازاي كريم و زينب
صدق الله العظيم
والدته*مبروك يا حبيبي
و مبروك يا عروسة
ااه بدأنا_الله يبارك فيكي يا طنط
خالتو *مبروك يا حبايبي عقبال كتب الكتاب
كريم=الله يبارك فيكي يا حبيبتي عقبالك
كله ضحك
خالتو*بصوا الولا
كريم=لولا اني اديتك كلمة و اخدت زينب كنت غيرت رأيي و طلبت ايد القمر
خالتو*يا واد هقوملك
ضِحك=لا خلاص
كريم=رحمة قالتلي أنك بتحبي الشعر ده صحيح؟
_ايوة أوي وأنت كمان؟
كريم=ده أنا أكره ما علي قلبي بس يتحب لأجلك ده حتي بصي البيت ده ” نظري مش ستة علي ستة بس شايفك فكل حتة”
_ايه الكلام الركيك ده و بعدين ده مش بيت اصلا
=اومال عمارة!
_خفة دم اوڤر
=يعني ايه ركيك اصلا
_يعني ضعيف، الشِعر كده “ما عدتُ أعرف أين تهدأ رحلتي وبأيِّ أرض تستريحُ رِكابي”
=يعني حتي الشعر بتحبي اللي فيه معاناة ده انا اختارت صح
نزل بوست يا رجالة عايزكم تعرفوا خطيبتي مين اخوكم هي هتتابع الكومنتات
اتفاجئت من الحركة بس مش مهم علي الأقل هعرف عنه أي حاجة و قلت اتابع الكومنتات فعلاً لقيت معظمهم تريقة زي أنه حافظ المصحف مرتين و بيصلي الجمعه كل يوم ومن هذا الكلام و ضحكت و كان في كومنتات جد زي أنه صاحب صاحبه و جدع و منهم اللي بيقول أنه طيب و يابختي بيه و منهم اللي بيقول أنه زميل كويس في الشغل و اللي استغربته أنه منهم اللي بيقول أنه عصبي جدا بس بيطلع يطلع و ينزل علي مفيش، لحد ما لقيت كومنت وقفت عنده شوية، شوية ايه لا كتير، كانت واحدة اسمها هاجر سعيد كاتبة”حبيب مامي مفيش منه اتنين” و ايموشن ضحك و قلب احمر، مين دي بقي لأنها مش من قرايبه أنا شفت قرايبه كلهم في قراية الفاتحة ومكنش فاضل غير أخته اللي متجوزة بره و مش هي دي، دخلت علي البروفايل لقيتها حاطة صورها شكلها مقبول أو مش مقبول بس دي شكلها حلو و صغيرة في السن و الأهم أنها كانت معاه ف نفس الكلية ، و فجأة الكومنت اتمسح!
فوراً اتصلت بيه
_ألّا مين الحب
كريم=عفواً الرقم الذي تحاول الاتصال به غير موجود بالخدمة
_لا متستعجلش هو هيبقي غير موجود في الدنيا كلها، مييين الحلوة
كريم=أنتي طبعا هو في حلو غيرك
_ماطل براحتك أنا قاعدالك
كريم=نفسي الأرض تنشق و تبلعني حالاً
_ماهو انا مش هَحِلّك غير لمه اعرف
كريم=شفتي الكومنت ها
_جيت لقدرك
كريم=بس غيرانة ليه
_بص يا كريم اقعد اهري في ال مهري كده و انا مش هسيبك غير لمه افهم
كريم=عايزة تسمعي يعني
_لو مفيهاش ازعاج
اتنهد=طيب ايه رأيك احكيلك لمه أشوفك
_ها انجز
كريم=طب نقعد ناخد نَفَسنا نشرب حاجة أو ناكل حاجة أيهما أقرب
_…….
كريم=حاضر هحكي ياساتر عليكي
الموضوع ابتدا لمه كنت في الكلية أيام الشقاوة
_انت لسه متخرج أول امبارح فوق
كريم=ياربي علي الفصلان أنا اصلا مش بعرف احكي أسئلي أنتي وأنا هجاوبك
_طيب كنتوا مرتبطين بقالكم قد ايه
كريم=هقولك مع أن المفروض تسيبي الماضي للماضي
_آه طبعا صح بأمارة كومنت امبارح الكلام ده لو الماضي مش بيأثّر علي الحاضر اللي هو أنا
كريم=أنا والله عرّفتها غلطها و صدقيني الموضوع ده مش هيتكرر تاني
_ما طبعا مش هيتكرر لأن لو حصل أنا هسيبك معروفة
=هه أنتي أصلا بتتلككي
_المهم ترد علي اسئلتي علي طول لأن معنديش طولة بال
=أنا اصلا نسيت السؤال من رغيّك، اه فضلنا مرتبطين تلات سنين و مخطوبين سنة
_و حبيتها؟
كريم=أكيد
_ولسه بتحبها؟
كريم=أكيد برده
_يا برودك
ضحك=أكدب عليكي يعني
_طالما لسه بتحبها قريت فاتحتي أنا ليه؟ ايه المرار اللي أنا فيه ده ياربي ناقصة فرهدة أنا
كريم=لو خلصتي صياح عرفيني
_………
كريم=أكيد لو كنت عايز أكمل كنت كملت صح؟بديهي يعني
_هو أنا المفروض اقلق؟
كريم=لا عيب عليكي أمان
_ومين اللي ساب التاني؟
كريم=هي اللي سابتني
_ليه؟
كريم=نصيب
بصتله بسخرية_لا والله
كريم=زينب انتي أكيد مش منتظرة مني أني أعيب فيها عشان سابتني صح؟ في الأول و في الآخر احنا كنا صحاب قبل ما نكون حبايب و لينا ذكريات حلوة مع بعض
_أقلق دلوقتي؟
ضحك=لو مكانك بعد الاجابة دي أترعب
_علي فكرة أنا مش بهزر
كريم=عايزين نحدد معاد الخطوبة بقي
_امممم بأمارة لسه بتحبها
كريم=كصحاب و من بعد ما دخلت بيتك كأخوات ده غير أن مامتها و مامتي لسه صحاب و غير أني عاملك مفاجأة
هاجر-هاي يا عرسان
فكرت في سري”ده جابها ف أول خروجة لينا أنا بعمل ايه هنا بجد”
زينب_ده كده اتعشت أوي هقوم أنا بقي
كريم=لا لا تقومي ليه أنتي اتضايقتي إمبارح بسبب كومنت هاجر وانا جيبتها عشان توضحلك بنفسها أنها كانت بتهزر و مش هتعمل كده تاني صح يا هاجر
هاجر- آه طبعا يا زينب كنت بنكشه بس، كريم ده زي أخويا و متتصوريش غلاوته عندي عاملة ازاي و بجد أنا مبسوطة أني اتعرفت عليكي
_اممم مفيش مشكله، تشرفنا
كريم=شوفوا هتطلبوا ايه عمال ما أرد علي المكالمة دي و آجي
هاجر-ألا قوليلي يا عروسة كريم عرّفك أننا كنا مخطوبين
ابتسمت بسماجة_آه يا حبيبتي عرفني أكيد مش هيخبي عليا حاجة زي دي
هاجر- عارفة أنا هنصحك لوجه الله احنا برده بنات زي بعض
قلقت بس مبينتش_خير إن شاء الله
هاجر- كريم ده ألف من تتمناه حتي أيام الجامعة كل البنات كانوا بيحبوه عشان اجتماعي و دمه خفيف زي ما أنتي شايفة بس أنا بقي غير كنت البيست فريند
_لحد دلوقتي مش شايفة نصايح في اللي قولتيه
هاجر-ما أنا جيالك في الكلام أهو نصيحتي أنك متسيبهوش يروح من إيدك أبداً لأنه لو راح مبيرجعش
_يعني ايه؟
هاجر بنبرة مهزوزة-من ساعة ما سابني وأنا خسرت كتير أوي
_هو اللي سابك؟؟؟
هاجر-آه مالك اتفاجأتي كده ليه
_هاه لا ولا حاجة أصلك يعني جميلة ما شاء الله متوقعتش يعني
هاجر-عندك حق بس غلطتي أني جيت علي كرامته وهو عنده كبرياؤه ده خط أحمر
_تمام فهمت
كريم=ها يا حلوين هتاكلوا ايه
عدت الخروجة لمه وصلنا هاجر لبيتها و بعدين وصلني و قبل ما انزل قال
كريم=أنا عارف أن دماغك زمانها بتودي و تجيب دلوقتى بس…
قاطعته_أتاري أنت اللي سايبها مش العكس ليه كذبت؟
كريم=عشان……