رواية زيتونة الملكة الفصل الرابع 4 عادل عبد الله
رواية زيتونة الملكة الجزء الرابع
رواية زيتونة الملكة الفصل الرابع
رواية زيتونة الملكة الحلقة الرابعة
الحلقة الرابعة
زيتونة بيتهيألك يا حبيبتي كل الرجالة عينيهم زايغة .
ملك بأنزعاج أنتي عايزة تقلقيني منه ولا أيه
زيتونة لا يا حبيبتي أنا أكبر منك وأفهم عنك وصدقيني أنا بتمنالكم السعادة من قلبي .
ملك ممكن أسألك سؤال شخصي لكن سورري فضولي هيموتني أعرف .
زيتونة أسألي يا حبيبتي بدون كسوف .
ملك أنتي قولتي أن جوزك متجوز عليكي .
زيتونة أيوه مالك مستغربة ليه
ملك أصل انا شايفاكي جميلة جدا مستحيل راجل يكون متجوز واحدة في جمالك ويبص لغيرها !!
زيتونة ما أنا قولتلك كل الرجالة عينيهم زايغة يبقي معاه التفاح ويبص للجميز !!
ملك كلامك ده قلقني جدا .
زيتونة تضحك مفيش قلق طول ما أنتي بتفرفشيه وتسمعي كلامه .
ملك ازاي
زيتونة يعني أي حاجة يطلبها منك أعمليها علطول حتي لو مش مقتنعه بها لازم تعمليها علشان ترضيه وكده مش هيفكر يبص لغيرك ابدا .
ملك تفتكري
زبتونة طبعا أنا بديلك خلاصة تجربتي وتجارب ستات كتير .
ملك وانتي عملتي كده مع جوزك
زبتونة انا عملت معاه اللي أكتر من كده لكن أنا جوزي حالة خاصة هبقي أكلمك عنه بعدين .
ملك أنا مش عارفة أقولك ايه أنتي ربنا بعتك ليا في الوقت المناسب .
زيتونة أنا هقوم أطلع شقتي علشان أكيد زهقتي مني .
ملك بالعكس أنتي قعدتك مش يتشبع منها أبدا .
زيتونة شكرا يا حبيبتي الساعة ٣ وأكيد عايزة تعملي أكل لجوزك قبل ما يرجع من شغله .
ملك الساعة ٣ !!!!! أزاي دي الساعة كانت لسه ١٠ من شوية .
زيتونة عادي يا حبيبتي الأوقات الحلوة بتعدي بسرعة ومش بنحس بيها .
ملك ٥ ساعات يعدو كأنهم عشر دقايق أو ربع ساعة !! أنا هتجنن !!
زيتونة متشغليش بالك يلا أنا هطلع شقتي وأنتي شوفي وراكي ايه يا حبيبتي ونكمل كلامنا بكره باي .
أنصرفت جارتها الحسناء زيتونة بينما ظلت ملك تفكر في كلماتها وكيف لها أن تسعد زوجها حتي لا يري غيرها .
وفجأة تتذكر ما كانت تفعله قبل قدوم جارتها !!
عادت الي مكتبة فايز وظلت تبحث بين كتبه الكثيرة حتي وقع ببن أيديها أحد الكتب الغريبة !!
فتحت الكتاب فاذا بها تجد العديد من الطلاسم والنقوشات الغريبة والكلمات الأغرب الغير مفهومة !!!
أكملت رحلة بحثها بين الكتب في عجالة حتي تأكدت من وجود العديد من كتب السحر !!!
فأصابها اليقين أن زوجها يمارس طقوس السحر !!!
ولكن ماذا تفعل اذن
مستحيل كانت تتوقع أن تصدم في حبيبها مثل تلك الصدمة !!!
فايز هو حب عمرها الذي أنتظرته طويلا وهو أيضا فتي أحلامها الذي زارته أحلامها المراهقة قبل أن تقابله في الواقع !!
ماذا تغعل أذن
هل تتركه وتبتعد عنه أم تربط حياتها بانسان مثله بعدما أكتشفت حقيقته !!
فبالرغم مما عرفت عنه فهو حبيبها الذي لا تتخيل الابتعاد
موقع أيام نيوز
عنه خاصة بعد أن جمعهما منزل واحد وأصبحت زوجة له !!!
ظلت تفكر وتفكر فهي لا ترضي لحبيبها مصير السحرة الملعونين .
اذن فالسبيل الوحيد لها هو مواجهته ونصحه ومحاولة ابعاده عن ذلك الطريق الملعۏن بشتي الطرق .
ظلت مستغرقة في التفكير حتي فوجئت به يدخل عليها من باب الغرفة !!!
فزعت خوفا حينما رأته وتلعثمت قائلة أااانتتت جيييت أمتتي
فايز لسه واصل حالا أنتي بتعملي ايه
ملك كنت بنضف الشقة وبرتبها وقولت اشوف كتاب من عندك أتسلي فيه .
فايز بأبتسامة ماكرة ملوكه حبيبتي أنا مش بحب الكدب أنتي كنتي عايزة تشوفي الكتب اللي عندي فيها ايه صح
نظرت ملك له في تردد وخوف وصمت …
فايز طيب بلاش تعملي كده تاني علشان الكتب دي أنتي مش هتفهمي فيها حاجة .
ملك كتب أيه دي يا فايز كلمني بصراحة .
فايز دي كتب روحانيات .
ملك قصدك كتب سحر !!
فايز بعصبية مفيش حاجة أسمها كده .
ملك لأ طبعا فيه السحر مذكور في القران يعني حاجة موجودة وكل الناس عارفين ان السحر موجود .
فايز أنتي فاهمة غلط ده علم مش كل العلوم مادية فيه علوم روحية اللي الكتب دي بتتكلم عنها .
ملك أنا أول مرة أسمع الكلام ده .
فايز علشان مش كل الناس تعرف العلوم دي دي علوم للنوابغ والعباقرة بس .
ملك أيه النبوغ أوالعبقرية أنك تكتب طلسم أو تقراه وتحضر جن أو عفريت
فايز عايزة تعرفي فين النبوغ و العبقرية
ملك ياريت يمكن أقدر افهم رغم أني فاهمة ومقتنعة باللي أنا فاهماه .
فايز أنتي بتقولي كده علشان متعرفيش أنما لو عرفتي وجهة نظرك و تفكيرك هيختلف نهائي .
ملك خليني معاك للأخر لكن أنا لو مش أقتنعت باللي هتقوله لازم تقتنع أنت بكلامي .
فايز أتمني دلوقتي أي حاجة .
ملك أي حاجة زي ايه
فايز أي حاجة تخطر في بالك .
ملك وبعد ما أتمني
فايز أتمني الأول وبعدين نتكلم .
ملك ماشي أتمنيت .
فايز قوليلي أتمنيتي أيه
ملك المفروض أنك تعرف لوحدك !!
فايز لأ أنتي أتمني أي حاجة تخطر في بالك وقوليلي عليها وانا هنفذهالك في الحال !!
ملك أي حاجة أي حاجة
فايز أيوه .
ملك نفسي أشوف بابا الله يرحمه .
فجأة يهتز زجاج النافذة پعنف وتسمع صوت عدة طرقات علي جدران الغرفة !!!
يتملكها أحساس الخۏف يقاطع فايز هذا الأحساس قائلا باباكي قاعد بره في الريسيبشن .
ملك أيه !!!!
فايز أخرجي شوفيه بنفسك .
تخرج ملك مترددة الي خارج الغرفة وتذهل حين تري والدها يجلس علي ألاريكة في الريسيبشن أمامها تماما !!!!
ملك بابااااا !!!
تجري عليه لتحتضنه ولكنه يختفي في الحال !!!
يأتي فايز من خلفها يقول شوفتي باباكي
ملك هوه راح فين أنا أول ما قربت منه أختفي !!!
فايز أنتي أتمنيتي و طلبتي تشوفيه وأنا
حققتلك طلبك وأمنيتك صدقتي كلامي بقي ولا لسه
ملك ده سحر يا فايز صح
فايز ضاحكا يا بنتي مفيش حاجة أسمها كده دي يا حبيبتي عبقرية .
ملك مش فاهمة !!
فايز الانسان مكون من أيه مش روح وجسم
ملك أيوه .
فايز لما باباكي ماټ جسمه أندفن وأتحلل أنما روحه لسه موجودة .
ملك أيوه .
فايز أنا بقي بعلمي وعبقريتي قدرت أحضر روحه هنا وأتمثلت في هيئته علشان تشوفيه بعينيكي .
ملك اللي أنت عملته أكد لي أن ده سحر .
فايز يووووه أفهمك ازاي أكتر من كده !!! أنتي غبية قوي .
ملك وفر مجهودك لأني فهمت كل حاجة .
فايز فهمتي أيه
ملك فهمت أنك بتعمل سحر .
فايز وأنتي عايزة أي دلوقتي
ملك عايزة فايز اللي أنا حبيته وأتمنيته وأتجوزته .
فايز أنا زي ما أنا مفيش فيا أي حاجة أتغيرت .
ملك أنت لازم تبعد عن الطريق ده يا فايز الطريق ده أخرته وحشة قوي في الدنيا وكمان في الأخرة .
فايز وفري نصيحتك لنفسك أنا عارف ومقتنع باللي بعمله ومش محتاج نصايح من حد .
ملك أنت ليه مصمم تكمل في الطريق ده
فايز لأني أقدر أعمل أي حاجة ممكن عقلك يتخليها أو حتي ميقدرش يتخيلها أنا كده قوي مفيش حد يقدر يقف قصادي مفيش حد يقدر يقولي لأ أي حاجة في نفسي بعملها أزاي عايزاني أسيب كل ده وأرجع أنسان ضعيف تاني مغلوب علي أمره
ملك تبقي كده عايز تنهي كل اللي بينا ونفترق وكل واحد فينا يروح لحاله .
يضحك فايز بصوت عالي جدا ضحكات مستمرة ومتتابعة !!
ملك أنت بتضحك علي أيه
فايز بضحك علي كلامك .
ملك كلامي فيه أيه يضحك
فايز علشان بتقولي نفترق وكل واحد يروح لحاله .
ملك فعلا هو ده اللي هيحصل لو أنت أستمريت في الطريق ده .
فايز مش بمزاجك يا حبيبتي .
ملك بتعجب تقصد أيه !
فايز يعني مش بمزاجك انتي ليا أنا بتاعتي مهما حصل سواء رضيتي أو لأ .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية زيتونة الملكة)
