رواية زيتونة الملكة الفصل الخامس 5 عادل عبد الله

رواية زيتونة الملكة الجزء الخامس

رواية زيتونة الملكة البارت الخامس

رواية زيتونة الملكة الحلقة الخامسة

ملك فعلا هو ده اللي هيحصل لو أنت أستمريت في الطريق ده .
فايز مش بمزاجك يا حبيبتي .
ملك بتعجب تقصد أيه !
ملك بقي كده يا فايز هو ده حبك لي
فايز أنتي اللي أضطرتيني أقولك كده وأنتي عارفة أنا بحبك أد ايه .
ملك أنا كمان بحبك ومش عايزة أبعد عنك علشان خاطري راجع نفسك يا فايز اللي أنت بتعمله ده حرام وأخرته جهنم
فايز ېصرخ قولتلك مش عايز أسمع الكلمة دي أبدا .
ملك أنت كمان مش عايزني أقولك الحلال و الحړام !
فايز لأخر مرة أقولك أوعي تقولي الكلمة دي تاني أنا مش صغير علشان حد يعرفني الكلام ده .
ملك يعني أنت عارف أنه حرام ورغم كده بتعمله !
فايز ېصرخ أيوه أرتحتي
ملك طيب أنا رايحة عند ماما وقدامك حل من أتنين أما أنك ترجع عن الطريق ده وتستغفر ربنا وتتوب ونرجع نكمل حياتنا مع بعض أو تبعتلي ورقة طلاقي .
فايز قولتلك أنتي بتاعتي ومش هتبعدي عني أبدا .
تنظر له ملك نظرة ڠضب وتدخل غرفة النوم تلملم بعض مقتنياتها ثم ترحل .
وصلت ملك منزل والدتها والتي فوجئت بها فسألتها في دهشة معقول ملك !!!
ملك أزيك يا ماما
الأم الحمد لله يا حبيبتي أومال فين عريسك
ملك أنا جاية لوحدي .
الأم ليه فيه أيه شكلك مش مطمني !!
ملك لا أبدا أنتي وحشتيني قولت أقعد معاكي يومين .
الأم يومين !!!! أزاي يا ملك ! ده أنتي لسه متجوزة من أسبوعين مينفعش تسيبي جوزك وتقعدي معايا ولا حتي يوم واحد !!
ملك تبتسم هو أنتي عايزاني أمشي ! ولا ما صدقتي خلصتي مني بقي يا ست الكل !
الأم بت يا ملك أنا فهماكي أكتر من نفسك أتكلمي علطول وقولي فيه أيه
ملك مفيش حاجة يا ماما .
الأم هتخبي علي أمك أتكلمي وقولي الصراحة زعلتي مع جوزك ليه
ملك مفيش يا ماما شوية زعل خفيف كده .
الأم يعني مصممة تخبي علي أمك
ملك سبيني براحتي يا ماما ولو حسيت أني عايزة أتكلم مش هتكلم الا معاكي أنتي .
الأم خلاص يا بنتي زي ما تحبي لكن لو جوزك زعلك في حاجة قوليلي وأنا هتصرف معاه وأقول لخالك سالم كمان يقرصه من ودانه .
ملك مفيش حاجة يا ماما .
الأم خلاص أدخلي غيري هدومك وتعالي نتغدا مع بعض .
وفي المساء وبعد المغرب بقليل شعرت ملك پألم حاد بالرأس فقالت لوالدتها أنا عندي صداع جامد قوي وهدخل أنام شوية .
الأم هتنامي من دلوقتي ده لسه الساعة ٨ !!!
ملك لأ هنام ساعة بس وأصحي تاني علشان الصداع يروح .
دخلت ملك غرفتها وألقت بجسدها المتعب علي
الفراش وما أن وضعت رأسها حتي نامت في لحظات قليلة .
وفجأة تفيق ملك فتجد فايز بجوارها !!
ملك فايززز !!! أنت جيت هنا أمتي وأزاي
فايز يضحك أنا مجتش يا حبيبتي أنتي اللي جيتي .
ملك يعني أيه مش فاهمة
فايز يعني أحنا في شقتنا وفي أوضة نومنا .
ملك تنتفض من مكانها وتعتدل فتجد نفسها في غرفة نوم شقة الزوجية !!!
ملك أيه ده !! أنا جيت هنا أزاي
فايز جيتي لوحدك يا حبيبتي .
ملك أزاي أنا كنت نايمة عند ماما !!!
فايز معرفش أزاي المهم أنك رجعتي بيتك ورجعتيلي يا روح قلبي .
ملك أنا هتجنن !! أنا مش عارفة جيت هنا ازاي !!! أنت عملت سحر علشان ترجعني هنا تاني يا فايز صح
فايز أنا أعمل المستحيل علشان تفضلي جنبي طول العمر .
ملك طيب أنا همشي تاني ومهما تعمل مش هرجعلك ولا أكون لك الا لما ترجع عن الطريق اللي أنت فيه .
فايز ما أنا قولتلك مش بمزاجك والمرة دي مش هتقدري تمشي أنا سيبتك تمشي المرة اللي فاتت علشان أرجعك تاني وأعرفك أني أقدر أعمل أي حاجة وأنك مستحيل تبعدي عني .
ملك يعني اي هتحبسني هنا معاك ڠصب عني
فايز أنا مش عايز يبقي ڠصب عنك عايزك تبقي جنبي بأرادتك .
ملك وده مش هيحصل الا لما توعدني أنك تتوب وترجع عن طريق السحر والشيا طين ده .
فايز أوعدك بس متجبيش سيرتهم .
ملك ليه هجيب سيرتهم كمان وكمان ده طريق شيا طين ملاعين .
فايز قولتلك بلااااش .
وفجأة تهتز جدران الغرفة بقوة وتنطفأ الأنوار وتسمع ملك أصوات رنين قوي ثم صرخات مدوووية من كل مكان !!!!
ملك أيه ده !!! فااايز !!! فيه أيه
فايز قولتلك بلاش تجيبي سيرتهم .
تتلو ملك بعض الأيات من القران الكريم فېصرخ فايز أسكتي هيأذوكي أسكتي خالص .
ثم يتمم فايز ببعض الكلمات الغير مفهومة وبعد قليل تسكت الصرخات ويهدأ الضجيج و تعود الأنوار فتقول ملك أيه ده يا فايز ايه اللي حصل ده
فايز كل ده بسبب كلامك يا ملك !! أنا حذرتك بلاش تستفزيهم .
ملك وأنا أيه اللي يغصبني علي العيشة دي !!! أنا مش هقعد هنا تاني .
فايز وتسبيني تسيبي فايز حبيبك !!!
ملك لأخر مرة هقولك لو مش هتبعد عن الطريق ده طلقني يا فايز
فايز خلاص يا قلب فايز أوعدك .
ملك بتتكلم جد
فايز أيوه يا قلبي .
ملك وهتبطل شرب وتصلي
فايز بالراحة عليا يا حبيبتي واحدة واحدة هعمل كل اللي يرضيكي .
ملك بجد يا فايز
فايز بجد يا قلب فايز أضحكي بقي .
في اليوم التالي ذهب فايز الي عمله وبعد حوالي ساعتين كانت ملك نائمة وسمعت صوت جرس الباب قامت
سريعا وفتحت الباب فاذا بها تجد أمرأة خمسينية تقف أمامها !!
ملك أيوه حضرتك مين
أنا ملك .
ملك ملك مين حضرتك
ضحكت المرأة وقالت أنا ملك عبد الودود الشندويلي .
ضحكت ملك بأستنكار ده اسمي أنا !! أنا ملك عبد الودود الشندويلي .
أيوه يا ملك ماهو أنا أنتي .
ملك بتعجب نعم !! أفندم !! بتقولي ايه !!
بقولك أنا أنتي يا ملك .
ملك مش فاهمة !!
أنا هفهمك كل حاجة ممكن ندخل نتكلم جوه
فتحت لها الباب وسمحت لها بالدخول بينما تتعقبها نظراتها في صمت .
تكاد تري ملامح وجهها فيها ولكنها هي أقرب في العمر من أمها ولكنها في ملامح الوجه وهيئة الجسد تبدو كأنها تطابقها تماما !!!
ملك ممكن تفهميني بقي حضرتك تبقي مين
تضحك المرأة وتقول قولتلك أنا ملك عبد الودود الشندويلي .
ملك لكن ده أسمي أنا !!
وأنا قولتلك بردو أن أنا أنتي .
ملك يعني ايه بقي الكلام ده يعني ايه أنا أنتي !!! مش فهماها الكلمة دي .
يعني بعد ٣٣ سنة هتبقي أنتي أنا اللي شايفاها قدامك دي .
ملك أنتي مچنونة يا ست أنتي !!
مش هزعل منك لأني مقدرة أنك مش فاهمة .
ملك ما أنا بقولك فهميني بتخرفي في الكلام ومش فاهمة منك حاجة !!
أنا مستقبلك يا ملك أنا جايالك من المستقبل .
ملك بردو مش فاهمة من كلامك حاجة !!
يعني الانسانة اللي اسمها ملك عبد الودود الشندويلي أنتي عايشاها في سنة 2024 وأنا عايشاها سنة 2057 .
ملك تقصدي أن أنا سنة 2057 هكون أنتي .
بالظبط كده أنتي فهمتي .
ملك تضحك أما أنك انسانة مچنونة ومش طبيعية أو أنك جاية قاصدة تجننيني .
وليه مش فكرتي أن حظك حلو أني أجيلك من المستقبل واقولك علي كل اللي نفسك تعرفيه عن حياتك الجاية .