رواية زيتونة الملكة الفصل الأول 1 بقلم عادل عبد الله
رواية زيتونة الملكة الجزء الأول
رواية زيتونة الملكة البارت الأول
رواية زيتونة الملكة الحلقة الأولى
” أنت أزاي قاعد بتشرب خمرة وقت صلاة الجمعة ؟؟؟ “”
الحلقة الأولي ( البداية )
أقترب فايز من عروسه وبدا في قمة الرومانسية قائلا لها ….
فايز : حبيبة قلبي نورتي حياتي ودنيتي كلها نورتي بيتك يا روح قلبي .
نظرت ملك في عينيه وردت عليه بخجل : بنورك انت يا حبيبي .
أبتسم فايز وأمسك يديها وقربها من وجهه وابتسم ثم قال لها : هنفضل واقفين علي الباب كده !! يلا ندخل نغير هدومنا .
ملك : أنا هدخل اغير الفستان الاول وبعدين ادخل انت غير بدلتك .
ضحك فايز ضحكة عالية : انتي مكسوفة مني ولا اي ؟
نظرت ملك الي الأرض مبتسمة ثم قالت : مش هتاخر عليك دقايق بس .
فايز : حاضر يا حبيبتي خدي راحتك .
دخلت ملك غرفة النوم وخلعت عنها فستان الزفاف وارتدت أجمل ملابس النوم وأكثرها أثارة وخرجت من غرفتها فلم تجده أمامها فنادت عليه : فايز ، فايز ، فيزو ، أنت روحت فين يا حبيبي ؟
سمعت صوته القادم من أحدي الغرف قائلا : أيوه يا روح قلبي أنا هنا .
ذهبت اليه فوجدته يجلس في غرفة المكتبة ويضع امامه زجاجة وكأس صغير يحتسي منه بعض الرشفات الصغيرة !!
بمجرد أن رأها ابتسم قائلا : أجمل عروسة في الدنيا قمر يا روح قلبي .
ملك : بتعمل ايه هنا يا حبيبي ؟
فايز : كنت قاعد مستنيكي تغيري الفستان .
ملك : ايه اللي بتشربه ده ؟؟
فايز : دول كاسين ويسكي .
ملك : أنت بتشرب ؟؟؟
فايز : اه عادي وفيها ايه ؟
ملك : أول مرة أعرف .
فايز : مش علطول بشرب ، أنا غالبا بشرب في المناسبات .
ملك : وليه يا حبيبي ؟ أنت مش عارف انه حرام ؟؟
فايز ” غاضبا ” : مبحبش اسمع الكلمة دي من فضلك .
ملك ” بتعجب ” : كلمة ايه ؟
فايز : كلمة حرام وحلال والكلام ده .
ملك : لكن فعلا حرام أنك ……
فايز : ملك !!! أرجوكي بلاش تكرري الكلمة دي ، مش عايزين نزعل مع بعض وأحنا لسه في أول ساعة في حياتنا .
ملك : طيب يا حبيبي أهدا بس مش عايزاك تنفعل كده .
ابتسم فايز وقال لها : طيب تعالي أشربي كاسين معايا .
ملك : أنا ؟؟
فايز : أيوه ، فيها أيه ؟
ملك : لاااا ده مستحيل .
فايز : ليه يا قلبي ، دي علشان تضيع الكسوف ونعيش حياتنا ونستمتع بيها .
ملك : لا يا حبيبي ، أنا مش بشرب الحاجات دي أبدا .
فايز : طيب كاس واحد علشان خاطري ؟
ملك : خاطرك غالي عندي يا حبيبي وأنا أسمع كلامك في اي حاجة الا دي .
فايز : طيب خلاص اللي يريحك بس ياريت تفضلي فاكرة كلمتك دي .
ملك : كلمة ايه ؟!
فايز : انك هتسمعي كلامي في أي حاجة الا دي .
ملك : أيوه يا حبيبي طبعا أنا أهم حاجة عندي سعادتك وتبقي راضي عني .
فايز : تعالي معايا بقي ندخل أوضتنا .
ملك : مش هتغير بدلتك وتاخد شاور ؟
فايز : لو أخدت شاور دلوقتي مفعول الكاسين اللي شربتهم هيروح ، تعالي معايا وأنا بغير هدومي .
ملك : بلاش تكسفني بقي ، روح أنت غير البدلة يا حبيبي وأنا هشرب عصير علي ما تخلص .
فايز : عصير ؟؟؟
ملك : أيوه ، اعملك معايا ؟
فايز : لا يا حبيبتي أنا هروح أغير هدومي علي ما تشربي العصير بتاعك .
أتجه فايز الي غرفة النوم ليبدل ملابسه بينما أتجهت ملك الي المطبخ وأعدت لنفسها كأسا من عصير الليمون المثلج لعله يهدأ من توترها وخجلها ولو قليلا .
خرجت ملك من المطبخ فوجدت عريسها فايز يخرج من غرفة النوم للتو ، جري اليها وحملها علي ذراعيه ودخلا غرفة نومهم !!
في اليوم التالي بعدما أستقبلا العروسين أهليهما وأنصرفوا جميعا وبقي العروسان .
دخل فايز مكتبته فسألته ملك : أنت هتعمل أيه يا حبيبي ؟؟
فايز : مفيش يا حبيبتي هقرا شوية وأجيلك .
ملك : تقرا !! أنت زهقت مني ولا ايه ؟؟
فايز : أزاي يا قلبي تقولي كده ؟! ده أنتي روحي ، فيه حد يزهق من روحه ؟
ملك : أومال هتسبني وتقعد لوحدك ليه ؟؟
فايز : ما أنتي عارفة أني بحب القراءة قوي .
ملك : بتحب القراءة أكتر مني ؟؟
فايز : لا طبعا .
ملك : ما أنت أهو هتسيبني لوحدي وهتقعد تقرأ .
فايز : نص ساعة بس يا قلبي مش أكتر .
ملك : أنا مش عارفة لزمتها أيه تعمل أوضة كاملة للمكتبة ؟!
فايز : ده لازم يا حبيبتي لأني بحب أختلي بنفسي ساعات هتلاقيني قفلت الباب عليا وقعدت اقرأ ، وقتها تسيبيني خالص لحد ما اخرج لوحدي .
ملك : ياااه !! للدرجادي بتحب القراءة ؟!!
فايز : أكتر مما تتخيلي .
ملك : طيب يا حبيبي أنا هروح الأوضة وأسيبك براحتك بس نص ساعة بس مش أكتر ؟؟ اوعي تتأخر !!
فايز ” يضحك ” : حاضر يا قلبي نص ساعة بس .
ظل فايز في مكتبته وقتا طويلا حتي شعرت ملك بالملل !!!
وبعد أكثر من ساعتين عاد اليها فايز وأعتذر لها عن تأخره عنها !!
مرت عدة أيام والعروسان يعيشان حياتهما بشكل طبيعي في سعادة حتي جاء يوم الجمعة التالي للزفاف وحدث ما لم تتوقعه ملك أبدا !!!
أستيقظت ملك الساعة التاسعة صباحا لتجد الفراش خالي تماما بجوارها !!
تعجبت ملك !! فخرجت من غرفة نومها لتجد فايز يجلس في مكتبته فسألته بتعجب : أنت صحيت بدري كده ليه ؟؟
فايز : قلقت من النوم ولقيت نفسي مش جايلي نوم قولت أقرأ شوية .
ملك ” تضحك ” : ده أنت مجنون قراءة بجد !!
فايز : أيوه يا حبيبتي ، انتي اول مرة تعرفي ولا ايه ؟!
ملك : اللي يشوفك يفكر أنك بتحضر ماجستير ولا دكتوراه !!!
فايز ” يضحك ” : ياريت ، أنا بحضر اللي أكبر من الماجستير والدكتوراه .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية زيتونة الملكة)
