رواية زوج مستعمل الفصل الخامس 5 بقلم فاطمة سمير رجب
رواية زوج مستعمل البارت الخامس
رواية زوج مستعمل الجزء الخامس
رواية زوج مستعمل الحلقة الخامسة
_أنا عارف إنك مصدومه بس لازم نتكلم دلوقتي، ممكن؟
هزيت رأسي بموافقة، مسك إيدي وقعدني على الكنبة وقعد جمبي وقال بشرود:
_ اتجوزت إسراء؛ لأن كُنت شايفها بنت مجتهدها في شغلها وشاطره فيه وكُنت مفكر أنها هتفهم دماغي زي ما بتفهم في الشغل وأنا ساعتها ماكنتش بأمان بالحب ولا الكلام ده، وكُنت بسافر كتير و بسيب إسراء هنا، ولاحظت بعد جوازنا أنها متغيرة بدأت ارقبها….
ضحك بسخرية:
_واكتشفت إنها من الأول متجوزاني؛ علشان توقعني هي وشادي عطا.
كمل وهو بيبصلي:
_وعرفت حاجات كمان عنها، تمسح وجودها من حياتي؛ فطلاقتها.
ابتسم وهو بيضم إيدي ليه:
_بعدها بخمس شهور رجعتي أنتِ من السفر، مش هقولك كُنت بحبك من زمان والكلام ده، بس لما ماما أقتراحت عليا اتجوزك لقيتني بوافق من غير تفكير، واتجوزنا ومن أول يوم لينا في بيتنا حبيت يكون ليكِ حياتك الخاصة لغايت ماتخدي عليا وتتقبلي وجودي في حياتك.
ضحك وهو بيزقني بِخفة في كتفي:
_بس الأستاذه فضلت سنة كاملة في حياتها الخاصة، وأنا واقع في حبها.
اتنهِدت بعصبية وقولت:
_والله وأنا هعرف منين أنك بتحبني، وأنت مش مبين؟
قال بتوتر وهو بيبصلي:
_ماكنتيش بتحسي من تصرفاتي؟
قولت بانفعال:
_أنا واحده بتشك في الكلام مبالك في التلميحات؟!
كملت بسخرية:
_أنا أتعودت إن لو الحاجة ماتقلتش بصراحة يبقا كأنها ماتقلتش.
قال بصدق وهو بيحاول يهديني:
_أنا ماكنش قصدي كده والله، كُنت عاوز اسيبلك مساحتك؛ علشان ماحسش إنك مجبوره عليا.
قولت بتسرع:
_طالما بتحس أوي كده ماحستش إني بحبك؟
قال بصدمة وهو بيبصلي:
_إيه؟
استوعبت اللي قولته جيت أجري، مسك إيدي وقال بحب:
_قوليها تاني…
زقيته بغضب وقولت:
_هي الشهادة بتاعتك مضروبة ولا إيه!، المفروض أنتِ اللي تقول الأول.
ضمني بحب واتنهِد وقال:
_بحبك.
بصتله بحب وقولت بأبتسامه:
_قريت قبل كده جملة وعجبتني أوي وقولت ساعتها لما اللوح يبوح أبقا اقولها ليه.
ضحك وقال:
_رومانسيتك هتمو.تني، اشجيني.
ضحكت بِخفة وقولت بغرام:
_”وجاء قلبي لك مهرولًا لتنتشله من هذا العالم”
تمت بحمد الله
لقراءة الرواية كاملة اضغط على : (رواية زوج مستعمل)
