رواية زوج للايجار الفصل الرابع عشر 14 بقلم أميرة محمد

رواية زوج للايجار الفصل الرابع عشر 14 بقلم أميرة محمد

رواية زوج للايجار البارت الرابع عشر

رواية زوج للايجار الجزء الرابع عشر

رواية زوج للايجار الحلقة الرابعة عشر

عاصم وهو يلقي ما بجانبه بعصبيه : يا حيوانه انا هعرفك ازاي تعملي كده فيا هنتقم منك يا نايا وحياه امي لعرفك اللعب علي اصوله

نرمين بفزع : في اي مالك الشركه كلها سمعت صوتك ليقول عاصم بعصبيه وهياج : مشوفتيش الاخبار اللي انتشرت فكل حته كله عرف ان الهانم اتجوزت كده كسرت شوكتي عارفه الخبر ده خسرني قد اي خسرني تلات تربع ثروتي

نرمين بصدمه واستغراب : وخبر زي ده يخسرك كل ده ليه ما تتجوز ولا تتنيل انت هامك اي

عاصم وهو يحرك يده بعصبيه : انتي واحده غبيه مش عارفه اللي حصل محسساني انك مكنتيش موجوده انتي عارفه ان جدي قبل ما يموت كتب في الوصيه ان لو اتجوزت نايا نص املاكه لينا وبكده كنت ضامن الشركه ليا والاملاك الباقيه بس لما فقدت الأمل من نايا نشرت اشاعه ان خطوبتنا تمت وفرحنا قريب وبكده دخلت صفقات كتير علي اسمها

نرمين وهي تبتلع ريقها بتوتر : وبعدين هنعمل اي طبعا كده كله عرف انها مش هتبقي مراتك صح

عاصم بعصبيه وهو يتحرك في كل مكان : ايوه ولغوا كل الصفقات اللي تمت علي سمعه ابو نايا يعني كده لا الشركه بقت فأيدي ولا الصفقات اللي كانت بأسمي كله ادمر بسبب الحيوانه

ليكمل وهو يبتلع ريقه بتوتر : ده غير الرهان اللي كان بيني وبينها قدامهم كلهم متاكد هتستغله فأقرب وقت ولو قالت ده قدام كله غير التريقه اللي هاخدها هيبقي في المبلغ اللي رميته بقلب جامد عشان متاكد مش هلاقي حد يحبها ويتجوزها في الوقت القصير ده

نرمين بعصبيه : انت واحد غبي ازاي مفكرتش فده قبل متزلها قدام كله وتتحداها تتجوز خلال شهر وقبل فرحنا وبكل قلب جامد قلت لو ده حصل هتديلها خمسه مليون اتفضل دلوقتي هتعمل اي بعد متجوزت

عاصم بتوتر : مش عارف مش عارف حاجه عقلي اتشل دلوقتي كل حاجه اتسحبت من ايدي وبابا لو رجع من بره وعرف باللي حصل هيسحب املاكه من تحت ايدي هو كمان

نرمين بضيق : طب وفرحنا هنعمل اي فيه احنا كنا متفقين نعمله فأكبر قاعه عشان نغيظ نايا

عاصم بعصبيه: هو ده وقت فرح وزفت الفرح ده لازم يتأجل مينفعش حد يعرف ان اتجوزنا دلوقتي خالص

نرمين بعصبيه : يعني اي الكلام ده انت تغلط وانا اتحمل تمن غبائك لا يا عاصم الفرح لازم يتم فوقته

عاصم بعصبيه: نرمين حلي عن دماغي لما اشوف المصيبه اللي نزلت علي دماغي انا كنت عارف انها ناويه علي حاجه بس متوقعتش تكون عرفت بكل الصفقات وتنشر الخبر عشان تلغيهم

نرمين بحقد : وكنت مستني من واحده زيها اي ده طبيعي وأقل حاجه عملتها بس ماشي اظن جه الوقت نشوف خطه بديله

_________________

منار بفرحه : يا الف نهار ابيض يا الف نهار مبروك اخيرا جيتكوا بيتكوا نورتوه

نايا بأبتسامه: تسلميلي يماما يعني كنا هنروح فين انتي عارفه بس ان قضينا اول يوم لوحدنا ومسيرنا نرجع ليكوا تاني

منار بأبتسامه: تنوروا يحبايبي شقتكوا جاهزه وانا ظبط كل حاجه علي متطلعوا ترتاحوا هكون جهزت الغدا

الياس : ملهوش داعي يماما تتعبي نفسك لتزم الاخري شفتيها بضيق وهي تقول : امال عايزني اخلي عروستك فليله صباحيتها تطبخ يلا ياض من هنا اطلعوا ارتاحوا وانا هخلي روجينا تطلعلكوا الاكل انتو لسه عرسان

لتحمر خدود نايا بشده حتي لو كان مجرد تمثيل تشعر وكأنه حقيقي لينظر لها الياس بأبتسامه وهو يمسك يدها ليصعدوا

نايا وهي تتأمل الشقه : جميله اوي بالرغم من انها صغيره بس دافيه اوي ليبتسم الياس وهو يومئ لها : فعلا انا حاولت تطلع دافيه اوي شكيت ان زوقي يعجبك بس الحمد لله

لتقول نايا بشرود: جميله اوي كل حاجه بتعملها بتعجبني ايا يكن لتشعر بما قالته لتقول بتوتر : قصدي ان زوقك حلو

الياس بتنهيد : هييح فعلا عايز اروح اطلع سماح وحشتني اوي لتنظر له نايا بأستغراب : محتاج سماح فأي منت عندك عربيه تانيه

الياس بسخريه : والله عايزه استخدم عربيه اخر موديل فحاره زي دي طب يوم فرحنا قلنا مأجرينها انما بعد كده هنتحجج بأي

لتومئ له نايا بأقتناع لتستمع له يقول بجديه : اظن منستيش اللي بدأناه قبل الفرح لازم نكمله

نايا بأستغراب: هو اي مش فاهمه ليقول الياس بضيق : الجيم ينايا اوعي تفكري اني معرفتش انك لخبطي فأكلك وشوكولاته وحجات الفتره اللي فاتت دلوقتي بقيتي قدام عيني وهراقب اكلك وتمارينك بنفسي

نايا بعصبيه وهي تحرك يديها : بس ده ظلم انا هفتانه مش شايف ازاي مكلتش حتي الفطار يظالم

الياس ببرود : انا قلت اي طالما وافقتي من الاول ملكيش حق تعترضي تاني

نايا ببكاء مصطنع : منك لله يا الياس يبن محمد ومنار اشوف فيك يوم ويوم اجازه اكون فاضيه اشمت فيك فيه

الياس بملل : انا قلت اي هنتغدي ونروح للتمارين تكوني ارتحتي شويه ليتركها وهو يدخل غرفه ما لتنظر له نايا بضيق وهي تقول : ماشي يا الياس اما نشوف

____________

شروق بحقد : يعني الهانم شرفت فوق اخيرا لتقول روجينا بملل : ايوه يا شروق بعدين انا فأي ولا اي بحكيلك علي اللي حصل تقوليلي جت

شروق بضيق : سمعاكي يا روجينا بس حاسه بنار فقلبي محروقه اوي انها فوق لوحدهم وانا مش قادره امنعه

روجينا بحزن وهي تحتضنها : حاسه بيكي ومين يحس بيكي قدي وانا فنفس مكانك بتقول شروق بضيق : طب قررتي اي انا اخر حاجه اتخيلها ان حسام يطلبك للجواز محدش كان حاسس ابدا

لتومئ روجينا بهدوء وهي تتنهد بقوه : فعلا قالي انه كان بيمنع نفسه عشان مكنتش حلاله المشكله اني مش حاسه تجاهه بأي حاجه بس انا هوافق عشان شادي

شروق بأستغراب : توافقي عشان شادي ازاي لا مؤاخذه لتقول روجينا بحقد : اخوكي جاي بكل هدوء يقولي بحب واحده تانيه وهتقدملها بس انتي ارفضي حسام عشان متدمريش علاقتنا ببعض بجح

شروق بصدمه : لو كنتي قلتي اخر جزء بس كنت قلت بيتحجج بس كده اتاكدنا انه بيحبها بجد لتومئ روجينا بحزن لتقول شروق بثبات: اتجوزي حسام يا روجينا

روجينا بصدمه : بتقولي اي يا شروق انا بهدده ولو حصل هتبقي خطوبه وافسخها عشان اغيظ شادي بس مستحيل اتجوزه

شروق بثبات : اتجوزيه يا روجينا حسام بيحبك اولا ثانيا متضيعيش حياتك علي شادي واحنا عارفين كل حاجه ثالثا يمكن لما يحس ان علاقتك بحسام حقيقيه يغير او يتحرك حتي

روجينا وهي تزفر بضيق : مظنش يحس هو بيحبها بجد بس انا هحاول عشان مكونش سبت حاجه للآخر هتخطب لحسام عشان اشوف رده فعل شادي مش اكتر

شروق : طب لقينا حل لدي اظن لازم نتفرغ لست نايا وتساعديني زي ما بساعدك

روجينا باستغراب : ناويه علي اي لتقول شروق بتفكير : استقبال بسيط لست نايا

_______________

مؤمن بصراخ: ياااا ليييل برده الجمال ليه اصوووول وهو جماله مش معقول والاااااه علي جماله في كده اااااه

حسام بعصبيه: مؤمن يا حيوان اخرس بقي صدعت اهلي بعدين تعالي هنا مالك بعد مكنت ضارب بوزك شبرين امبارح النهارده فشتك عايمه

مؤمن وهو يحرك يده بعلامه خمسه : الله اكبر خمسه وخميسه بعدين هتنق حتي علي ضحكتي صحيح بيحسدوني لما بضحك وبيقولولي اه يبختك

حسام بسخريه: اه فعلا يبختك ضحكه قرود بتتشعلق في الجبلايه تعالي هنا يلا تعااالي ليقترب مؤمن بخوف وهو يبتلع ريقه : اي يا حسام يا حبيبي خير

حسام بضيق : وهو اللي يشوفك يشوف فيك خير تعرف يا مؤمن لو مش صحاب من الطفوله كنت خلصت منك من بدري قصره امبارح ليه قلت لا ومش موافق لولا اني عارف انك بتحب تالي كنت شكيت فحاجه تانيه

مؤمن بتوتر : مين قالك بحب تالي لا طبعا مش بحبها انا اتجننت ليقلب حسام عينه بملل وهو يقول : مؤمن بطل تستفزني انت مفضوح اوي يعني سواء انت او هي

مؤمن بلهفه: بجد والله هي باين عليها انها بتحبني لينظر له حسام بخبث: لا واضح مش بتحبها خالص بعدين سيبك من دي دلوقتي رفضت ليه امبارح

مؤمن بتوتر وهو يبتعد عنه: يعني صدمتني لا قلتلي ولا لمحت وانت عارف لازم اعرف بكل صغيره وكبيره هنا ولا اي بعدين روجينا صغيره عنك اوي

حسام بسخريه : صغيره اي انا بيني وبينا ٧ سنين بس وخلاص كلها شهر وتدخل الجامعه يعني مسيرها هتتخطب اعترف يا مؤمن

مؤمن بتوتر : بجد هو كده اصلا انا معرفش حاجه بعدين وانت بكل هدوء رايح تقول اتجوزها فليله فرح اخوها اي اللي خلاك متصبرش

لينظر له حسام بشك وهو يقول : ماشي يا مؤمن اتهرب كويس بس مسيري اعرف انا همشي دلوقتي ونتكلم بعدين ليومئ مؤمن وهو يزفر براحه

______________

مريم بحزن : حاسه البيت فاضي عليا اوي من بعد نايا ليقول عدي بضيق : ليه واحنا والحيطه بقينا واحد بعدين نايا مين اللي البيت يفضي بعديها هي كانت بتقعد معاكي من أصله

ليكمل وهو يضع يديه علي راسه بتفكير : لا بس تصدقي برده فضي المساحه خفت من الاوزان دي بس متقلقيش تمارا قايمه بالواجب وزياده

ليشعر بالخف يلقي عليه لتقول تمارا بعصبيه : غور يلا من هنا جتك ستين نيله انت وعيلتك يا حيوان لا مؤاخذه يا طنط عيله وسخه

مريم وهي تحرك يديها بلا مبالاه : اذنك معاكي يا تمارا هو انا لو ربيت ابني كان اختارك اصلا معاكي حق والله

تمارا بضيق : وحياتك يا طنط ابنك هو اللي فسدني من يوم متجوزته نسيت انوثتي وبقيت شكل ابو سعيد بياع المخلل

عدي بسخريه : انوثتك اي يا ام انوثه ده انا قربت اتلخبط بينك وبين ابويا مفيش فرق غير الشنب والدقن اوعي تكوني مصدقه نفسك بس

تمارا بعصبيه : شايفه شايفه يطنط خلفه ابنك اللي معرفش يربي الله اعلم لما ده اخلاق الكبير امال اللي فبطني هيبقي اي

عدي بعصبيه : هيبقي نسخه من اخوه طبعا بعدين يشيخه الولا زهق ده انتي لو ماضيه عقد احتكار معاه مش هتعملي فيه كده انا شاكك انك دخلتي فشهرك العاشر هو انتي استحلتيها

تمارا بضيق : لسه هدخل التاسع واخرس بقي مفيش وراكوا غير وجع القلب جتكم نيله ابوكوا يرمي عليا وانا استحمل القرف

مريم بهدوء : معاكي حق يبنتي بتتعبي الصراحه عشان كده بفكر اشوف حد يساعدك لتقفز تمارا بفرحه وهي تقول : بجد يطنط هتجيبي مربيه تساعدني

مريم بأستغراب : مربيه اي يا حبيبتي لا طبعا واحنا بتوع الكلام ده انا هجيب زوجه لابني تساعده في تربيه عياله وتساعدك امال طالما مراته اللي نايمه ٢٤ ساعه مش مرتاحه وتعبت لازم يريحها الراحه الأبديه هو اختارك زوجه وانا اختار ام لاحفادي

عدي بفرحه وهو يصفق بشده : ايوه بقي يا مريوم يا جامد احياه عيالك حته فرنسي نحسن النسل بقي

لتنظر له تمارا بعصبيه وهي تقول : بقي كده يطنط عايزه تجوزي ابنك عليا مش كفايه مستحمله ابنه اللي زي فرقع لوز انا معرفش وهما بيولدوني شدوه من لسانه ولا اي

عدي وهو يصعد للاعلي: يلا يشيخه بلاش قرف انا عارف غيرانه مني عشان هتموتي وتكوني نصي وعلي راي اللي قال هيموتوا ويشفوني واقع دول غلابه ومساكين

لتنظر تمارا له بضيق وهي تشير لمريم كأنها تقول رايتي لتنظر مريم لاتجاه الاخر وهي تزفر بخيبه امل

________________

نايا بصراخ : لااااا جسمي معدتش قادره وبعدين اي ده اي ده اللي ماسكه فأيدك ليقول الياس بهدوء وهو ينظر لما يحمله في يده : ماله ده

نايا بعصبيه: شاورما يا الياس جايبلي شاورما حاططها قدامي كحافز انت اي يا اخي معندكش دم اني جايبه اخري مع تدريباتك العره

الياس بضيق : مش عاجبك الشاورما امال اجيبلك اي بعدين انا جبت اخري معاكي ومنك كل خمس دقايق عايزه استراحه اي في اي

نايا ببكاء مصطنع : انت مش حاسس بيا ليه الموضوع صعب تمارينك وخس اي اللي اكله يا الياس مفكرني قرده

الياس بأستغراب : وهو القرد بياكل خس اول مره اعرف لتحرك نايا يديها بلا مبالاه وهي تقول : وانا اعرف بقي انا كنت قرده قبل كده المهم هو المفروض افضل كده قد اي

الياس بتفكير : من تلات شهور لاربعه بالوضع اللي شايفه ده ست شهور

نايا بعصبيه : نعمممم سته اي يخويا ليه أن شاء الله ده انا لو قنبله كانت هتفرقع قبل كده ليقول الياس بضيق : نايا اخلصي مش عايزه اتغيري نفسك هتفضلي كده لغايه امتي معدومه الثقه فنفسك

نايا بضيق : عايزه يا الياس بس ده صعب مش بأيدي بجوع بسرعه وبتعب انا مش متعوده اعمل مجهود ليقول الياس بهدوء: خلاص يبقي اتراجعي عن كله وشوفي نظرات الناس ليكي واستحمليها عشان متتعبيش

نايا بعصبيه : لا يا الياس انا بعمل اللي فدماغي وهحقق دي كمان وانا وانت والزمن طويل ليستمع الياس لصوت هاتفه

الياس بضيق : الو يا ماما ، احنا في الجيم ، في اي اهدي حصل اي ، بتقولي اي ازاي يعني ، خلاص خلاص جاي حاليا خلاص يماما

نايا بقلق : في اي يا الياس مالك ليبتلع الاخر ريقه بتوتر وهو يقول: ده يا احلي استقبال ليكي يا نايا احيييه

يتبع…

لقراءة الفصل التالي : اضغط هن

لقراءة الرواية كاملة اضغط على : (رواية زوج للايجار)